เห่ขุทวาลู่ 12:12 - ลีเทส่อพ๊าอาเซ เร๊อ เห่ขุทวาลู๊

¹² ช๊า อียิปต์พู๊ เต๊เห่ แม๊เถ่ เน อาเค ปาเนอ, เหย่ซี เก่ เฮ๊ แลแค เน๊อ, ‘เนอหม่า อาเม เฮ๊อ.’ เร๊อ เหย่ซี เก่ เมเซอแก แว ปา, เร๊อ อา เก่ แด่โอ่เซอเพร แก เน ปา.

เห่ขุทวาลู่ 12:12 ပူးပေါင်းရင်းမြစ်များ

เห่ขุทวาลู่ 20:11

เร๊อ เพอับราฮัม เฮ๊ กาคยาฉื่อ คยาแซ๊ ลู เน๊อ, “แว เตเน เน๊อ เหล่โอ่ เบ๊อะเออ โต๊โผะ หม่า, แกแย เด๊อ อา ซิอิเช แด่ดุหยื่อแหน่ จอแปแหร่ดุ เนอ อาโอ่ น๊อ เตเพร่ว โต่. เด๊อ แวเม อาขว่าอาคยา เร๊อ ช๊าปาหม่า อู เมเซอ แว ปา เร๊อ อูพย๊าเผ่แก แวเม เห่ แว จว๊า เตเน แต่ ฮู๊เนอ เร๊อ แว เม ฮู๊เออ แพ๊.

เห่ขุทวาลู่ 26:7

เบ๊อะ อู แด๊เฮอ ลูเม โหมะเรเบคาห์ อาหรี่อาแก เบ๊อะเนอ, อา เฮ๊ เป่ อู เน๊อ, “อา หม่า แว โป่เพรเหมาะ แพ๊,” อา ซิอิเช เฮ๊ เป่ อู เน๊อ, “อาหม่า แวเม,” ฮู๊เนอ. เมเตเฮ๊เร๊อ โหมะเรเบคาห์ เออ อา ย๊อ โหมะตว่า แหน่เจ๊อ อาขว่าอาคยา, “เด๊อ อา อาขว่าอาคยา เร๊อ ปาหม่า แกแย โอ่ เบ๊อะเนอ เต๊เห่ เก่ เมเซอ แว เห่,” อา เตเน เกอเร๊อ อาเหน่ ฮู๊เนอ.

มัทธิว 10:28

แกแย เด๊อ อา เมเซอ แจ่ ซี เหน่กล่อ ตื๊อดื่อเรอ อา เมเซอ แจ่ ซี แหย่โยบูโพ๊ โต่ เต๊เห่เนอ, ซิอิเช แต่ อาเหล่ แต่เหม่. ซิอิเช แลแค จอแปแหร่ เด๊อ อา เมเซอ แจ่ ซี เหน่กล่อ เร๊อ ซี แหย่โยบูโพ๊ เนอเจ่อลอ เออเนอ เด๊อ หง่าหร่าปอรากยากู เนอเตเพร นี๋.