เห่ขุทวาลู่ 24:7 - ลีเทส่อพ๊าอาเซ เร๊อ เห่ขุทวาลู๊

⁷ จอแปแหร่ ตูจูเพร หม่าเฮ๊อ จอแปแหร่ดุ เด๊ออาเป๊อหนิ ม๊อขุ, อา เอ๊เถ่ แว เด๊อ แวเพ อากลุยอาแล เน๊อ อู เหล่ปลือตา แวดีโบ เหล่โอ่ เนอเตเพรเฮ๊อ. เร๊อ อา แบ อาโหง่ เร๊อ อา อ๊อแล โทเฮ๊อ, ‘แว เก่ เด๊อะ เนกลุยเนแล เน๊อ เทอเก่ เออ ปา.’ ฮู๊เนอเร๊อ แซ่ฮู๊ เน เก่ แม๊เถอะ เอ๊กาหนิ เป่ แวพู๊เพรคู อาเม เบ๊อะเนอ เต๊เก่ อาเงเนอ, จอแปแหร่ เก่ นอแฮ เหร่อ เป่ดื่อ เน อาเตเน่วม๊อขุพู๊ ปา.

เห่ขุทวาลู่ 24:7 ပူးပေါင်းရင်းမြစ်များ

ꤟꤤꤙꤚꤢꤨ 1:14

เก่เฮ๊ฮู๊เนอเรอ, ม๊อขุ เตเน่วพู๊ เต๊เห่ หม่า อูเป? เหย่ซี หม่า ซิปล่อเซอเพร เด๊อ อา เม เป่ จอแปแหร่ อาเตเม เต๊เห่. จอแปแหร่ นอเมจว่า เป่ เหย่ซี เร๊อ แกแย เด๊อ อา เก่ พย๊าหนิ เตเมแลเปล๊กา ปา เต๊เห่ อาเง แพ๊.

เห่ขุทวาลู่ 13:15

เร๊อ เห่ขุ เด๊อ ล๋อ เน แม๊เถอะ กู๊แหน่ เออเต๊เห่เนอ, แว เก่ เด๊อะ เป่ เน๊อ เน เน๊อ เนพู๊เนเลอ เต๊เห่ อาเง ตูจู๋ เพร ปา.

เห่ขุทวาลู่ 15:18

เบ๊อะเนอ เตอเนอเร๊อ จอแปแหร่ ตูจูเพร อ๊อแล อาโหง่ เน๊อ คูอับราม เร๊อ อา เฮ๊ ลู เน๊อ, “เป๊อแถ่ เด๊อ อียิปต์เก่กือ แลโหมะ เนอเร๊อ อา โต่ เด๊อ ยูเฟรติส เทอแลโหมะดุ เนอ, แว อ๊อแลนอแล เฮ๊อ เน๊อ เก่เออ แว เด๊อะ เน๊อ เนกลุยเนลุ๊ย ตากาแล เต๊เห่ เฮ๊อ.

เตเด๊อะโลแถ่ 11:13

อา กา กี๊แถ่แถ่ เร๊อ เตเน่วท๊อดีฉว่าแหน่เจ๊อ. วี แลตาพรอแก อา ปุ๊ยเช๊อตีปุ๊ย เร๊อ แกแยเซอแก อาเพร โซซว๊าตีรี๊. แกแย เด๊อ อา โอ่แก เต๊เห่เนอ, อา เถ่ตาปา ซิอิเช ลอ แลแค เร๊อ ถู่เซ๊แถ่ ม๊อขุ อา จอแปแหร่ดุ อา เตโพรฉว่าชอ.

ꤟꤤꤙꤚꤢꤨ 11:9

เด๊อ เตหยื่อ อาขว่าอาคยา, อา จว๊าโอ่ เด๊อ อูโรเทอ อูโรเก่ เด๊อ จอแปแหร่ อ๊อแล เฮ๊อ เน๊อ อา เก่ เด๊อะ ลู เนอเต๊เก่. อา จว๊าโอ่ แซ่เน๊อ เมวเจอะโรพู๊ เตเพร เร๊อ อา จว๊า อิช๊อโอ่หนิ อาเหล่สื่อ เด๊อ อา เด๊อะเก๊โอ่ เกอ เร๊อ อิเก เต๊เห่ เร๊อ อา จว๊าโอ่ แพ๊ เด๊อ เหล่สื่อกู. เร๊อ อา พู๊เพรคู คูอิสอัค เร๊อ อาเลอ ยาโคบ เด๊อ อา พย๊าหนิ แซ๊เกอ เตอ๊อแล เด๊อ จอแปแหร่ อา โอ่ เออ ซิเนอเนอ, อา ช๊อโอ่ แซ่เกอ ดื่อ อาเหล่สื่อ เบ๊อะเนอเนอ.

เพรโด่แนพู๊ เต๊เห่ 7:5

เร๊อ จอแปแหร่ เด๊อะตา แต่ล๋าย เพอับราฮับ เห่ขุโต่, เบ๊อะเตอกยาฮู๊ แพ๊เน๋อ อา เด๊อ เจ๊อ แล๋ ลู โต่, ตื๊อดื่อเรอ จอแปแหร่ อ๊อแล ลู เร๊อ อา เก่ เด๊อ ลู เก่เต๊เก่ ปา, เร๊อ เก่เออเนอ, อา เก่ ทวา เพอับราฮับ เร๊อ อากลุยอาแล แกแล แฮเง เออเต๊เห่ อาเทออาเก่ ปา. เบ๊อะจอแปแหร่ อ๊อแล ลู โหง่เออ เบ๊อะเนอ, เพอับราฮับ อาพู๊ โอ่ แล๋ เตเพร่ว โต่.

เห่ขุทวาลู่ 26:24

เบ๊อะเนอ เตเซ เร๊อ จอแปแหร่ ตูจูเพร โอ่โลแถ่ เป เพอิสอัค เร๊อ อา เฮ๊ ลู เน๊อ, “แว หม่า เนเพ อับราฮัม อาจอแปแหร่ดุ, แวโอ่เต่อเกอ เน๊อ เน อาขว่าอาคยา, ซิอิเช แต่เหม่ นี๊. แว เก่ เด๊อะบุ๊ยเด๊อะเตอเรอ เน ปา, เร๊อ แว เก่ นอ โอ่โหร่โอ่เอ๊ แถ่หนิ เนกลุยเนลุ๊ย เต๊เห่ ฮู๊ แว อ๊อแลหนื่ออื่อ โทเฮ๊อ เน๊อ แวหลู่ อับราฮัม เนอ ปา.”

เห่ขุทวาลู่ 17:8

คานาอันเก่ เต๊เก๋ ลอ เด๊อ เน โอ่ เกอเร๊อ อา แซ่เน๊อ เทอโรเก่กลอพู๊ เตเพร กู๊แหน่เออ เนอ, แว เก่ เด๊อะลา เน๊อ เน เน๊อ เนกลุยเนแล ตากาแล เด๊อ คยา เต๊เห่ ตูจูเพร ปา เร๊อ แว เก่ ทวา เหย่ซีจอแปแหร่ ปา,”

เห่ขุทวาลู่ 16:7

จอแปแหร่ ตูจูเพร อาเตเน่วม๊อขุพู๊ แม๊เถอะ เหมาะฮาการ์ เบ๊อะ เก่เชเทอแก่ เหล่โอ่ เทอเถ่ขู่กู อาช๊า โต๊โผะ, เหล่โอ่ เนอโต๊โผะ หม่า อา โอ่ เบ๊อะ แกล๊ เหล่จว๊า เด๊อ ชูร์เก่ เนอโตโบ อาลู.

เห่ขุทวาลู่ 21:17

เร๊อ จอแปแหร่ดุ หนิโฮตา เป๊เจ่ โหง่พรา เร๊อ จอแปแหร่ดุ อาเตเน่วพู๊ โอ่ เด๊อ ม๊อขุ เอ๊ตา โหมะฮาการ์ เร๊อ อา เฮ๊ ลู เน๊อ, “เหมาะฮาการ์, เน โหง่ เมเต? ซิอิเช เเต่เหม่, จอแปแหร่ดุ หนิโฮตาเฮ๊อ เป๊เจ่ โหง่ เด๊อ แจ๊โจ่กู เออเนอ เฮ๊อ.

เห่ขุทวาลู่ 22:11

หม่าแน๊เรอ จอแปแหร่ ตูจูเพร อาเตเน่วพู๊ โอ่ เด๊อ ม๊อขุ เร๊อ อา เอ๊โทตา ลู เน๊อ, “เก๋อ อับราฮัม, อับราฮัม.” เร๊อ อา เต๊ฉื่อ ลู เน๊อ, “เมเต, แบ่เจ่ดุ, แว โอ่ แพ๊.”

เห่ขุทวาลู่ 24:3

เด๊อ แวพู๊ อาเง, แซ่ฮู๊ เน เก่ นว๊าพย๊า เป่ แต่ ลูเม เน๊อ คานาอันเมวเจ่อโหมะ เบ๊อะ คานาอันเก่กู เออ แต่เหม่ เนอ, แวซิหยื่อ นอ แบ เนโหง่ เน๊อ จอแปแหร่ ตูจูเพรหม่าเฮ๊อ จอแปแหร่ดุ เด๊ออาเป๊อหนิ ม๊อขุ เน๊อ เห่ขุ เนอเตเพร.

เห่ขุทวาลู่ 24:40

เร๊อ แวแบ่เจ่ เฮ๊ฉื่อ แว เน๊อ, ‘จอแปแหร่ ตูจูเพร เด๊อ แว หนิดา ลูโหง่ เออเตเพร เนอ, อา นอจว๊า เกอดื่อ อาเตเน่วพู๊ เน๊อ เน เร๊อ อา เก่ เมโทเมปลื๊อ เป่ดื่อ เน ปา. เร๊อ เน เก่ แม๊ปู เอ๊กา หนิเป่ดื่อ แวพู๊เพรคู อาเม เด๊อ แวกลุยแวแล เน๊อ แวเพ ตี๊หี่แตแพ อาเกล เออเนอ ปา.