เห่ขุทวาลู่ 27:27 - ลีเทส่อพ๊าอาเซ เร๊อ เห่ขุทวาลู๊

²⁷ เร๊อ อา แฮผื่อ เด๊อ อาเพโอ่ เร๊อ อา แฮโนมื๊อ ลู. เร๊อ เบ๊อะ เพอิสอัค โนหวิแม๊ ลูเห่อจา เบ๊อะเนอ, อา เด๊อะบุ๊ยเด๊อะเตอเรอ ลู เร๊อ อา เฮ๊ เน๊อ, “เอ๋อ, แวพู๊เพรคู อาเตโนมื๊อเออ, อา โนมื๊อ แซ่เจ๊อเน๊อ เพร๊ขุ เด๊อจอแปแหร่ ตูจูเพรเด๊อะบุ๊ยเด๊อะเตอเรอ อา เนอเต๊เหล่ อาเตโนมื๊อ เจ๊อ.

เห่ขุทวาลู่ 27:27 ပူးပေါင်းရင်းမြစ်များ

ꤟꤤꤙꤚꤢꤨ 6:7

เพรหยื่อเอ่ เออ เด๊อ อาแซ่เน๊อ เห่ขุ เด๊อ อา จุ๊ยโอ โตโมโม เก่จือเทอ เร๊อ อา นอเส่แถ่ตว่า เส่แถ่แร๊ เป่ เพรเมเอ่เพร๊ เมเอ่แหล่พู๊ อาเง เต๊เห่เนอ, จอแปแหร่ เก่ เด๊อะบุ๊ยเด๊อะเตอเรอ เหย่ซี ปา.

เห่ขุทวาลู่ 26:12

จอแปแหร่ ตูจูเพร เด๊อะบุ๊ยเด๊อะเตอเรอ หนิ คูอิสอัค อาขว่าอาคยา, อา อิช๊ออิปลือตา เตเหมาะเตโบ เบ๊อะ เหล่โอ่ เนอโต๊โผะ เร๊อ เบ๊อะเนอ ต๊าหน่า อากู อา พย๊าหนิ เอ๊เล๊อโป่เจ๊อ เน๊อ อากลุย เด๊อ อา อิช๊ออิปลือตา เนอ อาโพ๊เตเย เจ๊อ.

ꤟꤤꤙꤚꤢꤨ 11:20

เด๊อ เตหยื่อ อาขว่าอาคยาเร๊อ, เพอิสอัด เด๊อะบุ๊ยเด๊อะเตอเรอ หนื่ออื่อ อาพู๊ คูยาโคบ เร๊อ คูเอซาว เร๊อ เตเด๊อะบุ๊ยเด๊อะเตอเรอ เด๊อ อา เก่ พย๊าหนิ เด๊อคยา ปา เต๊เห่.

เห่ขุทวาลู่ 27:15

เร๊อ โหมะเรเบคาห์ พย๊า อาพู๊แหว่เพร่ว คูเอซาว เห่อจ่า เด๊อ อาแร๊เล๋อ เด๊อ อาโอ่ เบ๊อะ หี่ด๊อกู เนอเต๊เห่ เร๊อ อา เด๊อะแซ๊แถ่ เน๊อ อาพู๊ เด๊อ อาปีตี๊เล๊อ คูยาโคบ เออเตเพร.

เห่ขุทวาลู่ 27:26

เร๊อ อาเพ เพอิสอัค เฮ๊ ลู เน๊อ, “พู๊เพรคู, แฮผื่อ เด๊อ แวโอ่ เออ เร๊อ โนมื๊อ แม๊ แว.”

เห่ขุทวาลู่ 48:10

เบ๊อะเนอเคเร๊อ เพยาโคบ โหมะเผระ ลา เฮ๊อ อาขว่าอาคยา, อาเป๊เส่ โป๊โหล่แก เฮ๊อ, เร๊อ อา แม๊เถอะ แร๊ ปา โต่ เฮ๊อ. ฮู๊เนออาขว่าอาคยา, เพโยเซฟ เอ๊แฮผื่อ อาพู๊ซี เด๊อ อาเพ โอ่ เร๊อ อาเพ แพ๊เร๊อ อาเลอ เร๊อ อา โนมื๊อ เหย่ซี.

เห่ขุทวาลู่ 27:39

เร๊อ อาเพ เพอิสอัค เฮ๊ฉื่อ ลู เน๊อ, “เน เบ่ โอ่ แพ๊ เหล่โอ่ เด๊อ เห่หย่ารีหย่าแร๊ โต่, เทอตีชิ เด๊อ ม๊อขุ ตาเกอ โต่ อาเหล่โอ่ เนอโต๊โผะปา.

เห่ขุทวาลู่ 48:15

โทเร๊อ อา เด๊อะบุ๊ยเด๊อะเตอเรอ เพโยเซฟ เร๊อ อา เฮ๊ เน๊อ, “จอแปแหร่ดุ เด๊อ แวโพ โพอับราฮัม เน๊อ แวเพ เพอิสอัค โอ่เซอเพร เมโต ลูซิปล่อ เนอเตเพร เก่ เด๊อะบุ๊ยเด๊อะเตอเรอ ดื่อ เป๊เจ่ เออเต๊เห่ นี๋. จอแปแหร่ดุ เด๊อ อา แม๊ตู่ แว โต่กู๊แหน่ เออเตเพร เก่ เด๊อะบุ๊ยเด๊อะเตอเรอดื่อ เป๊เจ่ เออเต๊เห่ นี๋.