เห่ขุทวาลู่ 24:40 - ลีเทส่อพ๊าอาเซ เร๊อ เห่ขุทวาลู๊

⁴⁰ เร๊อ แวแบ่เจ่ เฮ๊ฉื่อ แว เน๊อ, ‘จอแปแหร่ ตูจูเพร เด๊อ แว หนิดา ลูโหง่ เออเตเพร เนอ, อา นอจว๊า เกอดื่อ อาเตเน่วพู๊ เน๊อ เน เร๊อ อา เก่ เมโทเมปลื๊อ เป่ดื่อ เน ปา. เร๊อ เน เก่ แม๊ปู เอ๊กา หนิเป่ดื่อ แวพู๊เพรคู อาเม เด๊อ แวกลุยแวแล เน๊อ แวเพ ตี๊หี่แตแพ อาเกล เออเนอ ปา.

เห่ขุทวาลู่ 24:40 ပူးပေါင်းရင်းမြစ်များ

เห่ขุทวาลู่ 17:1

เบ๊อะ เพอับราม หน่า โอ่ เฮ๊อ ลุยซว๊า เตอเชอ เน๊อ ลุยซว๊า ต๊าหน่า เฮ๊อ เบ๊อะเนอ, จอแปแหร่ ตูจูเพร โอ่โลแถ่ เป่ ลู เร๊อ อา เฮ๊ ลู เน๊อ, “แว หม่า จอแปแหร่ เด๊อ อาโพรฉว่าชอ เตเพร. หนิดา แวโหง่ เร๊อ โอ่เซอเพร เมโตเมเบ่ แวซิปล่อ ปว๋า โตโพ๊ นี๋.

เห่ขุทวาลู่ 5:24

เพเอโนค โอ่เซอเพร แบ๊ซว๊าเค๊โค อาเหน่ เน๊อ จอแปแหร่ดุ, โทเร๊อ จอแปแหร่ดุ เอ๊จว๊า โอ่เหม่แกลู อาขว่าอาคยา, อา โอ่เหม่ แกดื่อ อาเหน่.

เตเด๊อะโลแถ่ 22:16

“แว หม่า เหย่ซู่. แซ่ฮู๊ แว เก่ แด๊โฉ่ โลเป่ เพรหยื่อเอ่ตู๊หมู่ตอกล๊อ เต๊เห่ เร๊อ เตหรี่เตแก เออเต๊เห่ อาเงเนอ, แว ซูแล เป่ ซี แว เตเน่วพู๊ เฮ๊อ. แว โป่แว กลุยแล หม่า หม่าเฮ๊อ คูดาวิด อากลุยอาแล กาแล เนอ โต๊โหมะเต๊อเจ่อเฮ๊อ. แว หม่า เฉ่ต่อโหร่ เด๊อ อา ลีเตเคโรโซ เนอเตเม เฮ๊อ.”

ꤟꤤꤙꤚꤢꤨ 1:14

เก่เฮ๊ฮู๊เนอเรอ, ม๊อขุ เตเน่วพู๊ เต๊เห่ หม่า อูเป? เหย่ซี หม่า ซิปล่อเซอเพร เด๊อ อา เม เป่ จอแปแหร่ อาเตเม เต๊เห่. จอแปแหร่ นอเมจว่า เป่ เหย่ซี เร๊อ แกแย เด๊อ อา เก่ พย๊าหนิ เตเมแลเปล๊กา ปา เต๊เห่ อาเง แพ๊.

เห่ขุทวาลู่ 48:15

โทเร๊อ อา เด๊อะบุ๊ยเด๊อะเตอเรอ เพโยเซฟ เร๊อ อา เฮ๊ เน๊อ, “จอแปแหร่ดุ เด๊อ แวโพ โพอับราฮัม เน๊อ แวเพ เพอิสอัค โอ่เซอเพร เมโต ลูซิปล่อ เนอเตเพร เก่ เด๊อะบุ๊ยเด๊อะเตอเรอ ดื่อ เป๊เจ่ เออเต๊เห่ นี๋. จอแปแหร่ดุ เด๊อ อา แม๊ตู่ แว โต่กู๊แหน่ เออเตเพร เก่ เด๊อะบุ๊ยเด๊อะเตอเรอดื่อ เป๊เจ่ เออเต๊เห่ นี๋.

เห่ขุทวาลู่ 24:7

จอแปแหร่ ตูจูเพร หม่าเฮ๊อ จอแปแหร่ดุ เด๊ออาเป๊อหนิ ม๊อขุ, อา เอ๊เถ่ แว เด๊อ แวเพ อากลุยอาแล เน๊อ อู เหล่ปลือตา แวดีโบ เหล่โอ่ เนอเตเพรเฮ๊อ. เร๊อ อา แบ อาโหง่ เร๊อ อา อ๊อแล โทเฮ๊อ, ‘แว เก่ เด๊อะ เนกลุยเนแล เน๊อ เทอเก่ เออ ปา.’ ฮู๊เนอเร๊อ แซ่ฮู๊ เน เก่ แม๊เถอะ เอ๊กาหนิ เป่ แวพู๊เพรคู อาเม เบ๊อะเนอ เต๊เก่ อาเงเนอ, จอแปแหร่ เก่ นอแฮ เหร่อ เป่ดื่อ เน อาเตเน่วม๊อขุพู๊ ปา.

เห่ขุทวาลู่ 6:9

เออหม่า อู ราม๊า โอ่หนิ เพโนอาห์ อาหรี่อาแก. เบ๊อะ เพโนอาห์ อาทือเคเนอ, อา หม่า แกแยจ๊อแกแยเต เตเพร, อา โอ่เซอเพร ลว๊า เน๊อ อู แด่ ลู เตซื๊อ. โท๊โต่ อาแบ๊ซว๊าแบ๊โค จว๊าเต่อเคเต่อ เน๊อ จอแปแหร่ดุ.

เห่ขุทวาลู่ 5:22

เบ๊อะ อา พู๊โอ่ โทเฮ๊อ คูเมธูเสลาห์ เบ๊อะเนอ, อา โอ่เซอเพร แบ๊ซว๊าเค๊โค เน๊อ จอแปแหร่ดุ อาหน่า โซเย, เร๊อ อา พู๊โอ่ หนิโป่ พู๊เหมาะ พู๊คู เด๊อ อาโร เต๊เห่.

เตเด๊อะโลแถ่ 22:8

แว หม่า คูยอห์น. แว แม๊เถอะ หนิโฮ ลอ ล๋อ เตเออ เต๊เห่. เบ๊อะแว แม๊เถอะ หนิโฮ โทเฮ๊อ เบ๊อะเนอ, แว แด๊งือแล เด๊อ เตเน่วพู๊ เด๊อ อา เด๊อะโล แว เตเออ เต๊เห่ เนอเตเพร อา กู๊โด่ช๊า, เร๊อ แว เกเร จ๊อเบแถ่ ลู.

เห่ขุทวาลู่ 24:56

หม่าแน๊เรอ อา เฮ๊ฉื่อ เหย่ซี เน๊อ, “เมคอเมยอ ปา แต แว เมเต, จอแปแหร่ ตูจูเพร เมโทปลื๊อ เป่เฮ๊อ แวเตเม เออ เฮ๊อ เร๊อ แว เบ่ กา เฮ๊อ เด๊อ แวแบ่เจ่ โอ่ เฮ๊อ.”