เห่ขุทวาลู่ 24:60 - ลีเทส่อพ๊าอาเซ เร๊อ เห่ขุทวาลู๊

⁶⁰ เร๊อ อาตี๊หี่แตแพ เต๊เห่ เด๊อะบุ๊ยเด๊อะเตอเรอ แลแค เหมาะเรเบคาห์ เน๊อ, “เป โป่เพรเหมาะ เก่ ทวาแถ่ดื่อ โหมะ เด๊อ พู๊โอ่โหร่เลอโอ่เอ๊ เจ๊อ เด๊อ อาซ๊ออาซีกู เจ๊อ ปา นี๋. เนกลุยเนลุ๊ย เต๊เห่ เก่ เมเป่ ลอ ดื่อ แกแย เด๊ออาซี๊เถ่ เหย่ซี อาวี เต๊เห่ ปา นี๋.”

เห่ขุทวาลู่ 24:60 ပူးပေါင်းရင်းမြစ်များ

เห่ขุทวาลู่ 22:17

แว เด๊อะบุ๊ยเด๊อะเตอเรอ หม่าแหน่ เจ๊อ เน ปา. แว นอ โอ่โหร่โอ่เอ๊แถ่ เนกลุยเนลุ๊ย เต๊เห่ แซ่เจ๊อเน๊อ เฉ่ เด๊อ ม๊อเล, แซ่เจ๊อเน๊อ หล่อตาม๊า เด๊อ เทอดุซาวาทือ เด๊อ อู แด๊ ลอเป่ ปาเจ๊อโต่ เออเนอ ปา. เร๊อ เนกลุยเนลุ๊ย เนอ อา เมปย๊าแก เหย่ซี เต๊เห่ ปา, เร๊อ อา เป๊อะหนิลอ เหย่ซีวี เต๊เห่ ปา.

เห่ขุทวาลู่ 17:16

แว เก่ เด๊อะบุ๊ยเด๊อะเตอเรอ อา ปา เร๊อ อา เก่ พู๊โอ่แล หนิเป่ เนเง พู๊เพรคู เตเพร ปา. แว เก่ เด๊อะบุ๊ยเด๊อะเตอเรอ อา ปา อาขว่าอาคยา, อา เก่ ทวา เมวเจ่อ เต๊เห่ อาโหมะ ปา, โท๊โต่ เมวเจ่อ คุ๊ย เต๊เห่ เก่ โอ่แถ่ เบ๊อะ อากลุยแล อาเกล เนอ ปา.”

เห่ขุทวาลู่ 28:3

จอแปแหร่ เด๊อ อาโพรเตอเรอฉว่าชอ เออเตเพร เก่ เด๊อะบุ๊ยเด๊อะเตอเรอดื่อ เน ปา นี๋, เร๊อ เน เก่ พู๊โอ่โหร่เลอโอ่เอ๊ดื่อ เร๊อ โอ่โหร่โอ่เอ๊แถ่ เกอ แลแค นี๋. เร๊อ เน เก่ ทวาแถ่ เกอดื่อ เมวเจ่อดู๋ เต๊อเจ่อ เน๊อ เมวเจ่อ เอ๊เต๊เห่ อาเมวเจ่อ ปา.

เห่ขุทวาลู่ 9:1

โทเร๊อ จอแปแหร่ดุ เด๊อะบุ๊ยเด๊อะเตอเรอ เพโนอาห์ เน๊อ อาพู๊เพรคู เต๊เห่ เร๊อ อา เฮ๊ เหย่ซี เน๊อ, “พู๊โอ่โหร่เลอโอ่เอ๊ แลแค เร๊อ โอ่บา ลอ แลแค เด๊อ เห่ขุเออ นี๋.

เห่ขุทวาลู่ 1:28

โทเร๊อ จอแปแหร่ดุ เด๊อะบุ๊ยเด๊อะเตอเรอ เหย่ซี เร๊อ อา เฮ๊ เน๊อ, “พู๊โอ่โหร่เหลอโอ่เอ๊ แลแค เร๊อ โอ่บา ลอเจ๊อ เห่ขุ เออต๊าบ่า เร๊อ เป๊อตี๊หรี่ เร๊อดื่อ นี๋. เร๊อ เตมีเตดอ โอ่ เด๊อ เทอดุซาวากู เนอเต๊เห่ เบ่เบ่, ถู่พู๊โหย่พู๊ เด๊อ อา โย เด๊อ ม๊อเล เนอเต๊เห่ เบ่เบ่, เตมีเตดอ, เตมีเตแหม่ เด๊อ อา จว๊า เด๊อ เห่ขุ เนอเต๊เห่ ปว๊า เต๊อเจ่อ เบ่เบ่ เป๊อตี๊หรี่ เร๊อ ลอดื่อ เหย่ซี นี๋.”

เห่ขุทวาลู่ 48:20

เบ๊อะเนอ เตอเนอ อา เด๊อะบุ๊ยเด๊อะเตอเรอ เหย่ซี เร๊อ อา เฮ๊ เน๊อ, “เบ๊อะ อิสราเอล พู๊ เด๊อะบุ๊ยเด๊อะเตอเรอ อู เตเพรเพร เบ๊อะเนอ, อา เก่ นอเอ่ ซีมุย ปา, เร๊อ อา เก่ เฮ๊ เน๊อ, ‘จอแปแหร่ดุ เก่ นอทวาแถ่ ดื่อ เน ฮู๊ คูเอฟราอิม เน๊อ คูมนัสเสห์ เนอ ปา นี๋.’” ฮู๊เนอเร๊อ เพยาโคบ เอ๊เหร่อเล๊อ คูเอฟราอิม อามุย เร๊อ อา เอ๊โหน่ คูมนัสเสห์ อามุย.

เห่ขุทวาลู่ 14:19

เร๊อ เด๊อะบุ๊ยเด๊อะเด๊อเตอเรอ คูอับราม เน๊อ, “จอแปแหร่ เด๊อ อาดุอาทูเล๊อ อู, เร๊อ อา แบ๊แล ม๊อขุ เน๊อ เห่ขุ เออเตเพร เก่ เด๊อะบุ๊ยเด๊อะเตอเรอ ดื่อ เน นี๋.

เห่ขุทวาลู่ 24:61

เร๊อ เหมาะเรเบคาห์ เน๊อ เพรแม๊เพรตู่หนิ ลู เต๊เห่ แถ่แด๊ หนิ ตีซิโบดุ เต๊เห่ เร๊อ อา ครวากาเกอ เพรคู เนอเตเพร, เร๊อ เพอับราฮัม อาหลู่เล๊ เอ๊หนิ เหมาะเรเบคาห์ เร๊อ อา เถ่กา โหร่ลอ แลแค ลู.

เห่ขุทวาลู่ 32:1

เร๊อ เบ๊อะ เพยาโคบ กา ปาแพ๊ เด๊อ แกล๊ลู เบ๊อะเนอ, จอแปแหร่ดุ อาเตเน่วม๊อขุพู๊ เต๊เห่ แฮแม๊เถอะฉื่อ ลู.