เห่ขุทวาลู่ 17:12 - ลีเทส่อพ๊าอาเซ เร๊อ เห่ขุทวาลู๊

¹² เมฮู๊เนอเร๊อ ล๋อ เพรคู เด๊อ ซีกลุยซีแล อาเกล อา ตากาแล ตือทือ โท ตือทือ เต๊เห่เนอ, อา ดา บาเฮ๊อ เนอลุยซว๊า เฮ๊เร๊อ, อา เบ่ ดื๊อตีลี๊พ๊า. เร๊อ แกแย เด๊อ อา โอ่เป๊เจ่แล เบ๊อะ ซีหี่ด๊อกู เนอเต๊เห่ เบ่เบ่, ซีกลุยแล หม่าโต่ เนอเต๊เห่ เบ่เบ่, เทอโหร่เก่กลอพู๊ แพ๊ ตื๊อดื่อเร๊อ ซีพรี กาหนิ เหย่ซี เน๊อ รือ ฮู๊ หลู่ เนอเต๊เห่ เบ่เบ่, เหย่ซี เบ่ ดื๊อตีลี๊ ลอ พ๊า ปว๋า เตเพร.

เห่ขุทวาลู่ 17:12 ပူးပေါင်းရင်းမြစ်များ

ꤜꤢꤨꤊꤢ꤬ 2:21

เบ๊อะเป๊เจ่ เออเตเพร อาบาแถ่ เฮ๊อ อาเซ ลุยซว๊า เฮ๊อเร๊อ อา โตเบ่ ดื๊อตีลี๊ เฮ๊อ พ๊า เบ๊อะเนอ เหย่ซี เอ๊ เกอเร๊อ อามุย เร๊อ เหย่ซู่ ฮู๊ เตเน่วม๊อขุ โป๊หนื่ออื่อแก เป่เฮ๊อ อามุย เบ๊อะอาโหมะ โหมะดอ แต่ล๋าย ลู โต่ เบ๊อะเนอ.

ฟีลิปปี 3:5

เบ๊อะแว โอ่เป๊เจ่แล บาแถ่ เฮ๊อ เนอลุยซว๊า เบ๊อะเนอ, อู ดื๊อตีลี๊ เป่ แวพ๊า. แว ทวา อิสราเอลพู๊ เด๊อ แว โอ่เป๊เจ่แล เคเนอ ปา เจ๊อ. แวกลุยแวแล ตา เด๊อ คูเบนยามิน โต๊โหมะเต๊อเจ่อ, แว หม่า ฮีบรูพู๊ หม่าแหน่ เตเพร. แว หม่า ฟาริสีพู๊ เด๊อ อา หนิดา ครวาเมเกอ แกแยยิวพู๊ อา เตซว๊าเตแส่ เตเพร.

ꤜꤢꤨꤊꤢ꤬ 1:59

เหย่ซี เหล่โกล โอ่ เร๊อ เก่ เป๊เจ่ บาเฮ๊อ อาเนอ ลุยซว๊า เฮ๊เนอ, อู เบ่ ดื๊อตีลี๊ หนิเป่ ลูพ๊า. เบ๊อะอาโต ดื๊อตีลี๊พ๊า อาเบ๊อะเนอ, อากลุยอาแล เต๊เห่ แฮเกอ แลแค เร๊อ เหย่ซี ซิหยื่อ โป๊หนิ แลแค อามุย เร๊อ อาเพ เศคาริยาห์ อามุย เร๊อดื่อ.

ꤚꤥꤗꤢꤩ꤬ 2:28

เก่ เฮ๊ ลอลอโหง่ เฮ๊เรอ, เด๊อ เป ครวา โอ่เซอเพร เกอ ฮู๊ แกแยยิวพู๊ อาเหล่โกล เนอเต๊เห่ อาขว่าอาคยาเร๊อ, เป ทวาแถ่ เบ๊แจ่ แกแยยิวพู๊ อา หม่าแหน่ เตเพร่ว โต่. โท๊โต่ แกแยยิวพู๊ อา หม่าแหน่ เตเพร เนอหม่า, อา ดื๊อตีลี๊ แพ๊ตื๊อ เหน่กล่อพ๊าหย่า เนอ หม่าโต่.

เพรโด่แนพู๊ เต๊เห่ 7:8

โทเรอ จอแปแหร่ อ๊อแล อาโหง่ เร๊อ เพอับราฮับ ตือมือ, เร๊อ อา เตอ๊อแล อา เมม๊าเมแด เออเนอหม่า หม่าเฮ๊อ เพอับราฮับ เหล่โกล เม ดื๊อตีลี๊พ๊า เออเนอ เฮ๊อ. เร๊อ เพอับราฮับ ดื๊อตีลี๊ เกอเร๊อ อา พู๊เพรคู อิสอัค พ๊า เบ๊อะอา โอ่เป๊เจ่แลปา โท อา โอ่บาเฮ๊อ อาเซ ลุยซว๊า เบ๊อะเนอ. เพอิสอัค เม แฮเง เป่ อา พู๊เพรคู คูยาโคบ ฮู๊ อาเพ เมเนอ. โทเรอ เพยาโคบ เม แฮเง เป่ เกอโป่ อา พู๊เพรคู เช๊อซิเนอ ฮู๊เนอเนอ. เพ ยาโคบ อาพู๊เพรคู เช๊อซิเนอ เออเนอหม่า หม่าเฮ๊อ เป กลุยแล เช๊อเนอโหมะ เออเต๊เห่ อาเพ เต๊เห่ เฮ๊อ.

เห่ขุทวาลู่ 21:4

เบ๊อะ เพอับราฮัม อาพู๊ คูอิสอัค โอ่ เฮ๊อ อาเนอ ลุยซว๊า เบ๊อะเนอ, อา ดื๊อตีลี๊ เป่ ลูพ๊า ฮู๋ จอแปแหร่ดุ เฮ๊แก ลู โหง่ เนอ.

เห่ขุทวาลู่ 17:23

เบ๊อะเนอ เตอเนอ เจ๊อเฮ๊อ, เพอับราฮัม เอ๊ อาพู๊คู คูอิชมาเอล เน๊อ ล๋อ เพรคู เด๊อ อา โอ่เป๊เจ่แล เบ๊อะ ลูหี่กู เนอเต๊เห่ เน๊อ หลู่ เด๊อ อา พรี เน๊อ รือ ซีเต๊เห่ เน๊อ ล๋อ เพรคูดุ โอ่ เบ๊อะ ลูหี่กู เนอเต๊เห่ เร๊อ อา นอ ดื๊อตีลี๊ ลอ เหย่ซีพ๊า ฮู๊ จอแปแหร่ เฮ๊แก ลู โหง่ เนอ.