เห่ขุทวาลู่ 18:14 - ลีเทส่อพ๊าอาเซ เร๊อ เห่ขุทวาลู๊

¹⁴ จอแปแหร่ ตูจูเพร เมแจ่เต โต่ เนอ หม่า อา โอ่ แหน่ แอ? ฮู๊ แว เฮ๊โฉ่แก โทเฮ๊อ เน เน๊อ ช๋า หน่าเบ่ ฮู๊ กู๊แหน่เค ปา, แว เก่ แฮ คยาแซ๊ เด๊อ เน โอ่ ปา เร๊อ เหมาะซาราย เก่ พู๊โอ่แล หนิ พู๊เพรคู เตเพร ปา.”

เห่ขุทวาลู่ 18:14 ပူးပေါင်းရင်းမြစ်များ

ꤜꤢꤨꤊꤢ꤬ 1:37

จอแปแหร่เมแจ่ เตปว๊าเต๊อเจ่อ.”

มัทธิว 19:26

แบ่เจ่ เหย่ซู่ แม๊ตู่ แต่ เหย่ซี เร๊อ อา เฮ๊ เหย่ซี เน๊อ, “แกแยเห่ขุพู๊ เมแลเปล๊ แจ่ เกอเร๊อ อาเหน่โต่ ตื๊อดื่อเรอ, จอแปแหร่ เมแจ่เต ปว๋า เต๊อเจ่อ.”

ꤗꤢ꤬ꤊꤢꤨ 10:27

เหย่ซู่ แม๊ เหย่ซี เร๊อ อา เฮ๊ เหย่ซี เน๊อ, “แกแย เมจว่าแลเปล๊ แจ่ เกอเร๊อ อาเหน่โต่ หม่าแน๊เรอ จอแปแหร่ ย๋อ เมแจ่ ปว๋า เต๊อเจ่อ อาคยา, อา เมแลเปล๊ แจ่ แพ๊.”

เอเฟซัส 3:20

ถู่เซ๊แถ่ แลแค จอแปแหร่. เด๊อ อา เตโพรเตอเรอ อาดุอาแย เออ เมเต เด๊อ เปกู อาขว่าอาคยา, อา เก่ เมเบ๊ เล๊อ เป่ เจ๊อ เป เร๊อ เป กุยแถ่ อา เนอเต๊เห่ ปา เจ๊อ. หม่าโต่เรอ, อา เก่ เมเบ๊ เล๊อ เป่ เจ๊อ เป เร๊อ เป เตเน หนื่ออื่อปา แพ๊ เนอเต๊เห่ ปา เจ๊อ.

ฟีลิปปี 4:13

เหย่ซู่ครี๊ เด๊อ อา เด๊อะ แว เตอ๊าเตเหร่ เออเตเพร เมจว่า แว อาขว่าอาคยา, แว เมเบ๊ลอ เฮ๊อ เตปว๋า เต๊อเจ่อ เฮ๊อ.

ꤚꤥꤗꤢꤩ꤬ 4:21

จอแปแหร่ เก่ เม ฮู๋ อา อ๊อแลเนอ ปาเนอ, อา หยื่อเอ่ลอ เจ๊อ ซิปล่อซีเมเจ๊อ.

มัทธิว 14:31

แบ่เจ่ เหย่ซู่ บ๊อแฮ อากู๊ขุ โตโพ๊โต เร๊อ อา จุ่ยแถ่ ลู เร๊อ อา เฮ๊ ลู เน๊อ, “เน เตหยื่อ ปีตี๋ ลา ว๋า, เน ซิปล่อ หร่าเหร่ เมเต?”

เห่ขุทวาลู่ 18:10

เบ๊อะ เนอซิโซเกล เตเพร เนอหม่า จอแปแหร่ ตูจูเพร เร๊อ อา เฮ๊ คูอับราฮัม เน๊อ, “ช๋า หน่าเบ่ ฮู๊ กู๊แหน่เค เออ ปาเนอ, แว กาโตคยา หม่าแหน่ เด๊อ เน โอ่ ปา. เร๊อ เนเม เหมาะซาราย เก่ พู๊โอ่แลหนิ พู๊เพรคู เตเพร ปา.” เบ๊อะ อา เฮ๊ ฮู๊เนออาเค, เหมาะซาราย ยอโอ่ หนิดา เด๊อ เหล่สื่อ กู่ดากูทือ เบ๊อะ เหย่ซี แบ๊คยา เนอ.

ꤜꤢꤨꤊꤢ꤬ 1:13

หม่าแน๊เรอ เตเน่วม๊อขุ เฮ๊ ลู เน๊อ, “เพเศคาริยาห์ ซิอิเช แต่เหม่! จอแปแหร่ หนิโฮ เฮ๊อ เน เตกุยจ๊อเบ อาขว่าอาคยา, เนเม โหมะเอลีซาเบธ เก่ พู๊โอ่ เป่ เน พู๊เพรคู เตเพร ปา เร๊อ เน โตเบ่ เอ๊ เร๊ออามุย เร๊อ คูยอห์น ปา.

เห่ขุทวาลู่ 17:21

หม่าแน๊เรอ แวเตอ๊อแล เออเนอ, แว เก่ เมหม่าเมกลอ เน๊อ คูอิสอัค เด๊อ โหมะซาราห์ เกเร พู๊โอ่ เกอเร๊อ ลู ช๋า หน่าเบ่ ฮู๋ กู๊แหน่เค เออเนอ ปา.”

ꤟꤤꤙꤚꤢꤨ 11:19

เพอับราฮัม เตเน โทเฮ๊อ เร๊อ จอแปแหร่ เก่ เมเซอเพร กาคยา เบ๊แหน่ แพ๊ คูอิสอัค ฮู๊เนอ. เก่ เฮ๊ ตาต๋า หม่า อา แซ่เฮ๊อ เร๊อ อา พย๊าหนิ กาคยา อาพู๊คูเออ เด๊อ เตเซอ อากู เฮ๊อ, เมเตเฮ๊เรอ จอแปแหร่ เก่ เฮ๊ ตาตือ ลู โต่ เฮ๊เนอ, อา เก่ เมเซอ หม่าแหน่ แพ๊ อาพู๊คู แพ๊.

ꤜꤢꤨꤊꤢ꤬ 8:50

เหย่ซู่ หนิโฮ เต๊เออ เร๊อ อา เฮ๊ เพไยรัส เน๊อ, “เบ่ยอ แต่เหม่, ตูรู๊ หยื่อเอ่ แว เนอ นี๋, เนพู๊เหมาะ เก่ เซอเพร กาคยา คยาแซ๊ ดื่อ ปา.”

ฟีลิปปี 3:21

เหย่ซู่ครี๊ เก่ ถู่แหล่แก เปเหน่กล่อ เด๊อ อา อ๊าเจ่เหร่เจ่. เร๊อ อา เซอแจ่ เออเนอ เร๊อ เตโพรเตเตอเรอ ปา, เร๊อ อา เก่ เมทวาแถ่คยา เปเหน่กล่อ เออเนอ ฮู๊ อาเหน่กล่อ เร๊อดื่อ เด๊อ อา โอ่ เร๊อ อา เตอเรอดุทู เออเนอ ปา. อา เพรโพรฉว่าชอ เด๊อ อา เมจว่า ลู เด๊อ อา เก่ เป๊อะเบ่ ลอ เตล๋อ ปลี เออเนอ, อา เก่ ถู่แหล่ เต๊เปล่แก ลอ เปเหน่กล่อ เออเต๊เห่ ปา.

ꤜꤢꤨꤊꤢ꤬ 1:18

เพเศคาริยาห์ แด๊เฮอ เตเน่วม๊อขุ เน๊อ, “เออเนอหม่า อาหม่า แอ, อาหม่าโต่ แอเนอ, แว เก่ ซิเง แม๊ลว๊า แจ่ ฮู๊เต? แว เร๊อ แว โหมะเผระ ลา เฮ๊อเฮ๊อ, แวเม เร๊อ อา โหมะเผระ ลาเฮ๊อเฮ๊อ.”

มัทธิว 3:9

เฮ๊โทเฮ๊แล แต่ ซีเหน่ เน๊อ, ‘เป หม่า เพอับราฮัม อากลุยอาแล’ ฮู๊เนอแต่เหม่. แว เฮ๊ ซี, จอแปแหร่ เมทวาแถ่ หล่อเออเต๊เห่ เนอ เพอับราฮัม อาพู๊ หม่า อา เมแจ่ แพ๊.

เห่ขุทวาลู่ 18:13

เออโตโพ๊ เร๊อ จอแปแหร่ ตูจูเพร เฮ๊ เพอับราฮัม เน๊อ, “หม่าเมเตเร๊อ เหมาะซาราย งยา เร๊อ อา จว๊าเฮ๊โต่ เน๊อ, ‘กู๊แหน่เออ แว โหมะเผระลา เฮ๊อ เร๊อ แว พู๊โอ่แจ่ ปาแหน่ แอ?’

เห่ขุทวาลู่ 18:15

เหมาะซาราย ซิอิเช เร๊อ อา เฮ๊แลโฮบี๊ เกอเร๊อ แก เน๊อ, “แว งยา น๊อ โต่ ว๊า.” หม่าแน๊เรอ อา เฮ๊ฉื่อ ลู เน๊อ, “โต่, เน งยา หม่าแหน่ เจ๊อ.”

เห่ขุทวาลู่ 21:1

กู๊แหน่เร๊อ จอแปแหร่ ตูจูเพร แฮ เด๊อะบุ๊ยเด๊อะเตอเรอ เหมาะซาราย. เร๊อ อา เม ทวาแถ่ เป่ ลู ฮู๋ อา อ๊อแล หนื่ออื่อ โทเฮ๊อ อาโหง่ เนอ.

เห่ขุทวาลู่ 21:2

เบ๊อะ เพอับราฮัม โหมะเผระ ลาเฮ๊อ เบ๊อะเนอ, เหมาะซาราย โหมะดอแถ่ เร๊อ เหย่ซี พู๊โอ่แล หนิ พู๊เพรคู เตเพร. เร๊อ อา พู๊โอ่ โตตื๋อ เจ๊อ เบ๊อะ จอแปแหร่ดุ เฮ๊หนื่ออื่อ เน๊อ อา โตพู๊โอ่แลหนิ อาค๊าอาขิ เนอเจ๊อ.

เห่ขุทวาลู่ 17:16

แว เก่ เด๊อะบุ๊ยเด๊อะเตอเรอ อา ปา เร๊อ อา เก่ พู๊โอ่แล หนิเป่ เนเง พู๊เพรคู เตเพร ปา. แว เก่ เด๊อะบุ๊ยเด๊อะเตอเรอ อา ปา อาขว่าอาคยา, อา เก่ ทวา เมวเจ่อ เต๊เห่ อาโหมะ ปา, โท๊โต่ เมวเจ่อ คุ๊ย เต๊เห่ เก่ โอ่แถ่ เบ๊อะ อากลุยแล อาเกล เนอ ปา.”