เห่ขุทวาลู่ 24:12 - ลีเทส่อพ๊าอาเซ เร๊อ เห่ขุทวาลู๊

¹² เร๊อ อา กุยจ๊อเบแถ่ เน๊อ, “เก๋อ จอแปแหร่ ตูจูเพร, แวแบ่เจ่ เพอับราฮัม อาจอแปแหร่ดุ, เออเตอเนอ เร๊อ แด่ทูซิปล่อ เร๊อ เมโทเมปลื๊อ เป่เหร่อ แวเตเมเออ เร๊อ เด๊อะโล ดื่อ เนเตโม เด๊อ อาลอเป่แจ่ โต่ เออ เนอ แวแบ่เจ่ เพอับราฮัม นี๋.

เห่ขุทวาลู่ 24:12 ပူးပေါင်းရင်းမြစ်များ

เห่ขุทวาลู่ 24:27

เร๊อ อา เฮ๊ เน๊อ, “ถู่เซ๊แถ่ จอแปแหร่ ตูจูเพร, แวแบ่เจ่ เพอับราฮัม อาจอแปแหร่ดุ. อา หม่า อา โมเร๊อ แวแบ่เจ่ เน๊อ อาเตโม เด๊อ อาลอเป่แจ่ โต่ เออ เร๊อ อา จ๊อ เน๊อ อาโหง่. อา ซูแฮ แว เร๊อ อา นอ แม๊เถอะ โตตื๋อ เจ๊อ แว เน๊อ แวแบ่เจ่ อากลุยอาแล เจ๊อ.”

เห่ขุทวาลู่ 26:24

เบ๊อะเนอ เตเซ เร๊อ จอแปแหร่ ตูจูเพร โอ่โลแถ่ เป เพอิสอัค เร๊อ อา เฮ๊ ลู เน๊อ, “แว หม่า เนเพ อับราฮัม อาจอแปแหร่ดุ, แวโอ่เต่อเกอ เน๊อ เน อาขว่าอาคยา, ซิอิเช แต่เหม่ นี๊. แว เก่ เด๊อะบุ๊ยเด๊อะเตอเรอ เน ปา, เร๊อ แว เก่ นอ โอ่โหร่โอ่เอ๊ แถ่หนิ เนกลุยเนลุ๊ย เต๊เห่ ฮู๊ แว อ๊อแลหนื่ออื่อ โทเฮ๊อ เน๊อ แวหลู่ อับราฮัม เนอ ปา.”

เห่ขุทวาลู่ 24:48

จอแปแหร่ ตูจูเพร ย๊อ ซูแฮ โตตื๋อ เป่เจ๊อ แวเด๊อ แวแบ่เจ่ อากลุยอาแล โอ่ อาขว่าอาคยา, แว แฮแม๊เถอะ เป่ ลู อาพู๊เพรคู อาเม, เร๊อ แว แด๊งือแล จ๊อเบแถ่ หนิ จอแปแหร่ ตูจูเพร. แวถู่เซ๊แถ่ หนิ จอแปแหร่ ตูจูเพร หม่า เฮ๊อ แวแบ่เจ่ เพอับราฮัม อาจอแปแหร่ดุ เออ.

เห่ขุทวาลู่ 24:42

“เออเตอเนอ เบ๊อะ แว แฮ เด๊อ เทอกลื่อกู เบ๊อะเนอ, แว กุยจ๊อเบแถ่ เน๊อ, ‘เก๋อ จอแปแหร่ ตูจูเพร, แวแบ่เจ่ เพอับราฮัม อาจอแปแหร่ดุ, แด่ทูซิปล่อ เร๊อ เมปลื๊อเมโท เป่เกอ เหร่อ แวเตเมเออ นี๋.’

ฟีลิปปี 4:6

เบ่ยอ แต่ แลแค เตอเจ๋อ แต่เหม่ นี๋. หม่าแน๊เร๊อ เด๊อ เตล๋อ ปลี อากูเนอ, กุยจ๊อเบ เร๊อ กุย แลแค เต เด๊อ ซี โอ่ เนอเต๊เห่, เร๊อ กุย แลแค เน๊อ เตเฮ๊บุ๊ยเฮ๊เตอเรอ จอแปแหร่ นี๋.

เห่ขุทวาลู่ 43:14

แซ่ฮู๊ เพรเป๊อเทอเป๊อเก่ เนอเตเพร เก่ ปลวากาเต่อ เกอดื่อ ซีโป่แหม่ คูสิเมโอน เน๊อ คูเบนยามิน เน๊อ ซี อาเงเนอ, แว กุยจ๊อเบ เน๊อ จอแปแหร่ เด๊อ อาโพรเตอเรอ เออเตเพร เก่ นอ ซิยอ เร๊อดื่อ เพร เป๊อเทอเป๊อเก่ เนอเตเพร เน๊อ ซี ปา นี๋. เด๊อ แว เร๊อ, แว เก่ โตเบ่ แลจู่ แก แหน่เฮ๊อ แวพู๊ เต๊เห่ เก่ เฮ๊หม่า, แว เบ๋ แลจู่แก แหน่ ปา เฮ๊อ.”

เห่ขุทวาลู่ 32:9

โทเร๊อ เพยาโคบ กุยจ๊อเบ เน๊อ, “เก๋อ แวโพ เพอับราฮัม เน๊อ แวเพ เพอิสอัค อาจอแปแหร่ดุ, เน หม่า จอแปแหร่ ตูจูเพร เด๊อ อา เฮ๊ แว เน๊อ, ‘กาคยา คยาแซ๊ มอ เด๊อ เนเทอเหน่เก่ เน๊อ เนกลุยเนแล เต๊เห่ อาโอ่เนอ, แว เก่ นอ เอ่เบ่โอโท ดื่อ เน ปา, เน อ๊อแล แว ฮู๊เนอ.’”

เห่ขุทวาลู่ 31:42

แวเพ เน๊อ เพอับราฮัม อาจอแปแหร่ดุ เด๊อ อา หม่าเฮ๊อ จอแปแหร่ดุ เด๊อ เพอิสอัค ซิอิเช เนอ เตเพร เก่ โอ่เกอ เด๊อ แว ตากยา โต่ เฮ๊เนอ, เน เกล๋ นอ เถ่กา โกโยกลี๊ แหน่ แว แพ๊. หม่าแน๊เรอ จอแปแหร่ดุ ย๊อ แม๊เถอะ แวเตแป่เตเช, แว เอ่แร ซิพร๊าแลแด๊ แหน่เจ๊อ อาขว่าอาคยา, ตื๋อ เร๊อ เออเตเซ เร๊อ จอแปแหร่ ซิพรวา เฮ๊อ เน เนอ.”

เห่ขุทวาลู่ 28:13

เร๊อ จอแปแหร่ ตูจูเพร ก๊อถ่อ โอ่ เด๊อ กู่โบเคอ เร๊อ อา เฮ๊ เน๊อ, “แว หม่า จอแปแหร่ ตูจูเพร เด๊อ อา หม่าเฮ๊อ เนโพ เพอับราฮัม อาจอแปแหร่ดุ เน๊อ เนเพ เพอิสอัค อาจอแปแหร่ดุ เตเพรเฮ๊อ. เก่ เด๊อ เน โอ่เมอ เกอเร๊อ อา กู๊แหน่เออ เต๊เก่เนอ, แว เก่ เด๊อะ เน๊อ เน เน๊อ เนกลุยเนลุ๊ย เต๊เห่ ปา.

เห่ขุทวาลู่ 27:20

เร๊อ อาเพ เฮ๊ฉื่อ ลู เน๊อ, “เก๋อ พู๊คู, เน จว๊าเค๊กาหนิ แพรลาลา ฮู๊เต?” เร๊อ คูยาโคบ เฮ๊ฉื่อ อาเพ เน๊อ, “จอแปแหร่ ตูจูเพร เพ อาจอแปแหร่ดุ เออ เมจว่า เป่ แว เน๋อ.”

เห่ขุทวาลู่ 27:10

เร๊อ เบ๊อะ เนเพ เซอ แต่ล๋ายโต่ เออ, แซ่ฮู๊ เน เก่ พย๊าหนิเกอ เตเด๊อะบุ๊ยเด๊อะเตอเรอ อาเงเนอ เน๊อ, จว๊าเด๊อะเอ่ เน๊อ เนเพ ปา.”

เห่ขุทวาลู่ 15:1

เบ๊อะ คูอับราม เมแลเปล๊ หนิแก คูโลท โทเนอ, อา แม๊เถอะลว๊า เต เต๊อเจ่อ เร๊อ จอแปแหร่ ตูจูเพร เฮ๊เบ่ตา ลู เน๊อ, “เก๋อ คูอับราม, ซิอิเช แต่ เตอเจ๋อ แต่เหม่ นี๋. แว เก่ ตอกอเตเก เร๊อดื่อ เน ปา, โท๊โต่ แว เก่ เด๊อะโป่ เน เตเมหนิ คว๊าเก่ เด๊อ อาแร๊ดุเล๊อ เออเนอ ปา.”

เห่ขุทวาลู่ 24:21

เบ๊อะเนออาเค, เพรคู เนอเตเพร ย๋อ แม๊โห่ หนิ ลู เร๊อ เออหม่า จอแปแหร่ ตูจูเพร เมโทเมปลื๊อ เป่ ดื่อ เฮ๊อ แวเตเม แอ, หม่า อาหม่าโต่แอ อา เตเน เกอเร๊อ อาเต ฮู๊เนอ.

เห่ขุทวาลู่ 32:10

เบ๊อะ แว จว๊าเบ๊ จอร์แดน แลโหมะ เบ๊อะเนอ, แวเต โอ่ แพ๊ตื๋อ อิแท๊โบ โตโบ แพ๊, หม่าแน๊เรอ กู๊แหน่เออ แว กา เร๊อ แว กา เกอเร๊อเจ๊อ. เน๊อ แวแกแย ปล๊อหมู่ เนอหมู่ เจ๊อ ล๋อ เตโม เด๊อ อาลอเป่แจ่ โต่ เน๊อ เตจ๊อเน๊อโหง่ เด๊อ เน เด๊อะโล เปเฮ๊อ เนหลู่ หม่าเฮ๊อ แว เออเนอ, แว โต พย๊าหนิ เน๊อ เตอเจ๋อ โต่.