เห่ขุทวาลู่ 3:15 - ลีเทส่อพ๊าอาเซ เร๊อ เห่ขุทวาลู๊

¹⁵ แว นอ ทวาแถ่ เนเออ เน๊อ เพรเหมาะ เออเตเพร เก่ ซิเถ่ซิฮา ลู ปา, เนกลุยเนลุ๊ย เน๊อ เพรเหมาะ อากลุยอาลุ๊ย เก่ ช๊า ลู ปา, เร๊อ เพรเหมาะ อากลุยอาลุ๊ย เก่ หยิหมื่อ เนกู่กล๊อ ปา, เร๊อ เน เก่ อ่าติ เพรเหมาะ อากลุยอาลุ๊ย เพรคู เนอเตเพร อากู๊โหน่แก ปา.”

เห่ขุทวาลู่ 3:15 ပူးပေါင်းရင်းမြစ်များ

ꤚꤥꤗꤢꤩ꤬ 16:20

งยาแต๋โต่ ปาหม่า เตเพรอาดือ อา จอแปแหร่ เออ เก่ นอหยี่ตาพรอ หมื่อแก โลเน๊มู๊แหม่รีแจ่ กู่กล๊อ เออโตโด เด๊อ ซี กู่ยาเล ปา. แบ่เจ่ เหย่ซู่ครี๊ อาบุ๊ยอาเตอเรอ เก่ โอ่เกอดื่อ เร๊อ เหย่ซี นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:8

แกแย เตเพรเพร เด๊อ อา เม แฮเง ตื๊อดื่อปา เตซื๊อเตปล๊า เฮ๊เนอหม่า, โลเน๊มู๊แหม่รีแจ่ กู่กล๊อ เป๊อ เกอเร๊อ ปาแพ๊ ลู, เมเตเฮ๊เรอ โลเน๊มู๊แหม่รีแจ่ กู่กล๊อ เออเนอ, อา เมเจ๊อแหน่ เตซื๊อเตปล๊า เด๊อ อาแก่ช๊าเค ปา เจ๊อ, เร๊อ อา เม แฮเง ตื๊อดื่อ โต่ปา เจ๊อ กู๊แหน่ เจ๊อ. แซ่ฮู๊ จอแปแหร่ อาพู๊คูเออ เก่ เมปย๊าแก เต เด๊อ โลเน๊มู๊แหม่รีแจ่ กู่กล๊อ เมโทเฮ๊อ เนอเต๊เห่ อาเงเนอเรอ, อา แฮแล เด๊อ เห่ขุเออ เฮ๊อ.

เตเด๊อะโลแถ่ 12:17

แปล เออโตโบ ซิปล่อดุ เพรเหมาะ เนอเตเพร อาขว่าอาคยา, อา เถ่จว๊า ตาพาแก เร๊อ อา เก่ จว๊าช๊า เกอลาติ เร๊อ เพรเหมาะ อาพู๊อาเลอ เด๊อ อา โอ่แก เนอเต๊เห่ อา โอ่แก เออเต๊เห่ เนอหม่า แกแย เด๊อ อา หนิดา จอแปแหร่ โหง่เฮ๊แก เนอเต๊เห่. เน๊อ แกแย เด๊อ อาจ๊อ เร๊อ อา เตข่าเฮ๊โล เด๊อ เหย่ซู่ เด๊อะโลซิเงแก ลู เนอเต๊เห่ เฮ๊อ.

ꤊꤢ꤬ꤜꤢ꤬ꤒꤤ 4:4

หม่าแน๊เรอ เบ๊อะม๊อเนอโต ม๊อเนอเบ่ แฮโต่เฮ๊อ เบ๊อะเนอ, จอแปแหร่ นอแฮแล อาพู๊คู เร๊อ อา แฮ โอ่เป๊เจ่แล เด๊อ เพรเหมาะ เตเพร อา โอ่, เร๊อ อา แฮ โอ่ เป๊เจ่แล เด๊อ แกแยยิวพู๊ อา เตซว๊าเตแส่ อาเล.

ꤛꤥ꤭ꤟꤢ꤬ 8:44

ซีเพ หม่า โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ โลเน๊ เนอโตโด เฮ๊อ. ซี ซิหยื่อ ครวาเมเกอ ฮู๊ ซีเพ อา เตซิหยื่อ เนอแพ๊. ซีเพ หม่า อา ทวา เพรเมเซอ แกแย เด๊อ กูลู่เค ปา เจ๊อ. เตหม่า เตจ๊อ โอ่ เด๊อ ลูกู โต่ อาขว่าอาคยา, อา หนิดา ครวาเม เกออู เตหม่า เตจ๊อ โต่. เบ๊อะอา เฮ๊เบ่ เบ๊อะเนอ, อา เตแลโฮแลแห่ เต๊เห่ เนอหม่า อา ทวา เฮ๊อ ลู เหล่โกล เฮ๊อ. อา หม่า แกแย แลโฮแลแห่ เตเพร เร๊อ อา ทวา เฮ๊อ ล๋อ เตแลโฮแลแห่ เต๊เห่ อาเพ เฮ๊อ.

มัทธิว 1:23

“เพรเหมาะพู๊เส่ เตเพร เก่ โหมะดอแถ่ เร๊อ อา เก่ พู๊โอ่หนิ อา พู๊เพรคู ปา, เร๊อ อู เก่ เอ๊ อามุย เน๊อ อิมมานูเอล ปา,” อิมมานูเอล อาโหง่แลช๊า หม่า, “จอแปแหร่ โอ่เกอ เร๊อ เป.”

มัทธิว 13:38

เพร๊ อาโหง่แลช๊า หม่า เห่ขุ เออต๊าบ่า เฮ๊อ, โบ๊กู่ลากลุย เด๊อ อาโช เต๊เห่ อาโหง่แลช๊า หม่า ม๊อขุ เทอเลเก่กูพู๊ เต๊เห่เฮ๊อ, โร๊ยเหมาะ เต๊เห่ อาโหง่แลช๊า หม่า แกแย โลเน๊มู๊แหม่รีแจ่ อาพู๊ เต๊เห่เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10

จอแปแหร่ อาพู๊อาเลอ เต๊เห่ เร๊อ โลเน๊มู๊แหม่รีแจ่ กู่กล๊อ อาพู๊อาเลอ เต๊เห่เนอ, เป ซิเง ตาเต แจ่ อา ฮู๊เออ เฮ๊เรอ, อูเปเป๋ เบ่เบ่ อา เก่ เม แฮเง ตื๊อดื่อปา เต เด๊อ อา โตโต่ เต๊เห่, โต่หม่าแน๊ อา โม เกอเร๊อ เกอ อาโป่อาแหม่ ครี๊พู๊ เต๊เห่ โต่ เฮ๊เนอหม่า จอแปแหร่ อาพู๊อาเลอ หม่าโต่.

ꤜꤢꤨꤊꤢ꤬ 10:19

หนิดา แลแค! แซ่ฮู๊ ซี เก่ เคหยิจว๊า เด๊อ หรู่เต๊เห่ เร๊อ แดเมเต๊เห่ อาขุ ปา, เร๊อ ซี เก่ เมเป่แก โลเน๊ กู่กล๊อ เด๊อ อา ซิเถ่ ซี เออโตโด อา เตโพรเตเตอ เรอ เต๊เห่ ล๋อ ปลี อาเง ปาเนอ เนอ, แว เด๊อะเฮ๊อ ซี เตโพรเตเตอ เร๊อ เฮ๊อ. เร๊อ เต เด๊อ อา เก่ เมเบ่เมเช ซี เนอ อา โอ่ปา เตอเจ๋อ โต่.

เตเด๊อะโลแถ่ 20:10

โลเน๊มู๊แหม่รีแจ่ กู่กล๊อ เด๊อ อา อิลออี๊โหล่ แลโฮ เหย่ซี เออโตโดเนอ, อู วีตาแก ลู เด๊อ หมิเผ่ เด๊อ อู ชื๊ออือ เร๊อ หย่าซู๊แบ เออเนอ เต๊เผ่อากู. หมิเออ เต๊เผ่ เนอหม่า หม่าเฮ๊อ อู เหล่วีตา เตมีเตแหม่ เนอโตโด เร๊อ เพรโพร แลโฮ เนอเต๊เห่ อาเหล่โอ่ เนอ เฮ๊อ. เร๊อ เหย่ซี เก่ ข่าเบ่ เตจาเตจือ เหมาะคี๊คี๊ เหมาะเชเกลเกล ตูจูเพร แตแลเคร๊ เจ๊อ ปา.

โคโลสี 2:15

เบ๊อะเหย่ซู่ อาเซอ เด๊อ อี๊ถื่อดีเต่ลู เบ๊อะเนอ, ล๋อ โลเน๊โลหน่า เด๊อ อา โอ่ เน๊อ อา เตอเรอฉว่าชอ เต๊เห่เนอ, จอแปแหร่ ปื่อเผ่แก ลอปลี เฮ๊อ เหย่ซี อาเตเตอเรอฉว่าชอ เนอเต๊เห่ เร๊อ อา เด๊อะโล โล๊ลี เป่ เฮ๊อ แกแย ปว๋า เตเพร เน๊อ อา เมเป่แก เฮ๊อ เหย่ซี เฮ๊อ.

เพรโด่แนพู๊ เต๊เห่ 13:10

เร๊อ อา เฮ๊ ลู เน๊อ, “เน หม่า เพร เด๊อ อา เม โลเน๊โลหน่า กู่กล๊อ อาเตเม เตเพร. เน หม่า แกแย เด๊อ อา ซิเถ่ ล๋อ เต เด๊อ อาจ๊ออาเต เนอเต๊เห่. เน เล๊อบา เจ๊อ เร๊อ เตแลโฮแลแห่ เร๊อ เตมู๊แหม่รีแจ่ ปว๊าเต๊อเจอะ. เน เมตาปลอตาเปล่ แลโฮ ลอ แบ่เจ่ อา เตหมะเตจ๊อ เออเนอ ปว๋า โตโพ๊ เจ๊อ.

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:5

อูเป เตเพร เก่ เมเป่เบ๊ เห่ขุ อาเหล่โกล มู๊แหม่ เออเต๊เห่ เป? ตื๊อแพ๊ แกแย เด๊อ อา หยื่อเอ่ เร๊อ เหย่ซู่ เนอหม่า จอแปแหร่ อาพู๊คู เตเพร เนอเต๊เห่ เก่ เมเป่ ปา.

ꤟꤤꤙꤚꤢꤨ 2:18

เร๊อ กู๊แหน่เออ, อาเหน่ แบ่เจ่ เร๊อดื่อ ย๋อ แม๊เถอะป่อเต่อ แฮ เบ่น๊อ โทเฮ๊อ เตข่าจาข่าจือ เต๊เห่, เตอิลออี๊โหล่ เต๊เห่ อาขว่าอาคยา แกแย เด๊อ อา แม๊เถอะ ป่อชิเต่อเบ่ เน๊อ เตอิลออี๊โหล่ เต๊เห่เนอ อา เมจว่าเบ๊ อู แพ๊.

เอเฟซัส 4:8

ลีเทส่อพ๊า ราหนื่ออื่อ เนอหม่า อา เฮ๊ ฮู๊เออ เฮ๊อ. เร๊อ อา เฮ๊ เนอ, “เบ๊อะอา กา กี๊แถ่เฮ๊อ เด๊อ เหล่โอ่แถ่โล เบ๊อะเนอ, อา ปื่อจว๊าหนิ เพรซิเถ่ อา เด๊อ อา แลจู่แก ลูเหล่ เนอเต๊เห่. เร๊อ อา เด๊อะเฮ๊อ อาแกแย เต๊เห่ เชหยู่ เฮ๊อ.”

เตเด๊อะโลแถ่ 13:7

อา พย๊าหนิ เต แร๊ เด๊อ อา เก่ ช๊า จอแปแหร่ อา แกแย เบ๊หมู่ เร๊อ อา เก่ เมเป่แก เหย่ซี ปา, เร๊อ อู เก่ เด๊อะ อา เตอเรอฉว่าชอ เด๊อ อา เก่ เป๊อหนิ ลออู ปวาโต๊โหมะ, แกแย ปวาตู๊หมู่, เร๊อ ล๋อ แกแย เด๊อ อา เฮ๊เบ่ โหง่ อิเตเต๊ เบ่เบ่ เร๊อ เมวเจอะ อิเตเต๊ เบ่เบ่ เนอเต๊เห่ ปา.

ꤟꤤꤙꤚꤢꤨ 5:7

เบ๊อะเหย่ซู่ โอ่เซอเพร เบ๊อะเห่ขุเออ เบ๊อะเนอ, อา กุยจ๊อเบ แถ่ ซิปล่อชีเมลอ จอแปแหร่ เด๊อ อา เมแลเปล๊แจ่ ลู เด๊อ เตเซอเออ เตเพร, เร๊อ อา เอ๊โทแถ่ เป๊เส่เทอ ตา เจ๊อ. อา แด่หยว่า อาซิปล่อ เร๊อ อา ซิปล่อฉว่า หนิดา จอแปแหร่ โหง่ อาขว่าอาคยา, จอแปแหร่ หนิดา ลู เตกุยจ๊อเบ.

ꤜꤢꤨꤊꤢ꤬ 22:53

แว โอ่เกอ เร๊อ ซี เด๊อเตหลู่แตโฮกู เนอ ปว๊า เตอเนอ เจ๊อ เร๊อ ซี ปื่อ แว โต่โต่, หม่าแน๊เรอ เบ๊อะโลเน๊ กู่กล๊อ อา เตอเรอฉว่าชอ เป๊อเต อาเคเออ, เบ๊อะเบ่เฮ๊อ เด๊อ ซี เบ่ เมแหน่ เฮ๊อ ฮู๊เออ เฮ๊อ.”

มัทธิว 23:33

“หรู่มู๊แหม่ซี๋, หรู่ซิ อาพู๊อาเลอ ซี๋, จอแปแหร่ เตเรเมจากาคยา ซี เด๊อ หง่าหร่าปอรากยากู ปาเนอ ซีจว๊า แลเปล๊ เบ๊ แจ่ ฮู๊ เต?

มัทธิว 12:34

หรู่ซิ อากลุยอาแล ซี๋, ซี หม่า แกแย มู๊แหม่รีแจ่ เร๊อ ซี จว๊า เฮ๊เบ่ แร๊ เบ่หนิ แจ่ เกอ ฮู๊เต? เต ล๋อปลี เด๊อ เน เฮ๊เบ่ เนอ เต๊เห่ เนอ อาโอ่ เด๊อ เน ซิปล่อกูเถ่แพ๊.

มัทธิว 3:7

หม่าแน๊เรอ เบ๊อะคูยอห์น แม๊เถอะ ฟาริสี เร๊อ สะดูสี เต๊เห่ แฮปลูแฮเผ่ เด๊อ อา เก่ แฮเจ เกอ อาเหน่ เร๊อ เทอ เบ๊อะเนอ, อา เฮ๊ เหย่ซี เน๊อ, “หรู่ซิ ซี๋! หม่าอูเป เตเพร เด๊อะรอเด๊อะเร ซี เนอ ซี อา เหล่แลเปล๊ เร๊อ จอแปแหร่ อา เตเมจากาคยา เด๊อ อา เก่ แฮปา เออเนอ เป?

ꤚꤥꤗꤢꤩ꤬ 3:13

เหย่ซี เตเฮ๊เบ่ เต๊เห่เนอ, เหล่ซิยอซิเร แซ่เจ๊อเร๊อ เน เมโม โลกู เร๊อ อา โนซอ เถ่โล เนอ เจ๊อ. เหย่ซี อิลอแหล่โฮ อู เร๊อ อา เตเฮ๊เบ่เฮ๊โช เต๊เห่. อาแซ่เน๊อ หรู่ซิ อิโพ อู เร๊อ อาแร เนอ, เหย่ซี เมปย๊าเมหลู่ ลอ อู เร๊อ อา เตเฮ๊เบ่ เต๊เห่.

ꤜꤢꤨꤊꤢ꤬ 1:76

เพเศคาริยาห์ เฮ๊ อาพู๊ เน๊อ, “แวพู๊คู, อู เก่ เอ๊ เน เร๊อ เตดุเตทู ตื๊อดื่อ จอแปแหร่ อาเพรโพร เตเพรปา, เมเตเฮ๊เรอ เน เก่ แฮ ตี๊หรี่แตเเร หนื่ออื่อ เหร่อ เป่ แบ่เจ่ แกล๊เหล่จว๊า อาเง ปา.

ꤗꤢ꤬ꤊꤢꤨ 16:18

เหย่ซี เก่ ปื่อ เจ๊อ หรู่อาแร เต๊เห่ เบ่เบ่, อา เก่ จว๊าเอ่เบ่โอเบ่ เจ๊อ เตขุมือ เต๊เห่ เบ่เบ่, อา เมแป่เมเช เร๊อ เหย่ซี เตอเจ๋อ โต่. เหย่ซี เก่ แด่แถ่ อากู๊ขุ เด๊อ แกแยชุ๊ยแกแยเช เต๊เห่ อาเหน่ลู เฮ๊เนอ, เหย่ซี เตชุ๊ยเตเช เก่ อาโอ่เหม่แก ลอ ปา.”

มัทธิว 1:25

หม่าแน๊เรอ เบ๊อะเหมาะมารีย์ พู๊โอ่หนิ แต่ล๋าย อาพู๊เพรคู เออเตเพร ล๋ายโต่เนอ, อา โอ่เมอ เต่อแต่ล๋าย ลู โต่. คูโยเซฟ เอ๊ ลูมูย เร๊อ เหย่ซู่.

เห่ขุทวาลู่ 49:17

เน แซ่เน๊อ หรู่ เด๊อ อาแร โอ่ เร๊อ อา โอ่ เด๊อ แกล๊ทือ. เน แซ่เน๊อ หรู่ซิ โอ่ เด๊อ แกล๊ด๊อ. เน อิโพ ตีซิ แก๊โหน่แก เร๊อ เพรซิเถ่ เน หม่า เฮ๊อ เพรแด๊ ตีซิ เนอเตเพร ตาแถ่เอ กาคยา ปา.”

ꤜꤢꤨꤊꤢ꤬ 24:27

โทเรอ เหย่ซู่ เฮ๊โฉ่โด่แนโปล เป่ เหย่ซี เร๊อ ลีเทส่อพ๊า เฮ๊หนื่ออื่อ โทเฮ๊อ อา อาหรี่อาแก, เป๊อแถ่ เด๊อ คูโมเสส ราแก ลี เนอเต๊เห่ เร๊อ ล๋อ เพรโพร ราแกหนื่ออื่อ เนอเต๊เห่.