เห่ขุทวาลู่ 30:1 - ลีเทส่อพ๊าอาเซ เร๊อ เห่ขุทวาลู๊

¹ เออโต๊โพะ เร๊อ เบ๊อะ โหมะ ราเชล ซิเง เกอเร๊อ เฮ๊อ อาเหน่ เน๊อ อา พู๊โอ่หนิ เป่เกอ เพยาโคบ เตเพร่ว โต่ เบ๊อะเนอ, อา ซิเคว๊ เกอเร๊อเกอ อาแหม่เพรเหมาะ. ฮู๊เนออาขว่าอาคยา, อา เฮ๊ เพยาโคบ เน๊อ, “นอ พู๊โอ่แล เกอมอ แว, เก่ หม่าโต่ หม่า แว เซอ แก๋ หม่า อาโมเล๊อเจ๊อ.”

เห่ขุทวาลู่ 30:1 ပူးပေါင်းရင်းမြစ်များ

เห่ขุทวาลู่ 29:31

เร๊อ เบ๊อะ จอแปแหร่ ตูจูเพร แม๊เถอะ เน๊อ คูยาโคบ โม เกอเร๊อเกอ เหมาะเลอาห์ โต่ เบ๊อะเนอ, อา นอพู๊โอ่ หนิ ลู, หม่าแน๊เรอ เหมาะราเชล เร๊อ อา โชพู๊.

เห่ขุทวาลู่ 37:11

ฮู๊เนอเร๊อ อาแหม่ เต๊เห่ ซิเคว๊ซิเถ่ ลอ แลแค ลู หม่าแน๊เรอ อาเพ โตหม่าเร๊อ เตหรี่เตแก เออ เด๊อ อาซิปล่อกู.

โครินธ์ เนอบ่า ต๊าบ่า 7:10

เมเตเฮ๊เรอ, เตซิเปลซิหย่อ เด๊อ จอแปแหร่ เด๊อะทวาแถ่ เออเนอหมา, อา นอ ถู่แหล่ เต๊เปล่แก เป ซิปล่อ เด๊อ เป เก่ พย๊าหนิ เมแลเปล๊กา อาเง แพ๊ อาขว่าอาคยา, เป โหล่ เตเนกู่ เปเน๊อ เตซิเปลซิหย่อ เด๊อ จอแปแหร่ เด๊อะทวาแถ่ เออเนอเต๊เห่ โต่. หม่าแน๊เรอ แกแย อาเหล่โกล ซิเปลซิหย่อ เต๊เห่เนอ, อา เด๊อะโอ่แถ่ แพ๊ เตเซอ แพ๊.

ꤡꤛꤢꤩ꤭ꤗꤢ꤬ꤎꤣ꤬ 4:5

จอแปแหร่ เฮ๊ เต เด๊อ ลีเทส่อพ๊ากู เต๊เห่เนอ, อาโหง่แลช๊า โอ่โต่ เบ่ เตเนหนิ ฮู๊เนอ เตเพร่ว โต่. ลีเทส่อพ๊ากู เฮ๊ เน๊อ, “จอแปแหร่ แด่โอ่ ซิปล่อเซอเพร เด๊อ เปกู เออเนอ, อา ซิหยื่อ นอทวา เน๊อ อาเต เร๊อ อา ซิเคว๊ เกอเร๊อ แหน่เจ๊อ.”

ꤡꤛꤢꤩ꤭ꤗꤢ꤬ꤎꤣ꤬ 3:14

หม่าแน๊เรอ เด๊อ ซี ซิปล่อกูเนอ, ซี เก่ ซิค๊าซิเถ่ แหน่เจ๊อ ลู, ซี โมแล เกอเร๊อ ซีเหน่ เร๊อ ซี แม๊ดุแล เกอเร๊อ ซีเหน่ เออเต๊เห่ เก่ โอ่ เฮ๊เนอ, เฮ๊เบ่ ถู่เซ๊ เกอเร๊อ แต่ ซีเหน่ เร๊อ ซี โอ่ เร๊อ เตเตเนแจ่ ฮู๊เนอ แต่เหม่. เร๊อ เมเต๊แก่ฉื่อ แต่ เตหมะเตจ๊อ เออเนอ แต่เหม่.

โครินธ์ อาเหร่อเล๊อ ต๊าบ่า 3:3

เมเตเฮ๊เรอ ซี โอ่เซอเพร แซ่ ปาแพ๊ เน๊อ แกแย เห่ขุพู๊ เด๊อ อา ครวาลือ เม ปาแพ๊ แลแค ฮู๊ อา เตซิหยื่อซิลอ โอ่ เนอเต๊เห่ แพ๊. ซี ซิเคว๊ เกอเร๊อ เกอลู เตเพร เร๊อ เตเพร, ซีกย๊าตางา เกอเร๊อ เกอลู เนอหม่า อา เด๊อะโลแถ่เฮ๊อ เร๊อ ซี แซ่ ปาแพ๊ เน๊อ แกแย เห่ขุพู๊ เนอเต๊เห่ แพ๊ แวเฮ๊โต่? ซี เมแซ่ ปาแพ๊ เน๊อ แกแย เด๊อ อา หยื่อเอ่ เกออู ครี๊ โต่ เนอเต๊เห่ แพ๊.

ꤒꤤꤒꤢꤨ 3:3

เมเตเฮ๊เรอ เด๊อ เหร่อเคเนอ เป เต๊เห่ หม่า แกแยบูบย่า แกแย จูเอ่ เกออู โหง่ โต่ เต๊เห่. เป หม่า แกแย เด๊อ อา ครวาซื๊อเกอ แกแย แลโฮ เต๊เห่ อาคยา. เป ทวา โทเฮ๊อ แกแย เด๊อ อา ซิหยื่อซิลอ เมโม เกอเร๊อ เหน่ เต๊เห่ อาหลู่เล๊ เฮ๊อ. เป โอ่เซอเพร เมลอแก อาม๊อเนอม๊อเซ เนอ เป เม เตมู๊แหม่รีแจ่ เนอ เตซิค๊าซิเถ่ อู เต๊เห่ เฮ๊อ. โท๊โต่ อู ซิเถ่ เป เร๊อ เป ซิเถ่ฉื่อ อู.

ꤊꤢ꤬ꤜꤢ꤬ꤒꤤ 5:21

แม๊ปูเมเอ่ อูขุ, เตเอ่มือโอแพร๊, เมป่วย เด๊อ อา แลคื๊อ แลลอ เร๊อ เตเม อาโร เด๊อ อาแซ่ เร๊อ เออเนอเต๊เห่. ฮู๊ แว เด๊อะรอ รอหนิ โทเฮ๊อ ซี เด๊อ อาเหร่อเค เนอ เฮ๊อ, แว เด๊อะรอ รอหนิ โป่คยาแซ๊ ซี กู๊แหน่เออ. แกแย เด๊อ อา โอ่เซอเพร ฮู๊เออ เต๊เห่เนอ, อา พย๊าหนิ เกออู จอแปแหร่ เทอ เลเก่กู อา เตเด๊อะบุ๊ยเด๊อะเตอเรอ โต่.

ꤛꤥ꤭ꤟꤢ꤬ 4:8

(เบ๊อะเนอเค หม่า อา โคเจ่ เถ่จว๊า พรีเอ่ เหล่เอ่ เด๊อวีกู.)

ꤛꤥ꤭ꤟꤢ꤬ 4:3

เบ๊อะเหย่ซู่ หนิโฮ อู แด๊ ลูแหย่โย ฮู๊เออ เนอ, อา เถ่จว๊าแก เด๊อ ยูดาห์เก่. โทเรอ อา กาคยา คยาแซ๊ เด๊อ กาลิลีเก่.