เห่ขุทวาลู่ 28:6 - ลีเทส่อพ๊าอาเซ เร๊อ เห่ขุทวาลู๊

⁶ กู๊แหน่ คูเอซาว ซิเง เฮ๊อ เน๊อ อาเพ เพอิสอัค เด๊อะบุ๊ยเด๊อะเตอเรอ อาโป่ คูยาโคบ เร๊อ อา ซูจว๊า ลู เด๊อ ปัดดานอารัมเก่ เร๊อ อา นอ จว๊าพย๊า ลูเม เบ๊อะเนอ เฮ๊อ. เร๊อ คูเอซาว ซิเงโป่ เน๊อ เบ๊อะ อาเพ เด๊อะบุ๊ยเด๊อะเตอเรอ คูยาโคบ เบ๊อะเนอ, อา เฮ๊ ลู เน๊อ, “เน เบ่ พย๊าหนิ เน๊อ คานาอันเก่โหมะ โต่.”

เห่ขุทวาลู่ 28:6 ပူးပေါင်းရင်းမြစ်များ

เห่ขุทวาลู่ 28:1

ฮู๊เนอเร๊อ เพอิสอัค เอ๊แฮ คูยาโคบ เร๊อ อา เฮ๊โมเฮ๊แร๊ แก ลู โทโต่ อา เฮ๊แก ลู โหง่ เน๊อ, “เน เบ่ พย๊าหนิ เน๊อ เพรเหมาะ เบ๊อะ คานาอันเก่กู เออเนอ เตเพร่ว โต่.

เห่ขุทวาลู่ 27:33

เร๊อ เพอิสอัค คย๊า แตแนตากยา ซิเซอซิโอ่เจ๊อ เร๊อ อา เฮ๊ เน๊อ, “อา พย๊าแฮ โทเฮ๊อ เตมีหย่า เด๊อ แวโอ่ เออเตเพร หม่า อูเป? เน พย๊าแฮ แต่ล๋าย เนเต โต่เนอ, แว เอ่ โทเฮ๊อ ลูเต เร๊อ แว เด๊อะบุ๊ยเด๊อะเตอเรอแก โทลอ เฮ๊อ ลู เฮ๊อ, เร๊อ อา เก่ พย๊าหนิ หม่าแหน่ เจ๊อ เฮ๊อ เตบุ๊ยเตเตอเรอ ตูจูเพร เฮ๊อ.”

เห่ขุทวาลู่ 25:20

เบ๊อะ คูอิสอัค พย๊า เหมาะเรเบคาห์ เบ๊อะเนอ, อาหน่า โอ่เฮ๊อ ลุยเชอ เฮ๊อ. เร๊อ เหมาะเรเบคาห์ หม่า อารัมมีเมวเจ่อพู๊, เพเบธูเอล อาพู๊เพรเหมาะ, เร๊อ เหย่ซี โอ่ แลแค เด๊อ ปัดดานอารัมเก่, เร๊อ อาหม่า อารัมมีเมวเจ่อพู๊ คูลาบัน อาโป่เพรเหมาะ.

เห่ขุทวาลู่ 28:7

คูยาโคบ หนิดา อาโหมะอาเพโหง่ เร๊อ อา เถ่จว๊า แก เด๊อ ปัดดานอารัมเก่เนอ, คูเอซาว ซิเง ตาเตแกเฮ๊อ.