เห่ขุทวาลู่ 12:2 - ลีเทส่อพ๊าอาเซ เร๊อ เห่ขุทวาลู๊

² แว เก่ นอ ทวาแถ่ เน เน๊อ เมวเจ่อดู๋ เต๊อเจ่อ ปา, เร๊อ แว เก่ เมบุ๊ยเมเตอเรอ เน ปา, แว เก่ นอ โลเทอโลเก่ เนมุย ปา เร๊อ เน เก่ ทวา เป่ เตบุ๊ยเตเตอเรอ เต๊อเจ่อ เด๊อ อูเง ปา.

เห่ขุทวาลู่ 12:2 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 3:14

แซ่ฮู๊ แกแยยิวพู๊ หม่าโต่ เต๊เห่ เก่ พย๊าหนิ เกอดื่อ เตบุ๊ยเตเตอเรอ เนอเรอ, เหย่ซู่ครี๊ แฮอิถ่ากา โท ลอ เป่ เฮ๊อ เป เฮ๊อ. เตเด๊อะบุ๊ยเด๊อะเตอเรอ เออเนอ, อา แซ่เฮ๊อ เน๊อ จอแปแหร่ อ๊อแลแก เพ อับราฮัม มู๋ หนู่เค เนอ เฮ๊อ. โท๊โต่ จอแปแหร่ อ๊อแล โทเฮ๊อ เน๊อ อา เก่ เด๊อะตา เป แหย่โยบูโพ๊ แบ่เจ่ ปา. แซ่ฮู๊ แกแย เด๊อ อา หยื่อเอ่ เหย่ซู่ เต๊เห่ เก่ พย๊าหนิ แหย่โยบูโพ๊ แบ่เจ่ ปาเนอเรอ, เหย่ซู่ แฮ อี๊ถ่า เป แพ๊.

เห่ขุทวาลู่ 18:18

อา หม่า อา เก่ทวา หม่าแหน่ เมวเจ่อดู๋ เต๊อเจ่อ เด๊อ อา โอ่ เน๊อ เตเตอเรอฉว่าชอ เนอ ปา. เร๊อ ล๋อ เมวเจ่อ เด๊อ อา โอ่ เด๊อ เห่ขุเออ เต๊เห่ เก่ พย๊าหนิ แฮเง เกอ เตเด๊อะบุ๊ยเด๊อะเตอเรอ เน๊อ อาขว่าอาคยา ปา.

เห่ขุทวาลู่ 35:11

เร๊อ จอแปแหร่ดุ เฮ๊ โป่ ลู เน๊อ, “แว หม่า จอแปแหร่ เด๊อ อาโพรเตอเรอฉว่าชอ เตเพร, พู๊โอ่โหร่เลอโอ่เอ๊ แลแค เร๊อ โอ่โหร่โอ่เอ๊แถ่ เกอ แลแค นี๊. แว เก่ นอทวาแถ่ เนกลุยเนแล เต๊เห่ เน๊อ เมวเจ่อดุ เต๊อเจ่อ เน๊อ เมวเจ่อ เอ๊ อาเมวเจ่อ เต๊เห่ ปา. เด๊อ เนกลุยเนแล อาเกล เต๊เห่ เนอ, อา เก่ ทวาแถ่ หนิดื่อ คุ๊ยจ๊อแผ่ เต๊เห่ ปา.

เห่ขุทวาลู่ 46:3

เร๊อ จอแปแหร่ดุ เฮ๊ ลู เน๊อ, “แว หม่า จอแปแหร่ดุ, เนเพ อาจอแปแหร่ดุ, ซีอิเชจว๊า แต่ เด๊อ อียิปต์เก่ แต่เหม่. แว นอทวาแถ่ เน เน๊อ เมวเจ่อดู๋ เต๊อเจ่อ เบ๊อะเนอ ปา.

เห่ขุทวาลู่ 26:4

แว เก่ นอ โอ่เอ๊แถ่ ดื่อ เนกลุยเนแล แซ่เจ๊อเน๊อ เฉ่ โอ่ เด๊อ ม๊อเลเนอ เจ๊อ ปา, เร๊อ ล๊อ เห่ขุ เออเต๊เห่ เนอ แว เก่ เด๊อะ ลอดื่อ เน๊อ เหย่ซี ปา. เด๊อ เนกลุยเนแล เออ อาขว่าอาคยา เร๊อ ล๋อ เมวเจ่อ โอ่ เด๊อ เห่ขุ เออเต๊เห่ เก่ พย๊าหนิ แฮเงเกอ เตเด๊อะบุ๊ยเด๊อะเตอเรอ ปา.

เห่ขุทวาลู่ 24:35

“จอแปแหร่ ตูจูเพร เด๊อะบุ๊ยเด๊อะเตอเรอ เอ๊ แหน่เจ๊อ แวแบ่เจ่ อาขว่าอาคยา, อา ดุแหย่ แหน่เจ๊อ. อา เด๊อะตา ลอปลี เจ๊อ ลูซิหมิ เน๊อ เป่, ปู่เป๊เหน่ เต๊เห่, รือเท เน๊อ หลู่เล๊ เพรเหมาะเพรคู เน๊อ ตีซิโบดุ เน๊อ แมอ๊อแหล่ ซีเต๊เห่ เจ๊อ.

ꤊꤢ꤬ꤜꤢ꤬ꤒꤤ 3:7

เมฮู๊เนอเรอ ซี โต ซิเง เร๊อ แกแย เด๊อ อา หยื่อเอ่แหน่ จอแปแหร่ เต๊เห่ เนอหม่า เพ อับราฮัม อากลุยอาลุ๊ย หม่าแหน่ เฮ๊อ.

เห่ขุทวาลู่ 13:16

แว เก่ นอ โอ่เอ๊แถ่ เนพู๊เนเลอ เต๊เห่ แซ่เจ๊อเน๊อ เห่หมื่อ เนอ เจ๊อ ปา. แกแย เตเพรเพร เด๊อ อา แด๊ ลอเป่เบ๊ เห่หมื่อ เนอ, อา เก่ แด๊ ลอเป่เบ๊ เนพู๊เนเลอ เต๊เห่ ปา.

เห่ขุทวาลู่ 15:5

จอแปแหร่ เอ๊เถ่ คูอับราม เด๊อ เหล่สื่อกลอ เร๊อ อา เฮ๊ ลู เน๊อ, “แม๊แถ่ เด๊อ ม๊อเลเนอ, เน เก่ แด๊เบ๊ เร๊อ แด๊ แม๊แม๊ ล๋อ เฉ่ เนอเต๊เห่.” โทเร๊อ อา เฮ๊ ลู เน๊อ, “เนพู๊เนเหลอ เนกลุยเนแล เก่ โอ่โหร่โอ่เอ๊ แซ่เจ๊อเน๊อ เฉ่ เด๊อ ม๊อเล เนอเต๊เห่ ปา.”

เห่ขุทวาลู่ 28:14

เนกลุยแลเออ อา เก่ โอ่โหร่โอ่เอ๊ แซ่เจ๊อเน๊อ เห่หมื่อ เบ๊อะ เห่ขุเออ เนอเต๊เห่ ปา. เหย่ซี เก่ โอ่ปีชี จว๊า ลอดื่อ เด๊อ ซิโท ซิแล ซิเถ่ ซิโน ปา. เร๊อ เด๊อ เน เน๊อ เนกลุยแลเออ อาขว่าอาคยา, ล๋อ เมวเจ่อ เด๊อ เห่ขุ เออเต๊เห่ เก่ พย๊าหนิ แฮเง เกอดื่อ เตบุ๊ยเตเตอเรอ ปา.

เห่ขุทวาลู่ 27:29

เมวเจ่อ เต๊เห่ เก่ ทวาดื่อ เนหลู่เล๊ เต๊เห่ ปา, เร๊อ เหย่ซี เก่ แด๊งือแล ลอดื่อ เด๊อ เนเป๊เส่เง ปา นี๋. เน เก่ เป๊อตี๊หรี่ เร๊อดื่อ เนโป่แหว่ เต๊เห่ ปา, เร๊อ ล๋อ เนโหมะ อากลุยอาลุ๊ย เต๊เห่ เก่ แด๊งือ ลอดื่อ เด๊อ เนเป๊เส่เง ปา นี๋. แกแย เด๊อ อา อิชอมู๊แหม่, เน เต๊เห่เนอ, จอแปแหร่ เก่ อิชอมู๊แหม่ ฉื่อ เหย่ซี ปา, เร๊อ แกแย เด๊อ อา เด๊อะบุ๊ยเด๊อะเตอเรอ เน เต๊เห่เนอ, จอแปแหร่ดุ เก่ เด๊อะบุ๊ยเด๊อะเตอเรอ ดื่อ เหย่ซี ปา นี๋.”

เห่ขุทวาลู่ 19:29

ฮู๊เนอเร๊อ เบ๊อะ จอแปแหร่ดุ เมจากาคยา เมปย๊าแกลอ เฮ๊อ วี โอ่ เด๊อ เก่รือดือขุ เนอเนอวี เบ๊อะเนอ, อา ซิเหน่แถ่เบ่โต่ เพอับราฮัม กุย ลู เนอ. เบ๊อะ อา เมจากาคยา ปย๊าแก วี เด๊อ เพโลท โอ่ เกอเร๊อ เออเนอ อาเค, อา เอ๊เถ่แลเปล๊แก เพโลท เด๊อ อาเตเมจากาคยา อากู.

ꤚꤥꤗꤢꤩ꤬ 4:11

อา ดื๊อตีลี๊พ๊า เนอหม่า อาเนอ เด๊อ คยา แพ๊. เบ๊อะอา ดื๊อตีลี๊ แต่ลา พ๊า โต่ เบ๊อะเนอ, เด๊อ อาเตหยื่อ อาขว่าอาคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพรเฮ๊อ. ฮู๊เนอเรอ อา เมม๊าเมแดแก ลู เร๊อ เตดื๊อตีลี๊พ๊า ฮู๊เนอ เต๊อเจ่อ แพ๊. ฮู๊เนอเรอ แกแย เด๊อ อา ดื๊อตีลี๊ เกอ เจ๊ออู พ๊า โต่ หม่าแน๊เรอ, อา หยื่อเอ่ จอแปแหร่ เต๊เห่เนอ, เพอับราฮัม ทวา เป่ ลอ แกแย ฮู๊เนอ เต๊เห่ อาเพ เฮ๊อ. ฮู๊เนอ อาขว่าอาคยา, จอแปแหร่ แด่จ๊อแด่เต เกอเฮ๊อ เหย่ซี เฮ๊อ.

เห่ขุทวาลู่ 18:19

แซ่ฮู๊ อา เก่ เฮ๊ตา หนิเป่ อาพู๊อาเลอ, อากลุยอาลุ๊ย เด๊อคยา เต๊เห่ อาเงเนอเร๊อ, แว นว๊าแถ่ โทเฮ๊อ ลู เร๊อ เด๊อ เหย่ซี เม เต เด๊อ อาโตอาเบ่ เน๊อ อาจ๊ออาเต อาขว่าอาคยา, เหย่ซี เก่ จูเอ่ ครวาเม แลแค จอแปแหร่ ตูจูเพร อาโหง่ ปา. เหย่ซี เก่ เมฮู๊เนอ เฮ๊เรอ ฮู๊แว อ๊อแลนอแล โทเฮ๊อเนอ, แว เก่ เมเล๊อเมบา ลอปลี เป่ เจ๊อดื่อ อา ปา.”

เห่ขุทวาลู่ 24:1

กู๊แหน่เร๊อ, เพอับราฮัม โหมะเผระ หน่าดุเลทู เฮ๊อ เร๊อ จอแปแหร่ ตูจูเพร เด๊อะบุ๊ยเด๊อะเตอเรอ ลอ ลู ปว๋า เต๊อเจ่อ เจ๊อ.

เห่ขุทวาลู่ 25:11

เบ๊อะ เพอับราฮัม เซอ โทเฮ๊อ เบ๊อะเนอ, จอแปแหร่ดุ เด๊อะบุ๊ยเด๊อะเตอเรอ เร๊อดื่อ อาพู๊ เพรคู คูอิสอัค. กู๊แหน่เร๊อ คูอิสอัค จว๊าโอ่ผื่อ เบ๊อะ เบเออลาไฮรอย เหล่โอ่ อาช๊า เนอโต๊โผะ.

เห่ขุทวาลู่ 26:3

โอ่เกอ โก๊เหร่อ เบ๊อะ เก่ เนอเต๊เก่ อากู นี๋. แว เก่ โอ่ เกอเน๊อ เน เร๊อ แว เก่ เด๊อะบุ๊ยเด๊อะเตอเรอ เน ปา, เมเตเฮ๊เร๊อ เตอ๊อแล เด๊อ แว ออแล หนื่ออื่อ โทเฮ๊อ เน๊อ เนเพอับราฮัม เนอ แว เก่ เมเล๊อเมบาแถ่ ดื่อ ปา เร๊อ ล๋อ เห่ขุ เหล่โอ่ เบ๊อะเออ เต๊เห่เนอ, แว เก่ เด๊อะ ลอดื่อ เน๊อ เน เน๊อ เนกลุยเนลุ๊ย เต๊เห่ ปา.

เห่ขุทวาลู่ 17:20

คูอิชมาเอล อาเงติเร๊อ, แว หนิโฮ เฮ๊อ เน กุย แว เออเฮ๊อ แว เก่ เด๊อะบุ๊ยเด๊อะเตอเรอ หม่าดื่อ อา ปา แว เก่ นอ พู๊โอ่โหร่ เหลอโอ่เอ๊ ลู ปา เร๊อ อากลุยอาลุ๊ย ตากาแล เก่ โอ่โหร่โอ่เอ๊ แหน่เจ๊อ ปา. อา เก่ ทวาดื่อ คุ๊ยพู๊ เช๊อซิเนอ อาเพ ปา, เร๊อ แว เก่ นอทวาแถ่ อา เน๊อ เมวเจ่อ ดู๋ เต๊อเจ่อ ปา.