เห่ขุทวาลู่ 20:7 - ลีเทส่อพ๊าอาเซ เร๊อ เห่ขุทวาลู๊

⁷ ฮู๊เนอเร๊อ กู๊แหน่เออ ซูกาคยา คยาแซ๊ ลู เด๊อ อาเว โอ่เนอ, เมเตเฮ๊เร๊อ อา หม่า เพรโพร เตเพร. แซ่ฮู๊ เน เก่ เซอ โต่ อาเงเนอ, อา เก่ กุย จ๊อเบ เป่ดื่อ เนเง ปา. เน เก่ ซูกาคยา ลู โต่ เฮ๊หม่า, เน เน๊อ ล๋อ เนแกแย เต๊เห่ เก่ เซอ หม่าแหน่เกอ เจ๊อ ปา.”

เห่ขุทวาลู่ 20:7 ပူးပေါင်းရင်းမြစ်များ

ꤟꤤꤙꤚꤢꤨ 13:4

ล๋อ แกแย เด๊อ อา โอ่ เฮ๊อ เร๊อหี่เร๊อเพร๊ เต๊เห่ อาเงเกอลาติ เนอ, เด๊อ อา โอ่ เฮ๊อ เน๊อ อาพู๊อาเม เออ อาขว่าอาคยา, อา เบ่ แด่ดุหยื่อแหน่ เกอเร๊อ แลแค อา โอ่ เฮ๊อ เน๊อ หี่เร๊อเพร๊ เออเนอ. เม เร๊อ เว เนอ เบ่ กะหนิ ลูขุ โต่, แด่จ๊อ เร๊อ ลู เตเพร เร๊อ เตเพร. แกแย เด๊อ อาซิปล่อ ปาต๊า มู๊แหม่ เนอเต๊เห่ เน๊อ แกแย เด๊อ อา จว๊าซื๊อ อูพู๊อูเม เต๊เห่เนอ, จอแปแหร่ เก่ เมจากาคยา เหย่ซี ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:16

แกแย เตเพรเพร เก่ แม๊เถอะ อาโป่แหว่ ครี๊พู๊ เตเพรเพร เมเตซื๊อ เด๊อ อา เก่ เด๊อ ทวาแถ่ ลู เตเซอ หม่าโต่ เฮ๊เนอ, อา เก่ กุยเต เด๊อ จอแปแหร่ อา โอ่ เร๊อ จอแปแหร่ เก่ เด๊อ แกแย เด๊อ อา เมเตซื๊อ เออเนอ เตเพร ซิปล่อเซอเพร ปา. หม่าแน๊เรอ เตซื๊อ เด๊อ อา เก่ เด๊อ ทวาแถ่ ลู เร๊อ เตเซอ เฮ๊เนอหม่า, แว ซิหยื่อ เฮ๊ ซี เร๊อ เตซื๊อ ฮู๊เนอ เต๊เห่เนอ ซี โต กุยจ๊อเบแถ่ เป่ ลูเง เด๊อ จอแปแหร่ อา โอ่ โต่.

ꤟꤤꤙꤚꤢꤨ 1:1

จอแปแหร่ เฮ๊เบ่ ตาครือลา เปเพอเปโพ มู๊หนู่มู๊ส่าเค เต๊เห่ เน๊อ เด๊อ แกล๊โบ เอ๊โล. เร๊อ อา นอเฮ๊เบ่ แฮเง เร๊อ เพรโพร เต๊เห่.

โครินธ์ อาเหร่อเล๊อ ต๊าบ่า 14:4

แกแย เด๊อ อา เฮ๊เบ่ โหง่โค๊ตีกลี๊ เออเต๊เห่เนอ อา เมจว่าแล เกอเร๊อ ตื๊อดื่อ อาเหน่ แพ๊. หม่าแน๊เรอ แกแย เด๊อ อา แด๊โฉ่โด่แน เป่ อู เร๊อ จอแปแหร่ อาลาอาโหง่ เต๊เห่เนอ, อา เมจว่า ลอ เพรหยื่อเอ่เต ตู๊หมู่ตอกล๊อ ปว๋า เตเพร.

เห่ขุทวาลู่ 12:17

เร๊อ คุ๊ย พย๊า เหมาะซาราย อาขว่าอาคยา, จอแปแหร่ ตูจูเพร นอตา เก่หร่าเก่ดวา เด๊อ อาต๊อหร่อเซ๊ แหน่เจ๊อ เต๊เห่ เด๊อ คุ๊ย เน๊อ อาเทอพู๊เก่พู๊ เต๊เห่ อาลู.

เห่ขุทวาลู่ 12:15

เร๊อ อียิปต์เก่คุ๊ย อาเพรแรเตพู๊ เต๊เห่ แม๊เถอะ เหมาะซาราย เร๊อ อา แฮ ถู่เซ๊ หนิเป่ อาหรี่อาแก เน๊อ คุ๊ย, เร๊อ คุ๊ย ซิหยื่อ ลู เน๊อ อาเม เร๊อ อา นอจว๊า เอ๊แฮ ลู เด๊อ อาโฮกู.

เห่ขุทวาลู่ 2:17

หม่าแน๊เรอ ส่อเหมาะ เด๊อ อามุย เน๊อ ซิเง เตแร๊ เน๊อ เตมู๊แหม่ เออต๊อเหมาะ อาเส่เนอ เน เบ่เอ่ หนิ ตีกี๋ โต่ เน เก่ เอ่ อา เฮ๊เนอหม่า เน เก่ เซอ หม่าแหน่ เจ๊อ เบ๊อะ เน เอ่ อา เนอเตอเนอ ปาเจ๊อ.”

เพรโด่แนพู๊ เต๊เห่ 8:24

คูซีโมน เฮ๊ฉื่อ คูเปโตร เร๊อ คูยอห์น เน๊อ, “แซ่ฮู๊ ล๋อ ซี เฮ๊เฮ๊อ เออเต๊เห่ อา ตาเบ่ แต่ แว เต่อเจ๋อ แต่เหม่ เนอ เร๊อ กุยจ๊อเบ เป่ แลแค แว เด๊อ แบ่เจ่ โอ่.”

เห่ขุทวาลู่ 20:3

เตเซเค, จอแปแหร่ดุ แฮโอ่โลแถ่ เป่ คุ๊ยอาบีเมเลค เด๊อ อาเตโอ่เมอ แหม่กู เร๊อ อา เฮ๊ ลู เน๊อ, “เนเกเร เซอ เฮ๊อ ปา, เมเตเฮ๊เร๊อ เพรเหมาะ เด๊อ เน พย๊า เออเนอ เตเพร หม่า อาเว โอ่โทดื่อ เฮ๊อ.”

เห่ขุทวาลู่ 20:8

ช๋าป่าโร เหมาะลีโรมื่อ เบ๊อะเนอ, คุ๊ยอาบีเมเลค เอ๊แฮลอ อาหลู่เล๊ ล๋อ ปลี เร๊อ เบ๊อะ อา เฮ๊โล เป่ลอ เหย่ซี เน๊อ ล๋อ เตทวาแถ่ เด๊อ อาเตโอ่เมอแหม่กู เนอเต๊เห่ เบ๊อะเนอ, เหย่ซี ซิอิเชกาโน๊ โต่.

เห่ขุทวาลู่ 23:6

“เก๋อ เพดุ, แด่ทูซิปล่อเร๊อ หนิดา โก๊เหร่อ เป เฮ๊ เออ, เด๊อ เปเกลเนอ เพดุ หม่า เตอเรอฉว่าชอ เล๊อ เน๊อ เป. เพดุ ซิหยื่อ โล๊โน โหมะดุ เด๊อ เป่โลขุเออ เด๊อ อาแร๊เล๊อ เบ๊อะเต โต๊โผะ เต๋ เบ่เบ่, จู๋ ดื่อ เพดุ อาซิปล่อ แพ๊. เพดุ เก่โล๊โน โหมะดุ โล เบ๊อะ เปโลขู เออ เจ๊อ หม่า, เตเพร่ว อู เมตาตือ เน๊อ เพดุ โต่.”