เห่ขุทวาลู่ 15:18 - ลีเทส่อพ๊าอาเซ เร๊อ เห่ขุทวาลู๊

¹⁸ เบ๊อะเนอ เตอเนอเร๊อ จอแปแหร่ ตูจูเพร อ๊อแล อาโหง่ เน๊อ คูอับราม เร๊อ อา เฮ๊ ลู เน๊อ, “เป๊อแถ่ เด๊อ อียิปต์เก่กือ แลโหมะ เนอเร๊อ อา โต่ เด๊อ ยูเฟรติส เทอแลโหมะดุ เนอ, แว อ๊อแลนอแล เฮ๊อ เน๊อ เก่เออ แว เด๊อะ เน๊อ เนกลุยเนลุ๊ย ตากาแล เต๊เห่ เฮ๊อ.

เห่ขุทวาลู่ 15:18 ပူးပေါင်းရင်းမြစ်များ

เห่ขุทวาลู่ 12:7

เบ๊อะเนอเค, จอแปแหร่ ตูจูเพร โอ่โลแถ่ เป่ คูอับราม เร๊อ อา เฮ๊ ลู เน๊อ, “เก่ เออเต๊เก่ หม่า แว เก่ เด๊อะ เน๊อ เนพู๊เนเลอ ปา,” โทเร๊อ คูอับราม ต่าแถ่ หนิเป่ จอแปแหร่ ตูจูเพร เด๊อ อา โอ่โลแถ่ เป่ ลู เนอเตเพร อาเง เตหลู่แตเหร่ เต๊เหร่ เน๊อหล่อ.

เห่ขุทวาลู่ 24:7

จอแปแหร่ ตูจูเพร หม่าเฮ๊อ จอแปแหร่ดุ เด๊ออาเป๊อหนิ ม๊อขุ, อา เอ๊เถ่ แว เด๊อ แวเพ อากลุยอาแล เน๊อ อู เหล่ปลือตา แวดีโบ เหล่โอ่ เนอเตเพรเฮ๊อ. เร๊อ อา แบ อาโหง่ เร๊อ อา อ๊อแล โทเฮ๊อ, ‘แว เก่ เด๊อะ เนกลุยเนแล เน๊อ เทอเก่ เออ ปา.’ ฮู๊เนอเร๊อ แซ่ฮู๊ เน เก่ แม๊เถอะ เอ๊กาหนิ เป่ แวพู๊เพรคู อาเม เบ๊อะเนอ เต๊เก่ อาเงเนอ, จอแปแหร่ เก่ นอแฮ เหร่อ เป่ดื่อ เน อาเตเน่วม๊อขุพู๊ ปา.

เห่ขุทวาลู่ 13:15

เร๊อ เห่ขุ เด๊อ ล๋อ เน แม๊เถอะ กู๊แหน่ เออเต๊เห่เนอ, แว เก่ เด๊อะ เป่ เน๊อ เน เน๊อ เนพู๊เนเลอ เต๊เห่ อาเง ตูจู๋ เพร ปา.

ꤟꤤꤙꤚꤢꤨ 13:20

แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.

เห่ขุทวาลู่ 26:4

แว เก่ นอ โอ่เอ๊แถ่ ดื่อ เนกลุยเนแล แซ่เจ๊อเน๊อ เฉ่ โอ่ เด๊อ ม๊อเลเนอ เจ๊อ ปา, เร๊อ ล๊อ เห่ขุ เออเต๊เห่ เนอ แว เก่ เด๊อะ ลอดื่อ เน๊อ เหย่ซี ปา. เด๊อ เนกลุยเนแล เออ อาขว่าอาคยา เร๊อ ล๋อ เมวเจ่อ โอ่ เด๊อ เห่ขุ เออเต๊เห่ เก่ พย๊าหนิ แฮเงเกอ เตเด๊อะบุ๊ยเด๊อะเตอเรอ ปา.

เห่ขุทวาลู่ 50:24

โทเร๊อ อา เฮ๊ อาโป่แหม่ เต๊เห่ เน๊อ, “แว โอ่เซอเพร งยา ปาโต่ เฮ๊อ. จอแปแหร่ดุ เก่ แฮแล เมจว่า หม่าแหน่ เจ๊อ ซี ปา, เร๊อ อา เก่ เอ๊เถ่แก ซี เน๊อ เก่ เบ๊อะเออ เต๊เก่ ปา, เร๊อ อา เก่ ซูกา ซี เก่ เด๊อ อา แบแลโทเฮ๊อ อาโหง่ เน๊อ โพอับราฮัม, โพอิสอัค, เพยาโคบ เนอเต๊เก่ ปา.”

เห่ขุทวาลู่ 35:12

เห่ขุ เด๊อ แว เด๊อะ เน๊อ เพอับราฮัม เน๊อ เพอิสอัค เออเนอ แว เด๊อะ เกอ เน๊อ เน เฮ๊อ. เร๊อ เห่ขุเออ แว เก่ เด๊อะตา แฮเง เกอโป่ เน๊อ เนกลุยเนลุ๊ย ตากาแล เด๊อ เนคยา เนอเต๊เห่ ปาปา.”

เห่ขุทวาลู่ 28:4

แซ่ฮู๊ เน เก่ พย๊าหนิ เทอเก่ เด๊อ จอแปแหร่ดุ เด๊อะ เน๊อ เนเพ เพอับราฮัม เด๊อ เน โอ่ เกอเร๊อ อา ฮู๊ ซิเผระ เออเต๊เก่ อาเงเนอ, เด๊อะบุ๊ยเด๊อะเตอเรอ เด๊อ จอแปแหร่ดุ เด๊อะ เพอับราฮัม เนอ อา เด๊อะ เกอดื่อ เน เน๊อ เนกลุยเนแล เออเต๊เห่ นี๋.”

เห่ขุทวาลู่ 2:14

เทอแล โซแล แตแลเนอ อู เอ๊ ลูมุย เน๊อ ไทกริส, อา ทุ๊ยแฮโน รว๋า เด๊อ อัสซีเรียเก่กู เร๊อ อา ทุ๊ยเถ่โต่ เด๊อ เก่ซิเถ่ ตากยา. โทเร๊อ เทอแล ลุยแล แตแล เร๊อ อู เอ๊ เน๊อ ยูเฟรติส เทอแลโหมะดุ.

เพรโด่แนพู๊ เต๊เห่ 7:5

เร๊อ จอแปแหร่ เด๊อะตา แต่ล๋าย เพอับราฮับ เห่ขุโต่, เบ๊อะเตอกยาฮู๊ แพ๊เน๋อ อา เด๊อ เจ๊อ แล๋ ลู โต่, ตื๊อดื่อเรอ จอแปแหร่ อ๊อแล ลู เร๊อ อา เก่ เด๊อ ลู เก่เต๊เก่ ปา, เร๊อ เก่เออเนอ, อา เก่ ทวา เพอับราฮับ เร๊อ อากลุยอาแล แกแล แฮเง เออเต๊เห่ อาเทออาเก่ ปา. เบ๊อะจอแปแหร่ อ๊อแล ลู โหง่เออ เบ๊อะเนอ, เพอับราฮับ อาพู๊ โอ่ แล๋ เตเพร่ว โต่.

เตเด๊อะโลแถ่ 9:14

โหง่ เฮ๊ตาแล เตเน่วพู๊ อาเพร โซซว๊า เด๊อ อา ปื่อหม่าโอ่เร๊อ กวา เนอเตเพร เน๊อ, “ปลวาเถ่จว๊า เตเน่วพู๊ เนอซิลุย เด๊อ อู จอกลอหม่า เหย่ซี เด๊อ แลโหมะดุ ยูเฟรติส อากูเนอ.”