เห่ขุทวาลู่ 12:8 - ลีเทส่อพ๊าอาเซ เร๊อ เห่ขุทวาลู๊

⁸ โทเร๊อ อา จว๊ากาแล ติ เด๊อ วีเบธเอล เบ๊เถ่ โฉ่เกล เนอตากยา, เร๊อ อา จว๊าช๊อโอ่ แลแค อาเหล่สื่อเหล่แบ่ เบ๊อะ วีเบธเอล เน๊อ วีอัย อาเปล่กู เนอ. วีเบธเอล เร๊อ อา โอ่ เด๊อ อาเบ๊โน, วีอัย เร๊อ อา โอ่ เด๊อ เบ๊เถ่ ตากยา. เร๊อ อาต่าแถ่ เป่ จอแปแหร่ ตูจูเพร อาเง เตหลู่แตเหร่ เน๊อหล่อ เบ๊อะเนอ เต๊เหร่ เร๊อ อา จ๊อเบ แถ่เร๊อ จอแปแหร่ ตูจูเพร เบ๊อะเนอ.

เห่ขุทวาลู่ 12:8 ပူးပေါင်းရင်းမြစ်များ

เห่ขุทวาลู่ 4:26

เพเสท พู๊โอ่ หนิ อาพู๊เพรคู เตเพร เร๊อ อา เอ๊ เกอเร๊อ ลูมุย เน๊อ คูเอโนช เป๊อแถ่ เบ๊อะเนอเค, แกแย เต๊เห่ เป๊อแถ่ จ๊อเบแถ่ จอแปแหร่ ตูจูเพร เฮ๊อ.

เห่ขุทวาลู่ 21:33

เพอับราฮัมช๊อม๊าแก ส่อเหมาะ ต๊อเหมาะ เบ๊อะ เบ่หร่าแส่บ๊า เหล่โอ่เนอ, โทเร๊อ อา จ๊อเบแถ่ จอแปแหร่ดุ เด๊อ อาเซอเพร ตูจูเพร เออ เนอ เตเพร.

โครินธ์ อาเหร่อเล๊อ ต๊าบ่า 1:2

เป ราจว๊า เป่ ลีเออ เด๊อ จอแปแหร่ เพรหยื่อเอ่เต ตู๊หมู่ตอกล๊อ โอ่ เด๊อ วีโครินธ์ อากู เต๊เห่ อา โอ่, เน๊อ ล๋อ แกแย เด๊อ อา จ๊อเบแถ่ แบ่เจ่ เหย่ซู่ครี๊ เร๊อ อา โอ่ แลแค เด๊อ เหล่โอ่ ปว๋า โต๊โผ่ เนอเต๊เห่ อาโอ่. เหย่ซู่ เออเนอ, เป แบ่เจ่ หม่า อาหม่าหม่า, เหย่ซี แบ่เจ่ หม่า อาหม่าหม่า. เด๊อ เหย่ซู่ครี๊ อาขว่าอาคยา จอแปแหร่ เมบูโพ๊เฮ๊อ ซี เร๊อ อา เอ๊เฮ๊อ ซี เด๊อ ซี เก่ โอ่เซอเพร บูโพ๊ เอ๊แถ่ โป่ อาเง เฮ๊อ.

เห่ขุทวาลู่ 28:19

เร๊อ อา เอ๊ เกอเร๊อ เหล่โอ่ เบ๊อะเนอ โต๊โผะ อามุย เน๊อ เบธเอล, เร๊อ เด๊อ อาเหร่อเค วี เนอตีวี หม่า อู เอ๊ ลูมุย เน๊อ วีลูส (เบธเอล อาโหง่แลช๊า หม่า จอแปแหร่ดุ อาหี่.)

เห่ขุทวาลู่ 13:4

เร๊อ อาเหล่โอ่ เออโต๊โผะ หม่า เบ๊อะ อาเหล่ ต่าแถ่ เกอเร๊อ เตหลู่แตเหร่ เนอ โต๊โผะเฮ๊อ. เร๊อ อา จ๊อเบแถ่ จอแปแหร่ ตูจูเพร เบ๊อะเนอ.

เพรโด่แนพู๊ เต๊เห่ 2:21

เร๊อ เบ๊อะเนออาเค ปาเนอ แกแย เด๊อ อา เอ๊โทแถ่ เด๊อ แบ่เจ่ อา โอ่ เตเพรเพรเนอ. อา เก่ พย๊าหนิดื่อ เตเหล่แลเปล๊ ปา,’ เพรโพร โยเอล เฮ๊ ฮู๊เนอ.”

เห่ขุทวาลู่ 35:3

โทปาเร๊อ เป จว๊า เด๊อ วีเบธเอล โป๋, เร๊อ แว เก่ จว๊า ต่าแถ่หนิ เตหลู่แตเหร่ เด๊อ เหล่จ๊อเบแถ่ เน๊อ จอแปแหร่ดุ อาเง เบ๊อะเนอ เตเม ปา. อา หม่า เบ๊อะ แว ป่อเต่อเบ่ เน๊อ เตกู่เตแก เบ๊อะเนอ, อา เฮ๊เบ่ฉื่อ แว เร๊อ แว จว๊าโต เบ๊อะเตเต๋ เบ่เบ่ อา จว๊าเต่อเคเต่อ เกอเน๊อ แว.”

ꤟꤤꤙꤚꤢꤨ 11:9

เด๊อ เตหยื่อ อาขว่าอาคยา, อา จว๊าโอ่ เด๊อ อูโรเทอ อูโรเก่ เด๊อ จอแปแหร่ อ๊อแล เฮ๊อ เน๊อ อา เก่ เด๊อะ ลู เนอเต๊เก่. อา จว๊าโอ่ แซ่เน๊อ เมวเจอะโรพู๊ เตเพร เร๊อ อา จว๊า อิช๊อโอ่หนิ อาเหล่สื่อ เด๊อ อา เด๊อะเก๊โอ่ เกอ เร๊อ อิเก เต๊เห่ เร๊อ อา จว๊าโอ่ แพ๊ เด๊อ เหล่สื่อกู. เร๊อ อา พู๊เพรคู คูอิสอัค เร๊อ อาเลอ ยาโคบ เด๊อ อา พย๊าหนิ แซ๊เกอ เตอ๊อแล เด๊อ จอแปแหร่ อา โอ่ เออ ซิเนอเนอ, อา ช๊อโอ่ แซ่เกอ ดื่อ อาเหล่สื่อ เบ๊อะเนอเนอ.

เห่ขุทวาลู่ 8:20

โทเร๊อ เพโนอาห์ ต่าแถ่ เตหลู่แตเหร่ เด๊อ จอแปแหร่ ตูจูเพร อาเง เตเม, โทเร๊อ อาพย๊า เตมีเตดอ เน๊อ ถู่ เด๊อ อาโพ๊แปละ เร๊อ อาโต หลู่แต แถ่เน๊อ จอแปแหร่ดุ เนอเต๊เห่, เร๊อ อา แด่แถ่ เด๊อ เตหลู่แตเหร่ขุ เร๊อ อา ชื๊ออือ หลู่แตแถ่ เน๊อ จอแปแหร่.

เห่ขุทวาลู่ 13:3

อา โอ่ เด๊อ คานาอันเก่ เบ๊แล เนอตากยา เร๊อ อา จว๊าโอ่ โต๊โผะ โท โต๊โผะ, เร๊อ อา กาคยา คยาแซ๊ เด๊อ วีเบธเอล, เด๊อ อาเหร่อเค อา จว๊าช๊อโอ่ เกอเร๊อ เหล่สื่อเหล่แบ่ เบ๊อะ วีเบธเอล เน๊อ วีอัย อาเปล่กู เนอ.

เห่ขุทวาลู่ 13:18

ฮู๊เนออาขว่าอาคยา, คูอับราม ย๊าโพร๊จว๊า อาเหล่สื่อเหล่แบ่ เต๊เห่ เร๊อ อา จว๊า ช๊อโอ่ผื่อ เด๊อ คูมัมเร อาส่อเหมาะดุเจ๊แร๊ เหล่โอ่ เบ๊อะ วีเฮโบรน เนอโต๊โผะ, เร๊อ อา ต่าแถ่แตแถ่ หนิ เป่ เด๊อ จอแปแหร่ ตูจูเพร อาเง เตหลู่แตเหร่ เน๊อหล่อ เบ๊อะเนอ เต๊เหร่.

เห่ขุทวาลู่ 22:9

เบ๊อะ เหย่ซี จว๊าโต่ เฮ๊อ เด๊อ จอแปแหร่ดุ เฮ๊ ลู เหล่โอ่ เนอโต๊โผะ เบ๊อะเนอ, เพอับราฮัม ต่าแถ่ เตหลู่แตเหร่ เบ๊อะเนอ, โทเร๊อ อา แด่แถ่ ขรุ เด๊อ เตหลู่แตเหร่ลู. โทเร๊อ อา จอกลอหม่า เกอเร๊อ อาพู๊ คูอิสอัค เร๊อ อา แด่แถ่ ลู เด๊อ เตหลู่แตเหร่ขุ เด๊อ ขรุขุ เนอ.

เห่ขุทวาลู่ 26:25

โทเร๊อ เพอิสอัค ต่าแถ่ เตหลู่แตเหร่ เต๊เหร่ เน๊อหล่อ เบ๊อะเนอ โต๊โผะ เร๊อ จ๊อบู่จ๊อเบแถ่ จอแปแหร่ ตูจูเพร. เร๊อ อา ช๊อแถ่ หนิ อาเหล่สื่อหล่อป่า เบ๊อะเนอ เร๊อ อาหลู่ เต๊เห่ เว แลแค เทอกลื่อ เบ๊อะเนอ ตื๊อกลื่อ.

เห่ขุทวาลู่ 31:25

เบ๊อะ เพลาบัน ลือเล๊ ลู เบ๊อะเนอ, เพยาโคบ ช๊อ โทแกเล๊ เฮ๊อ อาเหล่สื่อ เด๊อ อู เม เน๊อ อิเก เบ๊อะ กิเลอาด โฉ่ลู เนอเต๊เห่ เฮ๊อ, เร๊อ เพลาบัน เน๊อ อากลุยอาแล เต๊เห่ อา ช๊อโก๊ แลแค อาเหล่สื่อ เต๊เห่ เบ๊อะ เนอเนอ.

เห่ขุทวาลู่ 33:20

เร๊อ อา ต่าแถ่ เตหลู่แตเหร่ เบ๊อะเนอ โต๊โผะ เร๊อ อา เอ๊ เกอเร๊อ ลูมุย เน๊อ เอลเอโลเฮอิสราเอล. (อาโหง่แลช๊า หม่า อิสราเอลพู๊ อาจอแปแหร่ดุ เออหม่า จอแปแหร่.)

เห่ขุทวาลู่ 35:7

เร๊อ อา จว๊าต่าแถ่ ม๊าแก เน๊อ เตหลู่แตเหร่ เบ๊อะเนอ เร๊อ อา เอ๊ เหล่โอ่ เออโต๊โผะ อามุย เน๊อ เบธเอล อาจอแปแหร่ดุ, เมเตเฮ๊เร๊อ เบ๊อะ เพยาโคบ เถ่แกล่ แก อาแหม่ เพเอซาว เหล่ เบ๊อะเนอ, จอแปแหร่ดุ เด๊อะโล ลู เน๊อ อาเหน่ เบ๊อะเนอ โต๊โผะ.