เห่ขุทวาลู่ 26:24 - ลีเทส่อพ๊าอาเซ เร๊อ เห่ขุทวาลู๊

²⁴ เบ๊อะเนอ เตเซ เร๊อ จอแปแหร่ ตูจูเพร โอ่โลแถ่ เป เพอิสอัค เร๊อ อา เฮ๊ ลู เน๊อ, “แว หม่า เนเพ อับราฮัม อาจอแปแหร่ดุ, แวโอ่เต่อเกอ เน๊อ เน อาขว่าอาคยา, ซิอิเช แต่เหม่ นี๊. แว เก่ เด๊อะบุ๊ยเด๊อะเตอเรอ เน ปา, เร๊อ แว เก่ นอ โอ่โหร่โอ่เอ๊ แถ่หนิ เนกลุยเนลุ๊ย เต๊เห่ ฮู๊ แว อ๊อแลหนื่ออื่อ โทเฮ๊อ เน๊อ แวหลู่ อับราฮัม เนอ ปา.”

เห่ขุทวาลู่ 26:24 ပူးပေါင်းရင်းမြစ်များ

เห่ขุทวาลู่ 17:7

แว ซิหยื่อ เมหม่าเมกลอ หนิ แวเตอ๊อแล โหง่ เออ ตูจูเพร เน๊อ เน เน๊อ เนกลุยเนแล ตากาแล เด๊อคยา เต๊เห่ ตือทือ โท ตือทือ. แว เก่ ทวา เนจอแปแหร่ดุ ปา โท๊โต่ แว เก่ ทวา เกอดื่อ เนกลุยแล ตากาแล เด๊อคยา เต๊เห่ อาจอแปแหร่ดุ ปาปา.

เห่ขุทวาลู่ 15:1

เบ๊อะ คูอับราม เมแลเปล๊ หนิแก คูโลท โทเนอ, อา แม๊เถอะลว๊า เต เต๊อเจ่อ เร๊อ จอแปแหร่ ตูจูเพร เฮ๊เบ่ตา ลู เน๊อ, “เก๋อ คูอับราม, ซิอิเช แต่ เตอเจ๋อ แต่เหม่ นี๋. แว เก่ ตอกอเตเก เร๊อดื่อ เน ปา, โท๊โต่ แว เก่ เด๊อะโป่ เน เตเมหนิ คว๊าเก่ เด๊อ อาแร๊ดุเล๊อ เออเนอ ปา.”

เพรโด่แนพู๊ เต๊เห่ 7:32

‘แว หม่า เน โหมะเพเพอโพ เด๋อ งย๊าเค เต๊เห่ อา จอแปแหร่. แว หม่า เพอับราฮับ, เพอิสอัค, เพยาโคบ เต๊เห่ อา จอแปแหร่.’ คูโมเสส ซิอิเช แตแนตากยา เจ๊อ เร๊อ อา แม๊บื่อ ปา เจ๊อ โต่.

เห่ขุทวาลู่ 24:12

เร๊อ อา กุยจ๊อเบแถ่ เน๊อ, “เก๋อ จอแปแหร่ ตูจูเพร, แวแบ่เจ่ เพอับราฮัม อาจอแปแหร่ดุ, เออเตอเนอ เร๊อ แด่ทูซิปล่อ เร๊อ เมโทเมปลื๊อ เป่เหร่อ แวเตเมเออ เร๊อ เด๊อะโล ดื่อ เนเตโม เด๊อ อาลอเป่แจ่ โต่ เออ เนอ แวแบ่เจ่ เพอับราฮัม นี๋.

เตเด๊อะโลแถ่ 1:17

เบ๊อะแว แม๊เถอะ อา เบ๊อะเนอ, แว แลคื๊อตา เซอโง แซ่เจ๊อเร๊อ แกแยเซอ เตเพร เด๊อ อา กู๊โด่ซ๊า เนอ, โทเรอ อา แด่แถ่ อากู๊ขุ จ๊อทว๊า เด๊อ แวเหน่ลู เร๊อ อา เฮ๊ เน๊อ, “ซิอิเช แต่เหม่, แว หม่า เตอาแก่ซ๊า เร๊อ เตอาตื๊อดื่อ เตเพรเฮ๊อ.

เห่ขุทวาลู่ 28:13

เร๊อ จอแปแหร่ ตูจูเพร ก๊อถ่อ โอ่ เด๊อ กู่โบเคอ เร๊อ อา เฮ๊ เน๊อ, “แว หม่า จอแปแหร่ ตูจูเพร เด๊อ อา หม่าเฮ๊อ เนโพ เพอับราฮัม อาจอแปแหร่ดุ เน๊อ เนเพ เพอิสอัค อาจอแปแหร่ดุ เตเพรเฮ๊อ. เก่ เด๊อ เน โอ่เมอ เกอเร๊อ อา กู๊แหน่เออ เต๊เก่เนอ, แว เก่ เด๊อะ เน๊อ เน เน๊อ เนกลุยเนลุ๊ย เต๊เห่ ปา.

เห่ขุทวาลู่ 13:16

แว เก่ นอ โอ่เอ๊แถ่ เนพู๊เนเลอ เต๊เห่ แซ่เจ๊อเน๊อ เห่หมื่อ เนอ เจ๊อ ปา. แกแย เตเพรเพร เด๊อ อา แด๊ ลอเป่เบ๊ เห่หมื่อ เนอ, อา เก่ แด๊ ลอเป่เบ๊ เนพู๊เนเลอ เต๊เห่ ปา.

ꤟꤤꤙꤚꤢꤨ 13:6

ฮู๊เนอเรอ, “จอแปแหร่ หม่า เพร เด๊อ อา เมจว่า แว. อู เมเจ๊อ แว ฮู๊เตเต๋ เบ่เบ่, แว ซิอิเช โต่,” เป เฮ๊ แลแค ฮู๊เออ เนอหม่า อาหนิ แพ๊.

ꤜꤢꤨꤊꤢ꤬ 12:32

“เก๋อ ซิหมิเป๊หมู่ ปีตี๊ ซี๋, ซิอิเช แต่เหม่ นี๋, เมเตเฮ๊เรอ ซีเพ ซิปล่อโอ่ เด๊อ อาเก่ เด๊อ ซี เร๊อ อาเทออาเก่ เฮ๊อ.

เห่ขุทวาลู่ 31:5

เร๊อ เพยาโคบ เฮ๊ เหย่ซี เน๊อ, “แว ซิเง เน๊อ ซีเพ เพลาบัน อาเตแบ๊ซว๊าแบ๊โค เน๊อ แว เนอ อาแซ่ ปา เน๊อ เด๊อ อาเหร่อเค เนอ โต่ เฮ๊อ, หม่าแน๊เรอ แวเพ อาจอแปแหร่ดุ เออเนอ อา โอ่ เกอเฮ๊อ เน๊อ แว.

เห่ขุทวาลู่ 22:19

ฮู๊เนอโทเร๊อ เพอับราฮัม เน๊อ อาพู๊เพรคู กาคยา คยาแซ๊ เด๊อ อาหลู่เล๊ เต๊เห่ อาโอ่, เร๊อ เหย่ซี กา โหร่ลู เด๊อ เหย่ซี เหล่โอ่ เกอเร๊อ เบเออร์เชบา เหล่โอ่ เนอโต๊โผะ.

ꤟꤤꤙꤚꤢꤨ 11:16

หม่าแน๊เรอ เหย่ซี แม๊ชือ ซิหนิโส่ แหน่เจ๊อ ม๊อขุ เทอเก่ เด๊อ อา โมเล๊อ เออเนอ ต๊าบ่า. ฮู๊เนอเรอ เหย่ซี เอ๊ จอแปแหร่ เร๊อ เหย่ซี จอแปแหร่ เนอ, จอแปแหร่ ซิเตเรโต่. เด๊อ จอแปแหร่ ตี๊หรี่แตแร หนื่ออื่อ เป่เฮ๊อ เหย่ซี วีเออ อาขว่าอาคยา, อา เด๊อะโล เฮ๊อ เน๊อ เหย่ซี เต๊เห่ เก่ เอ๊ จอแปแหร่ เน๊อ เหย่ซี จอแปแหร่ เนอ อา ซิเตเร แลแค โต่.

เห่ขุทวาลู่ 17:8

คานาอันเก่ เต๊เก๋ ลอ เด๊อ เน โอ่ เกอเร๊อ อา แซ่เน๊อ เทอโรเก่กลอพู๊ เตเพร กู๊แหน่เออ เนอ, แว เก่ เด๊อะลา เน๊อ เน เน๊อ เนกลุยเนแล ตากาแล เด๊อ คยา เต๊เห่ ตูจูเพร ปา เร๊อ แว เก่ ทวา เหย่ซีจอแปแหร่ ปา,”

เห่ขุทวาลู่ 21:17

เร๊อ จอแปแหร่ดุ หนิโฮตา เป๊เจ่ โหง่พรา เร๊อ จอแปแหร่ดุ อาเตเน่วพู๊ โอ่ เด๊อ ม๊อขุ เอ๊ตา โหมะฮาการ์ เร๊อ อา เฮ๊ ลู เน๊อ, “เหมาะฮาการ์, เน โหง่ เมเต? ซิอิเช เเต่เหม่, จอแปแหร่ดุ หนิโฮตาเฮ๊อ เป๊เจ่ โหง่ เด๊อ แจ๊โจ่กู เออเนอ เฮ๊อ.

เห่ขุทวาลู่ 22:17

แว เด๊อะบุ๊ยเด๊อะเตอเรอ หม่าแหน่ เจ๊อ เน ปา. แว นอ โอ่โหร่โอ่เอ๊แถ่ เนกลุยเนลุ๊ย เต๊เห่ แซ่เจ๊อเน๊อ เฉ่ เด๊อ ม๊อเล, แซ่เจ๊อเน๊อ หล่อตาม๊า เด๊อ เทอดุซาวาทือ เด๊อ อู แด๊ ลอเป่ ปาเจ๊อโต่ เออเนอ ปา. เร๊อ เนกลุยเนลุ๊ย เนอ อา เมปย๊าแก เหย่ซี เต๊เห่ ปา, เร๊อ อา เป๊อะหนิลอ เหย่ซีวี เต๊เห่ ปา.

เห่ขุทวาลู่ 28:3

จอแปแหร่ เด๊อ อาโพรเตอเรอฉว่าชอ เออเตเพร เก่ เด๊อะบุ๊ยเด๊อะเตอเรอดื่อ เน ปา นี๋, เร๊อ เน เก่ พู๊โอ่โหร่เลอโอ่เอ๊ดื่อ เร๊อ โอ่โหร่โอ่เอ๊แถ่ เกอ แลแค นี๋. เร๊อ เน เก่ ทวาแถ่ เกอดื่อ เมวเจ่อดู๋ เต๊อเจ่อ เน๊อ เมวเจ่อ เอ๊เต๊เห่ อาเมวเจ่อ ปา.

เห่ขุทวาลู่ 28:15

เร๊อ เนจว๊า เบ๊อะเต โต๊โผะ เต๋ เบ่เบ่, แว โอ่เกอดื่อ เน๊อ เน ปา, แว ตอกอเตเก เร๊อดื่อ เน ปา. แว เก่ เอ๊กา คยาแซ๊ดื่อ เน เบ๊อะ เก่เออ เต๊เก่ ปา. ฮู๊ แว อ๊อแล โทเฮ๊อ เน เออเนอ, อา เก่ เล๊อบาแถ่ แต่ล๋ายโต่ เฮ๊หม่า, แว วีแก เน๊อ เน โต่,” จอแปแหร่ดุ เฮ๊ คูยาโคบ ฮู๊เนอ.

เห่ขุทวาลู่ 30:27

หม่าแน๊เรอ เพลาบัน เฮ๊ ลู เน๊อ, “อา เก่ โต เน๊อ เนซิปล่อ เฮ๊เร๊อ, แด่ทูซิปล่อ เร๊อโอ่เกอโป่ เหร่อ แว เบ๊อะเออ. เด๊อ เนขุเนคยาเร๊อ จอแปแหร่ ตูจูเพร เด๊อะบุ๊ยเด๊อะเตอเรอ เฮ๊อ แว. เร๊อ แว ดุแหย่แถ่เซ เฮ๊อ.”

เห่ขุทวาลู่ 46:1

ฮู๊เนออาขว่าอาคยา, เพยาโคบ โต่หนิ ลอ อาตาเต เร๊อ อา เถ่จว๊า เร๊อ เบ๊อะ อา จว๊าโต่ เฮ๊อ เด๊อ วีเบเออร์เชบา เบ๊อะเนอ, อา เมเซอ เตมีเตดอ เร๊อ หลู่แตแถ่ อาเพ เน๊อ เพอิสอัค อาจอแปแหร่ดุ

เห่ขุทวาลู่ 39:2

จอแปแหร่ ตูจูเพร โอ่เกอ เน๊อ คูโยเซฟ อาขว่าอาคยา, อา เม อิเตเต๋ หม่า อาทวาแถ่เพ๊แถ่ เจ๊อ เร๊อ อา โอ่เกอ เบ๊อะ อาแบ่เจ่ อียิปต์เมวเจ่อพู๊ เนอเตเพร อาหี่.

เห่ขุทวาลู่ 39:3

เบ๊อะ อาแบ่เจ่ ซิเง เน๊อ จอแปแหร่ ตูจูเพร โอ่ เกอ เน๊อ ลู, เร๊อ อา เม อิเตเต๋ เบ่เบ่ จอแปแหร่ ตูจูเพร เด๊อะ ทวาแถ่เพ๊แถ่ ลู เบ๊อะเนอ,