ꤊꤢ꤬ꤜꤢ꤬ꤒꤤ 6:14 - ลีเทส่อพ๊าอาเซ เร๊อ เห่ขุทวาลู๊

¹⁴ แว เก่ เฮ๊เบ่แถ่โล เกอ ฮู๊ เหย่ซีเนอ เก่เฮ๊เรอ, แว เก่ เฮ๊เบ่แถ่โล แพ๊ เด๊อ แว โด่แน เป่ แบ่เจ่ เหย่ซู่ครี๊ อา อี๊ถื่อดีเต่ อาหรี่อาแก เออเนอ แพ๊. เหย่ซู่ เซอ เด๊อ อี๊ถื่อดีเต่ลู เฮ๊อ อาขว่าอาคยา, เตปว๋า เต๊อเจ่อ เด๊อ อา จิจือ เร๊อ เห่ขุ เออเต๊เห่เนอ, อา เซอแก เป่ลอเฮ๊อ เด๊อ แวเงเฮ๊อ, ฮู๊เนอเฮ๊อ, แว เร๊อ แว เซอแก เป่ลอเฮ๊อ เตเด๊อ อา จิจือ เร๊อ เห่ขุ เออเนอเต๊เห่ เฮ๊อเฮ๊อ.

Eastern Kayah Shadaw Dialect

¹⁴ ꤠꤢꤧ꤭ ꤊꤢꤩ꤬ ꤟꤢꤩꤙꤢꤩ꤬ꤓꤢꤧ꤬ꤜꤥ꤭ ꤊꤣꤧ꤭ ꤟꤢꤨ ꤛꤢꤩ꤬ꤞꤤ꤭ꤔꤣꤧ꤬ ꤊꤢꤩ꤬ꤟꤢꤩꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤟꤢꤩꤙꤢꤩ꤬ꤓꤢꤧ꤬ꤜꤥ꤭ ꤖꤢꤧ ꤘꤣ ꤠꤢꤧ꤭ ꤘꤥ꤬ꤔꤢꤧ꤭ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤖꤢꤧ꤯ ꤛꤢꤩ꤬ꤏꤛꤢꤨ ꤞꤣꤧ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤘꤣ ꤢ꤬ ꤡ꤫ꤢꤩ꤬ꤡꤢꤦ꤭ ꤔꤢꤧ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤞꤣꤧ꤭ꤊꤢꤧ꤭ ꤕ꤫ꤢꤩ꤬ꤜꤢꤪ꤭ꤟꤣꤧ ꤘꤣ ꤠꤢꤧ꤭ꤑꤢꤩ꤭ꤟꤣꤧ, ꤟꤢꤨꤔꤣꤧ꤬ꤟꤣꤧ, ꤠꤢꤧ꤭ ꤚꤣꤧ꤬ ꤠꤢꤧ꤭ ꤞꤣꤧ꤭ꤊꤢꤧ꤭ ꤕ꤫ꤢꤩ꤬ꤜꤢꤪ꤭ꤟꤣꤧ ꤒꤢꤩ꤬ꤘꤣ ꤢ꤬ ꤡ꤫ꤢꤩ꤬ꤡꤢꤦ꤭ ꤔꤢꤧ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧꤟꤣꤧ꤯

ꤊꤢ꤬ꤜꤢ꤬ꤒꤤ 6:14 ပူးပေါင်းရင်းမြစ်များ

ꤚꤥꤗꤢꤩ꤬ 6:6

เมเตเฮ๊เรอ, แซ่ฮู๊ เตซื๊อ อา เตโพรเตเตอเรอ อาฉว่าอาชอ เออ เก่ เป๊อตี๊หรี่ ปา แต่ เป แต่เหม่, โท๊โต่ แซ่ฮู๊ เป เก่ ทวา ปา แต่ เตซื๊อ อาหลู่เล๊ แต่เหม่เนอ, ซี ซิเงเฮ๊อ เร๊อ เป เตโอ่เซอเพร อาเลอ เออเนอ, จอแปแหร่ มือเซอแถ่ เต่อเกอ โทเฮ๊อ เร๊อ ครี๊ เฮ๊อ.

ꤊꤢ꤬ꤜꤢ꤬ꤒꤤ 2:20

เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.

โครินธ์ อาเหร่อเล๊อ ต๊าบ่า 2:2

เมเตเฮ๊เรอ, แว แด่แล โทเฮ๊อ แว ซิปล่อ เน๊อ แว เก่ แด๊โฉ่โด่แน แพ๊ตื๊อ เหย่ซู่ครี๊ เออเตเพร อาหรี่อาแก เน๊อ อาเตเซอ เด๊อ อี๊ถื่อดีเต่ลู อาหรี่อาแก เออเนอ แพ๊.

ฟีลิปปี 3:3

เป หม่า จอแปแหร่ อาแกแย หม่าแหน่ เต๊เห่ เฮ๊อ, เหย่ซี เนอเต๊เห่ หม่า อา หม่าแหน่ หม่าโต่, เมเตเฮ๊เร๊อ เด๊อ จอแปแหร่ อา แหย่โยบูโพ๊ อาขว่าอาคยา, เป จ๊อบู่จ๊อเบแถ่ เฮ๊อ จอแปแหร่ เร๊อ เป เฮ๊เบ่ถู่เซ๊ เกอเร๊อ เตเด๊อ เหย่ซู่ครี๊ เม เป่ โทเฮ๊อ เป เออเต๊เห่ เฮ๊อ. แซ่ฮู๊ เป เก่ พย๊าหนิ เตเมแลเปล๊กา อาเงเนอ, เป โต ซิเล แถ่หนิ เกอเร๊อ เตเด๊อ เป เม เฮ๊อ อา เออเนอเต๊เห่ โอ่โต่.

ꤚꤥꤗꤢꤩ꤬ 1:16

เด๊อ เตซิครือมีลา เออ อาขว่าอาคยา, แว ซิเตเรโต่, เมเตเฮ๊เรอ, ล๋อ แกแย เด๊อ อา หยื่อเอ่ เตซิครือมีลา เออเต๊เห่เนอ, จอแปแหร่ เมแลเปล๊กา ลอ เหย่ซี เน๊อ อา เตโพรเตเตอเรอ เฮ๊อ. อา เมแลเปล๊กา เหร่อเล๊อ แกแยยิวพู๊ เต๊เห่, โทเรอ อา เมแลเปล๊กา เกอโป่ แกแยยิวพู๊ หม่าโต่ เต๊เห่.

ꤊꤢ꤬ꤜꤢ꤬ꤒꤤ 5:24

แกแย เด๊อ อา ทวา เหย่ซู่ครี๊ อาเต เต๊เห่ เนอหม่า อา สุ่ยเทอพ๊าหย่า อา เตซิหยื่อซิลอ เป๊อตี๊หรี่ ปา ลู โต่ เฮ๊อ. อา มือเซอแถ่แก เฮ๊อ อา สุ่ยเทอพ๊าหย่า อา เตซิหยื่อซิลอ ล๋อ ปลี เด๊อ อี๊ถื่อดีเต่ อาลู เฮ๊อ.

โครินธ์ อาเหร่อเล๊อ ต๊าบ่า 3:21

ฮู๊เนอเรอ, ซี ครวาเกอ เร๊อ อูเปเป๋ เบ่เบ่, ซี โต พย๊าแถ่โล หนิ ซีเหน่ เตเพร่ว โต่. เก่ เฮ๊ ตาตา เนอ, เตล๋อ ปลี เนอหม่า ซี เต แพ๊.

โครินธ์ อาเหร่อเล๊อ ต๊าบ่า 15:58

ฮู๊เนอเรอ, แว โคแบ๊ซว๊า ซี, กู๊แหน่เรอ ก๊อถ่อ แตแนแร๊ แลแค เร๊อ โอ่หม่าโอ่กลอ แลแค เด๊อ ซี เตหยื่อ อากูเนอ นี๋. เม ฉว่าฉว่า แลแค จอแปแหร่ อาเตเม ปว๋า โตโพ๊ นี๋, เมเตเฮ๊เรอ ซี เม แบ่เจ่ อาเตเม เนอ อา แกเด เด๊อ ซีเง โต่.

ꤊꤢ꤬ꤜꤢ꤬ꤒꤤ 1:4

แซ่ฮู๊ ครี๊ เก่ เมแลเปล๊กา เป่ เร๊อ เออตือทือ อา เตมู๊แหม่รีแจ่ เต๊เห่ อาเงเนอ, อา เด๊อะแลแก เฮ๊อ อา ซิปล่อเซอเพร เด๊อ เป่ เตซื๊อเตปล๊า เก่ ปลวาแก อาเง เฮ๊อ. ฮู๊ อา เพ จอแปแหร่ ซิหยื่อ นอเม ลู เต๊เห่เนอ, อา เมกาโทเฮ๊อ.

โครินธ์ อาเหร่อเล๊อ ต๊าบ่า 1:23

ฮู๊เนอเรอ เบ๊อะเป แด๊โฉ่โด่แน ครี๊ เซอ เด๊อ อี๊ถื่อดีเต่ลู เบ๊อะเนอ, แกแยยิวพู๊ เต๊เห่ เตเน ซิปล่อเช แหน่เจ๊อ. แกแยยิวพู๊ หม่าโต่ เต๊เห่ ลาติ เร๊อ อา เฮ๊ เน๊อ อาโหง่แลช๊า โอ่ เด๊อ เหย่ซี อาเง เตอเจ๋อ โต่.

ꤚꤥꤗꤢꤩ꤬ 6:2

ฮู๊เนอ หม่าโต่. เป หม่า อาแซ่เน๊อ แกแย เด๊อ อา เซอ เร๊อ อา เม แฮเง แจ่ปา เตซื๊อ โต่ เออเนอ เตเพร เฮ๊อ. ฮู๊เนอเรอ เป จว๊า โอ่เซอเพร เม แฮเง แจ่ปา เตซื๊อ ฮู๊เต?

โครินธ์ เนอบ่า ต๊าบ่า 11:12

แซ่ฮู๊ แกแย เด๊อ อา เฮ๊ เร๊อ เหย่ซี เตเม เต๊เห่ เนอหม่า อาแซ่เน๊อ เป เตเม แพ๊ เนอเต๊เห่ เก่ เฮ๊เบ่ถู่เซ๊ หนิแจ่ เด๊อะปา แต่ อาเหน่ ฮู๊เนอ แต่เหม่ เนอ, แว เก่ เม แฮเง ลา โป่ ฮู๊ แว เม กู๊แหน่ เออเนอ.

ꤜꤢꤨꤊꤢ꤬ 20:16

อา เก่ แฮ เมเซอแก ล๋อ แกแย เนอเต๊เห่ เร๊อ อา เก่ ปลวา เมเอ่โก๊ เต๊เปล่ติ แท๊ทือเผ่ เออเนอ เร๊อ แกแย เด๊อ อาโร เต๊เห่ ปา.” เบ๊อะแกแย โอ่โหร่ โอ่เอ๊ หนิโฮ เตเฮ๊เบ่เออ เบ๊อะเนอ, เหย่ซี เฮ๊ แลแค เน๊อ, “เป ซิหยื่อ นอทวาแถ่ อา ฮู๊เนอ โต่!”

ꤊꤢ꤬ꤜꤢ꤬ꤒꤤ 2:17

“เบ๊อะเป แอ๊จื๊อ แม๊ปู เร๊อ จอแปแหร่ เก่ แด่จ๊อแด่เต เป เด๊อ ครี๊ ขว่าคยา เบ๊อะเนออาเค, อู แม๊เถอะ แพ๊ เป ฮู๊ เป ทวา เพรเมเตซื๊อพู๊ แซ่เน๊อ แกแยยิวพู๊ หม่าโต่ เนอเต๊เห่ แพ๊. เก่ อา ทวาแพ๊ ฮู๊เนอแพ๊ เฮ๊เรอ, ครี๊ หม่า เพร เด๊อ อา นอตือดื๊อ เป เน๊อ เป เบ่ เมเตซื๊อ ฮู๊เนอ แอ? อา นอตือดื๊อ เป ฮู๊เนอ หม่าโต่.

ꤊꤢ꤬ꤜꤢ꤬ꤒꤤ 2:19

เบ๊อะแว แอ๊จื๊อ ลือครวาเม เตซว๊าเตแส่ เบ๊อะเนออาเค, แว ลือ เมโต เบ๊แจ่ จอแปแหร่ อาซิปล่อ โตโพ๋ โต่. ฮู๊เนอเร๊อ แซ่ฮู๊ แว เก่ โอ่เซอเพรเบ๊ เป่ เด๊อ จอแปแหร่ อาเงเนอเรอ, แว เซอแกเฮ๊อ เด๊อ เตซว๊าเตแส่ อากู เฮ๊อ.

ꤊꤢ꤬ꤜꤢ꤬ꤒꤤ 3:21

เมฮู๊เนอเรอ เตซว๊าเตแส่ เออเนอ อา เมชู๊แก่ ฉื่อ จอแปแหร่ อา เตอ๊อแล เออเต๊เห่เนอ แอ? อา เมชู๊แก่ ฉื่อ เตอเจ๋อโต่. เมเตเฮ๊เรอ เตซว๊าเตแส่ เออ, อา เก่ เด๊อะโอ่แถ่แจ่ เป เตโอ่เซอเพร อาเซ เก่เฮ๊เรอ จอแปแหร่ แด่จ๊อแด่เต เป เน๊อ เป ครวา จูเอ่เกอ เตซว๊าเตแส่ เออเต๊เห่ อาคยา แพ๊.

ฟีลิปปี 3:18

เด๊อ อาเหร่อเคเนอ หม่า, แว แด๊โฉ่ โตโมโม เป่ลา เฮ๊อ ซี เฮ๊อ. กู๊แหน่เออ แว เฮ๊ เป่ โป่ คยาแซ๊ ซี เร๊อ เป๊เส่เทอ. แกแย เด๊อ อา แด่ แลแค อา ซิปล่อสู่เทอ เนอ อา ซิเถ่ซิฮา ครี๊ อาเตเซอ อาโหง่แลช๊า เด๊อ อี๊ถื่อดีเต่ลู เต๊เห่เนอ อา โอ่ เอ๊แหน่เจ๊อ.

โคโลสี 2:20

ซี เซอ เต่อเกอ เน๊อ เหย่ซู่ครี๊ เฮ๊อ เร๊อ อา เมแลเปล๊กา เฮ๊อ ซี เน๊อ โลเน๊โลหน่า เด๊อ อา เป๊อหนิ เห่ขุชีบ่า เออเนอเต๊เห่ อา กู๊ยากู เฮ๊อ. ซี จว๊า โอ่เซอเพร ปา แลแค ฮู๊ แกแย เด๊อ อา แซ่ปา เน๊อ เห่ขุพู๊ เออเต๊เห่เนอ ฮู๊เต? เร๊อ ซี จว๊า หนิดา ครวาเมเกอ ปา เตโด่เตดว๊า เต๊เห่ เมเต?