เห่ขุทวาลู่ 12:10 - ลีเทส่อพ๊าอาเซ เร๊อ เห่ขุทวาลู๊

¹⁰ เบ๊อะเนออาเค หน่ากล่า เร๊อ เก่วีเก่กอ โอ่แถ่ ชอแหน่เจ๊อ เด๊อ คานาอันเก่กู อาขว่าอาคยา, คูอับราม แกล่ตา จว๊าโอ่โก๊เล๊ เด๊อ อียิปต์เก่ เตอเปลอฮู๊.

เห่ขุทวาลู่ 12:10 ပူးပေါင်းရင်းမြစ်များ

เห่ขุทวาลู่ 43:1

กู๊แหน่เร๊อ เด๊อ คานาอันเก่กูเนอ เก่วีเก่กอ จา ตอ แหน่ปา แพ๊.

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

เพรโด่แนพู๊ เต๊เห่ 7:11

“เบ๊อะเนออาเค เตโอ่วีโอ่กอ โอ่แถ่ เด๊อ อียิปต์เก่ เน๊อ เด๊อ คานาอันเก่กู เร๊อ เตจาเตจือดุ ตื๊อดื่อ เต๊เห่ โอ่ทวาแถ่ โต่ เจ๊อ เด๊อ เปเพอเปโพ เต๊เห่ เหล่เอ่เหล่โอ โอ่ ปา เจ๊อ โต่ เจ๊อ.

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

เห่ขุทวาลู่ 47:13

กู๊แหน่เออ เก่วีเก่กอ จา แหน่เจ๊อ อาขว่าอาคยา, เหล่โอ่ เบ๊อะเต โต๊โผะ เต๋ เบ่เบ่ เฉ่เอ่เฉ่โอ โอ่ปา โต๊โพ๋ โต่ เฮ๊อ. อียิปต์เก่พู๊ เต๊เห่ เบ่เบ่, คานาอันเก่พู๊ เต๊เห่ เบ่เบ่, เด๊อ เก่วีเก่กอ จา อาขว่าอาคยา, เหย่ซี ข่าเบ่ลอเฮ๊อ เตโอ่วีโอ่กอ เฮ๊อ.

เห่ขุทวาลู่ 42:5

เบ๊อะ คานาอันเก่ เน๋อ หม่า เก่วีเก่กอดุ โอ่ แถ่ เกอเกอ อาขว่าอาคยา, เพยาโคบ อาพู๊เพรคู เต๊เห่ จว๊าเต่อ เกอ เน๊อ อูโร เต๊เห่ เร๊อ อา แลพรี เกอแลแค โบ๊กู่ลา เบ๊อะเนอเนอ.

เห่ขุทวาลู่ 41:57

เก่วีเก่กอดุ โอ่แถ่ ลอปลี เจ๊อ เด๊อ เห่ขุ ต๊าบ่า ลอ อาขว่าอาคยา, แกแย โอ่ เด๊อ เห่ขุต๊าบ่า ลอ เต๊เห่ แฮ แลแค เด๊อ อียิปต์เก่ เด๊อ อา เก่ แฮพรี แลแค โบ๊กู่ลา เด๊อ เพโยเซฟ โอ่.

เห่ขุทวาลู่ 41:56

เก่วีเก่กอดุ โอ่แถ่ ปีชีจว๊า ลอ เฮ๊อ เต๊เก่เล. เร๊อ อาจาอาจือ หม่าแหน่ เฮ๊อ อียิปต์เก่ เต๊เก่เล ลอเจ๊อ อาขว่าอาคยา, เพโยเซฟ โบ๊โม ลอ โบ๊กู่ลา แจ เต๊เห่ เร๊อ อา อิเชตา เป่ อียิปต์เมวเจ่อพู๊ เต๊เห่ โบ๊กู่ลา.