เห่ขุทวาลู่ 26:9 - ลีเทส่อพ๊าอาเซ เร๊อ เห่ขุทวาลู๊

⁹ เออโต๊โพ๊ เร๊อ คุ๊ยอาบีเมเลค เอ๊ คูอิสอัค เร๊อ อา เฮ๊ ลู เน๊อ, “อา หม่า เนเม หม่าแหน่ เจ๊อ ว๊า, หม่าเมเตเร๊อ เนจว๊า เฮ๊โต่ แว เน๊อ, ‘อา หม่า แวโป่เพรเหมาะ แพ๊’ เมเต?” คูอิสอัค เฮ๊ฉื่อ ลู เน๊อ, “อ่อ, เพคุ๋ย, แว เก่ เฮ๊ เน๊อ อาหม่า แวเม เฮ๊ เร๊อ, ปาหม่า อู เมเซอ แว เห่, แว เตเน ซิอิเช เร๊อ ฮู๊เนอ หนิ.”

เห่ขุทวาลู่ 26:9 ပူးပေါင်းရင်းမြစ်များ

เห่ขุทวาลู่ 26:8

เบ๊อะ เพอิสอัค โอ่งยา เฮ๊อ เบ๊อะ เหล่โอ เนอโต๊โผะ เบ๊อะเนอ, คุ๊ยอาบีเมเลค หม่าเฮ๊อ ฟีลิสเตีย อาคุ๊ย เออ อา โอ่ เด๊อ กู่ดาพู๊กู เร๊อ อา แม๊ตา เบ๊อะเนอ, อา แม๊เถอะ เพอิสอัค แพ๊โนมื๊อ เกอเร๊อ อาเม โหมะเรเบคาห์.

เห่ขุทวาลู่ 26:10

เร๊อ คุ๊ยอาบีเมเลค เฮ๊ ลู เน๊อ, “เน จว๊าเมโต่ เป่ ฮู๊เออ เมเต? แวแกแย เพรคู เตเพรเพร เก่ จว๊า โอ่เมอเต่อ ตาแต่ เน๊อ เนเม เฮ๊หม่า, เด๊อ เน แลโฮ เป ฮู๊เออ อาขว่าอาคยา, อา เก่ เมซื๊อ แต่ เร๊อ จอแปแหร่ เก่ เมจากาคยา เป ปา.”

เห่ขุทวาลู่ 12:18

ฮู๊เนออาขว่าอาคยา, คุ๊ย เอ๊แฮ คูอับราม เร๊อ อา เฮ๊ ลู เน๊อ, “เน จว๊า เมโต่ เจ๊อ แว ฮู๊เออ หม่า เมเต? อา หม่า แวเม, เน เฮ๊ แว ฮู๊เนอ โต่ เมเต?

ꤛꤥ꤭ꤟꤢ꤬ 14:9

แบ่เจ่ เหย่ซู่ เฮ๊ฉื่อ ลู เน๊อ, “คูฟีลิป, แว โอ่เต่อเกอ เร๊อ ซี งยากู๋ ลา เจ๊อ เฮ๊อ เร๊อ หม่า เน ซิเงน๊อ แหน่ แว โต่ แอ? แกแย เด๊อ อา แม๊เถอะน๊อ แว เนอ, อา แม๊เถอะน๊อเฮ๊อ เพ เฮ๊อ. เน๊อ, ‘เด๊อะโล เป่ เป เร๊อ เพ,’ เน จว๊าเฮ๊โต่ ฮู๊เนอ เมเต?

เพรโด่แนพู๊ เต๊เห่ 12:11

อา โอ่เหม่โท เป่ ลู ตื๊อเรอ คูเปโตร ซิเงโหน่ แพ๊ เตทวาแถ่ อาเหน่ เร๊อ เหย่เออ แพ๊ เร๊อ อา เฮ๊ เน๊อ, “กู๊แหน่ เออ แว ซิเงเฮ๊อ เนอ เตเมทวาแถ่ อาเหน่ ฮู๊เออเนอหม่า อา หม่าแหน่ เจ๊อ. แบ่เจ่ จอแปแหร่ นอจว๊า อา เตเน่วม๊อขุพู๊ เร๊อ อา แฮ เมแลเปล๊ เถ่แก แว เด๊อ คุ๊ยเฮโรด อา เตอเรอฉว่าชอ อาเล, โท๊โต่ อา แฮ เมแลเปล๊ แว เด๊อ แกแยยิวพู๊ เด๊อ อา แม๊ชือ เด๊อ อา เก่ เมจาเมจือ แว เต๊เห่ อา กู๊ยากู.”