เห่ขุทวาลู่ 22:9 - ลีเทส่อพ๊าอาเซ เร๊อ เห่ขุทวาลู๊

⁹ เบ๊อะ เหย่ซี จว๊าโต่ เฮ๊อ เด๊อ จอแปแหร่ดุ เฮ๊ ลู เหล่โอ่ เนอโต๊โผะ เบ๊อะเนอ, เพอับราฮัม ต่าแถ่ เตหลู่แตเหร่ เบ๊อะเนอ, โทเร๊อ อา แด่แถ่ ขรุ เด๊อ เตหลู่แตเหร่ลู. โทเร๊อ อา จอกลอหม่า เกอเร๊อ อาพู๊ คูอิสอัค เร๊อ อา แด่แถ่ ลู เด๊อ เตหลู่แตเหร่ขุ เด๊อ ขรุขุ เนอ.

เห่ขุทวาลู่ 22:9 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 2:21

เปเพ เพอับราฮัม เด๊อ เด๋องย๊า เตเพรเนอ จอแปแหร่ แด่จ๊อแด่เต อา ฮู๊เต? อา หนิดา จอแปแหร่ อาโหง่ เร๊อ เบ๊อะอา หลู่แถ่ อาพู๊คู คูอิสอัค เด๊อ เตหลู่เหร่ขุ เบ๊อะเนอ, จอแปแหร่ แด่จ๊อแด่เต ลู เร๊อ อา เตเมเออ อาคยา แพ๊.

เปโตร อาเหร่อเล๊อ ต๊าบ่า 2:24

แซ่ฮู๊ เป เก่ จิจือปา แต่ เร๊อ เตซื๊อเตปล๊า เต๊เห่ แต่เหม่, โท๊โต่ แซ่ฮู๊ เป เก่ โอ่เซอเพรเบ๊ เกอ เด๊อ เตจ๊อเตเต ปา อาเงเนอเรอ, เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, อา พย๊าแถ่แกเฮ๊อ เป เตซื๊อเตปล๊า เออเต๊เห่ เด๊อ อาเหน่ลู เฮ๊อ. เด๊อ อา ข่าเบ่ เตจาเตจือ เออเต๊เห่ อาขว่าอาคยา, อา แหย่โอ่เหม่แก ลอเฮ๊อ ซี เฮ๊อ.

ꤟꤤꤙꤚꤢꤨ 9:28

ฮู๊เนอเฮ๊อ แซ่ฮู๊ ครี๊ เก่ พย๊าจว๊า ตาพาแก ลอ แกแย โอ่โร๊ เต๊เห่ อาเตซื๊อ เต๊เห่เนอ เร๊อ อา ข่าเซอ แพ๊ โตโพ๊ แพ๊. อา แฮ คยาแซ๊ ปา หม่าแน๊เรอ อา เก่ แฮ พย๊าจว๊า ตาพาแก เป่ เป เตซื๊อ ปาเนอ หม่าโต่. อา เก่ แฮ เมแลเปล๊กา แกแย เด๊อ อา โอ่ป่อแม๊ชือ ลู เนอเต๊เห่ ปา แพ๊.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

ꤊꤢ꤬ꤜꤢ꤬ꤒꤤ 3:13

ล๋อ เตซว๊าเตแส่ เต๊เห่เนอ, อู ลือครวา เมเบ๊ เตเพร่ว โต่ อาขว่าอาคยา, จอแปแหร่ เก่ เมจากาคยา ลอ อูปว๋า เตเพร ปา, หม่าแน๊เรอ ครี๊ อี๊ถ่า เฮ๊อ เป เฮ๊อ. เด๊อ อา ข่าเป่ เป เตจา เด๊อ อี๊ถื่อดีเต่ลู เออ อาขว่าอาคยาเร๊อ, อา แฮโน ข่าเป่เฮ๊อ เป เตเมจากาคยา เด๊อ อา เก่ กาเบ่ เป ปา เออเนอ อาเง เฮ๊อ. เมเตเฮ๊เรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อู มือเซอแถ่ อา เด๊อ อี๊ถื่อดีเต่ อาโอ่ เนอ, เตเมจากาคยา เบ่เฮ๊อ อา เฮ๊อ,” อา เฮ๊ ฮู๊เนอ.

เพรโด่แนพู๊ เต๊เห่ 8:32

แกแย เด๊อ อาชุ๊ยแก อาเดอะ เออเตเพร แด๊ ลีเทส่อพ๊า ตามา เด๊อ อา เฮ๊ เน๊อ, “เหย่เนอ อาแซ่เน๊อ ซิหมิ (ซิหมิ โตโด เด๊อ อู จุ่ยจว๊า เร๊อ อู เตเร เมเซอ ลู เนอ, เร๊อ อาแซ่เน๊อ อู จิ ซิหมิพู๊ อาฉื่อ เด๊อ อา โหง่ เอ๊โทเอ๊โม เกออู ตือมื๋อ โต่ โตโด, อา เฮ๊ฉื่อ เกออู โหง่ ตือมื๋อ โต่.

ꤗꤢ꤬ꤊꤢꤨ 15:1

เบ๊อะเหมาะลี ต๊อเหมาะแถ่เฮ๊อ เบ๊อะเนอ, เพรหลู่แต ทวาดุทวาเต เต๊เห่, แกแยยิวพู๊ ทวาดุทวาเต เต๊เห่, เพรอิซว๊า เตซว๊าเตแส่ อาซ๊าร๊า เต๊เห่, เร๊อ แกแย ทวา ทวาดุทวาเต เต๊เห่, โอ่กู๊โอ่แก๊ ลู เร๊อ เหย่ซี ซิปล่อโนกูลู เฮ๊ปลื๊อแก ลอ ลู โหง่ เร๊อ เหย่ซู่ คยา. เหย่ซี จอกลอโท เหย่ซู่ เร๊อ อา จุ่ยจว๊าเด๊อะแก ลู เด๊อ คุ๊ยปีลาต อา อากู๊ยากู.

มัทธิว 27:2

เหย่ซี จอกลอ เร๊อ แบ่เจ่ เหย่ซู่ เร๊อ อา จุ่ยจว๊าแก ลู เด๊อ คุ๊ยปีลาต อา โอ่ เร๊อ อา จว๊าเด๊อะตาแก ลู เด๊อ อา กู๊ยากู.

เห่ขุทวาลู่ 12:7

เบ๊อะเนอเค, จอแปแหร่ ตูจูเพร โอ่โลแถ่ เป่ คูอับราม เร๊อ อา เฮ๊ ลู เน๊อ, “เก่ เออเต๊เก่ หม่า แว เก่ เด๊อะ เน๊อ เนพู๊เนเลอ ปา,” โทเร๊อ คูอับราม ต่าแถ่ หนิเป่ จอแปแหร่ ตูจูเพร เด๊อ อา โอ่โลแถ่ เป่ ลู เนอเตเพร อาเง เตหลู่แตเหร่ เต๊เหร่ เน๊อหล่อ.

เห่ขุทวาลู่ 8:20

โทเร๊อ เพโนอาห์ ต่าแถ่ เตหลู่แตเหร่ เด๊อ จอแปแหร่ ตูจูเพร อาเง เตเม, โทเร๊อ อาพย๊า เตมีเตดอ เน๊อ ถู่ เด๊อ อาโพ๊แปละ เร๊อ อาโต หลู่แต แถ่เน๊อ จอแปแหร่ดุ เนอเต๊เห่, เร๊อ อา แด่แถ่ เด๊อ เตหลู่แตเหร่ขุ เร๊อ อา ชื๊ออือ หลู่แตแถ่ เน๊อ จอแปแหร่.

เห่ขุทวาลู่ 12:8

โทเร๊อ อา จว๊ากาแล ติ เด๊อ วีเบธเอล เบ๊เถ่ โฉ่เกล เนอตากยา, เร๊อ อา จว๊าช๊อโอ่ แลแค อาเหล่สื่อเหล่แบ่ เบ๊อะ วีเบธเอล เน๊อ วีอัย อาเปล่กู เนอ. วีเบธเอล เร๊อ อา โอ่ เด๊อ อาเบ๊โน, วีอัย เร๊อ อา โอ่ เด๊อ เบ๊เถ่ ตากยา. เร๊อ อาต่าแถ่ เป่ จอแปแหร่ ตูจูเพร อาเง เตหลู่แตเหร่ เน๊อหล่อ เบ๊อะเนอ เต๊เหร่ เร๊อ อา จ๊อเบ แถ่เร๊อ จอแปแหร่ ตูจูเพร เบ๊อะเนอ.

เห่ขุทวาลู่ 13:18

ฮู๊เนออาขว่าอาคยา, คูอับราม ย๊าโพร๊จว๊า อาเหล่สื่อเหล่แบ่ เต๊เห่ เร๊อ อา จว๊า ช๊อโอ่ผื่อ เด๊อ คูมัมเร อาส่อเหมาะดุเจ๊แร๊ เหล่โอ่ เบ๊อะ วีเฮโบรน เนอโต๊โผะ, เร๊อ อา ต่าแถ่แตแถ่ หนิ เป่ เด๊อ จอแปแหร่ ตูจูเพร อาเง เตหลู่แตเหร่ เน๊อหล่อ เบ๊อะเนอ เต๊เหร่.

เห่ขุทวาลู่ 22:8

อาเพ เฮ๊ฉื่อ ลู เน๊อ, “พู๊คู, จอแปแหร่ดุ อาเหน่เร๊อดื่อ เก่ เด๊อะดื่อ ซิหมิพู๊ เด๊อ เป โหล่อา เน๊อ เหล่ชื๊ออือ หลู่แตแถ่ อาเงเออ เนอ ปา.” เร๊อ เหย่ซี ซิเนอ จว๊า เป่แฮ โหร่ ลู.

เห่ขุทวาลู่ 22:10

เร๊อ เพอับราฮัม พย๊าแถ่ เน๊ เร๊อ อา เกเร ชือเซอ เน๊อ อาพู๊เพรคู.