เห่ขุทวาลู่ 13:12 - ลีเทส่อพ๊าอาเซ เร๊อ เห่ขุทวาลู๊

¹² คูอับราม เร๊อ อา โอ่แก แก เด๊อ คานาอันเก่กู, หม่าแน๊เรอ คูโลท ติ เร๊อ อา จว๊าโอ่ โค๊แก เด๊อ วี โอ่ เด๊อ เก่ตอกู เนอ เต๊เห่, เร๊อ อา จว๊าช๊อ โอ่ผื่อ อาเหล่สื่อเหล่แบ่ เต๊เห่ เด๊อ วีโสโดม ช๊า เนอตากยา.

เห่ขุทวาลู่ 13:12 ပူးပေါင်းရင်းမြစ်များ

เห่ขุทวาลู่ 19:29

ฮู๊เนอเร๊อ เบ๊อะ จอแปแหร่ดุ เมจากาคยา เมปย๊าแกลอ เฮ๊อ วี โอ่ เด๊อ เก่รือดือขุ เนอเนอวี เบ๊อะเนอ, อา ซิเหน่แถ่เบ่โต่ เพอับราฮัม กุย ลู เนอ. เบ๊อะ อา เมจากาคยา ปย๊าแก วี เด๊อ เพโลท โอ่ เกอเร๊อ เออเนอ อาเค, อา เอ๊เถ่แลเปล๊แก เพโลท เด๊อ อาเตเมจากาคยา อากู.

เห่ขุทวาลู่ 19:1

เบ๊อะ เหมาะเฮ๊เหมาะตาเฮ๊อ เบ๊อะเนอ, เตเน่วม๊อขุพู๊ ซิเนอ แฮโต่ เด๊อ วีโสโดม, เบ๊อะเนอเค, เพโลท โอ่แนโอ่ เบ๊อะ วีกูดาดุทือ เนอ. เบ๊อะ อา แม๊เถอะเฮ๊อ เตเน่วพู๊ เนอ ซิเนอ เบ๊อะเนอ, โตโพ๊โต อา ก๊อถ่อ แกล่จว๊าแม๊ฉื่อ เหย่ซี, เร๊อ อา แด๊งือง่อแล เด๊อ เห่ขุ เบ๊อะ เหย่ซี เป๊เส่เง เนอ.

เห่ขุทวาลู่ 14:12

โทเร๊อ เหย่ซี ปื่อจว๊าหนิ คูอับราม อาพู๊ดุ คูโลท เด๊อ อา เถ่จว๊าโอ่ เด๊อ วีโสโดม เนอเตเพร, โท๊โต่ อาตาเต ซีเต๊เห๋ หม่า เหย่ซี พย๊าจว๊าหนิ ลอปลี เจ๊อเจ๊อ, โทเร๊อ เหย่ซี เถ่จว๊าแก.

โครินธ์ อาเหร่อเล๊อ ต๊าบ่า 15:33

หยื่อเอ่ แต่ แกแย เด๊อ อา เฮ๊ ฮู๊เนอ เต๊เห่ แต่เหม่. ฮู๊ อู เฮ๊ เน๊อ, “ซี เก่ แบ๊ซว๊า ซี โคแบ๊ซว๊า เด๊อ อา เม เตมู๊แหม่รีแจ่ เต๊เห่ เร๊อ อา เตเน เตมู๊แหม่รีแจ่ เต๊เห่เนอ, อา เก่ เรหนิ ซี ปา เร๊อ ซี เก่ ทวาแถ่ แซ่เกอ แกแย มู๊แหม่รีแจ่ ฮู๊ เหย่ซี เนอ ปา.”

เห่ขุทวาลู่ 19:25

อา เมจากาคยา ปย๊าแก ลอหลา ตี๊กลิ เจ๊อ วี เออ เนอวี เน๊อ ล๋อ เก่รือดือขุ เบ๊อะเนอ เน๊อ ล๋อ แกแย โอ่ เบ๊อะ วีกู เนอเต๊เห่ เน๊อ ส่อเหมาะเหว่โบ เด๊อ อา เพ๊แถ่ เบ๊อะ เก่ เนอโต๊โผะ ล๋อ ปลี เจ๊อ.

เห่ขุทวาลู่ 13:11

ฮู๊เนออาขว่าอาคยา, คูโลท นว๊าพย๊าแก จอร์แดน แลโหมะทือ เก่ตอกู เนอโตโกล ลอ, โทเร๊อ อา เถ่จว๊าแก เด๊อ เบ๊เถ่ ตากยา. โป่แหว่กลุยแล ลู ซิเนอเออ, เตเพร ตูกูกู๋ อา จว๊าเปโค๊แก ลอ ลู.

เห่ขุทวาลู่ 14:2

แถ่ช๊า แลแค วีโสโดม อาคุ๊ย เบรา, วีโกโมราห์ อาคุ๊ยบิราชา, วีอัดมาห์ อาคุ๊ยเชเมเบอร์, วีเศโบยิม อาคุ๊ย เชเมเบอร์ เน๊อ วีเบ-ลา อาคุ๊ย เนอ เต๊เห่. วีเบ-ลา เนอหม่า อู เอ๊โค๊ ปา ลูมุย เน๊อ วีโศอาร์.

เห่ขุทวาลู่ 19:24

เออโต๊โพ๊ เร๊อ จอแปแหร่ ตูจูเพร นอ จือตา หย่าซู๊แบ เน๊อ หมิ เด๊อ ม๊อขุ เร๊อ อา ตาอือ แกลอปลี เจ๊อ วีโสโดม เร๊อ วีโกโมราห์.