เห่ขุทวาลู่ 17:6 - ลีเทส่อพ๊าอาเซ เร๊อ เห่ขุทวาลู๊

⁶ แว เก่ นอ โอ่โหร่โอ่เอ๊แถ่ เนกลุยเนแล เต๊เห่ ปา. แว เก่ นอ โอ่แถ่ เมวเจ่อ เต๊เห่ เด๊อ เนกลุยเนแล อาเกล ปา, โท๊โต่ คุ๊ย เต๊เห่ เก่ โอ่แถ่ เด๊อ เนกลุยเนลุ๊ย อาเกล ปา.

เห่ขุทวาลู่ 17:6 ပူးပေါင်းရင်းမြစ်များ

เห่ขุทวาลู่ 17:4

“แว เม เตเอ๊อแลโหง่ เน๊อ เน ฮู๊เออ, แว อ๊อแลนอแลดื่อ เน๊อ เน เก่ ทวา แกแย เมวเจ่อ ปว๊าเจ่อ อาเพ ปา.

เห่ขุทวาลู่ 35:11

เร๊อ จอแปแหร่ดุ เฮ๊ โป่ ลู เน๊อ, “แว หม่า จอแปแหร่ เด๊อ อาโพรเตอเรอฉว่าชอ เตเพร, พู๊โอ่โหร่เลอโอ่เอ๊ แลแค เร๊อ โอ่โหร่โอ่เอ๊แถ่ เกอ แลแค นี๊. แว เก่ นอทวาแถ่ เนกลุยเนแล เต๊เห่ เน๊อ เมวเจ่อดุ เต๊อเจ่อ เน๊อ เมวเจ่อ เอ๊ อาเมวเจ่อ เต๊เห่ ปา. เด๊อ เนกลุยเนแล อาเกล เต๊เห่ เนอ, อา เก่ ทวาแถ่ หนิดื่อ คุ๊ยจ๊อแผ่ เต๊เห่ ปา.

เห่ขุทวาลู่ 17:16

แว เก่ เด๊อะบุ๊ยเด๊อะเตอเรอ อา ปา เร๊อ อา เก่ พู๊โอ่แล หนิเป่ เนเง พู๊เพรคู เตเพร ปา. แว เก่ เด๊อะบุ๊ยเด๊อะเตอเรอ อา ปา อาขว่าอาคยา, อา เก่ ทวา เมวเจ่อ เต๊เห่ อาโหมะ ปา, โท๊โต่ เมวเจ่อ คุ๊ย เต๊เห่ เก่ โอ่แถ่ เบ๊อะ อากลุยแล อาเกล เนอ ปา.”

เห่ขุทวาลู่ 17:20

คูอิชมาเอล อาเงติเร๊อ, แว หนิโฮ เฮ๊อ เน กุย แว เออเฮ๊อ แว เก่ เด๊อะบุ๊ยเด๊อะเตอเรอ หม่าดื่อ อา ปา แว เก่ นอ พู๊โอ่โหร่ เหลอโอ่เอ๊ ลู ปา เร๊อ อากลุยอาลุ๊ย ตากาแล เก่ โอ่โหร่โอ่เอ๊ แหน่เจ๊อ ปา. อา เก่ ทวาดื่อ คุ๊ยพู๊ เช๊อซิเนอ อาเพ ปา, เร๊อ แว เก่ นอทวาแถ่ อา เน๊อ เมวเจ่อ ดู๋ เต๊อเจ่อ ปา.

เห่ขุทวาลู่ 26:22

โทเร๊อ อา จว๊า ตาพาแก เด๊อ เหล่โอ่ อาโร โต๊โผะ เร๊อ อา จว๊าเว โค๊ โป่ เทอกลื่อ ตื๊อกลื่อ เร๊อ อู แฮกย๊าแฮงา ปา เหย่ซี เตเพร่ว โต่, ฮู๊เนอเร๊อ เพอิสอัค โป่แก เทอกลื่อเออ อามุย เน๊อ เรโหโบท. เร๊อ อา เฮ๊ เน๊อ, “กู๊แหน่เออ, จอแปแหร่ ตูจูเพร เด๊อะ เฮ๊อ เป่ กู๊เหล่ เหล่โอ่ โต๊โผะ เฮ๊อ เร๊อ เป่ เก่ เอ่เบ่โอโท เบ๊อะเออ โต๊โผะ ปา.” (เรโหโบท อาโหง่แลช๊า หม่า เด๊อะ เฮ๊อ เป เหล่โอ่แหล่ดุ โต๊โผะเฮ๊อ.)

เห่ขุทวาลู่ 28:3

จอแปแหร่ เด๊อ อาโพรเตอเรอฉว่าชอ เออเตเพร เก่ เด๊อะบุ๊ยเด๊อะเตอเรอดื่อ เน ปา นี๋, เร๊อ เน เก่ พู๊โอ่โหร่เลอโอ่เอ๊ดื่อ เร๊อ โอ่โหร่โอ่เอ๊แถ่ เกอ แลแค นี๋. เร๊อ เน เก่ ทวาแถ่ เกอดื่อ เมวเจ่อดู๋ เต๊อเจ่อ เน๊อ เมวเจ่อ เอ๊เต๊เห่ อาเมวเจ่อ ปา.

เห่ขุทวาลู่ 41:52

เร๊อ อา เอ๊ เกอเร๊อ อาพู๊เพรคู เด๊อ อาโหน่ เออเตเพร อามุย เน๊อ คูเอฟราอิม, เร๊อ อา เฮ๊โป่ เน๊อ, “จอแปแหร่ดุ เด๊อะเฮ๊อ แว พู๊เต๊เห่ เบ๊อะ เทอเก่ เด๊อ แว ข่าเบ่ เตจาเตจื่อ เออเต๊เก่ อากู เออเฮ๊อ.” (เอฟราอิม อาโหง่แลช๊า หม่า เส่แถ่โพแถ่ เอ๊ แลแค.)

เห่ขุทวาลู่ 47:27

ฮู๊เนอเร๊อ อิสราเอลพู๊ เต๊เห่ โอ่ แลแค เบ๊อะ อียิปต์เก่กู โกเชนเหล่โอ่ เนอโต๊โผะ. เร๊อ เหย่ซี ดุแหย่แถ่ เน๊อ ดุแหย่แถ่, พู๊โอ่โหร่ เหลอโอ่เอ๊แถ่ เน๊อ โอ่เอ๊แถ่ แลแค เบ๊อะเนอ.

เห่ขุทวาลู่ 13:16

แว เก่ นอ โอ่เอ๊แถ่ เนพู๊เนเลอ เต๊เห่ แซ่เจ๊อเน๊อ เห่หมื่อ เนอ เจ๊อ ปา. แกแย เตเพรเพร เด๊อ อา แด๊ ลอเป่เบ๊ เห่หมื่อ เนอ, อา เก่ แด๊ ลอเป่เบ๊ เนพู๊เนเลอ เต๊เห่ ปา.

เห่ขุทวาลู่ 48:3

โทเร๊อ เพยาโคบ เฮ๊ เพโยเซฟ เน๊อ, “จอแปแหร่ เด๊อ อาโพรเตอเรอฉว่าชอ เนอเตเพร โอ่โลแถ่ เป่ แว เด๊อ คานาอันเก่ วีลูส เนอโต๊โผะ เร๊อ อา เด๊อะบุ๊ยเด๊อะเตอเรอแว.

เห่ขุทวาลู่ 48:4

เร๊อ อา เฮ๊ แว เน๊อ, ‘แว เก่ นอ พู๊โอ่โหร่เหลอโอ่เอ๊ เน ปา, เร๊อ เนกลุยเนลุ๊ย ตากาแล เต๊เห่ เก่ โอ่โหร่โอ่เอ๊ โอ่ปลู่โอ่เผ่ เจ๊อปา, เร๊อ แว เก่ นอ ทวาแถ่ เน เน๊อ เมวเจ่อ เอ๊ลาปา. โทเร๊อ คานาอันเก่เออเนอ แว เก่ เด๊อะลาเฮ๊อ เน๊อ เนกลุยเนลุ๊ย ตากาแล เต๊เห่ เร๊อ นอ ทวา เหย่ซีเต ตูจูเพร ตาแลเคร๊ ปา.’”