เห่ขุทวาลู่ 10:32 - ลีเทส่อพ๊าอาเซ เร๊อ เห่ขุทวาลู๊

³² ล๋อ เมวเจ่อ เออเต๊เห่หม่า อาตากลุยตาลุ๊ย ลอเฮ๊อ เด๊อ เพโนอาห์ อาพู๊เพรคู อากลุยอาลุ๊ย เด๊อ อา โอ่ เด๊อ เหย่ซี อาเมวอาเจ่อกู เนอเต๊เห่ เฮ๊อ, เบ๊อะ เทอดุบี๊ โทเฮ๊อ เห่ขุ เบ๊อะเนอ, เหย่ซี อากลุยอาลุ๊ย เออเต๊เห่ โอ่ปีชี จว๊าลอ เด๊อ เห่ขุ ต๊าบ่าลอ เจ๊อ.

เห่ขุทวาลู่ 10:32 ပူးပေါင်းရင်းမြစ်များ

เห่ขุทวาลู่ 9:19

แกแยเห่ขุพู๊ ลอปลี เด๊อ อา โอ่ปีชีจว๊า ลอ เด๊อ เห่ขุ เออเต๊เห่ หม่า อากลุยอาลุ๊ย ตากาแล ลอปลี เฮ๊อ เด๊อ เพโนอาห์ อาพู๊เพรคู เนอซิโซ เฮ๊อ.

เพรโด่แนพู๊ เต๊เห่ 17:26

จอแปแหร่ แบ๊แล แพ๊ แกแย เตเพร แพ๊ เร๊อ อา นอโอ่ทวาแถ่ แกแยเห่ขุพู๊ ปวาเมวปวาเจ่อ เร๊อ อา นอโอ่ลอ อู เด๊อ เห่ขุต๊าบ่า อากู. อาแหน่แบ่เจ่ เร๊อดื่อ ตี๊หรี่แตแร หนื่ออื่อ ตาเต ม๊อเนอม๊อเซ เร๊อ เตเหล่โอ่เหล่แบ่ เด๊อ แกแยเห่ขุพู๊ เก่โอ่เก่ช๊อ อาเง.

เห่ขุทวาลู่ 10:1

เออ หมา เตราม๊าราแดหนิ เพโนอาห์ อาพู๊เพรคู คูเซม, คูฮาม เน๊อ คูยาเฟท ซี อากลุยอาแล ตากาแล เต๊เห่ เด๊อ อาพู๊ โอ่แล แลแค เบ๊อะ เทอดุ โทเฮ๊อ เห่ขุ เบ๊อะเนอเต๊เห่ อาหรี่อาแก เฮ๊อ.

เห่ขุทวาลู่ 10:25

เพเอเบอร์ เนอหม่า อาพู๊เพรคู โอ่ ซิเนอ. เร๊อ อาพู๊ แหว่เพร่วหม่า อามุย เน๊อ คูเพเลก. เบ๊อะ อา ทือเค, เนอ แกแยเห่ขุพู๊ โอ่ ปีชี จว๊าโพร๊ จว๊าแพร ลอ เด๊อ เห่ขุเออ เร๊อ เพเลก อาโหง่แลช๊า หม่า จว๊าปีชี. เด๊อ อาโป่เพรคู ติ เร๊อ อามุย เน๊อ คูโยกทาน.

เห่ขุทวาลู่ 10:20

ล๋อ เออเต๊เห่ หม่า เพฮาม อาพู๊เพรคู ซี อากลุยอาลุ๊ย เต๊เห่ เฮ๊อ เร๊อ เหย่ซี โอ่เกอเร๊อ ดื่อ เน๊อ อากลุยอาแล เน๊อ อาลาอาโหง่ เน๊อ อาเทออาเก่ เน๊อ อาเมวอาเจ่อ เร๊อดื่อ เฮ๊อ.

เห่ขุทวาลู่ 9:7

ซี เกอติ เร๊อ, พู๊โอ่โหร่เลอโอ่เอ๊ แลแค เร๊อ โอ่ปลู่โอ่เผ่ โอ่บาลอ แลแค เน๊อ เห่ขุเออ เร๊อ โอ่ปีชีจว๊า ลอดื่อ แลแค เด๊อ เหล่โอ่ ปว๊า โต๊โผะ นี๋.”

เห่ขุทวาลู่ 9:1

โทเร๊อ จอแปแหร่ดุ เด๊อะบุ๊ยเด๊อะเตอเรอ เพโนอาห์ เน๊อ อาพู๊เพรคู เต๊เห่ เร๊อ อา เฮ๊ เหย่ซี เน๊อ, “พู๊โอ่โหร่เลอโอ่เอ๊ แลแค เร๊อ โอ่บา ลอ แลแค เด๊อ เห่ขุเออ นี๋.

เห่ขุทวาลู่ 10:31

เออหม่า เพเชม อาพู๊เพรคู ซี อากลุยอาแล เน๊อ อาเมวอาเจ่อ เต๊เห่ เฮ๊อ เร๊อ เหย่ซี โอ่เกอเร๊อดื่อ เน๊อ อากลุยอาแล เน๊อ อาลาอาโหง่ เน๊อ อาเทออาเก่ เน๊อ อาเมวอาเจ่อ เร๊อดื่อ เฮ๊อ.

เห่ขุทวาลู่ 11:1

เด๊อ กูลู๋ เคเนอ, ล๋อ แกแย โอ่ เด๊อ เห่ขุ เออต๊าบ่า ลอเนอหม่า, โหง่ โอ่แพ๊ เต๊อเจ่อ แพ๊ เร๊อ เหย่ซี เฮ๊เบ่ แซ่ แพ๊ ลู.

เห่ขุทวาลู่ 10:5

เหย่ซี เออเต๊เห่ เนอหม่า อา โอ่ปีชีจว๊า ลอ รว๋า เก่ เบ๊อะ เมติเทอเรเนียน เทอดุซาวาทือ เนอ. เพยาเฟท อากลุยอาลุ๊ย โต๊โหมะ เน๊อ โต๊โหมะ เนอ อา ทวาแถ่ โค๊ ลอดื่อ เมวเจ่อ เต๊อเจ่อ เน๊อ เต๊อเจ่อ, โอ่เกอเร๊อ ข่อดื่อ อาเก่ เน๊อ อาเก่, อาโหง่ เน๊อ อาโหง่.