เห่ขุทวาลู่ 12:6 - ลีเทส่อพ๊าอาเซ เร๊อ เห่ขุทวาลู๊

⁶ เพอับราม เน๊อ อาแกแย เต๊เห่ โนจว๊าตาลว๊าแก คานาอันเก่ เร๊อ อา จว๊าโต่ แลแค เด๊อ วีเชเคมเก่, ส่อเหมาะดุ โอ่ เด๊อ โมเรห์เก่ เนอต๊อเหมาะ อาโอ่. เบ๊อะเนอ, คานาอันเมวเจ่อพู๊ เต๊เห่ โอ่แลแค เบ๊อะ เก่กู เนอ.

เห่ขุทวาลู่ 12:6 ပူးပေါင်းရင်းမြစ်များ

ꤟꤤꤙꤚꤢꤨ 11:9

เด๊อ เตหยื่อ อาขว่าอาคยา, อา จว๊าโอ่ เด๊อ อูโรเทอ อูโรเก่ เด๊อ จอแปแหร่ อ๊อแล เฮ๊อ เน๊อ อา เก่ เด๊อะ ลู เนอเต๊เก่. อา จว๊าโอ่ แซ่เน๊อ เมวเจอะโรพู๊ เตเพร เร๊อ อา จว๊า อิช๊อโอ่หนิ อาเหล่สื่อ เด๊อ อา เด๊อะเก๊โอ่ เกอ เร๊อ อิเก เต๊เห่ เร๊อ อา จว๊าโอ่ แพ๊ เด๊อ เหล่สื่อกู. เร๊อ อา พู๊เพรคู คูอิสอัค เร๊อ อาเลอ ยาโคบ เด๊อ อา พย๊าหนิ แซ๊เกอ เตอ๊อแล เด๊อ จอแปแหร่ อา โอ่ เออ ซิเนอเนอ, อา ช๊อโอ่ แซ่เกอ ดื่อ อาเหล่สื่อ เบ๊อะเนอเนอ.

เห่ขุทวาลู่ 35:4

ฮู๊เนอเร๊อ ล๊อ จอแปแหร่ เด๊อ อาโร อาแหย่โย เด๊อ เหย่ซี พย๊าโอ่ เกอเร๊อ เนอเต๊เห่ เน๊อ เหย่ซี กู่แซ ล๋อ ปลี เต๊เห่เนอ, อา เด๊อะ ลอ เน๊อ เพยาโคบ, เร๊อ เพยาโคบ ปลือตา แกลอ เบ๊อะ วีเชเคม ส่อเหมาะดุ เนอต๊อเหมาะ อาเล.

เห่ขุทวาลู่ 13:7

โทโต่ เพรเก เป่ คูอับราม อาเตมีเตดอ เต๊เห่ เน๊อ เพรเก เป่ คูโลท อาเตมีเตดอ เต๊เห่ กย๊าตางา เฮ๊เบ่โอ่เอ๊ เกอเร๊อโป่ ลูลู. เบ๊อะเนอเค, คานาอันเมวเจ่อพู๊ เต๊เห่ เน๊อ เปริสซี เมวเจ่อพู๊ เต๊เห๋ หม่า อา โอ่ แลแค เบ๊อะ เก่กู เนอเนอ.

เพรโด่แนพู๊ เต๊เห่ 7:16

เหย่ซี โล เต๊เห่เนอ, อู พย๊ากา เหย่ซี อา เด๊อ วีเซเคม. เร๊อ อู กา โล๊ เหย่ซี เบ๊อะเพอับราฮับ พรี หนื่ออื่อแก เกอเร๊อ โลขุ เนอโต๊โผะ. โลขุ เด๊อ วีเซเคม เออเนอ เพอับราฮับ พรี เด๊อ คูฮาโมร์ อาพู๊ ซีเต๊เห่ อาโอ่.

ꤛꤥ꤭ꤟꤢ꤬ 4:5

ฮู๊เนอเร๊อ อา จว๊าโต่ เด๊อ วีสิคาร์ เด๊อ อา โอ่ เบ๊อะสะมาเรียเก่ กูเนอ. วีเออตีวีเนอ, อา โอ่ผื่อ เร๊อ เพ ยาโคบ เหล่เด๊อะแก อาพู๊คู คูโยเซฟ เห่ขุ เหล่โอ่ เนอโต๊โผะ.

เห่ขุทวาลู่ 34:2

เบ๊อะ เพรเป๊อเทอเป๊อเก่ ฮีไวต์ เมวเจ่อพู๊ เพฮาโมร์ อาพู๊ คูเชเคม แม๊เถอะ ลู เบ๊อะเนอ, อา เอ๊จว๊า แก ลู เร๊อ อา จว๊าเมมู๊แหม่โอ่เมอเต่อ แก ลู.

เห่ขุทวาลู่ 33:18

เด๊อคยาเร๊อ เพยาโคบ จว๊าโอ่ แฮเงโป่ เด๊อ ปัดดานอารัมเก่ เร๊อ อา กาโต่ โมโมแร๊แร๊ เด๊อ คานาอันเก่กู วีเชเคม, เร๊อ อา ช๊อแถ่ หนิ อาเหล่สื่อ เบ๊อะ วี เนอ ตีวี อาช๊า.

เห่ขุทวาลู่ 10:15

เพคานาอัน อาพู๊เต๊เห่ เนอหม่า หม่า เฮ๊อ อาพู๊แหว่เพร่ว คูไซดอน, โทเร๊อ เฮท เมวเจ่อ,

เห่ขุทวาลู่ 34:30

เร๊อ เพยาโคบ เฮ๊ คูสิเมโอน เน๊อ คูเลวี เน๊อ, “ซี เมแป่เมเช แหน่เจ๊อ แว. คานาอันเมวเจ่อพู๊ เน๊อ เปริสซี เมวเจ่อพู๊ เด๊อ อา โอ่ เบ๊อะ เก่กู เออ เต๊เห่ เก่ ซิเถ่ซิฮา แหน่เฮ๊อ แว ปา เฮ๊อ. เปแกแย โอ่ ปีตี๊ แพ๊. เหย่ซี เก่ เพร ลู เร๊อ อา เก่ แฮช๊า แลแค แว เฮ๊หม่า, อา เก่ เมปย๊าเมแก เมเซอเมเหม่ ลอปลี แว เน๊อ แวหี่พู๊แพพู๊ เต๊เห่ ปา เฮ๊อ.”