เห่ขุทวาลู่ 22:2 - ลีเทส่อพ๊าอาเซ เร๊อ เห่ขุทวาลู๊

² เร๊อ จอแปแหร่ดุ เฮ๊ ลู เน๊อ, “เอ๊หนิ เนพู๊เพรคู คูอิสอัค เด๊อ เน พู๊โอ่ ตื๊อ แพ๊ ลู เร๊อ เน โมเกอเร๊อ แหน่เจ๊อ ลู เออเตเพรเนอ เร๊อ จว๊า เด๊อ เก่ เต๊เก่ เด๊อ อู เอ๊ เน๊อ โมริยาห์ เนอ. เร๊อ จว๊า เด๊อ โฉ่ เด๊อ แว เก่ ยูโล เน ปา เนอเตเม อาลู, เร๊อ เมเซอ เนพู๊ เร๊อ ชื๊ออือ หลู่แตแถ่ ลูเบ๊อะ เนอปา นี๊.”

เห่ขุทวาลู่ 22:2 ပူးပေါင်းရင်းမြစ်များ

ꤛꤥ꤭ꤟꤢ꤬ 3:16

“จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

ꤚꤥꤗꤢꤩ꤬ 8:32

จอแปแหร่ เออเตเพรเนอ, อาพู๊ เร๊อ อาเหน่ เร๊อดื่อ เจ๊อ เร๊อ อา ซิโล เกอเร๊อ โต่. เร๊อ อา เด๊อะแลแก เจ๊อ อาพู๊ เด๊อ เป ล๋อ ปลี เต๊เห่ อาเง เจ๊อ. เก่ อา เด๊อะ ตาครา เจ๊อ เป เร๊อ อาพู๊คู เหย่ซู่ครี๊ เจ๊อ เก่เฮ๊เรอ, ล๋อ เต เด๊อ อา โอ่แก เด๊อ อาโร เต๊เห่เนอ, อา เก่ เด๊อ ตาคราโป่ เป ปา หม่าโต่ แอ?

ꤟꤤꤙꤚꤢꤨ 11:17

เบ๊อะจอแปแหร่ เมแม๊ เพอับราฮัม เบ๊อะเนอ, เด๊อ อาเตหยื่อ อาขว่าอาคยา, อา หลู่แถ่ อาพู๊คู คูอิสอัค. อา พย๊าหนิ จอแปแหร่ อา เตอ๊อแล หม่าแน๊เรอ อา โอ่ ตี๊หรี่แตแร หนื่ออื่อ เด๊อ อา เก่ หลู่แตแถ่ อาพู๊คู เด๊อ อา โอ่ตื๊อ เตเพรเพร่ว เออเนอ เตเพร.

เห่ขุทวาลู่ 22:16

เร๊อ อา เฮ๊ ลู เน๊อ, “จอแปแหร่ ตูจูเพร เฮ๊ฮู๊เออ เน๊อ, ‘เนพู๊เพรคู โอ่ ตื๋อ เตเพร แพ๊ ตื๊อดื่อเร๊อ เน ซิโล เกอเร๊อ โต่. เน หลู่แตแถ่ อา อาขว่าอาคยา, แวเหน่ เร๊อดื่อ อ๊อแล เน๊อ แว เก่ เด๊อะบุ๊ยเด๊อะเตอเรอ เน.

เห่ขุทวาลู่ 17:19

เร๊อ จอแปแหร่ เฮ๊ ลู เน๊อ, “โต่, คูอิชมาเอล อาโตหนิแจ่โต่. เนเม โหมะซาราห์เออ เก่ พู๊โอ่หนิ เป่ เน พู๊เพรคู เตเพร ปา, เร๊อ เน เบ่ เอ๊ อามุย เน๊อ คูอิสอัค ปา. แว เก่ เมหม่าเมกลอ แวเตอ๊อแล เน๊อ อา ปา, เร๊อ เตอ๊อแล เออเนอ อา เก่ หม่าดื่อ เตอ๊อแล ตูจูเพร แตแลเคร๊ เด๊อ อาเง เน๊อ อาพู๊เหลอตา เด๊อคยา ตือทือ โท ตือทือ ปา. (อิสอัค อาโหง่แลช๊า หม่า อางยา, เมเตเฮ๊เร๊อ อา หนิโฮ เน๊อ เกเร พย๊าหนิ พู๊เพรคู เบ๊อะเนอ เร๊อ อางยา.)

เห่ขุทวาลู่ 22:12

จอแปแหร่ ตูจูเพร อาเตเน่วพู๊ เฮ๊ ลู เน๊อ, “เมเบ่เช แต่ เป๊เจ่ เออเตเพร แต่ เหม่! เม แต่ อา เตอเจ๋อ แตเหม่! เนพู๊เพรคู โอ่ตื๋อ เตเพร ตื๊อดื่อเร๊อ เน ซิโล เกอเร๊อ ลู โต่ อาขว่าอาคยา, กู๊แหน่เออ แว ซิเง เฮ๊อ เน๊อ เน ซิอิเช แด่ดุหยื่อแหม่ เฮ๊อ จอแปแหร่ดุ เฮ๊อ.”

เห่ขุทวาลู่ 21:12

หม่าแน๊เรอ จอแปแหร่ดุ เฮ๊ เพอับราฮัม เน๊อ, “เด๊อ เนหลู่โหมะ เน๊อ อาพู๊เพรคู อาเง เออเนอ, ซิปล่อ เบ่เชลา แต่เหม่. เนกลุยเนแล เต๊เห่เนอ อา เก่ แฮตา แฮเง เด๊อ คูอิสอัค อาโอ่ ปา แพ๊ อาขว่าอาคยา, โหมะซาราย เฮ๊ เน ฮู๊เตเต๋ เบ่เบ่, ตูรู๊ หนิดา ลูโหง่ เนอ นี๊.

ꤚꤥꤗꤢꤩ꤬ 5:8

หม่าแน๊เรอ จอแปแหร่ โม เจ๊อ เป บ๋า เต เฮ๊เรอ, เบ๊อะเป ทวาปา เจ๊อ เพรเมเตซื๊อ เตโอ่หร่าพู๊ เบ๊อะเนอ ปา เจ๊อ เนอเรอ, ครี๊ แฮข่าเซอ อาซิปล่อ เด๊อ เปเง. เออ หม่า จอแปแหร่ เด๊อะโลเป่เฮ๊อ เป เน๊อ อาเตโม เป เฮ๊อ.

เห่ขุทวาลู่ 8:20

โทเร๊อ เพโนอาห์ ต่าแถ่ เตหลู่แตเหร่ เด๊อ จอแปแหร่ ตูจูเพร อาเง เตเม, โทเร๊อ อาพย๊า เตมีเตดอ เน๊อ ถู่ เด๊อ อาโพ๊แปละ เร๊อ อาโต หลู่แต แถ่เน๊อ จอแปแหร่ดุ เนอเต๊เห่, เร๊อ อา แด่แถ่ เด๊อ เตหลู่แตเหร่ขุ เร๊อ อา ชื๊ออือ หลู่แตแถ่ เน๊อ จอแปแหร่.

เห่ขุทวาลู่ 22:3

อาโหน่เตอเนอ เหมาะลีโรมื่อ เบ๊อะเนอ, เพอับราฮัม ก๊อถ่อ โพเพ๊ หนิ ขรุ เหล่ชื๊ออือ หลู่แตแถ่ อาเง. เร๊อ ตี๊หรี่แตแร แถ่ ลอ ตาเต เด๊อ อาแมอ๊อแหล่ลู. อา เอ๊หนิ อาหลู่เล๊ ซิเนอ เน๊อ อาพู๊ คูอิสอัค, เร๊อ อา เถ่จว๊า เด๊อ จอแปแหร่ดุ นอจว๊า ลู เหล่โอ่ เนอ โต๊โผะ.

เห่ขุทวาลู่ 22:9

เบ๊อะ เหย่ซี จว๊าโต่ เฮ๊อ เด๊อ จอแปแหร่ดุ เฮ๊ ลู เหล่โอ่ เนอโต๊โผะ เบ๊อะเนอ, เพอับราฮัม ต่าแถ่ เตหลู่แตเหร่ เบ๊อะเนอ, โทเร๊อ อา แด่แถ่ ขรุ เด๊อ เตหลู่แตเหร่ลู. โทเร๊อ อา จอกลอหม่า เกอเร๊อ อาพู๊ คูอิสอัค เร๊อ อา แด่แถ่ ลู เด๊อ เตหลู่แตเหร่ขุ เด๊อ ขรุขุ เนอ.

เห่ขุทวาลู่ 21:3

เพอับราฮัม อาพู๊เพรคู เด๊อ โหมะซาราย พู๊โอ่หนิ เป่ ลู เออเตเพรเนอ, อา เอ๊ เกอเร๊อ ลูมุย เน๊อ คูอิสอัค. (อิสอัค อาโหง่แลช๊า หม่า อา งยา, เมเตเฮ๊เร๊อ อา เกเร พย๊าหนิ พู๊เพรคู อาขว่าอาคยา, อา งยา.) เห่ขุทวาลู่ ๑๗:๑๗-๑๙