เห่ขุทวาลู่ 27:40 - ลีเทส่อพ๊าอาเซ เร๊อ เห่ขุทวาลู๊

⁴⁰ เน เบ่ โอ่เซอเพร เน๊อ เน๊ ปา, เน เบ่ ทวา เนโป่หลู่ ปา. หม่าแน๊เรอ เบ๊อะ เน ซิหยื่อโอ่ ปา เด๊อ ลูเล โต่ เบ๊อะเนอ ปาเนอ, อา เป๊อตี๊หรี่ น๊อปา เน โต่. เร๊อ เน เก่ พย๊าหนิ เตป่าลา ปา.”

เห่ขุทวาลู่ 27:40 ပူးပေါင်းရင်းမြစ်များ

เห่ขุทวาลู่ 25:23

เร๊อ จอแปแหร่ ตูจูเพร เฮ๊ฉื่อ ลู เน๊อ, “เด๊อ เนฮ๊อกูเนอ เมวเจ่อ เก่ โอ่แถ่ เนอเก่ ปา, เมวเจ่อ เออ เนอเจ่อเนอ, อา เก่ ทวาแถ่ เพรดี๊เจ ตากวาเตเร แคลู ปา, เต๊อเจ่อ ปา เร๊อ อา เหร่ฉว่า เหร่ชอ เล๊อเน๊อ เด๊อ อาโรเต๊อเจ่อ ปา, อาดุ เตเพร เก่ ทวา อาโป่หลู่ ปา.”

เห่ขุทวาลู่ 32:6

เบ๊อะ เพรซูเตหรี่เตแก เต๊เห่ กาคยาโต่ คยาแซ๊ เด๊อ เพยาโคบ อาโอ่ เบ๊อะเนอ, เหย่ซี เฮ๊ แลแค เน๊อ, “เป จว๊าโต่ โทเฮ๊อ เด๊อ เนแหม่ เพเอซาว อาโอ่ เฮ๊อ, กู๊แหน่เร๊อ อา เน๊อ อาแกแย เด๊อ อาเพรคู ลุยเย เกเร แฮแม๊เถอะฉื่อ เน๊อ เน เฮ๊อ.”

มัทธิว 10:34

“เตเน แต่ แลแค เร๊อ แว พย๊าแฮ เตเปเตดวา เด๊อ เห่ขุ เออเนอ แต่เหม่. แว พย๊าแฮ เตเปเตดวา หม่าโต่. แว พย๊าแฮ เน๊ เต๊เบ่.

เห่ขุทวาลู่ 27:29

เมวเจ่อ เต๊เห่ เก่ ทวาดื่อ เนหลู่เล๊ เต๊เห่ ปา, เร๊อ เหย่ซี เก่ แด๊งือแล ลอดื่อ เด๊อ เนเป๊เส่เง ปา นี๋. เน เก่ เป๊อตี๊หรี่ เร๊อดื่อ เนโป่แหว่ เต๊เห่ ปา, เร๊อ ล๋อ เนโหมะ อากลุยอาลุ๊ย เต๊เห่ เก่ แด๊งือ ลอดื่อ เด๊อ เนเป๊เส่เง ปา นี๋. แกแย เด๊อ อา อิชอมู๊แหม่, เน เต๊เห่เนอ, จอแปแหร่ เก่ อิชอมู๊แหม่ ฉื่อ เหย่ซี ปา, เร๊อ แกแย เด๊อ อา เด๊อะบุ๊ยเด๊อะเตอเรอ เน เต๊เห่เนอ, จอแปแหร่ดุ เก่ เด๊อะบุ๊ยเด๊อะเตอเรอ ดื่อ เหย่ซี ปา นี๋.”

เห่ขุทวาลู่ 33:9

หม่าแน๊เรอ เพเอซาว เฮ๊ฉื่อ ลู เน๊อ, “เก๋อ แวโป่, แวเต โอ่เล๊อโอ่บา ลอดื่อ เฮ๊อ. ล๋อ เต เด๊อ อา โอ่ เน๊อ เน เนอ เต๊เห่ ตูรู๋ พย๊า ลอดื่อ มอ เน๊อ เนเง เนอ.”