เห่ขุทวาลู่ 17:8 - ลีเทส่อพ๊าอาเซ เร๊อ เห่ขุทวาลู๊

⁸ คานาอันเก่ เต๊เก๋ ลอ เด๊อ เน โอ่ เกอเร๊อ อา แซ่เน๊อ เทอโรเก่กลอพู๊ เตเพร กู๊แหน่เออ เนอ, แว เก่ เด๊อะลา เน๊อ เน เน๊อ เนกลุยเนแล ตากาแล เด๊อ คยา เต๊เห่ ตูจูเพร ปา เร๊อ แว เก่ ทวา เหย่ซีจอแปแหร่ ปา,”

เห่ขุทวาลู่ 17:8 ပူးပေါင်းရင်းမြစ်များ

เห่ขุทวาลู่ 12:7

เบ๊อะเนอเค, จอแปแหร่ ตูจูเพร โอ่โลแถ่ เป่ คูอับราม เร๊อ อา เฮ๊ ลู เน๊อ, “เก่ เออเต๊เก่ หม่า แว เก่ เด๊อะ เน๊อ เนพู๊เนเลอ ปา,” โทเร๊อ คูอับราม ต่าแถ่ หนิเป่ จอแปแหร่ ตูจูเพร เด๊อ อา โอ่โลแถ่ เป่ ลู เนอเตเพร อาเง เตหลู่แตเหร่ เต๊เหร่ เน๊อหล่อ.

เห่ขุทวาลู่ 13:15

เร๊อ เห่ขุ เด๊อ ล๋อ เน แม๊เถอะ กู๊แหน่ เออเต๊เห่เนอ, แว เก่ เด๊อะ เป่ เน๊อ เน เน๊อ เนพู๊เนเลอ เต๊เห่ อาเง ตูจู๋ เพร ปา.

เห่ขุทวาลู่ 28:4

แซ่ฮู๊ เน เก่ พย๊าหนิ เทอเก่ เด๊อ จอแปแหร่ดุ เด๊อะ เน๊อ เนเพ เพอับราฮัม เด๊อ เน โอ่ เกอเร๊อ อา ฮู๊ ซิเผระ เออเต๊เก่ อาเงเนอ, เด๊อะบุ๊ยเด๊อะเตอเรอ เด๊อ จอแปแหร่ดุ เด๊อะ เพอับราฮัม เนอ อา เด๊อะ เกอดื่อ เน เน๊อ เนกลุยเนแล เออเต๊เห่ นี๋.”

เห่ขุทวาลู่ 13:17

จว๊ามอ, จว๊าเล ตาวาลอ มอ เด๊อ เก่กู เออ, แว เก่ เด๊อะ เฮ๊อ เน๊อ เน ปา.”

เห่ขุทวาลู่ 48:4

เร๊อ อา เฮ๊ แว เน๊อ, ‘แว เก่ นอ พู๊โอ่โหร่เหลอโอ่เอ๊ เน ปา, เร๊อ เนกลุยเนลุ๊ย ตากาแล เต๊เห่ เก่ โอ่โหร่โอ่เอ๊ โอ่ปลู่โอ่เผ่ เจ๊อปา, เร๊อ แว เก่ นอ ทวาแถ่ เน เน๊อ เมวเจ่อ เอ๊ลาปา. โทเร๊อ คานาอันเก่เออเนอ แว เก่ เด๊อะลาเฮ๊อ เน๊อ เนกลุยเนลุ๊ย ตากาแล เต๊เห่ เร๊อ นอ ทวา เหย่ซีเต ตูจูเพร ตาแลเคร๊ ปา.’”

เห่ขุทวาลู่ 23:4

“แว หม่า เทอโหร่เก่กลอพู๊ เตเพร เด๊อ อา แฮโอ่เกอ เน๊อ ซี, เร๊อ อิเช เป่เกอ แว ซีโลขุ ตื๋อ หม่า แวโล๊โน หนิ เน๊อ แวเม แพ๊.”

ꤟꤤꤙꤚꤢꤨ 9:15

เด๊อ เตหรี่เตแก เออ อาขว่าอาคยา, เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแลแก เป่ โทเฮ๊อ แกแย เด๊อ อา เอ๊ ลู เต๊เห่ เก่ หนิเบ่ปา อาเงเนอ, ครี๊ พย๊าแฮหนิ เป่ เฮ๊อ จอแปแหร่ อาแกแย เต๊เห่ เตอ๊อแล อาเซ. เออเต๊อเจ่อ เด๊อ จอแปแหร่ อา โอ่ เฮ๊อ. แซ่ฮู๊ ครี๊ เก่ อี๊ถ่ากา เร๊อ ปลวาเถ่ ปาลา จว๊าแก แกแย โอ่ เด๊อ เตอ๊อแล อาเลอ อาเล เนอเต๊เห่ อาเงเนอ, อา เบ่ ข่าเซอแก อาซิปล่อ. เด๊อ อา ข่าเซอ อาซิปล่อ อาขว่าอาคยา, เหย่ซี พย๊าหนิ เบ๊เกอเฮ๊อ อู่เจเต๊เหย่, อา เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแล โทเฮ๊อ เออเต๊เห่เนอ เฮ๊อ.

เพรโด่แนพู๊ เต๊เห่ 7:5

เร๊อ จอแปแหร่ เด๊อะตา แต่ล๋าย เพอับราฮับ เห่ขุโต่, เบ๊อะเตอกยาฮู๊ แพ๊เน๋อ อา เด๊อ เจ๊อ แล๋ ลู โต่, ตื๊อดื่อเรอ จอแปแหร่ อ๊อแล ลู เร๊อ อา เก่ เด๊อ ลู เก่เต๊เก่ ปา, เร๊อ เก่เออเนอ, อา เก่ ทวา เพอับราฮับ เร๊อ อากลุยอาแล แกแล แฮเง เออเต๊เห่ อาเทออาเก่ ปา. เบ๊อะจอแปแหร่ อ๊อแล ลู โหง่เออ เบ๊อะเนอ, เพอับราฮับ อาพู๊ โอ่ แล๋ เตเพร่ว โต่.

เตเด๊อะโลแถ่ 21:7

แกแย เตเพรเพร เด๊อ อา เมเป่ เตเนอ, อา เก่ พย๊าหนิ ลอล๋อ เตเออ เต๊เห่ เด๊อ แวโอ่ ปา. แว เก่ ทวา เหย่ซี แบ่เจ่ จอแปแหร่ ปา เร๊อ เหย่ซี เก่ ทวา แวพู๊ เต๊เห่ ปา.

เห่ขุทวาลู่ 26:24

เบ๊อะเนอ เตเซ เร๊อ จอแปแหร่ ตูจูเพร โอ่โลแถ่ เป เพอิสอัค เร๊อ อา เฮ๊ ลู เน๊อ, “แว หม่า เนเพ อับราฮัม อาจอแปแหร่ดุ, แวโอ่เต่อเกอ เน๊อ เน อาขว่าอาคยา, ซิอิเช แต่เหม่ นี๊. แว เก่ เด๊อะบุ๊ยเด๊อะเตอเรอ เน ปา, เร๊อ แว เก่ นอ โอ่โหร่โอ่เอ๊ แถ่หนิ เนกลุยเนลุ๊ย เต๊เห่ ฮู๊ แว อ๊อแลหนื่ออื่อ โทเฮ๊อ เน๊อ แวหลู่ อับราฮัม เนอ ปา.”

เห่ขุทวาลู่ 36:7

เมเตเฮ๊เร๊อ เหย่ซี ตาหมื่อตาเต เต๊เห่ เนอ อา โอ่เอ๊ ตาลว๋า ซิลือ เจ๊อ เฮ๊อ เร๊อ อา โอ่โด่ ปา ลู โต่ เฮ๊อ. เหย่ซีเตมีเตดอ เต๊เห่ หม่า อา โอ่โหร่โอ่เอ๊ แหน่เจ๊อ อาขว่าอาคยา, เหย่ซี ซิเนอลอ เหล่เก เตมีเตดอ เหล่โอ่ อาเงเนอ, อา โด่ ปา เจ๊อ โต่ เจ๊อ.

เห่ขุทวาลู่ 37:1

กู๊แหน่เร๊อ เพยาโคบ จว๊าโอ่ เด๊อ คานาอันเก่กู เบ๊อะ อาเพ โอ่น๊อ เกอเร๊อ เด๊อ เนอเค เนอ.

เห่ขุทวาลู่ 35:27

เพยาโคบ กาโตคยา เด๊อ อาเพ เพอิสอัค เหล่โอ่ เกอเร๊อ คูเมหม่าเร เหล่โอ่ แก่ช๊า, เด๊อ อา โอ่ผื่อ เน๊อ วีคีริยาทอารบา เด๊อ อู เอ๊ โป่ ลู เน๊อ วีเฮโบรน เออเนอ เออตีวี. วีเออ ตีวีหม่า เพอับราฮัม เน๊อ เพอิสอัค เหล่โกลจว๊าโอ่ เกอเร๊อ วี เนอเฮ๊อ.