เห่ขุทวาลู่ 26:4 - ลีเทส่อพ๊าอาเซ เร๊อ เห่ขุทวาลู๊

⁴ แว เก่ นอ โอ่เอ๊แถ่ ดื่อ เนกลุยเนแล แซ่เจ๊อเน๊อ เฉ่ โอ่ เด๊อ ม๊อเลเนอ เจ๊อ ปา, เร๊อ ล๊อ เห่ขุ เออเต๊เห่ เนอ แว เก่ เด๊อะ ลอดื่อ เน๊อ เหย่ซี ปา. เด๊อ เนกลุยเนแล เออ อาขว่าอาคยา เร๊อ ล๋อ เมวเจ่อ โอ่ เด๊อ เห่ขุ เออเต๊เห่ เก่ พย๊าหนิ แฮเงเกอ เตเด๊อะบุ๊ยเด๊อะเตอเรอ ปา.

เห่ขุทวาลู่ 26:4 ပူးပေါင်းရင်းမြစ်များ

เพรโด่แนพู๊ เต๊เห่ 3:25

จอแปแหร่ เตอ๊อแลนอแล เด๊อ อา นอเด๊อะโลตา ดื๊อตื่อ เพรโพร ซี เต๊เห่ เนอหม่า ซิเง เฮ๊อ. โท๊โต่ จอแปแหร่ อ๊อแล โทเฮ๊อ เน๊อ ซี โหมะเพเพอโพ เด๋อ งย๊าเค เต๊เห่ เน๋อ หม่า ซิเง โอ่ป่าเต่อเกอ เฮ๊อเฮ๊อ. ฮู๊ จอแปแหร่ เฮ๊โฉ่หนื่ออื่อ โทเฮ๊อ เพอับราฮับ เน๊อ, ‘แว เก่ เด๊อะบุ๊ยเด๊อะเตอเรอ แฮเง ลอ แกแยเห่ขุพู๊ เออเต๊เห่ ล๋อ ปลี เน๊อ เน กลุยแล แกแล เนอเตเพร อาคยา ปา.’

ꤊꤢ꤬ꤜꤢ꤬ꤒꤤ 3:8

ลีเทส่อพ๊า เฮ๊หนื่ออื่อ โทดื่อ เฮ๊อ มู๊หนู่มู๊ส่าเค ปา เนอ, จอแปแหร่ เก่ แด่จ๊อแด่เต แกแยยิวพู๊ หม่าโต่ เต๊เห่เนอ เร๊อ เหย่ซี อาเตหยื่อเตแหน่ อาคยา ปา, อา เฮ๊หนื่ออื่อ ฮู๊เนอ. จอแปแหร่ อาลาอาโหง่ เด๊อะ ซิเงเหร่อ เตซิครือมีลา อาหรี่อาแก เด๊อ เพ อับราฮัม อา โอ่ เร๊อ อา เฮ๊ เน๊อ, “เด๊อ เนขว่าเนคยา เนอ, แว เก่ เด๊อะบุ๊ยเด๊อะเตอเรอ แฮเง ลอ ล๋อ แกแยเมวเจอะ เต๊เห่ เร๊อ เน ปา.” อา เฮ๊ ลู ฮู๊เนอ.

เห่ขุทวาลู่ 15:5

จอแปแหร่ เอ๊เถ่ คูอับราม เด๊อ เหล่สื่อกลอ เร๊อ อา เฮ๊ ลู เน๊อ, “แม๊แถ่ เด๊อ ม๊อเลเนอ, เน เก่ แด๊เบ๊ เร๊อ แด๊ แม๊แม๊ ล๋อ เฉ่ เนอเต๊เห่.” โทเร๊อ อา เฮ๊ ลู เน๊อ, “เนพู๊เนเหลอ เนกลุยเนแล เก่ โอ่โหร่โอ่เอ๊ แซ่เจ๊อเน๊อ เฉ่ เด๊อ ม๊อเล เนอเต๊เห่ ปา.”

เห่ขุทวาลู่ 13:16

แว เก่ นอ โอ่เอ๊แถ่ เนพู๊เนเลอ เต๊เห่ แซ่เจ๊อเน๊อ เห่หมื่อ เนอ เจ๊อ ปา. แกแย เตเพรเพร เด๊อ อา แด๊ ลอเป่เบ๊ เห่หมื่อ เนอ, อา เก่ แด๊ ลอเป่เบ๊ เนพู๊เนเลอ เต๊เห่ ปา.

ꤊꤢ꤬ꤜꤢ꤬ꤒꤤ 3:16

ฮู๊เนอเฮ๊อ จอแปแหร่ เด๊อะตา อา เตอ๊อแล เน๊อ เพ อับราฮัม เร๊อ อากลุยอาลุ๊ย อาเกล เตเพร แพ๊. “เด๊อ อากลุยอาลุ๊ย เต๊เห่,” จอแปแหร่ เฮ๊ ฮู๊เนอ หม่าโต่. อาโหง่แลช๊า หม่า แกแย โอ่ เอ๊ หม่าโต่. อา เฮ๊ ดื่อเน๊อ, “เด๊อ เนกลุยเนลุ๊ย อาเกลเตเพร,” อา เฮ๊ ฮู๊เนอ ขว่าคยา, อาโหง่แลช๊า หม่า อา เฮ๊โล แพ๊ ตื๊อ เตเพร แพ๊. อา ซิหยื่อ เฮ๊ เออเนอหมา ครี๊ เออเนอ เฮ๊อ.

ꤟꤤꤙꤚꤢꤨ 11:2

จอแปแหร่ ถู่เซ๊หนิ แกแย มู๋ หนู่เค เต๊เห่ หม่า หม่าเด๊อ อา โอ่ แลแค เร๊อ เตหยื่อเตแหน่ ฮู๊เออเนอ เฮ๊อ.

เห่ขุทวาลู่ 18:18

อา หม่า อา เก่ทวา หม่าแหน่ เมวเจ่อดู๋ เต๊อเจ่อ เด๊อ อา โอ่ เน๊อ เตเตอเรอฉว่าชอ เนอ ปา. เร๊อ ล๋อ เมวเจ่อ เด๊อ อา โอ่ เด๊อ เห่ขุเออ เต๊เห่ เก่ พย๊าหนิ แฮเง เกอ เตเด๊อะบุ๊ยเด๊อะเตอเรอ เน๊อ อาขว่าอาคยา ปา.

เห่ขุทวาลู่ 15:18

เบ๊อะเนอ เตอเนอเร๊อ จอแปแหร่ ตูจูเพร อ๊อแล อาโหง่ เน๊อ คูอับราม เร๊อ อา เฮ๊ ลู เน๊อ, “เป๊อแถ่ เด๊อ อียิปต์เก่กือ แลโหมะ เนอเร๊อ อา โต่ เด๊อ ยูเฟรติส เทอแลโหมะดุ เนอ, แว อ๊อแลนอแล เฮ๊อ เน๊อ เก่เออ แว เด๊อะ เน๊อ เนกลุยเนลุ๊ย ตากาแล เต๊เห่ เฮ๊อ.

เห่ขุทวาลู่ 26:24

เบ๊อะเนอ เตเซ เร๊อ จอแปแหร่ ตูจูเพร โอ่โลแถ่ เป เพอิสอัค เร๊อ อา เฮ๊ ลู เน๊อ, “แว หม่า เนเพ อับราฮัม อาจอแปแหร่ดุ, แวโอ่เต่อเกอ เน๊อ เน อาขว่าอาคยา, ซิอิเช แต่เหม่ นี๊. แว เก่ เด๊อะบุ๊ยเด๊อะเตอเรอ เน ปา, เร๊อ แว เก่ นอ โอ่โหร่โอ่เอ๊ แถ่หนิ เนกลุยเนลุ๊ย เต๊เห่ ฮู๊ แว อ๊อแลหนื่ออื่อ โทเฮ๊อ เน๊อ แวหลู่ อับราฮัม เนอ ปา.”

เห่ขุทวาลู่ 28:3

จอแปแหร่ เด๊อ อาโพรเตอเรอฉว่าชอ เออเตเพร เก่ เด๊อะบุ๊ยเด๊อะเตอเรอดื่อ เน ปา นี๋, เร๊อ เน เก่ พู๊โอ่โหร่เลอโอ่เอ๊ดื่อ เร๊อ โอ่โหร่โอ่เอ๊แถ่ เกอ แลแค นี๋. เร๊อ เน เก่ ทวาแถ่ เกอดื่อ เมวเจ่อดู๋ เต๊อเจ่อ เน๊อ เมวเจ่อ เอ๊เต๊เห่ อาเมวเจ่อ ปา.

เห่ขุทวาลู่ 28:14

เนกลุยแลเออ อา เก่ โอ่โหร่โอ่เอ๊ แซ่เจ๊อเน๊อ เห่หมื่อ เบ๊อะ เห่ขุเออ เนอเต๊เห่ ปา. เหย่ซี เก่ โอ่ปีชี จว๊า ลอดื่อ เด๊อ ซิโท ซิแล ซิเถ่ ซิโน ปา. เร๊อ เด๊อ เน เน๊อ เนกลุยแลเออ อาขว่าอาคยา, ล๋อ เมวเจ่อ เด๊อ เห่ขุ เออเต๊เห่ เก่ พย๊าหนิ แฮเง เกอดื่อ เตบุ๊ยเตเตอเรอ ปา.

เห่ขุทวาลู่ 35:12

เห่ขุ เด๊อ แว เด๊อะ เน๊อ เพอับราฮัม เน๊อ เพอิสอัค เออเนอ แว เด๊อะ เกอ เน๊อ เน เฮ๊อ. เร๊อ เห่ขุเออ แว เก่ เด๊อะตา แฮเง เกอโป่ เน๊อ เนกลุยเนลุ๊ย ตากาแล เด๊อ เนคยา เนอเต๊เห่ ปาปา.”

เห่ขุทวาลู่ 47:27

ฮู๊เนอเร๊อ อิสราเอลพู๊ เต๊เห่ โอ่ แลแค เบ๊อะ อียิปต์เก่กู โกเชนเหล่โอ่ เนอโต๊โผะ. เร๊อ เหย่ซี ดุแหย่แถ่ เน๊อ ดุแหย่แถ่, พู๊โอ่โหร่ เหลอโอ่เอ๊แถ่ เน๊อ โอ่เอ๊แถ่ แลแค เบ๊อะเนอ.