เห่ขุทวาลู่ 2:4 - ลีเทส่อพ๊าอาเซ เร๊อ เห่ขุทวาลู๊

⁴ เตหรี่เตแก เออเต๊เห่ เนอหม่า หม่าเฮ๊อ เบ๊อะ จอแปแหร่ดุ แบ๊แลเตแล ม๊อขุ เน๊อ เห่ขุ เบ๊อะเนอ เต๊เห่ อาหรี่อาแก เฮ๊อ. เบ๊อะ แบ่เจ่ จอแปแหร่ ตูจูเพร แบ๊ตา เห่ขุ เน๊อ ม๊อขุ เต๊เห่ เบ๊อะเนอ,

เห่ขุทวาลู่ 2:4 ပူးပေါင်းရင်းမြစ်များ

เห่ขุทวาลู่ 5:1

ลี เออหม่า เตราม๊าราแด หนิ เพอาดาม อากลุยอาแล ตากาแล ซีเต๊เห่ อาหรี่อาแก. เบ๊อะ จอแปแหร่ดุ แบ๊ แกแย เห่ขุพู๊ เบ๊อะเนอ, อา แบ๊ เหย่ซี แซ่เจ๊อเน๊อ อาเหน่ เจ๊อ.

เตเด๊อะโลแถ่ 1:8

แบ่เจ่ จอแปแหร่ เฮ๊ เน๊อ, “แว หม่า อาแก่ช๊า เฮ๊อ เร๊อ แว หม่า อาตื๊อดื่อเฮ๊อ” เร๊อ อา เฮ๊ เน๊อ, “แว หม่า จอแปแหร่ เด๊อ อา เซอเพร มู๋ หนู่เค เตเพร, กู๊แหน่เค หม่า แว เซอเพรเพร, โหน่ปาหม่า แว เซอเพรเพร. แว หม่า จอแปแหร่ เด๊อ อา แจ่ เตล๋อ ปลี เตเพรเฮ๊อ.”

เห่ขุทวาลู่ 36:1

เออ หม่า เต ราม๊า รา แดหนิ เพเอซาว อากลุยอาลุ๊ย ตากาแล เต๊เห่ อาหรี่อาแก เฮ๊อ, เร๊อ อู เอ๊ โป่ ลู เน๊อ คูเอโดม.

เห่ขุทวาลู่ 1:31

เร๊อ จอแปแหร่ดุ แม๊เถอะ เกอเร๊อ ล๋อ อา เม เต เออเต๊เห่ เนอ เร๊อ อา แร๋ แหน่เจ๊อ อาขว่าอาคยา, อาซิปล่อโม เกอเร๊อ แหน่เจ๊อ. เหมาะคี๊ โทเร๊อ เหมาะลีบู แฮ, เร๊อ อา บาแถ่ เฮ๊อ เตอ เนอ, เร๊อ เนอเตอเนอ หม่า อาเนอ โซซว๊า.

เห่ขุทวาลู่ 1:4

จอแปแหร่ดุ แม๊เถอะ เน๊อ เตลีเออ อาแร๊ เร๊อ อาซิปล่อโม เกอเร๊อ แหน่เจ๊อ, เร๊อ อา แด่เถ่โค๊แก เตลีเออ เด๊อ เตคี๊เกล.

เห่ขุทวาลู่ 36:9

เออ หม่า เตราม๊า ราแด หนิ เอโดม เมวเจ่อพู๊ เต๊เห่ โอ่ เด๊อะ เสอีร์โฉ่เกล เนอเต๊เห่ อาเพ, เพเอซาว อากลุย อาลุ๊ย ตากาแล ซี เต๊เห่ อาหรี่อาแก.

เห่ขุทวาลู่ 25:19

เออหม่า เตราม๊าราแดโอ่แก เพอับราฮัม อาพู๊เพรคู เพอิสอัค อากลุยอาลุ๊ย ซีเต๊เห่ อาหรี่อาแก เพอับราฮัม หม่า คูอิสอัค อาเพ.

เห่ขุทวาลู่ 25:12

เออหม่า หม่าเฮ๊อ คูอิชมาเอล อากลุยอาลุ๊ย ตากาแล ซีเต๊เห่ อาหรี่อาแก เฮ๊อ. อา หม่า เพอับราฮัม อาพู๊เพรคู เด๊อ โหมะซาราห์ อาหลู่โหมะ อียิปต์เมวเจ่อพู๊ โหมะฮาการ์ พู๊โอ่แลหนิ เป่ ลู เนอ เตเพร เฮ๊อ.

เห่ขุทวาลู่ 11:10

เออหม่า เตราม๊าราแดหนิ เพเชม อากลุยอาลุ๊ย เต๊เห่ อาหรี่อาแกเฮ๊อ. เบ๊อะ เทอซิ บา โทเฮ๊อ เนอหน่า, เร๊อ เพเชม โอ่ เฮ๊อ อาหน่า เตเย เบ๊อะเนอ, อา พู๊โอ่แล เกอเร๊อ คูอารปัคชาด.

เห่ขุทวาลู่ 10:1

เออ หมา เตราม๊าราแดหนิ เพโนอาห์ อาพู๊เพรคู คูเซม, คูฮาม เน๊อ คูยาเฟท ซี อากลุยอาแล ตากาแล เต๊เห่ เด๊อ อาพู๊ โอ่แล แลแค เบ๊อะ เทอดุ โทเฮ๊อ เห่ขุ เบ๊อะเนอเต๊เห่ อาหรี่อาแก เฮ๊อ.

เห่ขุทวาลู่ 1:28

โทเร๊อ จอแปแหร่ดุ เด๊อะบุ๊ยเด๊อะเตอเรอ เหย่ซี เร๊อ อา เฮ๊ เน๊อ, “พู๊โอ่โหร่เหลอโอ่เอ๊ แลแค เร๊อ โอ่บา ลอเจ๊อ เห่ขุ เออต๊าบ่า เร๊อ เป๊อตี๊หรี่ เร๊อดื่อ นี๋. เร๊อ เตมีเตดอ โอ่ เด๊อ เทอดุซาวากู เนอเต๊เห่ เบ่เบ่, ถู่พู๊โหย่พู๊ เด๊อ อา โย เด๊อ ม๊อเล เนอเต๊เห่ เบ่เบ่, เตมีเตดอ, เตมีเตแหม่ เด๊อ อา จว๊า เด๊อ เห่ขุ เนอเต๊เห่ ปว๊า เต๊อเจ่อ เบ่เบ่ เป๊อตี๊หรี่ เร๊อ ลอดื่อ เหย่ซี นี๋.”

เห่ขุทวาลู่ 1:1

เบ๊อะ จอแปแหร่ดุ แบ๊ตาลู่ เต อากูลู่เคเนอ อา แบ๊ตา หนิดื่อ ม๊อขุ เน๊อ เห่ขุ.

เตเด๊อะโลแถ่ 16:5

เร๊อ แว หนิโฮ เตเน่วพู๊ เด๊อ อา โอ่ป่อ เทอ เตเพรเนอ อา เฮ๊ เน๊อ, “เก๋อ จอแปแหร่, เนหม่า อาบูอาโพ๊, เนหม่า เพร โอ่ มู๋ หนู่เค โต่กู๊แหน่ เออเตเพร, เน เตเมจากาคยา เออเต๊เห่เนอ, อาจ๊ออาเต แพ๊.

เตเด๊อะโลแถ่ 11:17

“แจ่เตลอ ซิเงเตปลี อา แบ่เจ่ จอแปแหร่ เด๊อ อา โอ่เซอเพร มู๋ หนู่เค, อา โอ่เซอเพร โต่กู๊แหน่ เตเพร่ว, เด๊อ เน นอเอ่เฮ๊อ เน เตโพรฉว่าชอ เด๊อ อาดุ เร๊อ เน เป๊อแถ่ เป๊อเฮ๊อเต อาขว่าอาคยา เป เฮ๊บุ๊ยเฮ๊เตอเรอ เน.

เตเด๊อะโลแถ่ 1:4

แว หม่า คูยอห์น. แว ราจว๊า เป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา โอ่ เด๊อ เอเซียเก่กู เนอเต๊เห่ อาโอ่. จอแปแหร่ เด๊อ อา เซอเพร มู๋ หนู่เค, โท๊โต่ กู๊แหน่เค๋ หม่า อา เซอเพรเพร, เนอปา หม่า อา เก่ เซอเพรเพร เออเตเพร เร๊อ ซิปล่อเซอเพร โซซว๊าเตเม เด๊อ อา โอ่ เด๊อ ลู กู่แกล๊แถ่โล อาเป๊เส่เง เออเต๊เห่ อาบุ๊ยอาเตอเรอ เร๊อ อา เตโส่เตเคร เออเนอ, ซี เก่ พย๊าหนิดื่อ นี๋.

เห่ขุทวาลู่ 1:3

โทเร๊อ จอแปแหร่ดุ เฮ๊ เน๊อ, “เตลี โอ่ทวาแถ่ มอ,” เร๊อ เตลี โอ่ทวาแถ่.

เห่ขุทวาลู่ 2:3

จอแปแหร่ดุ แบ๊ตา เต ล๋อ ปลี อา โทลอเฮ๊อ เร๊อ อา โอ่โก๊เฮ๊อ เบ๊อะเนอ เตอเนอ. อาขว่าอาคยา, อา เด๊อะบุ๊ยเด๊อะเตอเรอ เร๊อ เด๊อะ ม๊อเนอโซซว๊าเตอเนอ เนอเตอเนอ โทเร๊อ อา แด่บูโพ๊ เกอเร๊อ ลู.