ꤊꤢ꤬ꤜꤢ꤬ꤒꤤ 6:4 - ลีเทส่อพ๊าอาเซ เร๊อ เห่ขุทวาลู๊

⁴ แกแย ปว๋า เตเพร โต แด๊เฮอแล เกอเร๊อดื่อ อาเหน่. เร๊อ อา โตเบ่ ดี๊เจหนิ อาเหน่ เร๊อ แกแย เด๊อ อาโร เต๊เห่ โต่. เตเม เด๊อ อา เมโทเฮ๊อ เต๊เห่เนอ, อา เก่ แร๊ เฮ๊เรอ เด๊อ อา เตเมเออ อาขว่าอาคยา, อา เก่ ซิครือ หม่า อาหนิ แพ๊.

Eastern Kayah Shadaw Dialect

⁴ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤥ꤭ ꤘꤣꤧꤟꤣꤧ꤭ꤜꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬꤯ ꤚꤣꤧ꤬ ꤢ꤬ ꤒꤥ꤭ꤙꤢꤩ꤬ ꤘꤤꤡꤢꤩ꤭ꤚꤣꤧ ꤢ꤬ꤔ꤫ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤒꤥ꤬꤯ ꤒꤢꤩ꤬ꤗꤢꤩ꤬ ꤘꤣ ꤢ꤬ ꤗꤢꤩ꤬ꤓꤥ꤭ꤟꤣꤧ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊꤢꤩ꤬ ꤚꤢꤧ ꤟꤢꤩꤚꤣꤧ꤬ ꤘꤣ ꤢ꤬ ꤒꤢꤩ꤬ꤗꤢꤩ꤬ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤊꤢꤩ꤬ ꤞꤤꤋꤚꤢꤦ꤭ ꤗꤢ꤬ ꤢ꤬ꤔ꤫ꤤ꤬ ꤖꤢꤧ꤯

ꤊꤢ꤬ꤜꤢ꤬ꤒꤤ 6:4 ပူးပေါင်းရင်းမြစ်များ

โครินธ์ เนอบ่า ต๊าบ่า 13:5

แซ่ฮู๊ ซี เก่ ซิเง เกอเร๊อ แลแค ซีเหน่ เร๊อ ซี จ๊อ เร๊อ ซี เตหยื่อ แอ? ซี จ๊อ โต่ แอ? เนอ, แด๊เฮอ แล เกอเร๊อ แลแค ซีเหน่ เนอ. ครี๊ โอ่เซอเพร เด๊อ ซีเหน่ลู เนอหม่า ซี ซิเง โต่ แอ? หม่าแน๊เรอ ซี เก่ แม๊เถอะ เร๊อ ซี จ๊อ เร๊อ ซี เตหยื่อ โต่ เฮ๊เรอ, เหย่ซู่ครี๊ โอ่เซอเพร เด๊อ ซีกู โต่.

โครินธ์ อาเหร่อเล๊อ ต๊าบ่า 11:28

ฮู๊เนอเรอ เน โต แด๊เฮอแล แม๊เกอเร๊อ ดื่อ เนเหน่, เร๊อ เน โต เอ่โหน่ ค๊อมู, โอโหน่ แท๊ทือเส่เทอ เด๊อ เบกู เออเนอ.

โครินธ์ เนอบ่า ต๊าบ่า 1:12

หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.

ꤜꤢꤨꤊꤢ꤬ 18:11

ฟาริสี เตเพร จว๊า ก๊อถ่อโอ่ กุยจ๊อเบ เร๊อ อา เฮ๊ เน๊อ, ‘เก๋อ จอแปแหร่, แว เฮ๊บุ๊ยเฮ๊เตอเรอ เน, เมเตเฮ๊เรอ ฮู๊ อูโร เต๊เห่ จว๊าปื่อเผ่ แหย่เปล๊ เอ่ อูเต่, แลโฮแลแห่ อู, จว๊าซื๊อ อูพู๊อูเม เนอ แว เมน๊อ เกออู โต่. แว แซ่เกอ เร๊อ เพรกุยเอ่ อาหมู่อาร๊า เนอเตเพร โต่ อาขว่าอาคยา. แว เฮ๊บุ๊ยเฮ๊เตอเรอ แหน่เจ๊อ เน.

ꤊꤢ꤬ꤜꤢ꤬ꤒꤤ 6:13

เหย่ซี เด๊อ อา ดื๊อตีลี๊ เจ๊อพ๊า เนอเต๊เห่ เจ๊อ เร๊อ อา จูเอ่ เกออู เตซว๊าเตแส่ โต่. หม่าแน๊เรอ แซ่ฮู๊ เหย่ซี เก่ แด่แถ่โล แลแค อาซิปล่อ เร๊อ ซี ครวา ดื๊อตีลี๊ เป่ เกอ ลู พ๊า เออ อาคยา เนอเรอ, เหย่ซี ซิหยื่อ นอดื๊อตีลี๊ เกอ ซีพ๊า แพ๊.

โครินธ์ อาเหร่อเล๊อ ต๊าบ่า 3:8

เพร เด๊อ อา โหล่ตา เตกลุย เออ เร๊อ เพร เด๊อ อา ยือเทอ เออ ซิเนอ ลอ เนอ, อา เตเตเน แม๊ชือ หนื่ออื่อ เต๊เห่ เนอหม่า อา แซ่ลู แพ๊, อาดุเล๊อ ลู โต่. ฮู๊ เหย่ซี เตเพร เร๊อ เตเพร แอ๊จื๊อแอ๊เหร่ เมโทเฮ๊อ เตเต๊เห่เนอ, จอแปแหร่ เก่ เด๊อะ เหย่ซี เตแร หนิคว๊าเก่ ปา.

โครินธ์ อาเหร่อเล๊อ ต๊าบ่า 3:14

ตาเต เด๊อ อู แฮ ช๊อแถ่ อา เด๊อ อี๊ถื่อ แก่ช๊า เออ อาลู เต๊เห่เนอ, อา เก่ ข่าเบ๊ หมิล๊าอือ เฮ๊เรอ อา เตอิช๊อแถ่ หี่ เออเนอ อา เก่ พย๊าหนิ เตแร หนิคว๊าเก่ ปา.

ฟีลิปปี 1:26

แซ่ฮู๊ ซี เก่ ถู่เซ๊หนิ เหย่ซู่ครี๊ เม เป่ เตเด๊อ แวเง เออเต๊เห่เนอเร๊อ, แว เก่ กา โอ่เต่อเกอ คยาแซ๊ เร๊อ ซี ปา.