เห่ขุทวาลู่ 28:3 - ลีเทส่อพ๊าอาเซ เร๊อ เห่ขุทวาลู๊

³ จอแปแหร่ เด๊อ อาโพรเตอเรอฉว่าชอ เออเตเพร เก่ เด๊อะบุ๊ยเด๊อะเตอเรอดื่อ เน ปา นี๋, เร๊อ เน เก่ พู๊โอ่โหร่เลอโอ่เอ๊ดื่อ เร๊อ โอ่โหร่โอ่เอ๊แถ่ เกอ แลแค นี๋. เร๊อ เน เก่ ทวาแถ่ เกอดื่อ เมวเจ่อดู๋ เต๊อเจ่อ เน๊อ เมวเจ่อ เอ๊เต๊เห่ อาเมวเจ่อ ปา.

เห่ขุทวาลู่ 28:3 ပူးပေါင်းရင်းမြစ်များ

เห่ขุทวาลู่ 48:3

โทเร๊อ เพยาโคบ เฮ๊ เพโยเซฟ เน๊อ, “จอแปแหร่ เด๊อ อาโพรเตอเรอฉว่าชอ เนอเตเพร โอ่โลแถ่ เป่ แว เด๊อ คานาอันเก่ วีลูส เนอโต๊โผะ เร๊อ อา เด๊อะบุ๊ยเด๊อะเตอเรอแว.

เห่ขุทวาลู่ 35:11

เร๊อ จอแปแหร่ดุ เฮ๊ โป่ ลู เน๊อ, “แว หม่า จอแปแหร่ เด๊อ อาโพรเตอเรอฉว่าชอ เตเพร, พู๊โอ่โหร่เลอโอ่เอ๊ แลแค เร๊อ โอ่โหร่โอ่เอ๊แถ่ เกอ แลแค นี๊. แว เก่ นอทวาแถ่ เนกลุยเนแล เต๊เห่ เน๊อ เมวเจ่อดุ เต๊อเจ่อ เน๊อ เมวเจ่อ เอ๊ อาเมวเจ่อ เต๊เห่ ปา. เด๊อ เนกลุยเนแล อาเกล เต๊เห่ เนอ, อา เก่ ทวาแถ่ หนิดื่อ คุ๊ยจ๊อแผ่ เต๊เห่ ปา.

เห่ขุทวาลู่ 13:16

แว เก่ นอ โอ่เอ๊แถ่ เนพู๊เนเลอ เต๊เห่ แซ่เจ๊อเน๊อ เห่หมื่อ เนอ เจ๊อ ปา. แกแย เตเพรเพร เด๊อ อา แด๊ ลอเป่เบ๊ เห่หมื่อ เนอ, อา เก่ แด๊ ลอเป่เบ๊ เนพู๊เนเลอ เต๊เห่ ปา.

เห่ขุทวาลู่ 9:1

โทเร๊อ จอแปแหร่ดุ เด๊อะบุ๊ยเด๊อะเตอเรอ เพโนอาห์ เน๊อ อาพู๊เพรคู เต๊เห่ เร๊อ อา เฮ๊ เหย่ซี เน๊อ, “พู๊โอ่โหร่เลอโอ่เอ๊ แลแค เร๊อ โอ่บา ลอ แลแค เด๊อ เห่ขุเออ นี๋.

เห่ขุทวาลู่ 1:28

โทเร๊อ จอแปแหร่ดุ เด๊อะบุ๊ยเด๊อะเตอเรอ เหย่ซี เร๊อ อา เฮ๊ เน๊อ, “พู๊โอ่โหร่เหลอโอ่เอ๊ แลแค เร๊อ โอ่บา ลอเจ๊อ เห่ขุ เออต๊าบ่า เร๊อ เป๊อตี๊หรี่ เร๊อดื่อ นี๋. เร๊อ เตมีเตดอ โอ่ เด๊อ เทอดุซาวากู เนอเต๊เห่ เบ่เบ่, ถู่พู๊โหย่พู๊ เด๊อ อา โย เด๊อ ม๊อเล เนอเต๊เห่ เบ่เบ่, เตมีเตดอ, เตมีเตแหม่ เด๊อ อา จว๊า เด๊อ เห่ขุ เนอเต๊เห่ ปว๊า เต๊อเจ่อ เบ่เบ่ เป๊อตี๊หรี่ เร๊อ ลอดื่อ เหย่ซี นี๋.”

เห่ขุทวาลู่ 43:14

แซ่ฮู๊ เพรเป๊อเทอเป๊อเก่ เนอเตเพร เก่ ปลวากาเต่อ เกอดื่อ ซีโป่แหม่ คูสิเมโอน เน๊อ คูเบนยามิน เน๊อ ซี อาเงเนอ, แว กุยจ๊อเบ เน๊อ จอแปแหร่ เด๊อ อาโพรเตอเรอ เออเตเพร เก่ นอ ซิยอ เร๊อดื่อ เพร เป๊อเทอเป๊อเก่ เนอเตเพร เน๊อ ซี ปา นี๋. เด๊อ แว เร๊อ, แว เก่ โตเบ่ แลจู่ แก แหน่เฮ๊อ แวพู๊ เต๊เห่ เก่ เฮ๊หม่า, แว เบ๋ แลจู่แก แหน่ ปา เฮ๊อ.”

เห่ขุทวาลู่ 41:52

เร๊อ อา เอ๊ เกอเร๊อ อาพู๊เพรคู เด๊อ อาโหน่ เออเตเพร อามุย เน๊อ คูเอฟราอิม, เร๊อ อา เฮ๊โป่ เน๊อ, “จอแปแหร่ดุ เด๊อะเฮ๊อ แว พู๊เต๊เห่ เบ๊อะ เทอเก่ เด๊อ แว ข่าเบ่ เตจาเตจื่อ เออเต๊เก่ อากู เออเฮ๊อ.” (เอฟราอิม อาโหง่แลช๊า หม่า เส่แถ่โพแถ่ เอ๊ แลแค.)

เห่ขุทวาลู่ 24:60

เร๊อ อาตี๊หี่แตแพ เต๊เห่ เด๊อะบุ๊ยเด๊อะเตอเรอ แลแค เหมาะเรเบคาห์ เน๊อ, “เป โป่เพรเหมาะ เก่ ทวาแถ่ดื่อ โหมะ เด๊อ พู๊โอ่โหร่เลอโอ่เอ๊ เจ๊อ เด๊อ อาซ๊ออาซีกู เจ๊อ ปา นี๋. เนกลุยเนลุ๊ย เต๊เห่ เก่ เมเป่ ลอ ดื่อ แกแย เด๊ออาซี๊เถ่ เหย่ซี อาวี เต๊เห่ ปา นี๋.”

เตเด๊อะโลแถ่ 21:22

เด๊อ วีกูเนอ แว แม๊เถอะ เตหลู่เเตโฮ โอ่ เตเม๋ โต่, เมเตเฮ๊เรอ แบ่เจ่ จอแปแหร่ เด๊อ อา แจ่เต ล๋อ ปลี เออเตเพร เร๊อ ซิหมิพู๊ เนอโตโด อา โอ่ แลแค เฮ๊อ เบ๊อะเนอ เร๊อ อู จ๊อเบแถ่ เฮ๊อ เหย่ซี อาขว่าอาคยา, เตหลู่เเตโฮ โหล่ ปาโต่.

โครินธ์ เนอบ่า ต๊าบ่า 6:18

เร๊อ แว เก่ ทวา ซีเพ ปา. เร๊อ ซี เก่ ทวา แวพู๊แวเลอ เต๊เห่ ปา,” แบ่เจ่ เด๊อ อาโพร เตเพร เฮ๊ ฮู๊เนอ.

เห่ขุทวาลู่ 17:20

คูอิชมาเอล อาเงติเร๊อ, แว หนิโฮ เฮ๊อ เน กุย แว เออเฮ๊อ แว เก่ เด๊อะบุ๊ยเด๊อะเตอเรอ หม่าดื่อ อา ปา แว เก่ นอ พู๊โอ่โหร่ เหลอโอ่เอ๊ ลู ปา เร๊อ อากลุยอาลุ๊ย ตากาแล เก่ โอ่โหร่โอ่เอ๊ แหน่เจ๊อ ปา. อา เก่ ทวาดื่อ คุ๊ยพู๊ เช๊อซิเนอ อาเพ ปา, เร๊อ แว เก่ นอทวาแถ่ อา เน๊อ เมวเจ่อ ดู๋ เต๊อเจ่อ ปา.

เห่ขุทวาลู่ 26:4

แว เก่ นอ โอ่เอ๊แถ่ ดื่อ เนกลุยเนแล แซ่เจ๊อเน๊อ เฉ่ โอ่ เด๊อ ม๊อเลเนอ เจ๊อ ปา, เร๊อ ล๊อ เห่ขุ เออเต๊เห่ เนอ แว เก่ เด๊อะ ลอดื่อ เน๊อ เหย่ซี ปา. เด๊อ เนกลุยเนแล เออ อาขว่าอาคยา เร๊อ ล๋อ เมวเจ่อ โอ่ เด๊อ เห่ขุ เออเต๊เห่ เก่ พย๊าหนิ แฮเงเกอ เตเด๊อะบุ๊ยเด๊อะเตอเรอ ปา.

เห่ขุทวาลู่ 26:24

เบ๊อะเนอ เตเซ เร๊อ จอแปแหร่ ตูจูเพร โอ่โลแถ่ เป เพอิสอัค เร๊อ อา เฮ๊ ลู เน๊อ, “แว หม่า เนเพ อับราฮัม อาจอแปแหร่ดุ, แวโอ่เต่อเกอ เน๊อ เน อาขว่าอาคยา, ซิอิเช แต่เหม่ นี๊. แว เก่ เด๊อะบุ๊ยเด๊อะเตอเรอ เน ปา, เร๊อ แว เก่ นอ โอ่โหร่โอ่เอ๊ แถ่หนิ เนกลุยเนลุ๊ย เต๊เห่ ฮู๊ แว อ๊อแลหนื่ออื่อ โทเฮ๊อ เน๊อ แวหลู่ อับราฮัม เนอ ปา.”

เห่ขุทวาลู่ 27:33

เร๊อ เพอิสอัค คย๊า แตแนตากยา ซิเซอซิโอ่เจ๊อ เร๊อ อา เฮ๊ เน๊อ, “อา พย๊าแฮ โทเฮ๊อ เตมีหย่า เด๊อ แวโอ่ เออเตเพร หม่า อูเป? เน พย๊าแฮ แต่ล๋าย เนเต โต่เนอ, แว เอ่ โทเฮ๊อ ลูเต เร๊อ แว เด๊อะบุ๊ยเด๊อะเตอเรอแก โทลอ เฮ๊อ ลู เฮ๊อ, เร๊อ อา เก่ พย๊าหนิ หม่าแหน่ เจ๊อ เฮ๊อ เตบุ๊ยเตเตอเรอ ตูจูเพร เฮ๊อ.”

เห่ขุทวาลู่ 48:4

เร๊อ อา เฮ๊ แว เน๊อ, ‘แว เก่ นอ พู๊โอ่โหร่เหลอโอ่เอ๊ เน ปา, เร๊อ เนกลุยเนลุ๊ย ตากาแล เต๊เห่ เก่ โอ่โหร่โอ่เอ๊ โอ่ปลู่โอ่เผ่ เจ๊อปา, เร๊อ แว เก่ นอ ทวาแถ่ เน เน๊อ เมวเจ่อ เอ๊ลาปา. โทเร๊อ คานาอันเก่เออเนอ แว เก่ เด๊อะลาเฮ๊อ เน๊อ เนกลุยเนลุ๊ย ตากาแล เต๊เห่ เร๊อ นอ ทวา เหย่ซีเต ตูจูเพร ตาแลเคร๊ ปา.’”

เห่ขุทวาลู่ 49:25

แวจอแปแหร่ดุ เก่ เมจว่า เน. จอแปแหร่ดุ เด๊อ อาโพรอาเตอเรอ เออเตเพร เก่ เด๊อะบุ๊ยเด๊อะเตอเรอ. อา เก่ เด๊อะบุ๊ยเด๊อะเตอเรอ เน เน๊อ เทอเถ่ขู่ เด๊อ เห่เล เนอเต๊เห่. อาเก่ เด๊อะบุ๊ยเด๊อะเตอเรอ ดื่อเนเตมีเตดอ เน๊อ เนพู๊เนเลอ เก่ โอ่โหร่ ดื่อ นี๋.