เห่ขุทวาลู่ 11:9 - ลีเทส่อพ๊าอาเซ เร๊อ เห่ขุทวาลู๊

⁹ เบ๊อะเนอเค, จอแปแหร่ ตูจูเพร เมชีแล๊ ลอ แกแย ล๋อ ปลี เด๊อ เห่ขุ เออต๊าบ่า อาโหง่ อาขว่าอาคยา, อู เอ๊แกลู วี เนอตีวี อามุย เน๊อ วีบาเบล ฮู๊เนอเร๊อ เป๊อแถ่ เบ๊อะ วีบาเบล เนอเรอ จอแปแหร่ ตูจูเพร เม ปีชี จว๊าโพร๊จว๊าแพร แก เหย่ซี เด๊อ เห่ขุต๊าบ่า ลอ.

เห่ขุทวาลู่ 11:9 ပူးပေါင်းရင်းမြစ်များ

เห่ขุทวาลู่ 10:10

วีดุ เด๊อ อา ช๊อแถ่ เหร่อเล๊อ เด๊อ ชินาร์เก่กู เต๊เห่ เนอหม่า บาบิโลน, วีเอเรก, วีอาเก่ด๊า เน๊อ วีก๊อเหน่ เออเต๊เห่ เฮ๊อ.

เห่ขุทวาลู่ 10:20

ล๋อ เออเต๊เห่ หม่า เพฮาม อาพู๊เพรคู ซี อากลุยอาลุ๊ย เต๊เห่ เฮ๊อ เร๊อ เหย่ซี โอ่เกอเร๊อ ดื่อ เน๊อ อากลุยอาแล เน๊อ อาลาอาโหง่ เน๊อ อาเทออาเก่ เน๊อ อาเมวอาเจ่อ เร๊อดื่อ เฮ๊อ.

เห่ขุทวาลู่ 10:5

เหย่ซี เออเต๊เห่ เนอหม่า อา โอ่ปีชีจว๊า ลอ รว๋า เก่ เบ๊อะ เมติเทอเรเนียน เทอดุซาวาทือ เนอ. เพยาเฟท อากลุยอาลุ๊ย โต๊โหมะ เน๊อ โต๊โหมะ เนอ อา ทวาแถ่ โค๊ ลอดื่อ เมวเจ่อ เต๊อเจ่อ เน๊อ เต๊อเจ่อ, โอ่เกอเร๊อ ข่อดื่อ อาเก่ เน๊อ อาเก่, อาโหง่ เน๊อ อาโหง่.

เพรโด่แนพู๊ เต๊เห่ 17:26

จอแปแหร่ แบ๊แล แพ๊ แกแย เตเพร แพ๊ เร๊อ อา นอโอ่ทวาแถ่ แกแยเห่ขุพู๊ ปวาเมวปวาเจ่อ เร๊อ อา นอโอ่ลอ อู เด๊อ เห่ขุต๊าบ่า อากู. อาแหน่แบ่เจ่ เร๊อดื่อ ตี๊หรี่แตแร หนื่ออื่อ ตาเต ม๊อเนอม๊อเซ เร๊อ เตเหล่โอ่เหล่แบ่ เด๊อ แกแยเห่ขุพู๊ เก่โอ่เก่ช๊อ อาเง.

โครินธ์ อาเหร่อเล๊อ ต๊าบ่า 14:23

เฮ๊โก๊หลื่อ, ซี แฮ จ๊อบู่จ๊อเบ โหร่ลอ ลู เร๊อ ซี เก่ เฮ๊เบ่ เร๊อ โหง่โค๊ตีกลี๊ เออเต๊เห่ ปว๋า เตเพร เก่เฮ๊เนอ, แกแย เด๊อ อาโร เต๊เห่, หม่าโต่เรอ แกแย เด๊อ อา หยื่อเอ่เกอ ล๋าย อู ครี๊ โต่ เต๊เห่ เก่ แฮจ๊อเบ เต่อเกอ ซี เฮ๊เรอ เหย่ซี เก่ หนิโฮน๊อ เกอ โหง่ เออเต๊เห่ โตโพ๋ โต่ เก่เฮ๊เนอ. เหย่ซี เก่ เฮ๊ แลแค ซี เร๊อ แกแย ตีมุย ปา.

เห่ขุทวาลู่ 10:25

เพเอเบอร์ เนอหม่า อาพู๊เพรคู โอ่ ซิเนอ. เร๊อ อาพู๊ แหว่เพร่วหม่า อามุย เน๊อ คูเพเลก. เบ๊อะ อา ทือเค, เนอ แกแยเห่ขุพู๊ โอ่ ปีชี จว๊าโพร๊ จว๊าแพร ลอ เด๊อ เห่ขุเออ เร๊อ เพเลก อาโหง่แลช๊า หม่า จว๊าปีชี. เด๊อ อาโป่เพรคู ติ เร๊อ อามุย เน๊อ คูโยกทาน.