เห่ขุทวาลู่ 3:6 - ลีเทส่อพ๊าอาเซ เร๊อ เห่ขุทวาลู๊

⁶ เบ๊อะ เพรเหมาะ แม๊เถอะ ส่อเส่เออ เบ๊อะเนอ, อาตว่าอาแบ แหน่เจ๊อ เด๊อ ลูเง, อา โตเฮ๊อ ลูซิปล่อ เด๊อ อาซิหยื่อเอ่, เบ่เฮ๊อ ลูโส่เทอ เด๊อ เก่ เด๊อะ ลู เตลีแม เร๊อ อา ด่าแถ่ ส่อเส่เออ เร๊อ อา เอ่, โท๊โต่ อา เด๊อะเอ่ แฮเง เป่เกอ เน๊อ อาเว เด๊อ อา โอ่ เกอ เน๊อ ลูเออ เร๊อ อาเว เอ่ เกอ ส่อเส่เออ.

เห่ขุทวาลู่ 3:6 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:16

เมเตเฮ๊เรอ, ล๋อ เต เด๊อ อา จิจือ เร๊อ เห่ขุ เนอเต๊เห่ หม่า หม่าเฮ๊อ เปเหน่กล่อ อา เตซิหยื่อซิลอ เต เด๊อ อาแร๊โต่, เป เป๊เส่ปล่อ แม๊ตว่า เต เด๊อ อา มู๊แหม่รีแจ่ เต๊เห่, เตพย๊าแถ่ม๊อแถ่โผ่ เกอเร๊อเหน่ เร๊อ เตดุแหย่แถ่เซ เร๊อ เตปว๋า เต๊อเจ่อ เนอเต๊เห่ เฮ๊อ. ล๋อ เต เออเต๊เห่ เนอหม่า อา โอ่เด๊อ เพ จอแปแหร่ อา โอ่ แฮ หม่าโต่, อา โอ่ เด๊อ เห่ขุเออ เร๊อ อา แฮ แพ๊.

ทิโมธี อาเหร่อเล๊อ ต๊าบ่า 2:14

เร๊อ โลเน๊มู๊แหม่รีแจ่ กู่กล๊อ อี๊ลอแลโฮ เพอาดัม หม่าโต่. โลเน๊มู๊แหม่รีแจ่ กู่กล๊อ อี๊ลอแลโฮ อา เร๊อ อา เมเตซื๊อ เนอหม่า เพรเหมาะ แพ๊.

เห่ขุทวาลู่ 6:2

จอแปแหร่ดุ อาเตเน่วพู๊ ซีเต๊เห่ แม๊เถอะ แกแยเห่ขุพู๊ อาพู๊เหมาะ เต๊เห่ โหมะตว่าโหมะแซแร แหน่เจ๊อ เร๊อ อา นว๊าพย๊า แลแค เน๊อ อาเม.

มัทธิว 5:28

หม่าแน๊เรอ แว เฮ๊ ซี, แกแย เตเพรเพร เด๊อ อา แม๊ เพรเหมาะ เร๊อ อา เตเน ปาต๊าเนอ, อา จว๊าซื๊อเฮ๊อ เน๊อ เพรเหมาะ เนอเตเพร เด๊อ อา ซิปล่อกู เฮ๊อ.

เห่ขุทวาลู่ 39:7

เบ๊อะ อาโหน่เนอ อาแบ่เจ่ อาเม แม๊ ลู เร๊อ ซิหยื่อ ลู เร๊อ อา เฮ๊ ลู เน๊อ, “โนโอ่เมอ เต่อเกอ เน๊อ แว.”

เห่ขุทวาลู่ 3:17

เร๊อ อา เฮ๊ ติ คูอาดาม เน๊อ, “แว เฮ๊แกโหง่ เน๊อ เน เบ่ เอ่ หนิ ส่อ เนอต๊อส่อ อาเส่ โต่ แว เฮ๊แก เน ตื๊อดื่อเรอ เน หนิดา เนเมโหง่ เร๊อ เน จว๊าเอ่ อาขว่าอาคยา, เด๊อ เนขว่าเนคยา เร๊อ แว อิชอฮา แกเฮ๊อ เห่ขุเออ เฮ๊อ. เน เหล่เอ่เหล่โอ อาเง เน เบ่ แอ๊จื๊อเอ่ แอ๊จื๊อแร เต ตูจูเพร ปา.

เห่ขุทวาลู่ 3:12

เร๊อ เพรคู เฮ๊ฉื่อ ลู เน๊อ, “เพรเหมาะ เด๊อ แบ่เจ่ดุ เด๊อะ แว เนอเตเพร เด๊อะ แว ส่อ เนอต๊อส่อ อาเส่ เร๊อ แว เอ่ เน๋อ.”