เห่ขุทวาลู่ 13:2 - ลีเทส่อพ๊าอาเซ เร๊อ เห่ขุทวาลู๊

² คูอับราม อา เตมีเตดอ เต๊เห่ อาโอ่ เอ๊ แหน่เจ๊อ, โทโต่ อารือ หม่า อา โอ่ เอ๊เอ๊, อาเท หม่า อา โอ่ เอ๊เอ๊.

เห่ขุทวาลู่ 13:2 ပူးပေါင်းရင်းမြစ်များ

เห่ขุทวาลู่ 24:35

“จอแปแหร่ ตูจูเพร เด๊อะบุ๊ยเด๊อะเตอเรอ เอ๊ แหน่เจ๊อ แวแบ่เจ่ อาขว่าอาคยา, อา ดุแหย่ แหน่เจ๊อ. อา เด๊อะตา ลอปลี เจ๊อ ลูซิหมิ เน๊อ เป่, ปู่เป๊เหน่ เต๊เห่, รือเท เน๊อ หลู่เล๊ เพรเหมาะเพรคู เน๊อ ตีซิโบดุ เน๊อ แมอ๊อแหล่ ซีเต๊เห่ เจ๊อ.

ทิโมธี อาเหร่อเล๊อ ต๊าบ่า 4:8

เตอิซว๊า แจ่แถ่ เนเหน่ เด๊อ เหน่กล่อพ๊าหย่า ตากยา เนอหม่า, อาบุ๊ยอาเตอเรอ โอ่ เต๊เห่. หม่าแน๊เรอ อิซว๊า แจ่แถ่ หนิ เนเหน่ ฮู๊ จอแปแหร่ ซิหยื่อ นอ โอ่เซอเพร เน เนอหม่า อาบุ๊ยเตอเรอ โอ่ ลอปลี เจ๊อ. เป จว๊าอิซว๊า แจ่แถ่ หนิโต่ เปเหน่ ฮู๊ จอแปแหร่ อา เตซิหยื่อ เนอ เมเตเฮ๊เรอ, เตเออเนอ อา เก่ ทวาบุ๊ยทวาเตอเรอ หม่าแหน่ ตื๊อเออ ตือทือ อาเงเนอ หม่าโต่, ช๋า เนอปา ตือทือ อาเง เบ่เบ่, อา ทวาบุ๊ยทวาเตอเรอ หม่าแหน่ เจ๊อ ปา.

มัทธิว 6:33

แม๊ปู เหร่อ แลแค จอแปแหร่ อาเทออาเก่ เน๊อ เตจ๊อ เตเต เต๊เห่เนอ, เร๊อ ล๋อ เตเด๊อ ซี โหล่ เออเต๊เห่เนอ, จอแปแหร่ เก่ เด๊อะ เกอโป่ดื่อ ซี ปา.

เห่ขุทวาลู่ 12:16

เด๊อ เหมาะซารายอาขว่าอาคยา, คุ๊ย เอ๊โมฉื่อ แร๋ แหน่เจ๊อ คูอับราม, โทโต่ อา เด๊อะ เอ๊ แหน่เจ๊อ ลู ซิหมิ เน๊อ เป่, ปู่เป๊เหน่, แมอ๊อแหล่เพ, แมอ๊อแหล่โหมะ, หลู่เพรคู, หลู่เพรเหมาะ เน๊อ ตีซิโบดุ เต๊เห่.

เห่ขุทวาลู่ 13:6

เหย่ซี เตมีเตดอ เต๊เห่ โอ่โหร่โอ่เอ๊แถ่ แหน่เจ๊อ อาขว่าอาคยา, เหย่ซี ซิเนอ เก่ โอ่เต่อ ลู อาเง เนอ, เหย่ซี เตมีเตดอ เหล่เอ่เฉ่ อาเหล่โอ่ โป่ เป่ เด๊อ เหย่ซีเง โต่ เฮ๊อ.

เห่ขุทวาลู่ 24:1

กู๊แหน่เร๊อ, เพอับราฮัม โหมะเผระ หน่าดุเลทู เฮ๊อ เร๊อ จอแปแหร่ ตูจูเพร เด๊อะบุ๊ยเด๊อะเตอเรอ ลอ ลู ปว๋า เต๊อเจ่อ เจ๊อ.

เห่ขุทวาลู่ 30:43

อาเมฮู๊เนอเร๊อ เพยาโคบ ทวาแถ่เฮ๊อ แกแย เด๊อ อา ดุแหย่แถ่เซ แหน่เจ๊อ เตเพร เร๊อ อาซิหมิ เน๊อ อาเปะ เต๊เห่ เบ่เบ่, อาหลู่เล๊ เพรคู เต๊เห่ เบ่เบ่, อาหลู่เล๊ เพรเหมาะ เต๊เห่ เบ่เบ่, ตีซิโบดุ เน๊อ แมอ๊อแล เต๊เห่ เบ่เบ่, อา โอ่โหร่โอ่เอ๊แถ่ แหน่เจ๊อ.

เห่ขุทวาลู่ 26:14

อาซิหมิ เน๊อ เป่, อาปู่เป๊เหน่ เน๊อ อาหลู่เล๊ เต๊เห่ โอ่โหร่โอ่เอ๊ แหน่เจ๊อ เร๊อ ฟีลิสเตีย เมวเจ่อ เต๊เห่ ซิเถ่ลอลู.