เห่ขุทวาลู่ 26:3 - ลีเทส่อพ๊าอาเซ เร๊อ เห่ขุทวาลู๊

³ โอ่เกอ โก๊เหร่อ เบ๊อะ เก่ เนอเต๊เก่ อากู นี๋. แว เก่ โอ่ เกอเน๊อ เน เร๊อ แว เก่ เด๊อะบุ๊ยเด๊อะเตอเรอ เน ปา, เมเตเฮ๊เร๊อ เตอ๊อแล เด๊อ แว ออแล หนื่ออื่อ โทเฮ๊อ เน๊อ เนเพอับราฮัม เนอ แว เก่ เมเล๊อเมบาแถ่ ดื่อ ปา เร๊อ ล๋อ เห่ขุ เหล่โอ่ เบ๊อะเออ เต๊เห่เนอ, แว เก่ เด๊อะ ลอดื่อ เน๊อ เน เน๊อ เนกลุยเนลุ๊ย เต๊เห่ ปา.

เห่ขุทวาลู่ 26:3 ပူးပေါင်းရင်းမြစ်များ

เห่ขุทวาลู่ 28:15

เร๊อ เนจว๊า เบ๊อะเต โต๊โผะ เต๋ เบ่เบ่, แว โอ่เกอดื่อ เน๊อ เน ปา, แว ตอกอเตเก เร๊อดื่อ เน ปา. แว เก่ เอ๊กา คยาแซ๊ดื่อ เน เบ๊อะ เก่เออ เต๊เก่ ปา. ฮู๊ แว อ๊อแล โทเฮ๊อ เน เออเนอ, อา เก่ เล๊อบาแถ่ แต่ล๋ายโต่ เฮ๊หม่า, แว วีแก เน๊อ เน โต่,” จอแปแหร่ดุ เฮ๊ คูยาโคบ ฮู๊เนอ.

เห่ขุทวาลู่ 20:1

เออโต๊โพ๊ เร๊อ เพอับราฮัม โอ่ เบ๊อะ คูเมหม่าเร อาเหล่โกล เนอเร๊อ อา จว๊า เป่แฮโป่ เด๊อ คานาอันเก่ ซิแล เนอตากยา เร๊อ อา จว๊าโอ่ เบ๊อะ คาเดช เทอเถ่ขุ เน๊อ ชูราห์เก่ อาเปล่กูเนอ. เด๊อะคยาเรอ อา จว๊าโอ่ ติ เบ๊อะ วีเก-ราร์ เนอ เตอเปลอ ฮู๊.

เห่ขุทวาลู่ 17:8

คานาอันเก่ เต๊เก๋ ลอ เด๊อ เน โอ่ เกอเร๊อ อา แซ่เน๊อ เทอโรเก่กลอพู๊ เตเพร กู๊แหน่เออ เนอ, แว เก่ เด๊อะลา เน๊อ เน เน๊อ เนกลุยเนแล ตากาแล เด๊อ คยา เต๊เห่ ตูจูเพร ปา เร๊อ แว เก่ ทวา เหย่ซีจอแปแหร่ ปา,”

เห่ขุทวาลู่ 15:18

เบ๊อะเนอ เตอเนอเร๊อ จอแปแหร่ ตูจูเพร อ๊อแล อาโหง่ เน๊อ คูอับราม เร๊อ อา เฮ๊ ลู เน๊อ, “เป๊อแถ่ เด๊อ อียิปต์เก่กือ แลโหมะ เนอเร๊อ อา โต่ เด๊อ ยูเฟรติส เทอแลโหมะดุ เนอ, แว อ๊อแลนอแล เฮ๊อ เน๊อ เก่เออ แว เด๊อะ เน๊อ เนกลุยเนลุ๊ย ตากาแล เต๊เห่ เฮ๊อ.

เห่ขุทวาลู่ 13:17

จว๊ามอ, จว๊าเล ตาวาลอ มอ เด๊อ เก่กู เออ, แว เก่ เด๊อะ เฮ๊อ เน๊อ เน ปา.”

เห่ขุทวาลู่ 13:15

เร๊อ เห่ขุ เด๊อ ล๋อ เน แม๊เถอะ กู๊แหน่ เออเต๊เห่เนอ, แว เก่ เด๊อะ เป่ เน๊อ เน เน๊อ เนพู๊เนเลอ เต๊เห่ อาเง ตูจู๋ เพร ปา.

เห่ขุทวาลู่ 12:7

เบ๊อะเนอเค, จอแปแหร่ ตูจูเพร โอ่โลแถ่ เป่ คูอับราม เร๊อ อา เฮ๊ ลู เน๊อ, “เก่ เออเต๊เก่ หม่า แว เก่ เด๊อะ เน๊อ เนพู๊เนเลอ ปา,” โทเร๊อ คูอับราม ต่าแถ่ หนิเป่ จอแปแหร่ ตูจูเพร เด๊อ อา โอ่โลแถ่ เป่ ลู เนอเตเพร อาเง เตหลู่แตเหร่ เต๊เหร่ เน๊อหล่อ.

ꤟꤤꤙꤚꤢꤨ 11:9

เด๊อ เตหยื่อ อาขว่าอาคยา, อา จว๊าโอ่ เด๊อ อูโรเทอ อูโรเก่ เด๊อ จอแปแหร่ อ๊อแล เฮ๊อ เน๊อ อา เก่ เด๊อะ ลู เนอเต๊เก่. อา จว๊าโอ่ แซ่เน๊อ เมวเจอะโรพู๊ เตเพร เร๊อ อา จว๊า อิช๊อโอ่หนิ อาเหล่สื่อ เด๊อ อา เด๊อะเก๊โอ่ เกอ เร๊อ อิเก เต๊เห่ เร๊อ อา จว๊าโอ่ แพ๊ เด๊อ เหล่สื่อกู. เร๊อ อา พู๊เพรคู คูอิสอัค เร๊อ อาเลอ ยาโคบ เด๊อ อา พย๊าหนิ แซ๊เกอ เตอ๊อแล เด๊อ จอแปแหร่ อา โอ่ เออ ซิเนอเนอ, อา ช๊อโอ่ แซ่เกอ ดื่อ อาเหล่สื่อ เบ๊อะเนอเนอ.

ฟีลิปปี 4:9

ล๋อ ซี อิซว๊าพย๊าหนิ โทเฮ๊อ เร๊อ ซี แม๊เถอะ หนิโฮ โทเฮ๊อ แว เตเฮ๊เบ่เฮ๊โช เต๊เห่ เนอ แว เตเอ่เตแร เด๊อ แว โอ่ เต๊เห่เนอ, โอ่เซอเพร ครวาเม เกอ แลแค ฮู๊เนอ เร๊อ เตตู๊จุเตอเจ๊อ อา จอแปแหร่ เก่ โอ่ เกอดื่อ เร๊อ ซี ปา.

เห่ขุทวาลู่ 39:21

หม่าแน๊เรอ จอแปแหร่ ตูจูเพร โอ่เกอ เน๊อ ลู เร๊อ อา โมเร๊อ ลู เน๊อ เตโม เด๊อ อาลอเป่แจ่โต่, เร๊อ เพรโอ่ป่อ ทอ กู่กล๊อ เนอเตเพร แม๊ดุเกอเร๊อเหน่เจ๊อ ลู.

เห่ขุทวาลู่ 39:2

จอแปแหร่ ตูจูเพร โอ่เกอ เน๊อ คูโยเซฟ อาขว่าอาคยา, อา เม อิเตเต๋ หม่า อาทวาแถ่เพ๊แถ่ เจ๊อ เร๊อ อา โอ่เกอ เบ๊อะ อาแบ่เจ่ อียิปต์เมวเจ่อพู๊ เนอเตเพร อาหี่.

เห่ขุทวาลู่ 26:14

อาซิหมิ เน๊อ เป่, อาปู่เป๊เหน่ เน๊อ อาหลู่เล๊ เต๊เห่ โอ่โหร่โอ่เอ๊ แหน่เจ๊อ เร๊อ ฟีลิสเตีย เมวเจ่อ เต๊เห่ ซิเถ่ลอลู.

เห่ขุทวาลู่ 26:12

จอแปแหร่ ตูจูเพร เด๊อะบุ๊ยเด๊อะเตอเรอ หนิ คูอิสอัค อาขว่าอาคยา, อา อิช๊ออิปลือตา เตเหมาะเตโบ เบ๊อะ เหล่โอ่ เนอโต๊โผะ เร๊อ เบ๊อะเนอ ต๊าหน่า อากู อา พย๊าหนิ เอ๊เล๊อโป่เจ๊อ เน๊อ อากลุย เด๊อ อา อิช๊ออิปลือตา เนอ อาโพ๊เตเย เจ๊อ.

ꤟꤤꤙꤚꤢꤨ 6:17

แกแย เด๊อ อา พย๊าหนิเฮ๊อ จอแปแหร่ อา เตอ๊อแล เต๊เห่เนอ, จอแปแหร่ ซิหยื่อ นอซิเง ตาเต เหย่ซี เน๊อ ฮู๊ จอแปแหร่ อ๊อแล โทเฮ๊อ เหย่ซีเนอ, อา เก่ เม เล๊อบา ฮู๊เนอ ปา, อา ถู่แหล่ เต๊เปล่โค๊ ปาโต่ อาขว่าอาคยา, เด๊อ อา เตอ๊อแล อากูเนอ, อา แบ โนป่าหนิ อาโหง่ เบ๊อะเนอ.

เห่ขุทวาลู่ 25:11

เบ๊อะ เพอับราฮัม เซอ โทเฮ๊อ เบ๊อะเนอ, จอแปแหร่ดุ เด๊อะบุ๊ยเด๊อะเตอเรอ เร๊อดื่อ อาพู๊ เพรคู คูอิสอัค. กู๊แหน่เร๊อ คูอิสอัค จว๊าโอ่ผื่อ เบ๊อะ เบเออลาไฮรอย เหล่โอ่ อาช๊า เนอโต๊โผะ.

เห่ขุทวาลู่ 26:24

เบ๊อะเนอ เตเซ เร๊อ จอแปแหร่ ตูจูเพร โอ่โลแถ่ เป เพอิสอัค เร๊อ อา เฮ๊ ลู เน๊อ, “แว หม่า เนเพ อับราฮัม อาจอแปแหร่ดุ, แวโอ่เต่อเกอ เน๊อ เน อาขว่าอาคยา, ซิอิเช แต่เหม่ นี๊. แว เก่ เด๊อะบุ๊ยเด๊อะเตอเรอ เน ปา, เร๊อ แว เก่ นอ โอ่โหร่โอ่เอ๊ แถ่หนิ เนกลุยเนลุ๊ย เต๊เห่ ฮู๊ แว อ๊อแลหนื่ออื่อ โทเฮ๊อ เน๊อ แวหลู่ อับราฮัม เนอ ปา.”

เห่ขุทวาลู่ 28:13

เร๊อ จอแปแหร่ ตูจูเพร ก๊อถ่อ โอ่ เด๊อ กู่โบเคอ เร๊อ อา เฮ๊ เน๊อ, “แว หม่า จอแปแหร่ ตูจูเพร เด๊อ อา หม่าเฮ๊อ เนโพ เพอับราฮัม อาจอแปแหร่ดุ เน๊อ เนเพ เพอิสอัค อาจอแปแหร่ดุ เตเพรเฮ๊อ. เก่ เด๊อ เน โอ่เมอ เกอเร๊อ อา กู๊แหน่เออ เต๊เก่เนอ, แว เก่ เด๊อะ เน๊อ เน เน๊อ เนกลุยเนลุ๊ย เต๊เห่ ปา.

เห่ขุทวาลู่ 31:3

เร๊อ จอแปแหร่ ตูจูเพร เฮ๊ ลู เน๊อ, “กาโอ่ คยาแซ๊ มอ เด๊อ เนเพ เน๊อ เนกลุยเนแล เต๊เห่ โอ่เกอเร๊อ เทอเก่ เนอ, เร๊อ แว เก่ โอ่ เกอ ดื่อ เน๊อ เน ปา.”

เห่ขุทวาลู่ 35:12

เห่ขุ เด๊อ แว เด๊อะ เน๊อ เพอับราฮัม เน๊อ เพอิสอัค เออเนอ แว เด๊อะ เกอ เน๊อ เน เฮ๊อ. เร๊อ เห่ขุเออ แว เก่ เด๊อะตา แฮเง เกอโป่ เน๊อ เนกลุยเนลุ๊ย ตากาแล เด๊อ เนคยา เนอเต๊เห่ ปาปา.”

เห่ขุทวาลู่ 48:21

โทเร๊อ เพยาโคบ เฮ๊ เพโยเซฟ เน๊อ, “ฮู๊ เน แม๊เถอะ ดื่อ เฮ๊อ เออ, แวม๊อเนอ ผื่อโต เฮ๊อ, หม่าแน๊เรอ จอแปแหร่ดุ เก่ โอ่เกอดื่อ เน๊อ เน ปา เร๊อ อา เก่ เอ๊กา คยาแซ๊ดื่อ เน เด๊อ เนเพอเนโพซี เต๊เห่ อาเก่เนอ ปา.

เห่ขุทวาลู่ 50:24

โทเร๊อ อา เฮ๊ อาโป่แหม่ เต๊เห่ เน๊อ, “แว โอ่เซอเพร งยา ปาโต่ เฮ๊อ. จอแปแหร่ดุ เก่ แฮแล เมจว่า หม่าแหน่ เจ๊อ ซี ปา, เร๊อ อา เก่ เอ๊เถ่แก ซี เน๊อ เก่ เบ๊อะเออ เต๊เก่ ปา, เร๊อ อา เก่ ซูกา ซี เก่ เด๊อ อา แบแลโทเฮ๊อ อาโหง่ เน๊อ โพอับราฮัม, โพอิสอัค, เพยาโคบ เนอเต๊เก่ ปา.”

เห่ขุทวาลู่ 17:19

เร๊อ จอแปแหร่ เฮ๊ ลู เน๊อ, “โต่, คูอิชมาเอล อาโตหนิแจ่โต่. เนเม โหมะซาราห์เออ เก่ พู๊โอ่หนิ เป่ เน พู๊เพรคู เตเพร ปา, เร๊อ เน เบ่ เอ๊ อามุย เน๊อ คูอิสอัค ปา. แว เก่ เมหม่าเมกลอ แวเตอ๊อแล เน๊อ อา ปา, เร๊อ เตอ๊อแล เออเนอ อา เก่ หม่าดื่อ เตอ๊อแล ตูจูเพร แตแลเคร๊ เด๊อ อาเง เน๊อ อาพู๊เหลอตา เด๊อคยา ตือทือ โท ตือทือ ปา. (อิสอัค อาโหง่แลช๊า หม่า อางยา, เมเตเฮ๊เร๊อ อา หนิโฮ เน๊อ เกเร พย๊าหนิ พู๊เพรคู เบ๊อะเนอ เร๊อ อางยา.)