เห่ขุทวาลู่ 13:11 - ลีเทส่อพ๊าอาเซ เร๊อ เห่ขุทวาลู๊

¹¹ ฮู๊เนออาขว่าอาคยา, คูโลท นว๊าพย๊าแก จอร์แดน แลโหมะทือ เก่ตอกู เนอโตโกล ลอ, โทเร๊อ อา เถ่จว๊าแก เด๊อ เบ๊เถ่ ตากยา. โป่แหว่กลุยแล ลู ซิเนอเออ, เตเพร ตูกูกู๋ อา จว๊าเปโค๊แก ลอ ลู.

เห่ขุทวาลู่ 13:11 ပူးပေါင်းရင်းမြစ်များ

เห่ขุทวาลู่ 13:9

เมฮู๊เนอเร๊อ เป จว๊าเปโค๊ ลู โป๋. ล๋อ เห่ขุ เด๊อ เน แม๊เถอะ อาเออ, เน เก่ นว๊าพย๊า เกอ อา หม่า อา หนิ แพ๊. เน เก่ นว๊าพย๊า อาเหล่โอ่ เด๊อ จ๊อจิ ตากยา เฮ๊เร๊อ, แวเก่ พย๊า เป่เน เด๊อ จ๊อทว๊า ตากยา ปา. เน เก่ นว๊าพย๊า อาเหล่โอ่ เด๊อ จ๊อทว๊า ตากยา เฮ๊เร๊อ, แว เก่ พย๊า เป่ดื่อ เน เด๊อ จ๊อจิ ตากยา ปา.”

เปโตร อาเหร่อเล๊อ ต๊าบ่า 2:17

แด่หยื่อแด่แหน่ แลแค อู ปว๋า เตเพร นี๋. โมเร๊อ แลแค ซี โป่แหว่ ครี๊พู๊ เต๊เห่ นี๋. ซิอิเช แลแค จอแปแหร่ เร๊อ แด่หยื่อแหน่ ลู นี๋. แด่ดุหยื่อแหน่ แลแค คุ๊ยดุ นี๋.

ꤟꤤꤙꤚꤢꤨ 10:25

แกแย เต๊เห่เห่ เนอ, อา วีแก เตจ๊อเบ เต่อโหร่ลู เต๊เห่, หม่าแน๊เรอ เป เร๊อ, วีแก เกอ แต่ อู เป เหล่โกล จ๊อเบ เต่อลูเออ ฮู๊ เหย่ซี เนอเต๊เห่ วีแก เนอ แต่เหม่ นี๋. โท๊โต่, เป เก่ เด๊อะอ๊าเด๊อะเหร่ โหร่ลู เตเพร เร๊อ เตเพร โป๋. แบ่เจ่ เตเร แฮคยา ม๊อเนอม๊อเซ เออเนอ อา ผื่อแถ่เฮ๊อ อาขว่าอาคยา, เป ลื๋อ เด๊อะอ๊าเด๊อะเหร่ ฉว่าเล๊อ เกอเร๊อ โป่ เจ๊อ ลู เตเพร เร๊อ เตเพร โป๋.

เห่ขุทวาลู่ 13:14

เบ๊อะ คูโลท จว๊าเปโค๊แก โทเฮ๊อ เน๊อ คูอับราม เบ๊อะเนอ, จอแปแหร่ ตูจูเพร เฮ๊ คูอับราม เน๊อ, “โอ่ เบ๊อะ เน เหล่โอ่ เนอโต๊โผะ เร๊อ แม๊โท, แม๊แล, แม๊เถ่, แม๊โน ตาวา เน๊อ เนเหน่ เนอ.

เห่ขุทวาลู่ 19:17

เตเน่วพู๊ เต๊เห่ เอ๊เถ่โต่ เฮ๊อ เหย่ซี เด๊อ วีกลอ เร๊อ เตเน่วพู๊ เนอซิเนอ อาเกล เตเพร เฮ๊ เหย่ซี เน๊อ, “แกล่แลเปล๊ เกอเร๊อมอ ซีเหน่, แม๊กาคยา เเต่เหม่ นี๋. จว๊าโอ่โก๊ แต่ เด๊อ เก่รือดือขุ แต่เหม่ นี๋. ตูรู๊ แกล่แถ่โต เด๊อ โฉ่ขุ เนอ. โต่ เฮ๊หม่า ซี เก่ เซอ เต่อเกอลอเฮ๊อ เน๊อ วีพู๊ เนอเต๊เห่ ปา.”

เห่ขุทวาลู่ 13:10

คูโลท ตู่แม๊ เก๊เถ่ เด๊อ จอร์แดน แลโหมะทือ เก่ตอกู, อา ตื๊อดื่อ จว๊าโต่ เด๊อ วีโศอาร์ เนอโตโกลลอ. เร๊อ อาแม๊เถอะซิเง เน๊อ เทอ แร๋ เป่ แหน่เจ๊อ ลู เบ๊อะเนอ. เร๊อ เหล่โอ่ เบ๊อะเนอโต๊โผะ หม่า อาตว่า แซ่เจ๊อเน๊อ จอแปแหร่ ตูจูเพร อาเตเร๊กู, อาเร แซ่เจ๊อเน๊อ อียิปต์เก่ เนอเจ๊อ. อาตว่าอาเร ฮู๊เออเนอ หม่า เบ๊อะ จอแปแหร่ ตูจูเพร เมจากาคยา แต่ล๋าย วีโสโดม เน๊อ วีโกโมราห์ โต่ เบ๊อะเนอ แพ๊.

เห่ขุทวาลู่ 13:12

คูอับราม เร๊อ อา โอ่แก แก เด๊อ คานาอันเก่กู, หม่าแน๊เรอ คูโลท ติ เร๊อ อา จว๊าโอ่ โค๊แก เด๊อ วี โอ่ เด๊อ เก่ตอกู เนอ เต๊เห่, เร๊อ อา จว๊าช๊อ โอ่ผื่อ อาเหล่สื่อเหล่แบ่ เต๊เห่ เด๊อ วีโสโดม ช๊า เนอตากยา.