เห่ขุทวาลู่ 26:2 - ลีเทส่อพ๊าอาเซ เร๊อ เห่ขุทวาลู๊

² จอแปแหร่ ตูจูเพร โอ่โลแถ่ เป่ คูอิสอัค เร๊อ อา เฮ๊ ลู เน๊อ, “จว๊า แต่ เด๊อ อียิปต์เก่ แต่เหม่ นี๊! โอ่ แพ๊ เก่ เบ๊อะ แว นอโอ่ เน เนอเต๊เก่ แพ๊ นี๊.

เห่ขุทวาลู่ 26:2 ပူးပေါင်းရင်းမြစ်များ

เห่ขุทวาลู่ 12:7

เบ๊อะเนอเค, จอแปแหร่ ตูจูเพร โอ่โลแถ่ เป่ คูอับราม เร๊อ อา เฮ๊ ลู เน๊อ, “เก่ เออเต๊เก่ หม่า แว เก่ เด๊อะ เน๊อ เนพู๊เนเลอ ปา,” โทเร๊อ คูอับราม ต่าแถ่ หนิเป่ จอแปแหร่ ตูจูเพร เด๊อ อา โอ่โลแถ่ เป่ ลู เนอเตเพร อาเง เตหลู่แตเหร่ เต๊เหร่ เน๊อหล่อ.

เห่ขุทวาลู่ 18:1

เตอเนอเค เพอับราฮัม โอ่ เด๊อ คูเมหม่าเร อาส่อเหมาะดุบูโพ๊ แก่ช๊า เนอ โต๊โผะ เร๊อ เบ๊อะ เหมาะโถ่เก่กู่ เบ๊อะเนอ, อา โอ่แนโอ่ เบ๊อะ อาเหล่สื่อ กู่ดากูทือ เร๊อ จอแปแหร่ ตูจูเพร แฮโอ่โลแถ่ เป่ ลู.

เห่ขุทวาลู่ 17:1

เบ๊อะ เพอับราม หน่า โอ่ เฮ๊อ ลุยซว๊า เตอเชอ เน๊อ ลุยซว๊า ต๊าหน่า เฮ๊อ เบ๊อะเนอ, จอแปแหร่ ตูจูเพร โอ่โลแถ่ เป่ ลู เร๊อ อา เฮ๊ ลู เน๊อ, “แว หม่า จอแปแหร่ เด๊อ อาโพรฉว่าชอ เตเพร. หนิดา แวโหง่ เร๊อ โอ่เซอเพร เมโตเมเบ่ แวซิปล่อ ปว๋า โตโพ๊ นี๋.

เห่ขุทวาลู่ 12:1

จอแปแหร่ ตูจูเพร เฮ๊ คูอับราม เน๊อ, “แด่แก เนเทอเนเก่, เนกลุยเนแล เน๊อ เนเพ อาตี๊หี่แตแพเต๊เห่ เร๊อ เถ่จว๊า มอ เด๊อ เทอเก่ เด๊อ แว เก่ เด๊อะโล เป่ เน ปา เนอเต๊เก่ นี๊.

เห่ขุทวาลู่ 17:19

เร๊อ จอแปแหร่ เฮ๊ ลู เน๊อ, “โต่, คูอิชมาเอล อาโตหนิแจ่โต่. เนเม โหมะซาราห์เออ เก่ พู๊โอ่หนิ เป่ เน พู๊เพรคู เตเพร ปา, เร๊อ เน เบ่ เอ๊ อามุย เน๊อ คูอิสอัค ปา. แว เก่ เมหม่าเมกลอ แวเตอ๊อแล เน๊อ อา ปา, เร๊อ เตอ๊อแล เออเนอ อา เก่ หม่าดื่อ เตอ๊อแล ตูจูเพร แตแลเคร๊ เด๊อ อาเง เน๊อ อาพู๊เหลอตา เด๊อคยา ตือทือ โท ตือทือ ปา. (อิสอัค อาโหง่แลช๊า หม่า อางยา, เมเตเฮ๊เร๊อ อา หนิโฮ เน๊อ เกเร พย๊าหนิ พู๊เพรคู เบ๊อะเนอ เร๊อ อางยา.)

เห่ขุทวาลู่ 26:24

เบ๊อะเนอ เตเซ เร๊อ จอแปแหร่ ตูจูเพร โอ่โลแถ่ เป เพอิสอัค เร๊อ อา เฮ๊ ลู เน๊อ, “แว หม่า เนเพ อับราฮัม อาจอแปแหร่ดุ, แวโอ่เต่อเกอ เน๊อ เน อาขว่าอาคยา, ซิอิเช แต่เหม่ นี๊. แว เก่ เด๊อะบุ๊ยเด๊อะเตอเรอ เน ปา, เร๊อ แว เก่ นอ โอ่โหร่โอ่เอ๊ แถ่หนิ เนกลุยเนลุ๊ย เต๊เห่ ฮู๊ แว อ๊อแลหนื่ออื่อ โทเฮ๊อ เน๊อ แวหลู่ อับราฮัม เนอ ปา.”