ꤊꤢ꤬ꤜꤢ꤬ꤒꤤ 6:9 - ลีเทส่อพ๊าอาเซ เร๊อ เห่ขุทวาลู๊

⁹ เมเตแร๊เนอ ซิปล่อปย๊า แลแค แต่เหม่ นี๋. เป เก่ ซิปล่อปย๊าโต่ เฮ๊เรอ, ช๋า ม๊อเนอม๊อเซ โตเก๊ ปาเนอ, เป เก่ เก๊เบ่น๊อ คยาแซ๊ดื่อ เตเส่เตโพ ปา.

Eastern Kayah Shadaw Dialect

⁹ ꤗꤢꤩ꤬ꤒꤢꤩ꤬ꤚꤢꤧꤔꤣꤧ꤬ ꤞꤤꤕꤜꤢꤪ꤬ꤕꤛꤢ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤕꤢꤩ꤬ ꤊꤢꤩ꤬ ꤞꤤꤕꤜꤢꤪ꤬ꤕꤛꤢꤒꤥ꤬ ꤟꤢꤩꤚꤣꤧ꤬, ꤏꤢ꤮ ꤏꤣꤧꤋꤢꤩ꤭ ꤙꤢꤩ꤬ ꤕꤢ꤭ꤔꤣꤧ꤬, ꤕꤢꤩ꤬ ꤊ꤫ꤢꤦ꤬ ꤊꤢꤩꤔ꤫ꤤ꤬ꤔꤢꤪ ꤋꤛꤢ꤭ꤞꤢꤧꤘꤢꤦ꤬ ꤒꤢꤩ꤬ꤞꤢꤩ꤬ꤒꤢꤩ꤬ꤖꤥ꤭ ꤕꤢ꤭꤯

ꤊꤢ꤬ꤜꤢ꤬ꤒꤤ 6:9 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 15:58

ฮู๊เนอเรอ, แว โคแบ๊ซว๊า ซี, กู๊แหน่เรอ ก๊อถ่อ แตแนแร๊ แลแค เร๊อ โอ่หม่าโอ่กลอ แลแค เด๊อ ซี เตหยื่อ อากูเนอ นี๋. เม ฉว่าฉว่า แลแค จอแปแหร่ อาเตเม ปว๋า โตโพ๊ นี๋, เมเตเฮ๊เรอ ซี เม แบ่เจ่ อาเตเม เนอ อา แกเด เด๊อ ซีเง โต่.

เธสะโลนิกา เนอบ่า ต๊าบ่า 3:13

หม่าแน๊เรอ, โป่แหว่ ครี๊พู๊ ซี๋, เบ๊อะซี เม เตแร๊ เบ๊อะเนอ, ซิปล่อปย๊า แต่ แลแค แต่เหม่ นี๋. ตูรู๊ เม แฮเง ตื๊อดื่อลา แลแค ฮู๊เนอ นี๋.

ꤟꤤꤙꤚꤢꤨ 12:3

แซ่ฮู๊ ซี เม เตแร๊ เร๊อ ซี เก่ ซิพร๊าแลแด๊ แต่เหม่, เร๊อ ซี เก่ ซิปล่อปย๊าแก แต่เหม่ อาเงเนอ, เตเนแม๊ แลแคเมอ แบ่เจ่ เหย่ซู่ อาหรี่อาแก เออเนอ, เพรเมเตซื๊อ เต๊เห่ ซิเถ่ซิโตโค ลู เมโตโมเต๊แก่ แหน่เจ๊อ ลู หม่าแน๊เรอ อา แด่ทูซิปล่อ แหน่เจ๊อ เด๊อ เหย่ซีขุ.

เปโตร อาเหร่อเล๊อ ต๊าบ่า 2:15

จอแปแหร่ ซิหยื่อ นอเม ซี เตแร๊, เมเตเฮ๊เรอ อา ซิหยื่อ เด๊อ ซี เก่ เม โอ่โส่โอ่เครแก แกแย เด๊อ อา เฮ๊เบ่บอ เฮ๊เบ่บย่า เร๊อ เตเน กาคยา แฮเง เป่ เกออู โต่ เนอเต๊เห่.

ꤡꤛꤢꤩ꤭ꤗꤢ꤬ꤎꤣ꤬ 5:7

ฮู๊เนอเร๊อ โป่แหว่ ซี๋, แด่ทูซิปล่อโต่ แลแค เด๊อ แบ่เจ่ แฮ คยาแซ๊ ปา โตโพ๊ เออเนอ นี๋. เตเนแม๊ เกอ แลแค เมอ เพรแฮเมเอ่แหล่ เตเพร โอ่ป่อแม๊ชือ เกอ เร๊อ อา เตเส่เตโพ เด๊อ อางูดุงูชอ เออเต๊เห่เนอ. อา เบ่ เป๊อแถ่ แด่ทูซิปล่อ โอ่ป่อหนิ เก่จือ ตา ลู่ เออ เด๊อ อา เมแด๊แถ่ เป่ ลู เตกลุยเตลุ๊ย เออเต๊เห่, โทเร๊อ อา เบ่ โอ่ป่อ โต่เด๊อ เก่จือ ตาเนอ เด๊อคยา เด๊อ อา เมเผระเมมี เป่ ลู เตเส่เตโพ เออเต๊เห่.

เปโตร อาเหร่อเล๊อ ต๊าบ่า 3:17

เมเตเฮ๊เรอ จอแปแหร่ เก่ ซิปล่อโอ่ แหน่เฮ๊อ เนอ, เด๊อ เป เมเตแร๊เออ อาขว่าอาคยาเร๊อ, เป เบ่ ข่าเบ่ แหน่ เตจาเตจือ เฮ๊เนอ, อาแร๊เล๊อ ปา เจ๊อ เร๊อ เป เม เตมู๊แหม่รีแจ่ เร๊อ เป ข่าเบ่ เตจาเตจือ เต๊เห่ เจ๊อ.

โครินธ์ เนอบ่า ต๊าบ่า 4:16

เด๊อ เออเต๊เห่ อาขว่าอาคยาเร๊อ เป ซิปล่อปย๊า ตีกี๋ โต่. เปเหน่กล่อ อาอ๊าอาเหร่ โตโพ๊ตี๊กิ, โตโพ๊ตี๊กิ อา อ๊าเจ่เหร่เจ่ แฮ หม่าแน๊เรอ เป ซิปล่อ เออเนอ, เตอเนอ เร๊อ เตอเนอ อา อ๊าฉว่าอ๊าชอแถ่ แพ๊.

เตเด๊อะโลแถ่ 2:3

เด๊อ แวมุย อาขว่าอาคยาเร๊อ, เน เมแคเมแอ่ เน ข่าเบ่ เตจาเตจือ เร๊อ เน ซิปล่อ ปย๊าโต่ เนอหม๋า ซิเงเง.

เปโตร อาเหร่อเล๊อ ต๊าบ่า 4:19

ฮู๊เนอเรอ, ซี ข่าเบ่ เตจาเตจือ เออเนอ, อา เก่ โต เร๊อ จอแปแหร่ อาซิปล่อ เฮ๊เรอ, ซี โตเบ่ เมแร๊ แฮเง ลาโป่, โท๊โต่ ซี โต แด่แล ซี ซิปล่อ ซีเม เด๊อะ แบ่เจ่ เด๊อ อา แบ๊ตา เต เร๊อ อาจ๊อ เร๊อ อาโหง่ เออเตเพร อา กู๊ยากู.

ꤜꤢꤨꤊꤢ꤬ 18:1

โทเรอ เหย่ซู่ ซิหยื่อ เร๊อ อา โคเจ่ เต๊เห่ เก่ กุยจ๊อเบ แลแค ปว๋า โตโพ๊. เร๊อ เหย่ซี เก่ ซิปล่อปย๊า แต่ ตีกี๋ แต่เหม่ เนอเรอ, อา แด๊ค๊าโข่ เป่ อา โคเจ่ เต๊เห่ เน๊อ โหง่ ตือมือ.

มัทธิว 10:22

เด๊อ แวขว่าแวคยา เนอ, อู ปว๋า เตเพร เก่ ซิเถ่ ลอ ซี ปา. หม่าแน๊เรอ แกแย เด๊อ อา ก๊อถ่อแตแน โอ่กลอช๊อหม่า เด๊อ อา เตหยื่อเตแหน่ อากู โต่เด๊อ อาตื๊อดื่อ เต๊เห่เนอ, จอแปแหร่ เก่ เมแลเปล๊กา เหย่ซี ปา.”

โครินธ์ เนอบ่า ต๊าบ่า 4:1

ฮู๊เนอเรอ เป ซิปล่อปย๊า โต่, เมเตเฮ๊เรอ เด๊อ จอแปแหร่ อาบุ๊ยอาเตอเรอ อาขว่าอาคยา, อา เด๊อะตา เป เตเม เด๊อ เป เก่ แด๊โฉ่โด่แน เป่ อู เร๊อ เตอ๊อแล อาเซ เออเนอ เฮ๊อ.

มัทธิว 24:13

หม่าแน๊เรอ แกแย เด๊อ โอ่กลอช๊อหม่า เด๊อ อาเตหยื่อ เตแหน่ โต่เด๊อ อาตื๊อดื่อ เต๊เห่เนอ, จอแปแหร่ เก่ กาเมแลเปล๊ เหย่ซี ปา.

เตเด๊อะโลแถ่ 2:7

“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. แกแย เด๊อ อา เมเป่เต เตเพรเนอ, แว เก่ เด๊อะ อา เตอเรอฉว่าชอ เด๊อ อา เก่ โนเอ่หนิ ส่อเซอเพร อาเส่ เด๊อ อา เด๊ออู ซิปล่อเซอเพร เออเนอ ต๊อเสาะ ปา. ส่อเออ ต๊อเสาะเนอ อา แด๊ เด๊อ จอแปแหร่ อา เตเร๊กู เด๊อ อู เอ๊ เร๊อ บรมสุขเกษม อากูเนอ ปา.”

ꤚꤥꤗꤢꤩ꤬ 2:7

แกแย เต๊เห่เห่ เนอ, อา เด๊อะโล อา เตซิหยื่อ หม่าแหน่ เน๊อ จอแปแหร่ เก่ ถู่เซ๊แถ่ หนิ เหย่ซี ปา. เร๊อ อา เก่ เด๊อะ ลู เตอเรอดุเตอเรอทู ปา, โท๊โต่ อา เก่ เด๊อะ เหย่ซี เตเซอเพร เด๊อ อา เซอแจ่ปาโต่ เออเนอ ปา อา แม๊ชือ แลแค ฮู๊เนอเรอ เหย่ซี แอ๊จื๊อแอ๊เหร่ เม แฮเง ตื๊อดื่อ แลแค เตแร๊. ฮู๊เนอเรอ จอแปแหร่ เก่ เด๊อะ ซิปล่อเซอเพร ตูจูเพร เออเนอ เร๊อ แกแย ฮู๊เนอเต๊เห่ ปา.

เตเด๊อะโลแถ่ 2:17

“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. อา เฮ๊ ฮู๊เตเฮ๊เร๊อ, ล๋อ แกแย เด๊อ อา เมเป่ เต เต๊เห่เนอ แว เก่ เด๊อะ อา ค๊อมูมานา เด๊อ อู แด่โอ๊ อา เออเนอต๊อกล่อ ปา. โทเรอ แว เก่ เด๊อะ เหย่ซี หล่อบู เตเพร เตเม ปา, เร๊อ อู ราโอ่ มุยเซ เด๊อ อาลู เออเนอ ปา. มุยเซ เออเนอ อู ซิเง อา เตเพร่ว โต่, ซิเง ตื๊อแพ๊ แกแย เด๊อ อา พย๊าหนิ หล่อเออเนอ เตเพรเพร่ว แพ๊.”

ꤟꤤꤙꤚꤢꤨ 3:6

หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.

ꤟꤤꤙꤚꤢꤨ 3:14

เมเตเฮ๊เรอ, เป เตหยื่อเอ่ จอแปแหร่ เด๊อ กูลู่เค เนอ, เป เก่ ปื่อหม่าแร๊หนิ อา โต่เด๊อ อาตื๊อดื่อ เฮ๊เรอ, เป ทวาเฮ๊อ เพรเมเต่อเต เร๊อ ครี๊ เฮ๊อ.

เอเฟซัส 3:13

เมฮู๊เนอเรอ, แว กุยซิยอ ซี๋, เด๊อ แว ข่าเบ่ เตจาเตจือ เด๊อ ซิเง เออเนอ, ซิปล่อปย๊า แต่ แลแค แต่เหม่ นี๋. แว ข่าเบ่ ฮู๊เออ เนอหม่า ซี เหล่หนิบุ๊ย หนิเตอเรอ อาเงแพ๊.

ꤟꤤꤙꤚꤢꤨ 12:5

จอแปแหร่ เด๊อะอ๊าเด๊อะเหร่ ซี ฮู๊ อาพู๊ เน๊อ อาเหน่ เนอหม่า ซี โชตาปา เฮ๊อ แอ? อา เฮ๊ ซี เน๊อ, “เก๋อ แวพู๊ ซี๋, เบ๊อะแบ่เจ่ ซิพรวา อิซว๊าอี๊แส่ แร๊กา ซี เบ๊อะเนอ, แด่หยื่อ อา เตซิพรวา อิซว๊าแร๊ ซี เออเนอ นี๋. เบ๊อะอา ซิพรวา ซี เบ๊อะเนอ, ซิปล่อปย๊า แต่ แลแค แต่เหม่ นี๋.

โครินธ์ เนอบ่า ต๊าบ่า 9:6

เตเนแม๊ แลแค แกแย เด๊อ อา เว๊อตา ปีตี๊แพ๊ เตกลุย เตเพรเนอ อา เก่ พย๊าหนิ กาคยา ปีตี๊ คยาแซ๊ แพ๊ เตเส่เตโพ ปา. หม่าแน๊เรอ แกแย เด๊อ อา เว๊อตา เอ๊ เตกลุย เตเพรเนอ, อา เก่ พย๊าหนิ กาคยา เอ๊ คยาแซ๊ เตเส่เตโพ ปา.

เห่ขุทวาลู่ 29:7

เร๊อ คูยาโคบ เฮ๊ เหย่ซี เน๊อ, “เหมาะโถ่ปา แพ๊, อาค๊าอาขิ โต บ่อกา ซิหมิ เน๊อ เป่ หม่า เน๊อ ล๋ายโต่ จว๊าโบ่โอ มอ ซิหมิ เนอเต๊เห่ เทอ เร๊อ จว๊าเก คยาแซ๊โป่ ลู แต.”

มัทธิว 9:19

แบ่เจ่ เหย่ซู่ ก๊อถ่อ เร๊อ ครวากาเกอ ลู. เร๊อ อาโคฮู๊เจ่ ก๊อถ่อ ครวากา เกอลู.

มัทธิว 25:17

ฮู๊เนอเรอ, อา พย๊าหนิ เท เนอโจ่ย เออเตเพรเนอ, อา จว๊า เมกื่อเมค๊า เถ่เอ๊แถ่เล๊อ โป่ เนอโจ่ย.

ꤗꤢ꤬ꤊꤢꤨ 3:3

เร๊อ เหย่ซู่ เฮ๊ แกแยเพ กู๊ขุเซอ ตากยา โอ่ เออเตเพร เน๊อ, “แฮ เด๊อ เงเออ.”