เห่ขุทวาลู่ 1:3 - ลีเทส่อพ๊าอาเซ เร๊อ เห่ขุทวาลู๊

³ โทเร๊อ จอแปแหร่ดุ เฮ๊ เน๊อ, “เตลี โอ่ทวาแถ่ มอ,” เร๊อ เตลี โอ่ทวาแถ่.

เห่ขุทวาลู่ 1:3 ပူးပေါင်းရင်းမြစ်များ

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

ꤛꤥ꤭ꤟꤢ꤬ 1:5

อา หม่า อาแซ่เน๊อ เตลี เร๊อ อา ลีเตเค เด๊อ เตคี๊ อาเกล เร๊อ เตคี๊ เมเป่แก แจ่ ลู โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:5

เตหรี่เตแก เด๊อ เป หนิโฮ โทเฮ๊อ เด๊อ อาพู๊คู โอ่เนอ, เป ซิหยื่อ แด๊โฉ่โล เป่ เกอ ซี เนอ, จอแปแหร่ หม่า เตลี เร๊อ เตคี๊ลอ โอ่ เด๊อ ลูเหน่ลู เตอเจ๋อโต่.

เอเฟซัส 5:8

ซี แหน่แบ่เจ่ เร๊อดื่อ เจ๊อ เร๊อ ซี โอ่เซอเพร โทเฮ๊อ เด๊อ เตคี๊เตลอ อาเกล เฮ๊อ. หม่าแน๊เรอ กู๊แหน่เออ ซี ทวาเฮ๊อ แบ่เจ่ อาแกแย เร๊อ ซี โอ่เฮ๊อ เด๊อ เตลี อากู เฮ๊อ. ฮู๊เนอเรอ โอ่เซอเพร แซ่เกอ แลแค ฮู๊ เตลีพู๊ เต๊เห่เนอ นี๋.

ꤛꤥ꤭ꤟꤢ꤬ 1:9

เตลี หม่าแหน่ เออเนอ, อา เตเร แฮโน เฮ๊อ เด๊อ เห่ขุเออ เฮ๊อ, เร๊อ อา เก่ ลีเตเค แถ่โล เป่ อู ปว๋า เตเพร.

ꤛꤥ꤭ꤟꤢ꤬ 3:19

เมเตเรอ เหย่ซี ข่าเบ่ เด๊อเตเมจากาคยา เฮ๊เนอหม่า, จอแปแหร่ อาเตลี แฮโน เด๊อ เห่ขุเออ ตื๊อดื่อเรอ แกแย เห่ขุพู๊ เต๊เห่ ซิหยื่อ เตลี เออเนอ โต่, เมเตเฮ๊เรอ เหย่ซี ย๋อ เม เตมู๊แหม่รีแจ่ เต๊เห่ อาขว่าอาคยา, อา โมหนิเล๊อ เด๊อ เตคี๊เตลอ ตากยา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:8

หม่าแน๊เรอ โหง่เฮ๊แก เด๊อ แว รา เป่ ซี กู๊แหน่เออ เนอหม่า อาเซ หม่าแหน่ เจ๊อ, เมเตเฮ๊เรอ เตคี๊เตลอ เตเร โอ่เหม่ เฮ๊อ เร๊อ เตลี หม่าแหน่ เออ ลีแถ่เฮ๊อ อาขว่าอาคยา, โหง่เฮ๊แก อาเซเออ เนอหม่า อาจ๊ออาเต เร๊อ ซี แม๊เถอะแจ่ อา เด๊อ ครี๊ อากู เร๊อ เด๊อ ซีเหน่กู.

เอเฟซัส 5:14

เต เด๊อ อา เด๊อะ แม๊เถอะโล ซิเง ตาเต แร๊ อู หม่า ตื๊อแพ๊ เตลี แพ๊. ฮู๊เนอเรอ อู เฮ๊ เน๊อ, “เพร โอ่เมอฉว่า, ซิเหน่เกอ เมอ อู, ก๊อถ่อกา เกอเมออู เด๊อ เตเซอ อา เหล่โอ่เออ เนอ. ครี๊ อา เตลีเออ เก่ เตเคตา เด๊อ เนโอ่ ปา.”

ทิโมธี อาเหร่อเล๊อ ต๊าบ่า 6:16

จอแปแหร่ เด๊อ อา เซอแจ่โต่ เนอหม่า ตื๊อแพ๊ อา เตเพร แพ๊. อา เซอเพร เด๊อ เตลี, เด๊อ อู แฮผื่อแจ่ เด๊อ ลูโอ่ เตเพร่ว โต่ เออเนอ อากู. อู แม๊เถอะน๊อ อา เตเพร่ว โต่ โทเรอ อู แม๊เถอะแจ่ อา เตเพร่ว โต่. เตแด่ดุหยื่อแหน่ เน๊อ อาโพรอาเตอเรอ ตูจูเพร ตาแลเคร๊ เก่ โอ่ เกอดื่อ เน๊อ อา นี๋, อาเมน.

ꤛꤥ꤭ꤟꤢ꤬ 11:43

เบ๊อะแบ่เจ่ เหย่ซู่ กุยจ๊อเบ โทเนอ, อา เอ๊โทแถ่ เน๊อ, “คูลาซารัส! เถ่มอ!”

มัทธิว 8:3

แบ่เจ่ บ๊อแฮ อากู๊ขุ เร๊อ อา โต่เบ่โท ลู เร๊อ อา เฮ๊ ลู เน๊อ, “แว ซิปล่อโอ่ แพ๊,” อา เฮ๊ โทเรอ “เตเช๋ โอ่เหม่แก มอ,” เร๊อ โตโพ๊โต เตเช อาโอ่เหม่แก เจ๊อ.

เห่ขุทวาลู่ 2:4

เตหรี่เตแก เออเต๊เห่ เนอหม่า หม่าเฮ๊อ เบ๊อะ จอแปแหร่ดุ แบ๊แลเตแล ม๊อขุ เน๊อ เห่ขุ เบ๊อะเนอ เต๊เห่ อาหรี่อาแก เฮ๊อ. เบ๊อะ แบ่เจ่ จอแปแหร่ ตูจูเพร แบ๊ตา เห่ขุ เน๊อ ม๊อขุ เต๊เห่ เบ๊อะเนอ,