เห่ขุทวาลู่ 17:1 - ลีเทส่อพ๊าอาเซ เร๊อ เห่ขุทวาลู๊

¹ เบ๊อะ เพอับราม หน่า โอ่ เฮ๊อ ลุยซว๊า เตอเชอ เน๊อ ลุยซว๊า ต๊าหน่า เฮ๊อ เบ๊อะเนอ, จอแปแหร่ ตูจูเพร โอ่โลแถ่ เป่ ลู เร๊อ อา เฮ๊ ลู เน๊อ, “แว หม่า จอแปแหร่ เด๊อ อาโพรฉว่าชอ เตเพร. หนิดา แวโหง่ เร๊อ โอ่เซอเพร เมโตเมเบ่ แวซิปล่อ ปว๋า โตโพ๊ นี๋.

เห่ขุทวาลู่ 17:1 ပူးပေါင်းရင်းမြစ်များ

ฟีลิปปี 4:13

เหย่ซู่ครี๊ เด๊อ อา เด๊อะ แว เตอ๊าเตเหร่ เออเตเพร เมจว่า แว อาขว่าอาคยา, แว เมเบ๊ลอ เฮ๊อ เตปว๋า เต๊อเจ่อ เฮ๊อ.

เอเฟซัส 3:20

ถู่เซ๊แถ่ แลแค จอแปแหร่. เด๊อ อา เตโพรเตอเรอ อาดุอาแย เออ เมเต เด๊อ เปกู อาขว่าอาคยา, อา เก่ เมเบ๊ เล๊อ เป่ เจ๊อ เป เร๊อ เป กุยแถ่ อา เนอเต๊เห่ ปา เจ๊อ. หม่าโต่เรอ, อา เก่ เมเบ๊ เล๊อ เป่ เจ๊อ เป เร๊อ เป เตเน หนื่ออื่อปา แพ๊ เนอเต๊เห่ ปา เจ๊อ.

เห่ขุทวาลู่ 6:9

เออหม่า อู ราม๊า โอ่หนิ เพโนอาห์ อาหรี่อาแก. เบ๊อะ เพโนอาห์ อาทือเคเนอ, อา หม่า แกแยจ๊อแกแยเต เตเพร, อา โอ่เซอเพร ลว๊า เน๊อ อู แด่ ลู เตซื๊อ. โท๊โต่ อาแบ๊ซว๊าแบ๊โค จว๊าเต่อเคเต่อ เน๊อ จอแปแหร่ดุ.

ꤜꤢꤨꤊꤢ꤬ 1:6

เหย่ซี ซิเนอ ลอ อา โอ่เซอเพร จ๊ออาเตแร๊ ลอ เจ๊อ เด๊อ จอแปแหร่ อา เป๊เส่เง เจ๊อ เร๊อ ฮู๊ แบ่เจ่ จอแปแหร่ อา เตซว๊าเตแส่ เร๊อ อาโหง่เฮ๊แก เต๊เห่ เฮ๊โอ่เนอ เหย่ซี จูเอ่ เมเล๊อ เมบา ลอปลี เจ๊อ.

มัทธิว 5:48

เมฮู๊เนอเรอ, ฮู๊ ซีเพ เด๊อ ม๊อขุ เออเตเพร อา แร๊เล๊อบา เนอ, แร๊เล๊อะบา แซ่เกอ เร๊อ อา เนอ นี๋.”

เห่ขุทวาลู่ 18:14

จอแปแหร่ ตูจูเพร เมแจ่เต โต่ เนอ หม่า อา โอ่ แหน่ แอ? ฮู๊ แว เฮ๊โฉ่แก โทเฮ๊อ เน เน๊อ ช๋า หน่าเบ่ ฮู๊ กู๊แหน่เค ปา, แว เก่ แฮ คยาแซ๊ เด๊อ เน โอ่ ปา เร๊อ เหมาะซาราย เก่ พู๊โอ่แล หนิ พู๊เพรคู เตเพร ปา.”

มัทธิว 19:26

แบ่เจ่ เหย่ซู่ แม๊ตู่ แต่ เหย่ซี เร๊อ อา เฮ๊ เหย่ซี เน๊อ, “แกแยเห่ขุพู๊ เมแลเปล๊ แจ่ เกอเร๊อ อาเหน่โต่ ตื๊อดื่อเรอ, จอแปแหร่ เมแจ่เต ปว๋า เต๊อเจ่อ.”

เห่ขุทวาลู่ 28:3

จอแปแหร่ เด๊อ อาโพรเตอเรอฉว่าชอ เออเตเพร เก่ เด๊อะบุ๊ยเด๊อะเตอเรอดื่อ เน ปา นี๋, เร๊อ เน เก่ พู๊โอ่โหร่เลอโอ่เอ๊ดื่อ เร๊อ โอ่โหร่โอ่เอ๊แถ่ เกอ แลแค นี๋. เร๊อ เน เก่ ทวาแถ่ เกอดื่อ เมวเจ่อดู๋ เต๊อเจ่อ เน๊อ เมวเจ่อ เอ๊เต๊เห่ อาเมวเจ่อ ปา.

เห่ขุทวาลู่ 35:11

เร๊อ จอแปแหร่ดุ เฮ๊ โป่ ลู เน๊อ, “แว หม่า จอแปแหร่ เด๊อ อาโพรเตอเรอฉว่าชอ เตเพร, พู๊โอ่โหร่เลอโอ่เอ๊ แลแค เร๊อ โอ่โหร่โอ่เอ๊แถ่ เกอ แลแค นี๊. แว เก่ นอทวาแถ่ เนกลุยเนแล เต๊เห่ เน๊อ เมวเจ่อดุ เต๊อเจ่อ เน๊อ เมวเจ่อ เอ๊ อาเมวเจ่อ เต๊เห่ ปา. เด๊อ เนกลุยเนแล อาเกล เต๊เห่ เนอ, อา เก่ ทวาแถ่ หนิดื่อ คุ๊ยจ๊อแผ่ เต๊เห่ ปา.

ꤟꤤꤙꤚꤢꤨ 7:25

ฮู๊เนอเรอ แกแย เด๊อ อา แฮ เด๊อ จอแปแหร่ อา โอ่ เร๊อ อา แฮโน แฮเง เด๊อ เหย่ซู่ อา โอ่ เต๊เห่เนอ, เหย่ซู่ เก่ เมแลเปล๊กาเบ๊ เหย่ซี กู๊แหน่เออ ตาแฮเง ตูจูเพร เจ๊อ ปา, เมเตเฮ๊เรอ แซ่ฮู๊ อา เก่ โน กุยซิยอเบ๊ เป่ แกแย ฮู๊เนอ เต๊เห่ อาเง เด๊อ จอแปแหร่ อา โอ่ เนอ, อา เบ่ เซอเพร ตูจูเพร.

ꤟꤤꤙꤚꤢꤨ 12:28

ฮู๊เนอเรอ, เป เฮ๊บุ๊ยเฮ๊เตอเรอ โหร่ลู จอแปแหร่ โป๋, เมเตเฮ๊เรอ เป พย๊าหนิเฮ๊อ เทอเก่ เด๊อ อา โกโย แจ่โต่ เออเต๊เก่เฮ๊อ. เป เก่ จ๊อเบแถ่ จอแปแหร่ เน๊อ เตจ๊อเบ เด๊อ อาโต เน๊อ ลูซิปล่อ เน๊อ เตซิอิเช แดดุแด่ทู อากู เออเนอโป๋.

เพรโด่แนพู๊ เต๊เห่ 24:16

แซ่ฮู๊ แว ซิปล่อ อา เตเตเนเออ อา เก่ โพ๊แปละ เด๊อ จอแปแหร่ เน๊อ แกแยเห่ขุพู๊ อา เป๊เส่เง เนอ, แว แอ๊จื๊อ เมเต อาแร๊ ตื๊อดื่อ ปว๋า โตโพ๊ เจ๊อ.

เห่ขุทวาลู่ 48:15

โทเร๊อ อา เด๊อะบุ๊ยเด๊อะเตอเรอ เพโยเซฟ เร๊อ อา เฮ๊ เน๊อ, “จอแปแหร่ดุ เด๊อ แวโพ โพอับราฮัม เน๊อ แวเพ เพอิสอัค โอ่เซอเพร เมโต ลูซิปล่อ เนอเตเพร เก่ เด๊อะบุ๊ยเด๊อะเตอเรอ ดื่อ เป๊เจ่ เออเต๊เห่ นี๋. จอแปแหร่ดุ เด๊อ อา แม๊ตู่ แว โต่กู๊แหน่ เออเตเพร เก่ เด๊อะบุ๊ยเด๊อะเตอเรอดื่อ เป๊เจ่ เออเต๊เห่ นี๋.

เห่ขุทวาลู่ 12:1

จอแปแหร่ ตูจูเพร เฮ๊ คูอับราม เน๊อ, “แด่แก เนเทอเนเก่, เนกลุยเนแล เน๊อ เนเพ อาตี๊หี่แตแพเต๊เห่ เร๊อ เถ่จว๊า มอ เด๊อ เทอเก่ เด๊อ แว เก่ เด๊อะโล เป่ เน ปา เนอเต๊เก่ นี๊.

เห่ขุทวาลู่ 5:24

เพเอโนค โอ่เซอเพร แบ๊ซว๊าเค๊โค อาเหน่ เน๊อ จอแปแหร่ดุ, โทเร๊อ จอแปแหร่ดุ เอ๊จว๊า โอ่เหม่แกลู อาขว่าอาคยา, อา โอ่เหม่ แกดื่อ อาเหน่.

เพรโด่แนพู๊ เต๊เห่ 23:1

คูเปาโล แม๊จว๊าโต แกแยยิวพู๊ เด๊อ อา ทวาดุทวาเต เออเต๊เห่ เร๊อ อา เฮ๊ เหย่ซี เน๊อ, “แว โป่แหว่ ซี๋, เด๊อ แว ซิปล่อกูเนอ อา เด๊อะโล แว เร๊อ แว เตโอ่เซอเพร เด๊อ จอแปแหร่ อา เป๊เส่เงเออ, โต่กู๊แหน่เนอ, อาโพ๊อาแปละ เล๊อบา ลอปลี แพ๊.”

เห่ขุทวาลู่ 18:1

เตอเนอเค เพอับราฮัม โอ่ เด๊อ คูเมหม่าเร อาส่อเหมาะดุบูโพ๊ แก่ช๊า เนอ โต๊โผะ เร๊อ เบ๊อะ เหมาะโถ่เก่กู่ เบ๊อะเนอ, อา โอ่แนโอ่ เบ๊อะ อาเหล่สื่อ กู่ดากูทือ เร๊อ จอแปแหร่ ตูจูเพร แฮโอ่โลแถ่ เป่ ลู.

เห่ขุทวาลู่ 12:7

เบ๊อะเนอเค, จอแปแหร่ ตูจูเพร โอ่โลแถ่ เป่ คูอับราม เร๊อ อา เฮ๊ ลู เน๊อ, “เก่ เออเต๊เก่ หม่า แว เก่ เด๊อะ เน๊อ เนพู๊เนเลอ ปา,” โทเร๊อ คูอับราม ต่าแถ่ หนิเป่ จอแปแหร่ ตูจูเพร เด๊อ อา โอ่โลแถ่ เป่ ลู เนอเตเพร อาเง เตหลู่แตเหร่ เต๊เหร่ เน๊อหล่อ.

เห่ขุทวาลู่ 16:16

เบ๊อะ โหมะฮาการ์ เน๊อ เพอับราม พู๊โอ่แล หนิ คูอิชมาเอล เบ๊อะเนอ, เพอับราม หน่า โอ่เฮ๊อ เชอลุยซว๊า เน๊อ หน่า โซซว๊า เฮ๊อ.

เห่ขุทวาลู่ 5:22

เบ๊อะ อา พู๊โอ่ โทเฮ๊อ คูเมธูเสลาห์ เบ๊อะเนอ, อา โอ่เซอเพร แบ๊ซว๊าเค๊โค เน๊อ จอแปแหร่ดุ อาหน่า โซเย, เร๊อ อา พู๊โอ่ หนิโป่ พู๊เหมาะ พู๊คู เด๊อ อาโร เต๊เห่.

เห่ขุทวาลู่ 24:40

เร๊อ แวแบ่เจ่ เฮ๊ฉื่อ แว เน๊อ, ‘จอแปแหร่ ตูจูเพร เด๊อ แว หนิดา ลูโหง่ เออเตเพร เนอ, อา นอจว๊า เกอดื่อ อาเตเน่วพู๊ เน๊อ เน เร๊อ อา เก่ เมโทเมปลื๊อ เป่ดื่อ เน ปา. เร๊อ เน เก่ แม๊ปู เอ๊กา หนิเป่ดื่อ แวพู๊เพรคู อาเม เด๊อ แวกลุยแวแล เน๊อ แวเพ ตี๊หี่แตแพ อาเกล เออเนอ ปา.

เห่ขุทวาลู่ 26:2

จอแปแหร่ ตูจูเพร โอ่โลแถ่ เป่ คูอิสอัค เร๊อ อา เฮ๊ ลู เน๊อ, “จว๊า แต่ เด๊อ อียิปต์เก่ แต่เหม่ นี๊! โอ่ แพ๊ เก่ เบ๊อะ แว นอโอ่ เน เนอเต๊เก่ แพ๊ นี๊.

เห่ขุทวาลู่ 43:14

แซ่ฮู๊ เพรเป๊อเทอเป๊อเก่ เนอเตเพร เก่ ปลวากาเต่อ เกอดื่อ ซีโป่แหม่ คูสิเมโอน เน๊อ คูเบนยามิน เน๊อ ซี อาเงเนอ, แว กุยจ๊อเบ เน๊อ จอแปแหร่ เด๊อ อาโพรเตอเรอ เออเตเพร เก่ นอ ซิยอ เร๊อดื่อ เพร เป๊อเทอเป๊อเก่ เนอเตเพร เน๊อ ซี ปา นี๋. เด๊อ แว เร๊อ, แว เก่ โตเบ่ แลจู่ แก แหน่เฮ๊อ แวพู๊ เต๊เห่ เก่ เฮ๊หม่า, แว เบ๋ แลจู่แก แหน่ ปา เฮ๊อ.”

เห่ขุทวาลู่ 46:3

เร๊อ จอแปแหร่ดุ เฮ๊ ลู เน๊อ, “แว หม่า จอแปแหร่ดุ, เนเพ อาจอแปแหร่ดุ, ซีอิเชจว๊า แต่ เด๊อ อียิปต์เก่ แต่เหม่. แว นอทวาแถ่ เน เน๊อ เมวเจ่อดู๋ เต๊อเจ่อ เบ๊อะเนอ ปา.

เห่ขุทวาลู่ 48:3

โทเร๊อ เพยาโคบ เฮ๊ เพโยเซฟ เน๊อ, “จอแปแหร่ เด๊อ อาโพรเตอเรอฉว่าชอ เนอเตเพร โอ่โลแถ่ เป่ แว เด๊อ คานาอันเก่ วีลูส เนอโต๊โผะ เร๊อ อา เด๊อะบุ๊ยเด๊อะเตอเรอแว.