เห่ขุทวาลู่ 17:4 - ลีเทส่อพ๊าอาเซ เร๊อ เห่ขุทวาลู๊

⁴ “แว เม เตเอ๊อแลโหง่ เน๊อ เน ฮู๊เออ, แว อ๊อแลนอแลดื่อ เน๊อ เน เก่ ทวา แกแย เมวเจ่อ ปว๊าเจ่อ อาเพ ปา.

เห่ขุทวาลู่ 17:4 ပူးပေါင်းရင်းမြစ်များ

เห่ขุทวาลู่ 35:11

เร๊อ จอแปแหร่ดุ เฮ๊ โป่ ลู เน๊อ, “แว หม่า จอแปแหร่ เด๊อ อาโพรเตอเรอฉว่าชอ เตเพร, พู๊โอ่โหร่เลอโอ่เอ๊ แลแค เร๊อ โอ่โหร่โอ่เอ๊แถ่ เกอ แลแค นี๊. แว เก่ นอทวาแถ่ เนกลุยเนแล เต๊เห่ เน๊อ เมวเจ่อดุ เต๊อเจ่อ เน๊อ เมวเจ่อ เอ๊ อาเมวเจ่อ เต๊เห่ ปา. เด๊อ เนกลุยเนแล อาเกล เต๊เห่ เนอ, อา เก่ ทวาแถ่ หนิดื่อ คุ๊ยจ๊อแผ่ เต๊เห่ ปา.

เห่ขุทวาลู่ 12:2

แว เก่ นอ ทวาแถ่ เน เน๊อ เมวเจ่อดู๋ เต๊อเจ่อ ปา, เร๊อ แว เก่ เมบุ๊ยเมเตอเรอ เน ปา, แว เก่ นอ โลเทอโลเก่ เนมุย ปา เร๊อ เน เก่ ทวา เป่ เตบุ๊ยเตเตอเรอ เต๊อเจ่อ เด๊อ อูเง ปา.

เห่ขุทวาลู่ 48:19

หม่าแน๊เรอ อาเพ จูเกอลูโต่ เร๊อ อา เฮ๊ เน๊อ, “แว ซิเง แพ๊, พู๊คู, แว ซิเง แพ๊, คูมนัสเสห์ อากลุยอาลุ๋ย หม่า อา เก่ ทวาแถ่ เมวเจ่อดุ เต๊อเจ่อ ปาปา. อากลุยอาลุ๊ย ตากาแล เต๊เห่ เก่ โอ่โหร่โอ่เอ๊แถ่ ปาปา. ฮู๊เตเต๋ เบ่เบ่, อาโป่ อากลุยอาลุ๊ย เออเนอ อา เก่ ดุ เล๊อเล๊อ เน๊อ ลู ปา. เร๊อ อากลุยอาลุ๊ย เนอ อา เก่ ทวาแถ่ เอ๊แหน่เจ๊อ เมวเจ่อดุ เต๊เห่ ปา.”

เห่ขุทวาลู่ 32:12

หม่าแน๊เรอ เน เฮ๊ โทเฮ๊อ แว เน๊อ, “แว นอ เอ่เบ่โอโท หม่าแหน่ เน ปา เร๊อ แว เก่ นอ โอ่โหร่โอ่เอ๊ เนกลุยเนลุ๊ย ตากาแล เต๊เห่ แซ่เจ๊อเน๊อ หล่อตาม๊าหมื่อ เด๊อ เทอดุซาวาทือ เร๊อ อู แด๊ลอ เป่ ปา เจ๊อ ลู โต่ ปา.”

เห่ขุทวาลู่ 22:17

แว เด๊อะบุ๊ยเด๊อะเตอเรอ หม่าแหน่ เจ๊อ เน ปา. แว นอ โอ่โหร่โอ่เอ๊แถ่ เนกลุยเนลุ๊ย เต๊เห่ แซ่เจ๊อเน๊อ เฉ่ เด๊อ ม๊อเล, แซ่เจ๊อเน๊อ หล่อตาม๊า เด๊อ เทอดุซาวาทือ เด๊อ อู แด๊ ลอเป่ ปาเจ๊อโต่ เออเนอ ปา. เร๊อ เนกลุยเนลุ๊ย เนอ อา เมปย๊าแก เหย่ซี เต๊เห่ ปา, เร๊อ อา เป๊อะหนิลอ เหย่ซีวี เต๊เห่ ปา.

เห่ขุทวาลู่ 16:10

เร๊อ อา เฮ๊โป่ ลู เน๊อ, “แว เก่ นอ โอ่โหร่โอ่เอ๊ แถ่ดื่อ เนกลุยเนแล เต๊เห่ ปา เร๊อ เตเพร่ว หม่า อู เก่ แด๊เบ๊ ปาเจ๊อ เหย่ซี โต่ ปา.

เห่ขุทวาลู่ 13:16

แว เก่ นอ โอ่เอ๊แถ่ เนพู๊เนเลอ เต๊เห่ แซ่เจ๊อเน๊อ เห่หมื่อ เนอ เจ๊อ ปา. แกแย เตเพรเพร เด๊อ อา แด๊ ลอเป่เบ๊ เห่หมื่อ เนอ, อา เก่ แด๊ ลอเป่เบ๊ เนพู๊เนเลอ เต๊เห่ ปา.

เห่ขุทวาลู่ 25:23

เร๊อ จอแปแหร่ ตูจูเพร เฮ๊ฉื่อ ลู เน๊อ, “เด๊อ เนฮ๊อกูเนอ เมวเจ่อ เก่ โอ่แถ่ เนอเก่ ปา, เมวเจ่อ เออ เนอเจ่อเนอ, อา เก่ ทวาแถ่ เพรดี๊เจ ตากวาเตเร แคลู ปา, เต๊อเจ่อ ปา เร๊อ อา เหร่ฉว่า เหร่ชอ เล๊อเน๊อ เด๊อ อาโรเต๊อเจ่อ ปา, อาดุ เตเพร เก่ ทวา อาโป่หลู่ ปา.”

เห่ขุทวาลู่ 28:3

จอแปแหร่ เด๊อ อาโพรเตอเรอฉว่าชอ เออเตเพร เก่ เด๊อะบุ๊ยเด๊อะเตอเรอดื่อ เน ปา นี๋, เร๊อ เน เก่ พู๊โอ่โหร่เลอโอ่เอ๊ดื่อ เร๊อ โอ่โหร่โอ่เอ๊แถ่ เกอ แลแค นี๋. เร๊อ เน เก่ ทวาแถ่ เกอดื่อ เมวเจ่อดู๋ เต๊อเจ่อ เน๊อ เมวเจ่อ เอ๊เต๊เห่ อาเมวเจ่อ ปา.