เห่ขุทวาลู่ 26:25 - ลีเทส่อพ๊าอาเซ เร๊อ เห่ขุทวาลู๊

²⁵ โทเร๊อ เพอิสอัค ต่าแถ่ เตหลู่แตเหร่ เต๊เหร่ เน๊อหล่อ เบ๊อะเนอ โต๊โผะ เร๊อ จ๊อบู่จ๊อเบแถ่ จอแปแหร่ ตูจูเพร. เร๊อ อา ช๊อแถ่ หนิ อาเหล่สื่อหล่อป่า เบ๊อะเนอ เร๊อ อาหลู่ เต๊เห่ เว แลแค เทอกลื่อ เบ๊อะเนอ ตื๊อกลื่อ.

เห่ขุทวาลู่ 26:25 ပူးပေါင်းရင်းမြစ်များ

เห่ขุทวาลู่ 13:18

ฮู๊เนออาขว่าอาคยา, คูอับราม ย๊าโพร๊จว๊า อาเหล่สื่อเหล่แบ่ เต๊เห่ เร๊อ อา จว๊า ช๊อโอ่ผื่อ เด๊อ คูมัมเร อาส่อเหมาะดุเจ๊แร๊ เหล่โอ่ เบ๊อะ วีเฮโบรน เนอโต๊โผะ, เร๊อ อา ต่าแถ่แตแถ่ หนิ เป่ เด๊อ จอแปแหร่ ตูจูเพร อาเง เตหลู่แตเหร่ เน๊อหล่อ เบ๊อะเนอ เต๊เหร่.

เห่ขุทวาลู่ 35:1

งยาแต๋โต่เร๊อ จอแปแหร่ดุ เฮ๊ เพยาโคบ เน๊อ, “เถ่จว๊ามอ เด๊อ วีเบธเอล เร๊อ จว๊าโอ่ แลแค เบ๊อะเนอ. เร๊อ จว๊าต่าแถ่ เตหลู่แตเหร่ เด๊อ เหล่จ๊อเบแถ่ เน๊อ แว เง เตเม เมเตเฮ๊เร๊อ แว หม่า จอแปแหร่ดุ เด๊อ อา โอ่โลแถ่ เป่ เน เบ๊อะ เน เถ่แกล่จว๊า โอ่ว๊า เนแหม่ เพเอซาว อาเหล่ เบ๊อะเนอ เนอเตเพร เฮ๊อ.”

เห่ขุทวาลู่ 33:20

เร๊อ อา ต่าแถ่ เตหลู่แตเหร่ เบ๊อะเนอ โต๊โผะ เร๊อ อา เอ๊ เกอเร๊อ ลูมุย เน๊อ เอลเอโลเฮอิสราเอล. (อาโหง่แลช๊า หม่า อิสราเอลพู๊ อาจอแปแหร่ดุ เออหม่า จอแปแหร่.)

เห่ขุทวาลู่ 22:9

เบ๊อะ เหย่ซี จว๊าโต่ เฮ๊อ เด๊อ จอแปแหร่ดุ เฮ๊ ลู เหล่โอ่ เนอโต๊โผะ เบ๊อะเนอ, เพอับราฮัม ต่าแถ่ เตหลู่แตเหร่ เบ๊อะเนอ, โทเร๊อ อา แด่แถ่ ขรุ เด๊อ เตหลู่แตเหร่ลู. โทเร๊อ อา จอกลอหม่า เกอเร๊อ อาพู๊ คูอิสอัค เร๊อ อา แด่แถ่ ลู เด๊อ เตหลู่แตเหร่ขุ เด๊อ ขรุขุ เนอ.

เห่ขุทวาลู่ 13:4

เร๊อ อาเหล่โอ่ เออโต๊โผะ หม่า เบ๊อะ อาเหล่ ต่าแถ่ เกอเร๊อ เตหลู่แตเหร่ เนอ โต๊โผะเฮ๊อ. เร๊อ อา จ๊อเบแถ่ จอแปแหร่ ตูจูเพร เบ๊อะเนอ.

เห่ขุทวาลู่ 8:20

โทเร๊อ เพโนอาห์ ต่าแถ่ เตหลู่แตเหร่ เด๊อ จอแปแหร่ ตูจูเพร อาเง เตเม, โทเร๊อ อาพย๊า เตมีเตดอ เน๊อ ถู่ เด๊อ อาโพ๊แปละ เร๊อ อาโต หลู่แต แถ่เน๊อ จอแปแหร่ดุ เนอเต๊เห่, เร๊อ อา แด่แถ่ เด๊อ เตหลู่แตเหร่ขุ เร๊อ อา ชื๊ออือ หลู่แตแถ่ เน๊อ จอแปแหร่.

เห่ขุทวาลู่ 4:26

เพเสท พู๊โอ่ หนิ อาพู๊เพรคู เตเพร เร๊อ อา เอ๊ เกอเร๊อ ลูมุย เน๊อ คูเอโนช เป๊อแถ่ เบ๊อะเนอเค, แกแย เต๊เห่ เป๊อแถ่ จ๊อเบแถ่ จอแปแหร่ ตูจูเพร เฮ๊อ.

เห่ขุทวาลู่ 26:32

เบ๊อะเนอ เตอเนอ เฮ๊อ, เพอิสอัค อาหลู่ เต๊เห่ กาเฮ๊โฉ่ ลู เน๊อ เหย่ซี เว เทอกลื่อ อาหรี่อาแก. เร๊อ อา กา เฮ๊ ลู เน๊อ, “เป แม๊เถอะเฮ๊อ เทอเถ่ขู่ เฮ๊อ!”