เห่ขุทวาลู่ 16:11 - ลีเทส่อพ๊าอาเซ เร๊อ เห่ขุทวาลู๊

¹¹ เน เก่ พู๊โอ่ หนิ พู๊เพรคู เตเพร ปา, เร๊อ เน เบ่ เอ๊ ลูมุย เน๊อ คูอิชมาเอล ปา, เมเตเฮ๊เร๊อ จอแปแหร่ ตูจูเพร หนิโฮ เนซิปล่อกู่แก เร๊อ เน เอ๊โทแถ่ เออเนอ เฮ๊อ. (อิชมาเอล อาโหง่แลช๊า หม่า จอแปแหร่ หนิโฮ.)

เห่ขุทวาลู่ 16:11 ပူးပေါင်းရင်းမြစ်များ

เห่ขุทวาลู่ 17:19

เร๊อ จอแปแหร่ เฮ๊ ลู เน๊อ, “โต่, คูอิชมาเอล อาโตหนิแจ่โต่. เนเม โหมะซาราห์เออ เก่ พู๊โอ่หนิ เป่ เน พู๊เพรคู เตเพร ปา, เร๊อ เน เบ่ เอ๊ อามุย เน๊อ คูอิสอัค ปา. แว เก่ เมหม่าเมกลอ แวเตอ๊อแล เน๊อ อา ปา, เร๊อ เตอ๊อแล เออเนอ อา เก่ หม่าดื่อ เตอ๊อแล ตูจูเพร แตแลเคร๊ เด๊อ อาเง เน๊อ อาพู๊เหลอตา เด๊อคยา ตือทือ โท ตือทือ ปา. (อิสอัค อาโหง่แลช๊า หม่า อางยา, เมเตเฮ๊เร๊อ อา หนิโฮ เน๊อ เกเร พย๊าหนิ พู๊เพรคู เบ๊อะเนอ เร๊อ อางยา.)

ꤜꤢꤨꤊꤢ꤬ 1:63

อาเพ กุย หล่อบ่า เร๊อ อา ราตา เน๊อ, “อามุย หม่า คูยอห์น.” เร๊อ เหย่ซี คย๊าอายื๊อ ลอปลี เจ๊อ.

ꤜꤢꤨꤊꤢ꤬ 1:31

เน เก่ โหมะดอแถ่ ปา เร๊อ เน เก่ พู๊โอ่ เกอเร๊อ เป๊เจ่ เพรคู เตเพร ปา, เร๊อ เอ๊ อามุย เร๊อ เหย่ซู่ นี๋.

ꤜꤢꤨꤊꤢ꤬ 1:13

หม่าแน๊เรอ เตเน่วม๊อขุ เฮ๊ ลู เน๊อ, “เพเศคาริยาห์ ซิอิเช แต่เหม่! จอแปแหร่ หนิโฮ เฮ๊อ เน เตกุยจ๊อเบ อาขว่าอาคยา, เนเม โหมะเอลีซาเบธ เก่ พู๊โอ่ เป่ เน พู๊เพรคู เตเพร ปา เร๊อ เน โตเบ่ เอ๊ เร๊ออามุย เร๊อ คูยอห์น ปา.

เห่ขุทวาลู่ 37:25

โทเร๊อ เบ๊อะ เหย่ซี โอ่แน เอ่ เฮ๊อ เฉ่ เบ๊อะเนอ, เหย่ซี แม๊จว๊า เร๊อ อา แม๊เถอะ แลแค อิชมาเอลเมวเจ่อพู๊ เบ๊หมู่ โอ่ เด๊อ กิเลอาดเก่ แฮ. เด๊อ เหย่ซี ตีซิโบดุลู เนอ อา แด่จว๊าหนิ แลแค เตโนมื๊อ เด๊อ เหล่โท๊โนมื๊อ เน๊อ อิซุ๊ยเต๊เห่, เซ๊อหรี่ เตขุโนมื๊อ ตี๊กิ เน๊อ มู๊หร่าเทอโนมื๊อ เร๊อ อา แด่จว๊า แลแค เด๊อ อียิปต์เก่.

เห่ขุทวาลู่ 21:17

เร๊อ จอแปแหร่ดุ หนิโฮตา เป๊เจ่ โหง่พรา เร๊อ จอแปแหร่ดุ อาเตเน่วพู๊ โอ่ เด๊อ ม๊อขุ เอ๊ตา โหมะฮาการ์ เร๊อ อา เฮ๊ ลู เน๊อ, “เหมาะฮาการ์, เน โหง่ เมเต? ซิอิเช เเต่เหม่, จอแปแหร่ดุ หนิโฮตาเฮ๊อ เป๊เจ่ โหง่ เด๊อ แจ๊โจ่กู เออเนอ เฮ๊อ.