เห่ขุทวาลู่ 15:1 - ลีเทส่อพ๊าอาเซ เร๊อ เห่ขุทวาลู๊

¹ เบ๊อะ คูอับราม เมแลเปล๊ หนิแก คูโลท โทเนอ, อา แม๊เถอะลว๊า เต เต๊อเจ่อ เร๊อ จอแปแหร่ ตูจูเพร เฮ๊เบ่ตา ลู เน๊อ, “เก๋อ คูอับราม, ซิอิเช แต่ เตอเจ๋อ แต่เหม่ นี๋. แว เก่ ตอกอเตเก เร๊อดื่อ เน ปา, โท๊โต่ แว เก่ เด๊อะโป่ เน เตเมหนิ คว๊าเก่ เด๊อ อาแร๊ดุเล๊อ เออเนอ ปา.”

เห่ขุทวาลู่ 15:1 ပူးပေါင်းရင်းမြစ်များ

เห่ขุทวาลู่ 26:24

เบ๊อะเนอ เตเซ เร๊อ จอแปแหร่ ตูจูเพร โอ่โลแถ่ เป เพอิสอัค เร๊อ อา เฮ๊ ลู เน๊อ, “แว หม่า เนเพ อับราฮัม อาจอแปแหร่ดุ, แวโอ่เต่อเกอ เน๊อ เน อาขว่าอาคยา, ซิอิเช แต่เหม่ นี๊. แว เก่ เด๊อะบุ๊ยเด๊อะเตอเรอ เน ปา, เร๊อ แว เก่ นอ โอ่โหร่โอ่เอ๊ แถ่หนิ เนกลุยเนลุ๊ย เต๊เห่ ฮู๊ แว อ๊อแลหนื่ออื่อ โทเฮ๊อ เน๊อ แวหลู่ อับราฮัม เนอ ปา.”

ꤜꤢꤨꤊꤢ꤬ 12:32

“เก๋อ ซิหมิเป๊หมู่ ปีตี๊ ซี๋, ซิอิเช แต่เหม่ นี๋, เมเตเฮ๊เรอ ซีเพ ซิปล่อโอ่ เด๊อ อาเก่ เด๊อ ซี เร๊อ อาเทออาเก่ เฮ๊อ.

ꤜꤢꤨꤊꤢ꤬ 1:13

หม่าแน๊เรอ เตเน่วม๊อขุ เฮ๊ ลู เน๊อ, “เพเศคาริยาห์ ซิอิเช แต่เหม่! จอแปแหร่ หนิโฮ เฮ๊อ เน เตกุยจ๊อเบ อาขว่าอาคยา, เนเม โหมะเอลีซาเบธ เก่ พู๊โอ่ เป่ เน พู๊เพรคู เตเพร ปา เร๊อ เน โตเบ่ เอ๊ เร๊ออามุย เร๊อ คูยอห์น ปา.

เห่ขุทวาลู่ 21:17

เร๊อ จอแปแหร่ดุ หนิโฮตา เป๊เจ่ โหง่พรา เร๊อ จอแปแหร่ดุ อาเตเน่วพู๊ โอ่ เด๊อ ม๊อขุ เอ๊ตา โหมะฮาการ์ เร๊อ อา เฮ๊ ลู เน๊อ, “เหมาะฮาการ์, เน โหง่ เมเต? ซิอิเช เเต่เหม่, จอแปแหร่ดุ หนิโฮตาเฮ๊อ เป๊เจ่ โหง่ เด๊อ แจ๊โจ่กู เออเนอ เฮ๊อ.

ꤜꤢꤨꤊꤢ꤬ 1:30

เตเน่วม๊อขุ เฮ๊ ลู เน๊อ, “เหมาะมารี๋ย์ ซิอิเช แต่เหม่ นี๋! จอแปแหร่ เด๊อะบุ๊ยเมเตอเรอ เฮ๊อ เน เฮ๊อ.

มัทธิว 8:26

เร๊อ แบ่เจ่ เหย่ซู่ เฮ๊ เหย่ซี เน๊อ, “แกแย เตหยื่อปีตี๊ ซี๋, ซี จว๊าซิอิเช เกเต๊ เนอหม่า เมเต?” เร๊อ อา ก๊อถ่อ ซิพรวา เก่แลเซ๊เออ เร๊อ เทอฮ๊าโฮ๊ เออเต๊เห่. เก่แลเซ๊ เร๊อเทอ ฮ๊าโฮ๊ โอ่โก๊ โตโพ๊ โอ่โก๊เจ๊อ.

เตเด๊อะโลแถ่ 1:17

เบ๊อะแว แม๊เถอะ อา เบ๊อะเนอ, แว แลคื๊อตา เซอโง แซ่เจ๊อเร๊อ แกแยเซอ เตเพร เด๊อ อา กู๊โด่ซ๊า เนอ, โทเรอ อา แด่แถ่ อากู๊ขุ จ๊อทว๊า เด๊อ แวเหน่ลู เร๊อ อา เฮ๊ เน๊อ, “ซิอิเช แต่เหม่, แว หม่า เตอาแก่ซ๊า เร๊อ เตอาตื๊อดื่อ เตเพรเฮ๊อ.

ꤟꤤꤙꤚꤢꤨ 1:1

จอแปแหร่ เฮ๊เบ่ ตาครือลา เปเพอเปโพ มู๊หนู่มู๊ส่าเค เต๊เห่ เน๊อ เด๊อ แกล๊โบ เอ๊โล. เร๊อ อา นอเฮ๊เบ่ แฮเง เร๊อ เพรโพร เต๊เห่.

โครินธ์ อาเหร่อเล๊อ ต๊าบ่า 3:22

คูเปาโล เบ่เบ่, คูอปอลโล เบ่เบ่, คูเปโตร เบ่เบ่, เห่ขุต๊าบ่า ลอ เจ๊อ เบ่เบ่, เตเซอ เร๊อ เตเซอเพร เบ่เบ่, ทือเค กู๊แหน่เค เออเบ่เบ่, ช๋า เนอปา ตือทือ เบ่เบ่, จอแปแหร่ เด๊อะตา ลอ เตเออเต๊เห่ เด๊อ อา เก่ ทวาบุ๊ยทวาเตอเรอ เด๊อ ซีเง แพ๊.

เพรโด่แนพู๊ เต๊เห่ 10:22

เร๊อ เหย่ซี เฮ๊ฉื่อ เน๊อ, “เกลอฮู๊ทวาดุ เพโครเนลิอัส นอแฮ เป. อา หม่า แกแยจ๊อแกแยเต เตเพร, โท๊โต่ แกแย เด๊อ อา เบ่หยื่อเบ่แหน่เกอ จอแปแหร่ เตเพร. แกแยยิวพู๊ เต๊เห่ เบ่หยื่อแหน่หนิ ลอปลี เจ๊อ ลู ปว๋า เตเพร เจ๊อ. แซ่ฮู๊ อา เก่ หนิโฮน๊อ เกอ เน เตเฮ๊เบ่อี๊โช เต๊เห่เนอ เร๊อ, จอแปแหร่ อา เตเน่วม๊อขุพู๊ แฮ เฮ๊ ลู เร๊อ เบ่ จว๊า เอ๊แฮ เน เด๊อ อาหี่.”

มัทธิว 28:5

เร๊อ ม๊อขุ เตเน่ว เฮ๊ เพรเหมาะ เออซิเนอ เน๊อ, “ซิอิเช แลแค แต่เหม่, เมเตเฮ๊เรอ ซี แม๊ปู เหย่ซู่ เด๊อ อู มือเซอแถ่ ลู เด๊อ อี๊ถื่อดีเต่ลู เนอเตเพร เนอหม่า แวซิเง.

เห่ขุทวาลู่ 15:2

หม่าแน๊เรอ คูอับราม เฮ๊ฉื่อ คยาแซ๊ เน๊อ, “เก๋อ แบ่เจ่ จอแปแหร่ ตูจูเพร, เน เกเร เด๊อะแจ่ แว เตเมหนิ คว๊าเก่ เด๊อ อาแร๊ดุเล๊อ หม่าอิเต ปา? แวพู๊ โอ่ เกอ เตเพร๊โต่ อาขว่าอาคยา, เพร เด๊อ อา เก่ พย๊าหนิ แวอู่เจเต๊เหย่ เนอหม่า ตื๊อแพ๊ วีดามัสกัสพู๊ คูเอลีเยเซอร์ เด๊อ อา ทวา แวหลู่ เออเตเพร แพ๊.”

เห่ขุทวาลู่ 15:4

ตื๊อดื่อเร๊อ จอแปแหร่ ตูจูเพร อ๊อแล ลู เน๊อ, “เนหลู่ คูเอลีเยเซอร์ เออ อา พย๊าหนิแจ่ เน๊อ เนอู่เจเต๊เหย่ โต่, ตื๊อแพ๊ เนพู๊เร๊อดื่อ เน๊อ เนเหน่ เตเพร เก่ พย๊า เนอู่เจเต๊เหย่ ปา.”

เห่ขุทวาลู่ 31:7

ซีเพ เนอ อา เอ่ตือโอตือ น๊อ โทเฮ๊อ เด๊อ แวขู่, เร๊อ อา ถู่แหล่แก น๊อเฮ๊อ แวคว๊าแวเก่ อาโพ๊ เช๊อ เจ๊อเฮ๊อ. หม่าแน๊เรอ จอแปแหร่ดุ ปลวา เมจาเมจือ ลู เน๊อ แว โต่.

เห่ขุทวาลู่ 22:1

เพอับราฮัม โอ่ หน่างยาเลงยา เฮ๊อ เบ๊อะ ฟีลิสเตียเก่กู โทเร๊อ จอแปแหร่ดุ เจแม๊ ลู เตหยื่อเตแหน่ เร๊อ, “อับราฮัม,” อา เอ๊ ลู เร๊อ, “แว โอ่ แพ๊ แบ่เจ่ดุ,” อา เต๊ฉื่อ ลู ฮู๊เนอ.

เห่ขุทวาลู่ 22:20

เด๊อคยาเร๊อ เพอับราฮัม หนิโฮ เน๊อ อาแหม่เพรคู เพนาโฮร์ อาเม โหมะมิลคาห์ พู๊โอ่แล หนิ อาพู๊เพรคู เต๊เห่.