เห่ขุทวาลู่ 20:9 - ลีเทส่อพ๊าอาเซ เร๊อ เห่ขุทวาลู๊

⁹ เออโต๊โพ๊ เร๊อ คุ๊ยอาบีเมเลค เอ๊แฮติ เพอับราฮัม เร๊อ อา เฮ๊ ลู เน๊อ, “เน จว๊าเมโต่ เป่ ฮู๊เออ หม่า เมเต? แว จว๊าเมซื๊อ น๊อ แคร๋ เน อิเตเต? เน จว๊า นอเม โต่ เจ๊อ แว เน๊อ แวเทอพู๊เก่พู๊ เต๊เห่ เน๊อ เตซื๊อ ดู๋ เต๊อเจ่อ เจ๊อ หม่า ฮู๊เตเต? เต เด๊อ เน เมแว เออเต๊เห่ หม่า เนโตเม โต่.”

เห่ขุทวาลู่ 20:9 ပူးပေါင်းရင်းမြစ်များ

เห่ขุทวาลู่ 12:18

ฮู๊เนออาขว่าอาคยา, คุ๊ย เอ๊แฮ คูอับราม เร๊อ อา เฮ๊ ลู เน๊อ, “เน จว๊า เมโต่ เจ๊อ แว ฮู๊เออ หม่า เมเต? อา หม่า แวเม, เน เฮ๊ แว ฮู๊เนอ โต่ เมเต?

เห่ขุทวาลู่ 39:9

เบ๊อะ หี่ด๊อกู เออ แกแย เด๊อ อาดุ เล๊อ เน๊อ แว เนอ อา โอ่ปา เตเพร่ว โต่. แวแบ่เจ่ เด๊อะตา ลอปลี เด๊อ แวกู๊ยากู ปว๊า เต๊อเจ่อ. อา เด๊อะเต่อโต่ ตื๊อ เน แพ๊, เมเตเฮ๊เรอ เน ย๋อ ทวา อาเม เนอ. แว เกเร จว๊า เมโต่ เตซื๊อ มู๊แหม่รีแจ่ ดู๋ เออ เต๊อเจ่อ เด๊อ อา เม โตโมเต๊เก่ฉื่อ จอแปแหร่ดุ เออ ฮู๊เต?”

เห่ขุทวาลู่ 26:10

เร๊อ คุ๊ยอาบีเมเลค เฮ๊ ลู เน๊อ, “เน จว๊าเมโต่ เป่ ฮู๊เออ เมเต? แวแกแย เพรคู เตเพรเพร เก่ จว๊า โอ่เมอเต่อ ตาแต่ เน๊อ เนเม เฮ๊หม่า, เด๊อ เน แลโฮ เป ฮู๊เออ อาขว่าอาคยา, อา เก่ เมซื๊อ แต่ เร๊อ จอแปแหร่ เก่ เมจากาคยา เป ปา.”

ꤟꤤꤙꤚꤢꤨ 13:4

ล๋อ แกแย เด๊อ อา โอ่ เฮ๊อ เร๊อหี่เร๊อเพร๊ เต๊เห่ อาเงเกอลาติ เนอ, เด๊อ อา โอ่ เฮ๊อ เน๊อ อาพู๊อาเม เออ อาขว่าอาคยา, อา เบ่ แด่ดุหยื่อแหน่ เกอเร๊อ แลแค อา โอ่ เฮ๊อ เน๊อ หี่เร๊อเพร๊ เออเนอ. เม เร๊อ เว เนอ เบ่ กะหนิ ลูขุ โต่, แด่จ๊อ เร๊อ ลู เตเพร เร๊อ เตเพร. แกแย เด๊อ อาซิปล่อ ปาต๊า มู๊แหม่ เนอเต๊เห่ เน๊อ แกแย เด๊อ อา จว๊าซื๊อ อูพู๊อูเม เต๊เห่เนอ, จอแปแหร่ เก่ เมจากาคยา เหย่ซี ปา.

ꤒꤤꤒꤢꤨ 1:11

โตเบ่ นอโอ่โส่แก เหย่ซี เตเฮ๊เบ่ เนอเต๊เห่, เมเตเฮ๊เรอ เตอิซว๊าอี๊แส่ เด๊อ อา โตอิซว๊า โต่ เต๊เห่เนอ เหย่ซี จว๊าอิซว๊า อู อาขว่าอาคยา, เหย่ซี จว๊า เมซู๊ซ๊า ดู๊แด ลอ อู ตี๊หี่แตแพ ลอ อา เตหยื่อเตแหน่ เจ๊อ. เหย่ซี ซิหยื่อ พย๊าหนิ แลแค รือ เร๊อ อา จว๊า เล อิซว๊า อู แพ๊.

ꤚꤥꤗꤢꤩ꤬ 2:11

เมเตเฮ๊เรอ จอแปแหร่ เก่ เมจากาคยา แซ่ลอ แพ๊ ลู ปา. อา แม๊ดุ แม๊ปีตี๊ อู เตเพร่ว โต่.

เห่ขุทวาลู่ 38:24

อา โอ่ เฮ๊อ โซเล เบ๊อะเนอ, อู แฮ แด๊โฉ่ เพยูดาห์ เน๊อ, “เนแด่ เหมาะทามาร์ จว๊าทวา แม๊เพ่โหมะ เร๊อ อา จว๊า เมซื๊อเมปล๊า แต่ อาขว่าอาคยา, อา โหมะดอ เฮ๊อ.” เร๊อ เพยูดาห์ ซิปล่อดุ เร๊อ อา เฮ๊ตา อาโหง่ เน๊อ, “เอ๊เถ่ อา เด๊อ อูเป๊เส่เง เร๊อ ชื๊อ เซอแก อา เน๊อ หมิ เนอ!”

เห่ขุทวาลู่ 34:7

เบ๊อ เพยาโคบ อาพู๊ เต๊เห่ หนิโฮ เฮ๊อ เน๊อ คูเชม เมมู๊แหม่ เหย่ ซี อาโป่ เพรเหมาะ เบ๊อะเนอ, เหย่ซี หนิโฮ โฮ เฮ๊อ เน๊ออาโอ่ เด๊อ มีเกล เร๊อ อา กา ลอ เด๊อ หี่. เร๊อ เต ทวาแถ่ ฮู๊เออเนอหม่า เตซิเตเร ดู๋ แหน่เจ๊อ เต๊อเจ่อ เด๊อ อิสราเอล เออโต๊โหมะ เต๊อเจ่อ อาเง, เร๊อ เตเม ฮู๊เออ เต๊เห่เนอ อา โตเม หนิ โต่ อาขว่าอาคยา, เหย่ซี ซิปล่อเชแหน่เจ๊อ เร๊อ อา ซิปล่อดุ แลแค โกโน๋ โต่.

เห่ขุทวาลู่ 20:8

ช๋าป่าโร เหมาะลีโรมื่อ เบ๊อะเนอ, คุ๊ยอาบีเมเลค เอ๊แฮลอ อาหลู่เล๊ ล๋อ ปลี เร๊อ เบ๊อะ อา เฮ๊โล เป่ลอ เหย่ซี เน๊อ ล๋อ เตทวาแถ่ เด๊อ อาเตโอ่เมอแหม่กู เนอเต๊เห่ เบ๊อะเนอ, เหย่ซี ซิอิเชกาโน๊ โต่.

เห่ขุทวาลู่ 20:10

โทเร๊อ คุ๊ยอาบีเมเลค แด๊เฮอ โป่ ลู เน๊อ, “เด๊อ อิเตอาขว่าอาคยา เร๊อ เน จว๊าเมโต่เจ๊อ แว ฮู๊เออ เมเต?”

เห่ขุทวาลู่ 29:25

เบ๊อะ เหมาะลี เฮ๊อ เบ๊อะเนอ, คูยาโคบ แม๊ เร๊อ อา คย๊าเจ๊อ, เร๊อ อา เฮ๊ เน๊อ, “โอ่ ม๋า เหมาะเลอาห์ แพ๊ ว๊า!” เร๊อ อา จว๊าเฮ๊ เพลาบัน เน๊อ, “เพ, เน จว๊า เมโต่ แว ฮู๊เออ เมเต? แว เก่ พย๊าหนิ เน๊อ เหมาะราเชล อาเงเนอ, แว เอ่แร เป่ เจ๊อเฮ๊อ เน โซซว๊าต๊าหน่า เฮ๊อ, แว เฮ๊ โต่? เพ จว๊า แลโฮ โต่ แว ฮู๊เออ เมเต?”