เห่ขุทวาลู่ 13:16 - ลีเทส่อพ๊าอาเซ เร๊อ เห่ขุทวาลู๊

¹⁶ แว เก่ นอ โอ่เอ๊แถ่ เนพู๊เนเลอ เต๊เห่ แซ่เจ๊อเน๊อ เห่หมื่อ เนอ เจ๊อ ปา. แกแย เตเพรเพร เด๊อ อา แด๊ ลอเป่เบ๊ เห่หมื่อ เนอ, อา เก่ แด๊ ลอเป่เบ๊ เนพู๊เนเลอ เต๊เห่ ปา.

เห่ขุทวาลู่ 13:16 ပူးပေါင်းရင်းမြစ်များ

เห่ขุทวาลู่ 28:14

เนกลุยแลเออ อา เก่ โอ่โหร่โอ่เอ๊ แซ่เจ๊อเน๊อ เห่หมื่อ เบ๊อะ เห่ขุเออ เนอเต๊เห่ ปา. เหย่ซี เก่ โอ่ปีชี จว๊า ลอดื่อ เด๊อ ซิโท ซิแล ซิเถ่ ซิโน ปา. เร๊อ เด๊อ เน เน๊อ เนกลุยแลเออ อาขว่าอาคยา, ล๋อ เมวเจ่อ เด๊อ เห่ขุ เออเต๊เห่ เก่ พย๊าหนิ แฮเง เกอดื่อ เตบุ๊ยเตเตอเรอ ปา.

เห่ขุทวาลู่ 32:12

หม่าแน๊เรอ เน เฮ๊ โทเฮ๊อ แว เน๊อ, “แว นอ เอ่เบ่โอโท หม่าแหน่ เน ปา เร๊อ แว เก่ นอ โอ่โหร่โอ่เอ๊ เนกลุยเนลุ๊ย ตากาแล เต๊เห่ แซ่เจ๊อเน๊อ หล่อตาม๊าหมื่อ เด๊อ เทอดุซาวาทือ เร๊อ อู แด๊ลอ เป่ ปา เจ๊อ ลู โต่ ปา.”

เห่ขุทวาลู่ 22:17

แว เด๊อะบุ๊ยเด๊อะเตอเรอ หม่าแหน่ เจ๊อ เน ปา. แว นอ โอ่โหร่โอ่เอ๊แถ่ เนกลุยเนลุ๊ย เต๊เห่ แซ่เจ๊อเน๊อ เฉ่ เด๊อ ม๊อเล, แซ่เจ๊อเน๊อ หล่อตาม๊า เด๊อ เทอดุซาวาทือ เด๊อ อู แด๊ ลอเป่ ปาเจ๊อโต่ เออเนอ ปา. เร๊อ เนกลุยเนลุ๊ย เนอ อา เมปย๊าแก เหย่ซี เต๊เห่ ปา, เร๊อ อา เป๊อะหนิลอ เหย่ซีวี เต๊เห่ ปา.

เห่ขุทวาลู่ 15:5

จอแปแหร่ เอ๊เถ่ คูอับราม เด๊อ เหล่สื่อกลอ เร๊อ อา เฮ๊ ลู เน๊อ, “แม๊แถ่ เด๊อ ม๊อเลเนอ, เน เก่ แด๊เบ๊ เร๊อ แด๊ แม๊แม๊ ล๋อ เฉ่ เนอเต๊เห่.” โทเร๊อ อา เฮ๊ ลู เน๊อ, “เนพู๊เนเหลอ เนกลุยเนแล เก่ โอ่โหร่โอ่เอ๊ แซ่เจ๊อเน๊อ เฉ่ เด๊อ ม๊อเล เนอเต๊เห่ ปา.”

เตเด๊อะโลแถ่ 7:9

เตเมอาเหน่ ฮู๊เออ โทเรอ แว แม๊เถอะ แกแย โอ่โหร่โอ่เอ๊ แหน่เจ๊อ ตู๊หมู่ เร๊อ อู แด๊ ลอเป่ เหย่ซี เตเพร่ว โต่. เหย่ซี โอ่ เด๊อ เมวเจอะ ปว๊าเต๊อเจ่อ, กลุยแล ปว๊าโต๊โหมะ, แกแย ปว๊าตู๊หมู่, เร๊อ โหง่ ปว๊า เต๊อเจ่อ แฮ เร๊อ เหย่ซี แฮก๊อถ่อโอ่ เด๊อ ซิหมิพู๊ เร๊อ อาจ๊อแผ่ กู่แกล๊เท แถ่โล อาเป๊เส่เง. โทเรอ เหย่ซี อากือแซ๊หนิ จาจวาบูทู เร๊อ ปื่อหม่าหนิ แลแค กอน๊อเหมาะแพ เต๊เห่.

เห่ขุทวาลู่ 46:3

เร๊อ จอแปแหร่ดุ เฮ๊ ลู เน๊อ, “แว หม่า จอแปแหร่ดุ, เนเพ อาจอแปแหร่ดุ, ซีอิเชจว๊า แต่ เด๊อ อียิปต์เก่ แต่เหม่. แว นอทวาแถ่ เน เน๊อ เมวเจ่อดู๋ เต๊อเจ่อ เบ๊อะเนอ ปา.

เห่ขุทวาลู่ 35:11

เร๊อ จอแปแหร่ดุ เฮ๊ โป่ ลู เน๊อ, “แว หม่า จอแปแหร่ เด๊อ อาโพรเตอเรอฉว่าชอ เตเพร, พู๊โอ่โหร่เลอโอ่เอ๊ แลแค เร๊อ โอ่โหร่โอ่เอ๊แถ่ เกอ แลแค นี๊. แว เก่ นอทวาแถ่ เนกลุยเนแล เต๊เห่ เน๊อ เมวเจ่อดุ เต๊อเจ่อ เน๊อ เมวเจ่อ เอ๊ อาเมวเจ่อ เต๊เห่ ปา. เด๊อ เนกลุยเนแล อาเกล เต๊เห่ เนอ, อา เก่ ทวาแถ่ หนิดื่อ คุ๊ยจ๊อแผ่ เต๊เห่ ปา.

เห่ขุทวาลู่ 28:3

จอแปแหร่ เด๊อ อาโพรเตอเรอฉว่าชอ เออเตเพร เก่ เด๊อะบุ๊ยเด๊อะเตอเรอดื่อ เน ปา นี๋, เร๊อ เน เก่ พู๊โอ่โหร่เลอโอ่เอ๊ดื่อ เร๊อ โอ่โหร่โอ่เอ๊แถ่ เกอ แลแค นี๋. เร๊อ เน เก่ ทวาแถ่ เกอดื่อ เมวเจ่อดู๋ เต๊อเจ่อ เน๊อ เมวเจ่อ เอ๊เต๊เห่ อาเมวเจ่อ ปา.

เห่ขุทวาลู่ 26:4

แว เก่ นอ โอ่เอ๊แถ่ ดื่อ เนกลุยเนแล แซ่เจ๊อเน๊อ เฉ่ โอ่ เด๊อ ม๊อเลเนอ เจ๊อ ปา, เร๊อ ล๊อ เห่ขุ เออเต๊เห่ เนอ แว เก่ เด๊อะ ลอดื่อ เน๊อ เหย่ซี ปา. เด๊อ เนกลุยเนแล เออ อาขว่าอาคยา เร๊อ ล๋อ เมวเจ่อ โอ่ เด๊อ เห่ขุ เออเต๊เห่ เก่ พย๊าหนิ แฮเงเกอ เตเด๊อะบุ๊ยเด๊อะเตอเรอ ปา.

เห่ขุทวาลู่ 21:13

เนหลู่โหมะ อาพู๊เพรคู เออเตเพร เนอหม่า เนพู๊ หม่า เฮ๊อเฮ๊อ อาขว่าอาคยา, แว เก่ นอทวาแถ่ เกอดื่อ อา เน๊อ เมวเจ่อ เต๊อเจ่อ ปาปา.”

เห่ขุทวาลู่ 18:18

อา หม่า อา เก่ทวา หม่าแหน่ เมวเจ่อดู๋ เต๊อเจ่อ เด๊อ อา โอ่ เน๊อ เตเตอเรอฉว่าชอ เนอ ปา. เร๊อ ล๋อ เมวเจ่อ เด๊อ อา โอ่ เด๊อ เห่ขุเออ เต๊เห่ เก่ พย๊าหนิ แฮเง เกอ เตเด๊อะบุ๊ยเด๊อะเตอเรอ เน๊อ อาขว่าอาคยา ปา.

เห่ขุทวาลู่ 17:20

คูอิชมาเอล อาเงติเร๊อ, แว หนิโฮ เฮ๊อ เน กุย แว เออเฮ๊อ แว เก่ เด๊อะบุ๊ยเด๊อะเตอเรอ หม่าดื่อ อา ปา แว เก่ นอ พู๊โอ่โหร่ เหลอโอ่เอ๊ ลู ปา เร๊อ อากลุยอาลุ๊ย ตากาแล เก่ โอ่โหร่โอ่เอ๊ แหน่เจ๊อ ปา. อา เก่ ทวาดื่อ คุ๊ยพู๊ เช๊อซิเนอ อาเพ ปา, เร๊อ แว เก่ นอทวาแถ่ อา เน๊อ เมวเจ่อ ดู๋ เต๊อเจ่อ ปา.

เห่ขุทวาลู่ 17:16

แว เก่ เด๊อะบุ๊ยเด๊อะเตอเรอ อา ปา เร๊อ อา เก่ พู๊โอ่แล หนิเป่ เนเง พู๊เพรคู เตเพร ปา. แว เก่ เด๊อะบุ๊ยเด๊อะเตอเรอ อา ปา อาขว่าอาคยา, อา เก่ ทวา เมวเจ่อ เต๊เห่ อาโหมะ ปา, โท๊โต่ เมวเจ่อ คุ๊ย เต๊เห่ เก่ โอ่แถ่ เบ๊อะ อากลุยแล อาเกล เนอ ปา.”

เห่ขุทวาลู่ 17:6

แว เก่ นอ โอ่โหร่โอ่เอ๊แถ่ เนกลุยเนแล เต๊เห่ ปา. แว เก่ นอ โอ่แถ่ เมวเจ่อ เต๊เห่ เด๊อ เนกลุยเนแล อาเกล ปา, โท๊โต่ คุ๊ย เต๊เห่ เก่ โอ่แถ่ เด๊อ เนกลุยเนลุ๊ย อาเกล ปา.

ꤟꤤꤙꤚꤢꤨ 11:12

เพอับราฮัม โหมะเผระ เตเร เซอเจ๊อเฮ๊อ หม่าแน๊เรอ เด๊อ อา เตเพรแพ๊ เร๊อ อาพู๊อาเลอ เต๊เห่เนอ อา โอ่โหร่โอ่เอ๊ แซ่เจ๊อเร๊อ เฉ่ เด๊อ ม๊อเล, อา โอ่ปลูโอ่เผ่ แซ่เจ๊อเร๊อ เห่โซ เด๊อ เทอดุซาวา ทือ เด๊อ อู แด๊ลอ เป่ แจ่ปา เจ๊อ โต่ เนอเต๊เห่เจ๊อ.

เห่ขุทวาลู่ 16:10

เร๊อ อา เฮ๊โป่ ลู เน๊อ, “แว เก่ นอ โอ่โหร่โอ่เอ๊ แถ่ดื่อ เนกลุยเนแล เต๊เห่ ปา เร๊อ เตเพร่ว หม่า อู เก่ แด๊เบ๊ ปาเจ๊อ เหย่ซี โต่ ปา.

เห่ขุทวาลู่ 17:2

แว เก่ เมหม่าเมกลอ หนิ แวเตเอ๊อแล เน๊อ เน เออเนอ ปา, เร๊อ แว เก่ นอ โอ่โหร่โอ่เอ๊ แถ่โป่ เนกลุยเนแล ปา.”

เห่ขุทวาลู่ 32:13

อา โอ่ เบ๊อะเนอ เตเซ๋ เตเซ เร๊อ อา นว๊าพย๊าเถ่ โค๊แก เชหยู่ เด๊อ อา เต เออเต๊เห่ อาเกล เด๊อ อา เก่ เด๊อะ เน๊อ อาแหม่ เพเอซาว เชหยู่อาเง.