เห่ขุทวาลู่ 20:3 - ลีเทส่อพ๊าอาเซ เร๊อ เห่ขุทวาลู๊

³ เตเซเค, จอแปแหร่ดุ แฮโอ่โลแถ่ เป่ คุ๊ยอาบีเมเลค เด๊อ อาเตโอ่เมอ แหม่กู เร๊อ อา เฮ๊ ลู เน๊อ, “เนเกเร เซอ เฮ๊อ ปา, เมเตเฮ๊เร๊อ เพรเหมาะ เด๊อ เน พย๊า เออเนอ เตเพร หม่า อาเว โอ่โทดื่อ เฮ๊อ.”

เห่ขุทวาลู่ 20:3 ပူးပေါင်းရင်းမြစ်များ

มัทธิว 27:19

เบ๊อะคุ๊ยปีลาต โอ่แนโอ่ เด๊อ อาเหล่แด๊เฮอ เจแม๊ อู กู่ แกล๊แถ่อาโล เบ๊อะเนอ, อาเม นอแฮแด๊โฉ่ แกแยเต๊เห่ เร๊อ อา เวคุ๊ยปีลาต เร๊อ อา เฮ๊ เน๊อ, “จว๊าเมเบ่แต แกแย เด๊อ อาเตซื๊อ โอ่โต่ เออเตเพรเนอ ตีกี๋ แต่เหม่ นี๋, เมเตเฮ๊เรอ แว โอ่เมอแหม่ แร๊ เจ๊อ อาหรี่อาแก ตีกี๋ เจ๊อ โต่.”

เห่ขุทวาลู่ 20:7

ฮู๊เนอเร๊อ กู๊แหน่เออ ซูกาคยา คยาแซ๊ ลู เด๊อ อาเว โอ่เนอ, เมเตเฮ๊เร๊อ อา หม่า เพรโพร เตเพร. แซ่ฮู๊ เน เก่ เซอ โต่ อาเงเนอ, อา เก่ กุย จ๊อเบ เป่ดื่อ เนเง ปา. เน เก่ ซูกาคยา ลู โต่ เฮ๊หม่า, เน เน๊อ ล๋อ เนแกแย เต๊เห่ เก่ เซอ หม่าแหน่เกอ เจ๊อ ปา.”

มัทธิว 1:20

อา เตเน ฮู๊เนอ ตื๊อดื่อเรอ, เบ๊อะอา โอ่เมอ เบ๊อะเนอ, อา โอ่เมอแหม่ แม๊เถอะ แบ่เจ่ จอแปแหร่ อา เตเน่วม๊อขุ เตเพร กาปย๊า เด๊อะโอ่โล เป่ ลู เร๊อ อา เฮ๊ ลู เน๊อ, “เพดาวิด อาพู๊คู คูโยเซฟ, เบ่ยอเบ่สี่ แต่ เด๊อ เน เก่ พย๊า เหมาะมารีย์ เออเนอ แต่เหม่ นี๋, หม่าเมเตเฮ๊เรอ, อา โหมะดอ เนอหม่า จอแปแหร่ อา แหย่โยบู๊โพ๊ แบ่เจ่ เด๊อะโหมะดอแถ่ ลู แพ๊.

เห่ขุทวาลู่ 28:12

เร๊อ อา โอ่เมอแหม่ เน๊อ อา แม๊เถอะ กู่โบ ตู๊ขู่ โอ่ เด๊อ เห่ขุ เร๊อ อา แป แถ่โต่ เจ๊อ เด๊อ ม๊อขุ, เร๊อ จอแปแหร่ดุ อาเตเน่วพู๊ ซีเต๊เห่ แก๊แถ่แกแล แลแค เบ๊อะเนอ.

เห่ขุทวาลู่ 40:8

เร๊อ เหย่ซี เฮ๊ฉื่อ ลู เน๊อ, “เปเออซิเนอลอ เป โอ่เมอแหม่ เตเพร เต๊อเจ่อ, เร๊อ อู เฮ๊โฉ่แจ่ เป่ เป อาโหง่แลช๊า เตเพร่ว โต่.” เร๊อ คูโยเซฟ เฮ๊ฉื่อ เหย่ซี เน๊อ, “เพร เด๊อ อา เฮ๊เถ่แจ่ เตโอ่เมอ แหม่ อาโหง่แลช๊า หม่า ตื๋อ จอแปแหร่ดุ เตเพร แพ๊ เมฮู๊เนอเร๊อ เฮ๊โฉ่โล เป่ แม๊ แว ซีเตโอ่เมอแหม่ เออเนอ.”

เห่ขุทวาลู่ 37:9

โทเร๊อ อา โอ่เมอแหม่ โป่ โต๊โพ๊ เร๊อ อา เฮ๊โฉ่โล เป่โป่ เน๊อ อาแหม่ ซีเต๊เห่ เร๊อ อา เฮ๊ เน๊อ, “หนิดา แลแค, แว โอ่เมอแหม่ โป่ เด๊อ อาโร เต๊อเจ่อ, เออ โต๊โพ๊ เร๊อ ต๊อเหมาะ, เล, เน๊อ เฉ่ เช๊อเตเม งอแล ลอ แลแค เด๊อ แวเป๊เส่เง นี๊.”

เห่ขุทวาลู่ 37:5

เตเซเค คูโยเซฟ โอ่เมอแหม่ เร๊อ อา เฮ๊โฉ่โล เป่ อาแหม่ ซี เบ๊อะเนอ, เหย่ซี ลื๋อ ซิเถ่แร๊ โป่ ลูลู.

เห่ขุทวาลู่ 31:24

หม่าแน๊เรอ เบ๊อะ เหมาะคี๊ เบ๊อะเนอ, จอแปแหร่ดุ แฮเฮ๊โล อารัมมีเมวเจ่อพู๊ เพลาบัน เด๊อ อาเตโอ่เมอแหม่ กู เร๊อ อา เฮ๊ ลู เน๊อ, “อาแร๊ เบ่เบ่ อาแร๊ โต่ เบ่เบ่, รอ เกอเร๊อ เนเหน่ เร๊อ จว๊าเฮ๊ ต๊อหร่อเซ๊ ซิอิเชแต่ คูยาโคบ เต๊อเจ๋อ แต่เหม่ นี๋.”

เห่ขุทวาลู่ 12:17

เร๊อ คุ๊ย พย๊า เหมาะซาราย อาขว่าอาคยา, จอแปแหร่ ตูจูเพร นอตา เก่หร่าเก่ดวา เด๊อ อาต๊อหร่อเซ๊ แหน่เจ๊อ เต๊เห่ เด๊อ คุ๊ย เน๊อ อาเทอพู๊เก่พู๊ เต๊เห่ อาลู.

เห่ขุทวาลู่ 12:18

ฮู๊เนออาขว่าอาคยา, คุ๊ย เอ๊แฮ คูอับราม เร๊อ อา เฮ๊ ลู เน๊อ, “เน จว๊า เมโต่ เจ๊อ แว ฮู๊เออ หม่า เมเต? อา หม่า แวเม, เน เฮ๊ แว ฮู๊เนอ โต่ เมเต?

เห่ขุทวาลู่ 40:5

เบ๊อะ เหย่ซี โอ่ เบ๊อะ ทอกู เบ๊อะเนอ, เตเซเค, เพร เด๊อ คุ๊ย หยื่อเอ่ เร๊อ ลู เร๊อ อา โอแม๊ เป่ คุ๊ย อาแท๊ทือเส่เทอแย ทวาดุทวาเต เน๊อ เพรเม เป่ คุ๊ยค๊อมู ทวาดุทวาเต เด๊อ อู ด๊อตา เหย่ซี เด๊อ ทอกู เออซิเนอ อา โอ่เมอแหม่ โพรแลแค ลู เตเซเซ๋ อากู, เร๊อ เตเพร่ว เน๊อ เตเพร อาเตโอ่เมอแหม่ เนอ อาโอ่ ดื่อ เน๊อ อาโหง่แลช๊า.

เห่ขุทวาลู่ 46:2

เร๊อ เบ๊อะ เหมาะคี๊ เบ๊อะเนอ, จอแปแหร่ดุ เฮ๊เบ่ เน๊อ เพยาโคบ เด๊อ เตเด๊อะโลแถ่ อากู เร๊อ “ยาโคบ, ยาโคบ,” อา เอ๊ ลู, เร๊อ “แว โอ่แพ๊,” อา เฮ๊ฉื่อ จอแปแหร่ดุ ฮู๊เนอ.