ꤊꤢ꤬ꤜꤢ꤬ꤒꤤ 6:8 - ลีเทส่อพ๊าอาเซ เร๊อ เห่ขุทวาลู๊

⁸ เมเตเฮ๊เรอ แกแย เด๊อ อา โหล่ตา สุ่ยเทอพ๊าหย่า อา เตซิหยื่อซิลอ เต๊เห่เนอ, อา เก่ เก๊ กาคยา เบ่น๊อ เกอเร๊อ คยาแซ๊ดื่อ เตปย๊าเตหลู่ เนอเต๊เห่ ปา. หม่าแน๊เรอ แกแย เด๊อ อา โหล่ตา เตครวาเมเกอ ฮู๊ แหย่โยบูโพ๊ แบ่เจ่ อา เตยูแกล๊ยูโกล ลู เต๊เห่เนอ, อา เก่ เก๊เบ่น๊อ เร๊อคยาแซ๊ดื่อ ซิปล่อเซอเพร ตูจูเพร ปา.

Eastern Kayah Shadaw Dialect

⁸ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤤ꤬ꤜ꤫ꤥ꤬ꤒꤢ꤭ ꤞꤝꤤ꤬ꤓꤣꤧ꤭ꤖꤢꤛꤢ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤊꤢꤩ ꤊꤢ꤬ꤋꤛꤢ꤭ ꤙꤢꤩ꤬ꤔꤢꤪ ꤚꤣꤧꤘꤢꤦ꤬ ꤋꤛꤢ꤭ꤞꤢꤧ ꤒꤢꤩ꤬ꤕꤛꤢꤒꤢꤩ꤬ꤜ꤫ꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤤ꤬ꤜ꤫ꤥ꤬ꤒꤢ꤭ ꤒꤢꤩ꤬ꤋꤚꤝꤢ꤭ꤗꤢꤩ꤬ꤊꤣꤧ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ ꤒꤢꤩ꤬ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤊꤢꤩꤔ꤫ꤤ꤬ꤔꤢꤪ ꤚꤣꤧꤘꤢꤦ꤬ ꤋꤛꤢ꤭ꤞꤢꤧ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭꤯

ꤊꤢ꤬ꤜꤢ꤬ꤒꤤ 6:8 ပူးပေါင်းရင်းမြစ်များ

ꤚꤥꤗꤢꤩ꤬ 8:13

เมเตเฮ๊เนอ, เก่ ซี โอ่เซอเพร ฮู๊ ซี พ๊าหย่า อา เตซิหยื่อซิลอ มู๊แหม่ เฮ๊เนอ, ซี เก่ เซอแก ปา. หม่าแน๊เรอ เด๊อ จอแปแหร่ อา แหย่โยบูโพ๊ เมจว่า เฮ๊อ ซี เร๊อ ซี เก่ เมเซอแก เหน่กล่อพ๊าหย่า อา เตซิหยื่อซิลอ มู๊แหม่รีแจ่ เออเต๊เห่ เฮ๊เนอหม่า, ซี เก่ เซอเพร ปา.

ꤡꤛꤢꤩ꤭ꤗꤢ꤬ꤎꤣ꤬ 3:18

แกแย เด๊อ อา เด๊อะโอ่แถ่ เตเพรอาดือ เนอ, อา อิช๊ออิปลือ เฮ๊อ เตโมเตเป อากลุยอาลุ๊ย เร๊อ ช๋า อู เก๊กาดว๊าเฮ๊อ อา เบ๊อะเนอปาเนอ, อา เก่ พย๊าหนิ เตจ๊อเตเต อาเส่ ปา.

เปโตร เนอบ่า ต๊าบ่า 2:19

ซ๊าร๊า กลว่าแลโฮ อาเหน่ เออเต๊เห่เนอ, อา อ๊อแล เหย่ซี เร๊อ เหย่ซี เก่ พย๊าหนิ เตปาลา ปา, หม่าแน๊เรอ เหย่ซี เหน่แบ่เจ เร๊อดื่อ เนอ, อา ทวา เตมู๊แหม่รีแจ่ อา เหล่โกลเหล่แบ่ เต๊เห่ อาหลู่, เมเตเฮ๊เรอ เตอิเตเต๋ เบ่เบ่, อา ดา เป่เฮ๊อ เน เนอหม่า, อา ทวาเฮ๊อ เนแบ่เจ่ เฮ๊อ.

ꤊꤢ꤬ꤜꤢ꤬ꤒꤤ 6:7

แลโฮแล เกอเร๊อ แต่ ซีเหน่ แต่เหม่ นี๋. เตเน แต่ เร๊อ เน เก่ เมตาดวา เมโอ๊เมบี๊ เบ๊แจ่ เด๊อ จอแปแหร่ อา เป๊เส่เง แต่เหม่ นี๋. เน โหล่ตา ฮู๊เตเนอ, เน เก่ เก๊เบ่น๊อ เกอเร๊อ คยาแซ๊ดื่อ ปา.

ꤚꤥꤗꤢꤩ꤬ 13:14

ครวา แม๊บือเกอ เหย่ซู่ครี๊ อา เตโอ่เซอเพร เออเนอ นี๋. ฮู๊ ซี กือแซ๊แถ่ เห่อจา เนอ, กือแซ๊แถ่ เต๊เปล่ เกอลาติ เด๊อ แบ่เจ่ เหย่ซู่ครี๊ เร๊อ เตเน ปา แต่ แลแค เตลือ เมโม สุ่ยหย่าเทอ อา เตซิหยื่อซิลอ อาแกล๊อาโกล เต๊เห่ แต่เหม่ นี๋.

เตเด๊อะโลแถ่ 22:11

แกแย เด๊อ อา เมเตซื๊อ เต๊เห่เนอ นอเม แฮเง โป่ โก๊หลื่อ อาเนอ. แกแยจา มู๊แหม่รีแจ่ เต๊เห่เนอ นอเม แฮเง โก๊หลื่อ โป่ อาเนอ. แกแย เด๊อ อาจ๊ออาเต เต๊เห่เนอ นอเมจ๊อเมเต แฮเง โป่ อาเนอ. แกแย เด๊อ อา บูโพ๊ เต๊เห่เนอ นอเม บูโพ๊ แฮเงโป่ อาเนอ.”

ꤛꤥ꤭ꤟꤢ꤬ 4:36

กู๊แหน่เออ เจ๊อ เบ่เบ่, เพรเก๊โบ๊ เตเพรเนอ อา พย๊าหนิ อาคว๊าอาเก่ เร๊อ อา แด่โอ่ปล๊อ เตเส่เตโพ เต๊เห่ เด๊อ อา หม่าเฮ๊อ ซิปล่อเซอเพร ตูจูเพร อาเง เออเนอ เฮ๊อ. ฮู๊เนอเร๊อ เพรช๊อโบ๊ เออ เร๊อ เพรเก๊โบ๊ เออ ซิเนอลอ เก่ ซิครือ โหร่ลอ ลู ปา.

ꤛꤢꤨꤘꤢ꤬ 1:21

เบ๊อะซี โอ่ป่อแม๊ชือ แบ่เจ่ เหย่ซู่ครี๊ อา เตซิยอ เด๊อ อา เก่ เด๊อะ เป ซิปล่อเซอเพร ตูจูเพร เออเตเพร เก่ แฮ เบ๊อะเนอปาเนอ, โอ่หม่าโอ่กลอ แลแค เด๊อ จอแปแหร่ อาเตโม อากู นี๋.

ꤛꤥ꤭ꤟꤢ꤬ 6:27

จ่าเพรอ แรเป่ เต เหล่เอ่เหล่โอ เด๊อ อา โนโส่ อา ซอปย๊า แจ่ เนอเต๊เห่ อาเง แต่เหม่. จ่าเพรอ แรเป่ เหล่เอ่เหล่โอ เด๊อ อา เก่ เด๊อะ ซี ซิปล่อเซอเพร ตูจูเพร เออเต๊เห่ อาเงเนอ. แกแยเห่ขุ พู๊คูเออ, อา เก่ เด๊อะ อู เหล่เอ่ ฮู๊เนอ เต๊เห่ ปา, เมเตเฮ๊เรอ เพ จอแปแหร่ เด๊อะโล เฮ๊อ เร๊อ อา ซิปล่อโอ่ เฮ๊อ ลู เฮ๊อ.”

ꤚꤥꤗꤢꤩ꤬ 6:13

เด๊อะ แต่ ซี เหน่กล่อ อาครืออาขรว่า เออเนอ เด๊อ เตมู๊แหม่รีแจ่ เก่ นอเอ่ ลู เร๊อ อา โจ๊โกโจ๊เบ เด๊อ เหล่เม เตซื๊อ เต๊เห่ อาเงเนอ แต่เหม่ นี๋. จอแปแหร่ เด๊อะเฮ๊อ เน เตโอ่เซอเพร อาเซ อาขว่าอาคยา, เด๊อะ แลแค ซี เหน่กล่อ อาครืออาขรว่า เออ เต๊เห่ ล๋อปลี เด๊อ จอแปแหร่ อา โอ่ เนอ, เร๊อ ฮู๊ ซี นอเอ่ โจ๊โกโจ๊เบ เนอ, นอเอ่ แลแค ซี เหน่กล่อ ครือขรว่า เออเนอ เด๊อ ซี เหล่เม เตจ๊อเตเต อาเง นี๋.

มัทธิว 19:29

โท๊โต่ อูเปเป๋ เบ่เบ่, เด๊อ แวขว่า แวคยาเรอ, อา แด่แก อาหี่อาเพร๊ เบ่เบ่, อาโป่อาแหม่ เต๊เห่ เบ่เบ่, อาโหมะอาเพ เบ่เบ่, อาพู๊ อาเลอ เต๊เห่ เบ่เบ่, อา เก่ พย๊าหนิ เอ๊เล๊อ ปา เจ๊อ เร๊อ อา แด่แก เนอเต๊เห่ อาโพ๊ เด๊อ อาเยกู ปา, โทเรอ อา เก่ พย๊าหนิ ซิปล่อเซอเพร ตูจูเพร ปา.

ꤒꤤꤒꤢꤨ 3:7

จอแปแหร่ แด่จ๊อแด่เต เป เนอ อาบุ๊ยดุอาเตอเรอทู ขว่าคยา เฮ๊อ. ฮู๊เนอเรอ กู๊แหน่เออ เป พย๊าหนิเฮ๊อ เป เตแม๊ชือ เด๊อ อา หม่าดื่อ ซิปล่อเซอเพร อู่เจเต๊เหย่ ตูจูเพร ตาเลเคร๊ เออเนอ เฮ๊อ.

ꤛꤥ꤭ꤟꤢ꤬ 4:14

หม่าแน๊เรอ แกแย เด๊อ อา เก่ โอเทอ เด๊อ แว เด๊อะโอ อา ปา เออเนอ, อา ซิโอ ปา เทอ โตโพ๋ โต่. เทอ เด๊อ แว เก่ เด๊อะโอ อา ปา เออเนอ, อา เก่ ทวาแถ่ เทอเถ่ขุ เด๊อ ลูกู ปา. เร๊อ อา เก่ เด๊อะ ลู ซิปล่อเซอเพร ตูจูเพร ตาแลเคร๊ ปา.”

ꤜꤢꤨꤊꤢ꤬ 18:30

จอแปแหร่ อา เด๊อะปลูเด๊อเผ่ เอ๊เล๊อ ปา เจ๊อ ซี เน๊อ เออตือทือเนอ ปา. โท๊โต่ ช๋า เนอปา ตือทือเนอ, จอแปแหร่ เก่ เด๊อะ ลู ซิปล่อเซอเพร ตูจูเพร ตาแลเคร๊ ปา.”

เปโตร เนอบ่า ต๊าบ่า 2:12

เหย่ซี หม่า อาแซ่เน๊อ เตมีเตดอ เด๊อ อา เตเนแจ่ เกออู โต่ เต๊เห่. โทเรอ อา เม แลแค ฮู๊ อาเหล่โกล ซิหยื่อโอ่ เนอ เร๊อ อา โอ่เป๊เจ่แล เด๊อ อู เหล่ลือปื่อ เมเซอ เหย่ซี อาเง แพ๊. แกแย เออเต๊เห่ เนอหม่า อาเท๊อาแตแอ ฉื่อ, เป๊อเจ่ออิแช๊ ฉื่อ เต เด๊อ อา ซิเง ตาปลู๊โต่ เต๊เห่. อู เก่ เมเซอแก เหย่ซี ฮู๊ อู เมเซอ เตมีเตแหม่ เนอ ปา.

ทิโมธี อาเหร่อเล๊อ ต๊าบ่า 1:16

หม่าแน๊เรอ แซ่ฮู๊ จอแปแหร่ เก่ เด๊อะโลแถ่ แบ่เจ่ เหย่ซู่ครี๊ อา เตแด่ทูซิปล่อ อาเล๊ออาบา เด๊อ แวโอ่ อาเงเนอ, อา ซิยอเกอเร๊อ แว. เมเตเฮ๊เรอ แว หม่า แกแย เด๊อ อา เมเตซื๊อ ดุเล๊ออูโร เตเพร เฮ๊อ. แซ่ฮู๊ แว เก่ ทวาแถ่ เป่ อู เหล่แม๊บือ เด๊อ เพรหยื่อกา อา เด๊อคยา เต๊เห่ อาเง, โทเรอ แซ่ฮู๊ เหย่ซี เก่ พย๊าหนิเกอ ซิปล่อเซอเพร ตูจูเพร ตาแลเคร๊ อาเง เนอเรอ จอแปแหร่ ซิยอเกอเร๊อ แว แพ๊.

มัทธิว 25:46

“ฮู๊เนอเรอ เหย่ซี เก่ ข่าเบ่ เด๊อ เตเมจากาคยา ตูจูเพร ตาแลเคร๊ ปา, หม่าแน๊เรอ แกแย จ๊อเต เออเต๊เห่เนอ อา เก่ โนหนิ เด๊อ ม๊อขุ เร๊อ อาเก่ พย๊าหนิ ซิปล่อเซอเพร ตูจูเพรปา.”

ꤚꤥꤗꤢꤩ꤬ 6:23

เมเตเฮ๊เรอ, เตซื๊อ อาคว๊าอาเก่ หม่า เตเซอ. หม่าแน๊เรอ เตบุ๊ยเตเตอเรอ อาเชหยู่ เด๊อ จอแปแหร่ เด๊อะตาครา เป เออเนอหมา หม่าเฮ๊อ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อากู เออเนอเฮ๊อ.

ꤚꤥꤗꤢꤩ꤬ 8:6

แกแย เด๊อ อา เตเน โชชื่อแพ๊ เหน่กล่อพ๊าหย่า อา เตซิหยื่อซิลอ มู๊แหม่ เต๊เห่เนอ, อา โอ่เซอเพร เต่อเกอ ปา เน๊อ จอแปแหร่ ตูจูเพร โต่ เฮ๊อ. หม่าแน๊เรอ แกแย เด๊อ แหย่โยบูโพ๊ แบ่เจ่ เป๊อหนิ ลู เหล่เตเน เต๊เห่เนอ, อา เก่ พย๊าหนิ เตโมเตเป เออตือทือ ปา. โท๊โต่ อา เก่ โอ่เต่อเกอ เร๊อ จอแปแหร่ ตูจูเพร ปา.

ꤚꤥꤗꤢꤩ꤬ 8:11

จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เออเตเพร อา แหย่โยบูโพ๊ แบ่เจ่ เก่ โอ่เซอเพร เด๊อ ซีเหน่ลู เฮ๊เนอ, ซี เหน่กล่อเออ อา เก่ เซอ เจ๊อ ปา เบ่เบ่, เด๊อ แหย่โยบูโพ๊ แบ่เจ่ โอ่เซอเพร เด๊อ ซีเหน่ลู อาขว่าอาคยา, จอแปแหร่ เก่ เด๊อะเกอ ซี ซิปล่อเซอเพร ปา.

โครินธ์ อาเหร่อเล๊อ ต๊าบ่า 15:42

ฮู๊เนอเฮ๊อ ช๋า อู เซอ ก๊อถ่อกา ปา เตอเนอเนอ, เปเหน่กล่อ เออ อา โค๊ดื่อ เร๊อ เปเหน่กล่อ กู๊แหน่ เออเนอ ปา. แกแย เซอ เตเพร อาเหน่กล่อ เนอ อา เก่ ซอแก ปา หม่าแน๊เรอ ช๋า อา เซอ ก๊อถ่อคยา ปา เตอเนอเนอ, อาเหน่กล่อ เออเนอ อา เซอแจ่ ปาโต่ เฮ๊อ, อา ซอแจ่ ปาโต่ เฮ๊อ.