เห่ขุทวาลู่ 27:43 - ลีเทส่อพ๊าอาเซ เร๊อ เห่ขุทวาลู๊

⁴³ ฮู๊เนอเร๊อ, แวพู๊เพรคู, กู๊แหน่เออ เม ฮู๊ แว เฮ๊ เนเออ. เถ่แกล่จว๊า แผรแผร เจ๊อมอ เฮ๊อ กู๊แหน่ เด๊อ วีฮาราน เด๊อ แวแหม่เพรคู เพลาบัน อาโอ่ เนอ.

เห่ขุทวาลู่ 27:43 ပူးပေါင်းရင်းမြစ်များ

เห่ขุทวาลู่ 27:8

เมฮู๊เนอเร๊อ พู๊คู, กู๊แหน่เออ หนิดา ตาเต แวโหง่ เร๊อ ตูรู๊ เมมอ ฮู๊แว เฮ๊ เน เออเนอ นี๋.

เห่ขุทวาลู่ 11:31

เพเทราห์ โอ่ เบ๊อะ วีอูรา, บาเบลเก่กู เนอเร๊อ อา เอ๊หนิ อาพู๊ คูอับราม เน๊อ อาแด่ เหมาะซาราย เน๊อ อาเลอ เพฮาราน อาพู๊ คูโลท เร๊อ อา เถ่แกล่จว๊า แลแค เด๊อ คานาอันเก่. หม่าแน๊เรอ เบ๊อะ เหย่ซี จว๊าโต่ ปาแพ๊ เด๊อ วีฮาราน เบ๊อะเนอ, อา โอ่ แลแค เบ๊อะเนอ.

เห่ขุทวาลู่ 27:13

เร๊อ อาโหมะ เฮ๊ ลู เน๊อ, “แวพู๊เพรคู, เตอิชอมู๊แหม่ เนอเต๊เห่ อา ตาลอดื่อ เด๊อ แวขู่ ปา. ตูรู๊ จว๊าเมมอ ฮู๊ แว เฮ๊ เน เนอ. จว๊าพย๊าแฮ เป่ มอ แว เป่ เออเต๊เห่ เบ๊อะเออ.”

เพรโด่แนพู๊ เต๊เห่ 5:29

คูเปโตร เร๊อ เพรโด่แนพู๊ เต๊เห่ เฮ๊ฉื่อ เน๊อ, “ผื๋อ เร๊อ เตเร หนิดา แกแย เห่ขุพู๊ อาโหง่เนอ, เบ่ หนิดาดุ เล๋อ เด๊อ จอแปแหร่ อาโหง่.

เห่ขุทวาลู่ 28:7

คูยาโคบ หนิดา อาโหมะอาเพโหง่ เร๊อ อา เถ่จว๊า แก เด๊อ ปัดดานอารัมเก่เนอ, คูเอซาว ซิเง ตาเตแกเฮ๊อ.

เห่ขุทวาลู่ 24:29

เหมาะเรเบคาห์ อาแหม่เพรคู มุย เน๊อ คูลาบัน เนอเตเพร แกล่แฮแม๊ฉื่อ เพรคู เนอเตเพร เด๊อ เทอกลื่อกู.

เห่ขุทวาลู่ 28:10

คูยาโคบ โอ่ เด๊อ เบเออร์เชบาเก่ เร๊อ อา เถ่จว๊าแก เด๊อ วีฮาราน.

เห่ขุทวาลู่ 27:42

เบ๊อะ อาโหมะ โหมะเรเบคาห์ หนิโฮ อาพู๊แหว่เพร่ว คูเอซาว เฮ๊ ฮู๊เนอ เบ๊อะเนอ, อา นอจว๊า เอ๊แฮ อู เน๊อ อาพู๊ คูยาโคบ, เร๊อ อา เฮ๊ ลู เน๊อ, “พู๊คู, รอ เกอเร๊อ เนเหน่ นี๋. เนแหม่ คูเอซาว เกเร เมเลอ กาคยาฉื่อ เน อาเงเนอ, อา ตี๊หรี่ หนื่ออื่อเฮ๊อ เน๊อ อา เกเร เครเมเซอแก เน เฮ๊อ.

เห่ขุทวาลู่ 28:5

โทเร๊อ เพอิสอัค นอจว๊า คูยาโคบ เด๊อ โหมะเรเบคาห์ อาแหม่ เพลาบัน โอ่ เกอเร๊อ ปัดดานอารัมเก่ เนอเต๊เก่. เพเบธูเอล หม่า เพลาบัน เน๊อ โหมะเรเบคาห์ อาเพ เร๊อ อา หม่า อารัมมีพู๊. โหมะเรเบคาห์ หม่า คูยาโคบ เน๊อ คูเอซาว อาโหมะ.

เห่ขุทวาลู่ 35:1

งยาแต๋โต่เร๊อ จอแปแหร่ดุ เฮ๊ เพยาโคบ เน๊อ, “เถ่จว๊ามอ เด๊อ วีเบธเอล เร๊อ จว๊าโอ่ แลแค เบ๊อะเนอ. เร๊อ จว๊าต่าแถ่ เตหลู่แตเหร่ เด๊อ เหล่จ๊อเบแถ่ เน๊อ แว เง เตเม เมเตเฮ๊เร๊อ แว หม่า จอแปแหร่ดุ เด๊อ อา โอ่โลแถ่ เป่ เน เบ๊อะ เน เถ่แกล่จว๊า โอ่ว๊า เนแหม่ เพเอซาว อาเหล่ เบ๊อะเนอ เนอเตเพร เฮ๊อ.”

เห่ขุทวาลู่ 25:20

เบ๊อะ คูอิสอัค พย๊า เหมาะเรเบคาห์ เบ๊อะเนอ, อาหน่า โอ่เฮ๊อ ลุยเชอ เฮ๊อ. เร๊อ เหมาะเรเบคาห์ หม่า อารัมมีเมวเจ่อพู๊, เพเบธูเอล อาพู๊เพรเหมาะ, เร๊อ เหย่ซี โอ่ แลแค เด๊อ ปัดดานอารัมเก่, เร๊อ อาหม่า อารัมมีเมวเจ่อพู๊ คูลาบัน อาโป่เพรเหมาะ.