เห่ขุทวาลู่ 26:7 - ลีเทส่อพ๊าอาเซ เร๊อ เห่ขุทวาลู๊

⁷ เบ๊อะ อู แด๊เฮอ ลูเม โหมะเรเบคาห์ อาหรี่อาแก เบ๊อะเนอ, อา เฮ๊ เป่ อู เน๊อ, “อา หม่า แว โป่เพรเหมาะ แพ๊,” อา ซิอิเช เฮ๊ เป่ อู เน๊อ, “อาหม่า แวเม,” ฮู๊เนอ. เมเตเฮ๊เร๊อ โหมะเรเบคาห์ เออ อา ย๊อ โหมะตว่า แหน่เจ๊อ อาขว่าอาคยา, “เด๊อ อา อาขว่าอาคยา เร๊อ ปาหม่า แกแย โอ่ เบ๊อะเนอ เต๊เห่ เก่ เมเซอ แว เห่,” อา เตเน เกอเร๊อ อาเหน่ ฮู๊เนอ.

เห่ขุทวาลู่ 26:7 ပူးပေါင်းရင်းမြစ်များ

เห่ขุทวาลู่ 20:2

เร๊อ เพอับราฮัม เฮ๊ เป่ อู เน๊อ อาเม เหมาะซารายหม่า อาโป่ เพรเหมาะ แพ๊ อาขว่าอาคยา, วีเกราร์ อาคุ๊ย คุ๊ยอาบีเมเลค นอ จว๊าเอ๊แฮ เหมาะซาราย เด๊อ อาโอ่.

เห่ขุทวาลู่ 12:13

แด่ทูซิปล่อ เร๊อ เฮ๊ เกอเร๊อ เนเหน่ เน๊อ เน หม่า แวโป่เพรเหมาะ เนอ นี๊, เน เก่ เฮ๊ ฮู๊เนอ ตื๊อหม่า เหย่ซี เมโมเมแร๊ฉื่อ แว ปา, เด๊อ เนขว่าเนคยา เร๊อ เหย่ซี เก่ แด่โอ่เซอเพร เกอ แว ปา.”

เห่ขุทวาลู่ 24:16

เพรเหมาะฮู๊เส่ เออเนอ อาโหมะตว๋า แหน่เจ๊อ, อา โอ่เมอเต่อ น๊อลาย เน๊อ เพรคู แตแค๊ โต่. อา ก๊าตา แด๊ เทอ เด๊อ เทอกลื่อกู เร๊อ อา แด๊บา หนิ อาเทอโอ เร๊อ อา กา แก๊แถ่ คยาแซ๊.

โคโลสี 3:9

เฮ๊เบ่ แลโฮแลแห่ ปา แต่ ลู เตเพร เร๊อ เตเพร่ว แต่เหม่, เมเตเฮ๊เรอ ซี วีแกเฮ๊อ ซี เตโอ่เซอเพร อาเลอ เด๊อ ซี เหล่โกล เมเนอ เต๊เห่เฮ๊อ.

เอเฟซัส 5:25

เวซี๋, ฮู๊ ครี๊ โม หนิเกอเร๊อ อา เพรหยื่อเอ่ตู๊หมู่ตอกล๊อ เร๊อ อา เด๊อะแลแก เจ๊อ อาซิปล่อ เด๊อ เพรหยื่อเอ่ เออ ตู๊หมู่ตอกล๊อ เต๊เห่ อาเงเนอ, โมหนิ แลแค ซีเม นี๋.

มัทธิว 10:28

แกแย เด๊อ อา เมเซอ แจ่ ซี เหน่กล่อ ตื๊อดื่อเรอ อา เมเซอ แจ่ ซี แหย่โยบูโพ๊ โต่ เต๊เห่เนอ, ซิอิเช แต่ อาเหล่ แต่เหม่. ซิอิเช แลแค จอแปแหร่ เด๊อ อา เมเซอ แจ่ ซี เหน่กล่อ เร๊อ ซี แหย่โยบูโพ๊ เนอเจ่อลอ เออเนอ เด๊อ หง่าหร่าปอรากยากู เนอเตเพร นี๋.

เห่ขุทวาลู่ 20:5

อับราฮัม เนเร๊อดื่อ ย๊อ เฮ๊แหน่ แว เน๊อ, ‘เหมาะซารายหม่า แวโป่เพรเหมาะ แพ๊,’ แว เฮ๊ แต? โท๊โต่ เหมาะซาราย ย๊อครวาเฮ๊ เกอเน๊อ อา หม่า ‘แวแหม่เพรคู แพ๊,’ แว เฮ๊ แตแต? แว เม เต กู๊แหน่เออ แวซิปล่อ อาโพ๊อาแปละ แพ๊, แว เมซื๊อ เน๊อ เต เตอเจ๋อ โต่.”

เห่ขุทวาลู่ 12:11

เบ๊อะ เหย่ซี เกเร ผื่อ โนเฮ๊อ เด๊อ อียิปต์ เก่กือกู เฮ๊อ เบ๊อะเนอ, อา เฮ๊ เกอเร๊อ อาเม เหมาะซาราย เน๊อ, “เน หม่า เพรเหมาะ เด๊อ อา โหมะตว๋า แหน่เจ๊อ เตเพร.

เห่ขุทวาลู่ 20:11

เร๊อ เพอับราฮัม เฮ๊ กาคยาฉื่อ คยาแซ๊ ลู เน๊อ, “แว เตเน เน๊อ เหล่โอ่ เบ๊อะเออ โต๊โผะ หม่า, แกแย เด๊อ อา ซิอิเช แด่ดุหยื่อแหน่ จอแปแหร่ดุ เนอ อาโอ่ น๊อ เตเพร่ว โต่. เด๊อ แวเม อาขว่าอาคยา เร๊อ ช๊าปาหม่า อู เมเซอ แว ปา เร๊อ อูพย๊าเผ่แก แวเม เห่ แว จว๊า เตเน แต่ ฮู๊เนอ เร๊อ แว เม ฮู๊เออ แพ๊.

เห่ขุทวาลู่ 26:6

ฮู๊เนอเร๊อ เพอิสอัค โอ่แพ๊ เบ๊อะ วีเก-ราร์ กู เนอ.

เห่ขุทวาลู่ 26:8

เบ๊อะ เพอิสอัค โอ่งยา เฮ๊อ เบ๊อะ เหล่โอ เนอโต๊โผะ เบ๊อะเนอ, คุ๊ยอาบีเมเลค หม่าเฮ๊อ ฟีลิสเตีย อาคุ๊ย เออ อา โอ่ เด๊อ กู่ดาพู๊กู เร๊อ อา แม๊ตา เบ๊อะเนอ, อา แม๊เถอะ เพอิสอัค แพ๊โนมื๊อ เกอเร๊อ อาเม โหมะเรเบคาห์.

เห่ขุทวาลู่ 29:17

เหมาะเลอาห์ เร๊อ อาเป๊เส่เหร่เจ่, หม่าแน๊เรอ เหมาะราเชล เร๊อ อาโหมะตว่า โหมะแซแร แหน่เจ๊อ.

เห่ขุทวาลู่ 12:15

เร๊อ อียิปต์เก่คุ๊ย อาเพรแรเตพู๊ เต๊เห่ แม๊เถอะ เหมาะซาราย เร๊อ อา แฮ ถู่เซ๊ หนิเป่ อาหรี่อาแก เน๊อ คุ๊ย, เร๊อ คุ๊ย ซิหยื่อ ลู เน๊อ อาเม เร๊อ อา นอจว๊า เอ๊แฮ ลู เด๊อ อาโฮกู.